Во ова време-невреме на секаква музика, време е за нешто уникатно, нешто што ќе допре до вашите сетила и ќе ве натера да го сфатите вистинскиот поим на зборот - музика!

Работено со премногу љубов, труд и позитивна енергија - вака накратко може да се опише најновиот музички проект на едно од златните грла на овие простори, прекрасната Агни Авшар.

Станува збор за полиглотски албум на младата Агни, бидејќи во него таа изведува песни на пет јазици.

Насловот кој го носи истиот е „Yours Sincerely, HEART CORE” и на него има 7 веќе добро познати композиции..

Да, албумот е од полиглотски карактер, односно пеам на 5 јазика, поточно на македонски, француски, шпански, англиски и италијански јазик. Тој е обработки на песни кои не се воопшто по случаен избор туку се едни од најубавите евергрини од повеќе географски одредници, говорни подрачја и музички епохи, вели Авшар.

Она што посебно ја радува Агни, но и нејзиниот тим од соработници е ексклузивната можност да ја реанжираат една од најубавите македонски песни - „Еден бакнеж”, за која всушност одобрени им се и авторските права.

Она што е најинтересно кај албумот е тоа дека во аранжманите направивме спој помеѓу стандардниот џез комбо состав (кој вообичаено се состои од пијано, контрабас и перкусии) и класичниот гудачки оркестар. Значи еден прекрасен спој на џезот и класиката. Многу е важно да се спомене дека се што може да се слушне на албумот се само живи инструменти, нема ниту еден електронски звук или семпл, ни изјави таа.

Инаку вокалот, идејата и реализацијата се на самата Агни, додека пак за целокупниот менаџмент и логистика се погрижи Владимир Цветковски, а аранжманите ги распиша Владимир Димовски.

Со други зборови, ова е музичко богатство за сите оние кои сакаат убава и музика со душа…

Албумот нема да биде во продажба, но него ќе може да го слушате на сите музички платформи како „Епл”, „Јутјуб”, „Дизер”, „Спотифај” и останатите…

https://www.youtube.com/playlist?list=PLpYcYzlzXkyxFt9upcFl1NUFzuHLPZ7JS

The post Нашата Агни Авшар објави албум испеан на пет јазици appeared first on Република.

Македонскиот издавач „Аксиома“ го објави албумот „Floating Steps“ на нашиот експериментален виолинист-музичар Глигор Кондовски.

Ова ќе биде веќе четврти албум на „Аксиома“, која е асоцијација за културна соработка и истражување, а од неодамна влезе во издавачки води и потајно навива македонската авангардна или „терсене“ музика да стане идеја-водилка на сите уметности.

Овој електроакустичен албум, достапен на Бендкемп, има осум теми кои Глигор Кондовски ги изведува преку волина, нотатон (ксилофон) и електроника.

Дизајнот на корицата на изданието е на Ѓорче Ставрески, додека извршен продуцент е Вангел Ноневски. Тој го пишуваше и критичкиот текст пропратен со албумот, кој го објавуваме во целост:

„За овој албум Глигор Кондовски – македонскиот експериментален виолинист, композитор и мултимедијален уметник – вели дека е посветен на мигрантите. Се работи за композиции кои претставуваат мали приказни (вињети) за луѓето кои се присилени да ги напуштат своите домови, во потрага по подобар живот. Бидејќи воедно се работи за замислена театарска музика, секоја композиција има своја микроприказна, во обид на соединување на композициите со одреден наратив кој би произлегол од нивната поврзаност со слики, кадри, кратки филмови. Имајќи го тоа предвид, тешко може да се оттргнеме од иницијалниот впечаток дека оваа музика треба да ја слушаме надвор од нејзината замислена/претпоставена намена. Можеби така е подобро. Можеби благото насочување на вниманието на слушателот во конкретна насока ќе го натера креативниот ангажман на слушањето да прифати едно ограничување на интерпретацијата, која, пак, на тој начин ќе може слободно да маневрира во зададените рамки и да го наградува слушателот со сцени иницирани од музика.

Современата импровизирана музика (за оние кои сакаат да ги избегнат неретко помпезните и претенциозни конотации на зборот „џез“) секогаш сака да си поигрува со ортодоксната намена на музичките инструменти; со нивната удобна вкотвеност во рамки на еден однапред зададен терк, жанр, стил, форма, намена… Првото име кое најчесто паѓа на памет во контекст на виолината и нејзината „отуѓена“ намена е Лирој Џенкинс од неконвенционалното фри џез трио Revolutionary Ensemble, најпрочуено во периодот на 1970-тите години. А Мет Манери, Фред Лонберг-Холм и Ерик Фридлендер се некои од имињата на современата сцена кои најчесто се поврзуваат со експерименталната употреба на гудачките инструменти. Убавината на слободниот музички израз е препознавањето на празнината во инструментот која во него отсекогаш постоела и која секогаш ќе продолжи да постои. Ниту еден инструмент не е имун на негово пренаменување за аудитивни екскурзии кои биле непоимливи во периодот кога тој првично бил конструиран и навикнат да се користи во рамки на една музичка традиција. Можете да ги искинете жиците свирејќи Европска класична музика, но потенцијата во виолината (или во кој било друг инструмент) да се пронајдат можности за трансцеденција на нејзината „предодредена“ намена секогаш се промолкнува. Тоа е она што Виктор Шкловски го нарекува застранување или одвикнување од вообичаеноста. Во овој контекст, да се застрани или да се покори задушеноста од навиката во доменот на виолината подразбира да се отвори креативноста во еден нов дијапазон на можности кои дотогаш биле непрепознатливи заради нејзината удобна вдоменост во обичајноста. Да се пронајде нова намена, нов модалитет на креативноста додека се свири „терсене“ – ова, според Шкловски, е само една од убавините на застранувањето.

Иако Кондовски несомнено може да се споредува со Џенкинс, Манери и останатите експериментални џез гудачи, бидејќи досега има издавано албуми кои глатко се вклопуваат во фри импров идиомот (на пример, неговите три трио албуми со Дробицки и Омерагиќ и особено неодамна издадениот албум на македонската фри џез супергрупа – Macedonian Free Society), сепак, на овој албум Кондовски тргнува во една чудна, „Шкловсковска“ електроакустична џез авантура. Ова е албум кој го наметнува впечатокот дека музичарот почувствувал потреба да ја пополни ограниченоста на својот инструмент со електронски звуци кои се така конструирани (soundscapes, found sound), што помислувате дека отсекогаш требало да бидат споени како меѓусебно надополнувачки.

На овој албум честопати ќе чуете амбиентални заднини во темите, семплувани или синтетизирани звуци кои потсетуваат на игли и шајки кои паѓаат врз некаква груба метална површина. Таков е случајот во „Криви бранови“, каде, по извесно време, гудалото неконтролирано се препушта на гравитацијата и паѓа врз жиците на виолината, гребејќи ги и обидувајќи се да воспостави некаков слободен дијалог со електронската заднина. „Мелодија на толпата“ започнува со тажна мелодија која постапно преоѓа во репетитивен дрон. Во заднина се слуша некаква врева, гужва, туркање… веројатно мигранти на граница. Потоа повторно се враќа главниот мотив. Тоа е воведната композиција-скеч која треба да го навести она што претстои. „Таа ноќ“ е „најфилмското“ парче музика на овој албум. Слушајќи ја композицијата се добива впечаток дека зад затворени врати „се крчка“ некоја интрига. Филмската приказна е препознатлива и во темата „Патека низ шумата“ која има најоптимистичен звук и чувство. Ретки се музичарите кои можат со звук/музика/интегрирани семплови да доловат впечаток на активност. Насловната „Пловечки чекори“ започнува со семплувани звуци на чекори кои ниту пловат, ниту лебдат, како што сугерира насловот. Тензичните звуци (бодежи на тонови) на виолината го доловуваат впечатокот на пловечки чекори отпосле. „Самозадоволност“ е неокласична композиција со крцкаво поставена електронска заднина, која на крајот се преобразува во звучен ѕид со продорен длабок тон. „Остатоци“, како што сугерира наслов, е фрагментирано парче музика; фри импров превод на некоја авангардна електронска музика од преминот на XX во XXI век. Она што останува од тој замислен превод е остаток, без можност за негова интеграција. Конечно, во последната композиција „Сите си заминаа“ повторно слушаме игли и шајки кои како лајтмотив се враќаат да го озвучат тажното финале на патот на мигрантите.

Ова е албум за љубители на слободна, експериментална, авангардна и, што е најбитно, импровизирана музика, отсвирена во една виртуелна инструментариумска лабораторија која прилега на времето во која е создадена, но и на времето-просторот кој допрва би можеле да го посведочиме. Синтагмата „би можеле“ веројатно најсоодветно ја погаѓа суштината на албумот Пловечки чекори: сѐ е на дофат на можното кога оставаме аудитивната фантазија да биде главната водилка во креативниот процес. Уживајте во звукот!“, стои во текстот придружен со албумот.

The post Глигор Кондовски има нов албум „Floating Steps“ appeared first on Република.

The post Perpetuum Jazzile со нов албум на 5 април во Скопје appeared first on Република.

Еден од највлијателните џез-фјужн ансамбли на Балканот, Васил Хаџиманов бенд, го претставува новиот студиски албум „Кејф“ (Keyf), во издание на „Кроациа рекрдс“ (Croatia Records), најголемата дискографска куќа во регионот.

Оваа исклучителна група музичари долги години ја воодушевува публиката ширум светот со својот уникатен звук и енергија, а нивниот нов албум повторно ни носи интересни музички гости, иновативни аранжмани, автентична звучна естетика и, како и досега, креативни експерименти со различни музички насоки и ритми. Албумот „Кејф“ е осми студиски албум на бендот, а содржи девет песни во продукција на Васил Хаџиманов, Марко Периќ и Тони Китановски. Музичките наслови, како насловната „Keyf“, но и „Gypsy“, „Afghan Samba“, „Helidoro's Recipe“, и "Mente Pura", ќе ги потсетат сите љубители на добрата музика зошто бендот на Васил Хаџиманов ја изведува својата музика на сцените низ целиот свет и зошто токму нивната музика во Србија е прогласена за уметничко дело од национално значење. Освен на продуцентите, Васил упатува посебна благодарност до сите оние прекрасни луѓе кои направија да се случи овој албум: старите членови на бендот Бојан Ивковиќ и Бранко Тријиќ, специјалните гости Марта Хаџиманов, Љубомир Милановиќ, Александар Петров, Газменд Бериша и повторно Тони Китановски и новите членови на бендот Растко Обрадовиќ и Ратко Даутовски, кои ќе го изведуваат овој материјал, заедно со Мирослав Товирец и Виктор Филиповски. Васил Хаџиманов е музичар со уникатен сензибилитет. Како пијанист, композитор, аранжер и педагог, тој е незаменлива алка на регионалната џез-сцена и поединец кој носи дел од неговите предци, кои секој на свој начин, ги одбележаа музичките простори на Балканот, во нераскинлива серија на чувари, изведувачи и нови толкувачи на традицијата. Потпирајќи се на богатото искуство на фолклорот, кое, според него, е „музика од која не треба да се срамиме, туку, напротив, таа треба да се поддржи и да се даде повеќе простор“, Васил Хаџиманов секако е автор кој правилно ја воочил пораката од неговите претходници и ја преточил, инспирирајќи се од неа, во автентичен музички израз. Снимањето и продукцијата на албумот беше поддржано од Gdi For The Arts и Croatia Records.

https://youtu.be/TLIgof3vY-8?si=pURW0JJ7G0UuLEQW

The post Нов албум на Васил Хаџиманов Бенд appeared first on Република.

Скопската група „Културно уметнички работници“ на платформите Bandcamp и YouTube го објави својот нов, 7-ми по ред албум, со наслов „ПАНК КАБАРЕ“.

https://www.youtube.com/playlist?list=PLnAaNlEry4XJtBspadVZhlOnfOfCebn1F

Промоцијата, која ќе биде проследена со настап на Работниците во живо, ќе се одржи во МАККА БАР, на 06 април 2023 (четврток), со почеток 20 часот.

The post „Панк кабаре“- нов албум на Културно Уметнички Работници appeared first on Република.

Декември, музички започнува со еден концерт, кој ќе биде концертна промоција на еден нов албум.

Никола Мицевски, извонредниот музичар, композитор, аранжер…човек кој моќно стои позади клавијатурата за најпознатите македонски музички ѕвезди, на нивните концерти и е дел од музичките записи на легендарните нивни песни, на 9 декември, петок со почеток во 20 часот на сцената од Големата сала на Центарот за култура, заедно со 15 врвни музичари, а негови соработници ќе го одржи својот солистички концерт на кој ќе го промовира албумот „New Era“.

Идеите на Никола, за мешавина на балканските традиционални народни ритми и мелодиите со Западот, преточени преку модерните музички стилови на џез, фанк и музика од светот како посебен жанр, ќе имате шанса да ги слушате во живо на големата концертна сцена, преку една бројна и моќна музичка формација на неговите избраници.

Авторската музика на Никола Мицевски претставува еден сосем автентичен и нов пристап на фузија на жанрови, а на квалитетниот звук нема да останат имуни оние кои ќе дојдат на првиот концерт во Битола, а на стартот на новата 2023 година и во Скопје.

Непосредно, пред првиот концерт кој е овој петок, Никола Мицевски го деновиве го промовираше третиот сингл „Impulse“ од албумот „New Era“.

Со неговиот пристап кон македонската современа музика, која може слободно да парира на светските изданија од крајот на 20 и почетокот на новиот милениум, само потврдува дека е една поврзувачка карика на македонскиот со светскиот звук, токму заради таа фузија и внесување на новини во користењето на македонските и балканските мотиви на непосреден и искрен начин, надвор од клишеата кои се калемеле музички на овие простори.

На концертот посветен на промоцијата на албумот „New Era“ сум среќен што на сцената ќе донесам една елитна екипа на навистина феноменални и талентирани музичари од овие простори. Со нетрпение очекувам да го претставам новиот материјал прво пред мојата битолска публика, зошто токму во Битола ја започнав својата музичка кариера. Ова ќе биде прв концерт, од ваков профил и сметам дека е важно да се искуси магијата на уживање во живо на музиката која зрееше во мене, подолг низ на години. Јас сум музичар кој континуирано создава и настапува, но таа музичка нитка, тој развој на идејата за „New Era“ има некој свој мој интимен континуитет, на фаза која преку енормното богатство на клавијатурите и сите придружни инструменти ја подарувам на публиката, која сум сигурен дека слушачки ќе ужива, изјави Мицевски пред концертот.

Проектот „New Era” претставува симбиоза на различни жанрови, едно филмско начело фузирано со етно, рок и електро основи во служба на пијаното и солистички инструменти.

Eдно одлично музичко и визуелно патување кое ги поместува стандардите и границите на македонската инструментална музика.

После концертот во Битола, на старт на 2023 година ќе се одржи и голем концерт во Скопје, во МОБ.

The post Нова ера за извонредниот Никола Мицевски appeared first on Република.

Понекогаш соништата се остваруваат. Се вика Return of the Dream Canteen – новиот двоен албум на Red Hot Chili Peppers, вест која се појави како гром за да го запали небото во Денвер, првата станица на турнејата на калифорнискиот бенд.

Изненадување е најавата на Ентони Кидис и Флеа, пред илјадниците фанови во делириум на Empower Field, со оглед на тоа што во април беше објавен Unlimited Love, дванаесеттиот студиски албум, исто така  двоени, кој бргу стаса на врвот на светските топ листи, стана платински диск во САД.

The post „Ред Хот Чили Пеперс“ најавија нов двоен албум appeared first on Република.

Red Hot Chili Peppers годинава се враќа на музичката сцена со нова музика. Имено, нивниот нов албум „Unlimited Love“ ќе биде објавен на 1 април и на него ќе се најдат 17 нови песни. Тоа што е интересно за овој албум е дека на него ќе свири и Џон Фрушанте, гитаристот којшто ја напушти групата во 2009 година за да се фокусира на соло проекти.

Нашата единствена цел е да се изгубиме во музиката. Поминавме илјадници часови заедно, но и индивидуално, усовршувајќи се за да го направиме најдобриот албум што можевме, велат од групата.

Тие наскоро тргнуваат на светска турнеја каде ќе го претстават новиот музички материјал. Европскиот дел од турнејата започнува на 4 јуни во Севиља, Шпанија.

Денес тие ја објавија песната „Black Summer“, која е првиот сингл од нивниот претстоен албум.

https://www.youtube.com/watch?v=OS8taasZl8k&t=116s

The post Red Hot Chili Peppers годинава се враќа на музичката сцена со нов албум и турнеја appeared first on Република.