Норвешката безбедносна служба (ПСТ) соопшти дека не пронашла докази за продолжување на истрагата за норвешка поврзаност при испораката на пејџерите што експлодираа во септември до Хезболах во Либан.

Во истовремените експлозии на уредите загинаа десетици луѓе, а илјадници беа повредени,

Израел ја презеде одговорноста за пејџерскиот напад, кој го изненади Хезболах и беше проследен со масовна воздушна и копнена воена кампања против групата поддржана од Иран.

Норвешката безбедносна служба започна прелиминарна истрага откако стана јасно дека Бугарија води истрага за норвешки државјанин, сопственик на бугарска компанија, во врска со случајот.

-Целокупната проценка на ПСТ за откритијата во случајот покажува дека нема основа да отвориме нормална истрага, изјави денеска портпаролот на норвешката служба за безбедност во име на адвокатот на службата Харис Хреновица. Тој не даде повеќе детали.

Бугарската државна агенција за национална безбедност (ДАНС) на 20 септември објави дека е „неспорно утврдено“ дека пејџерите што се користат во Либан не се произведени или извезени од Бугарија.

Триесет и девет годишниот норвешки државјанин, сопственик на бугарската компанија, кој е под истрага во Бугарија - Ринсон Хозе, отпатувал од Норвешка во САД на 17 септември, ден пред да се разнесат пејџерите во Либан.

Тој работел во одделот за продажба во норвешката компанија DN Media Group, која го пријавила исчезнатиот вработен во полиција. Полицијата соопшти дека го затворила случајот откако Хозе го контактирал својот работодавец на 5 ноември.

Норвешките власти не објавија детали за тоа каде се наоѓа Хозе.

The post Норвешка ја прекина истрагата за можната врска меѓу Норвежанец, сопственик на бугарска фирма и експлозивните пејџери за Хезболах appeared first on Република.

Норвешката полиција денеска соопшти дека 27-годишниот син на норвешката принцеза Мете-Марит е уапсен поради сомневање за силување.

Во соопштението на полицијата се наведува дека Мариус Борг Хојби, кој е син на принцезата од нејзина врска пред таа во 2001 година да се омажи за престолонаследникот Хакон во 2001 година, бил уапсен синоќа.

Тој е осомничен за кршење на кривичниот закон поврзан со „сексуален однос со лице кое е во несвест или од други причини не може да се спротивстави“, се вели во соопштението.

Она што полицијата може да го каже за силувањето е дека тоа е сексуален чин без сексуален однос. Жртвата, како што се тврди, не била во состојба да пружи отпор, додаваат од полицијата, пишува „Дејли мејл“.

The post Синот на норвешката принцеза е уапсен поради силување appeared first on Република.

Норвешката полиција објави дека 27-годишниот син на норвешката принцеза Мете-Марит е уапсен под сомнение за силување.

Во полициското соопштение се наведува дека Мариус Борг Хојби, кој бил роден од врската пред Мете-Марит да се омажи за престолонаследникот Хакон во 2001 година, бил уапсен во понеделникот вечерта.

Тој е осомничен дека го прекршил кривичниот закон кој се однесува на „обљуба со лице кое е во несвест или од други причини и не може да даде отпор“, се наведува во соопштението.

Она што полицијата може да го каже за силувањето е дека тоа е сексуален чин без сексуален однос. Жртвата, како што се тврди, не можела да се спротивстави, додаваат од полицијата, пишува Дејли мејл.

Борг Хојби првично беше приведен на 4 август по ноќна расправија во станот на една жена во Осло, со која бил во врска. Потоа беше обвинет за нанесување телесни повреди. Полицијата потоа пронашла заглавен нож во ѕидот во спалната соба на жената.

Во септември тој повторно беше уапсен поради прекршување на забраната за задржување. Кога бил уапсен во понеделникот, бил во автомобил со наводната жртва од инцидентот во август.

Полицијата соопшти дека сомнежите за августовскиот инцидент сега се проширени и на семејно насилство. Се уште не е одлучено дали Борг Хојби ќе биде приведен.

Роден е во 1997 година од врска пред Мете-Марит да се омажи за престолонаследникот Хакон, идниот крал на Норвешка. Тој и неговите полубраќа и сестри – принцезата Ингрид Александра (20) и принцот Свере Магнус (18) – пораснаа заедно. За разлика од нив, Мариус нема официјална јавна улога, пренесува медиумот.

The post Синот на норвешката принцеза уапсен поради силување appeared first on Република.

Норвешка ќе воведе минимална возраст од 15 години за користење на социјалните мрежи.

Норвешкиот премиер Јонас Гар Шторе рече дека тоа ќе биде тешка битка и додаде дека политичарите мора да интервенираат за да ги заштитат децата од „моќта на алгоритмите“, пишува Гардијан.

Додека тој рече дека разбира дека социјалните медиуми можат да им понудат заедница на осамените деца, Шторе рече дека самоизразувањето не треба да биде во моќта на алгоритмите.

Напротив, тоа може да доведе до тоа да станете самци и смирени, бидејќи сè се случува толку брзо на овој екран, додаде тој.

Владата вети дека ќе воведе повеќе заштитни мерки за да ги спречи децата да ги заобиколат ограничувањата за возраста, вклучително и промени во Законот за лични податоци, така што корисниците на социјалните медиуми мора да имаат 15 години за да се согласат платформата да ги обработува нивните лични податоци и да развие возрасна бариера за користење на социјалните мрежи.

Норвешка веќе има минимална возраст од 13 години, но и покрај тоа, повеќе од половина од деветгодишните, 58 отсто од десетгодишните и 72 отсто од единаесетгодишните се на социјалните мрежи, според истражувањето на Норвешка агенција за мониторинг на медиуми.

The post Норвешка не сака помлади од 15 години да користат социјални мрежи appeared first on Република.

Разузнавачките служби на седум земји од ЕУ предупредиле на постоење ризик од саботажа на норвешките енергетски објекти, објави „Ројтерс“.

Според агенцијата, европските служби предупредиле на закана од саботажа на енергетските капацитети на Норвешка, главниот снабдувач на гас во Европа.

На затворен состанок, претставниците на Норвешка, Германија, Белгија, Холандија, Финска, Шведска и Исланд разговарале за ризиците од шпионажа и саботажа.

На состанокот, Норвешка истакнала оти стравува дека ќе биде цел на диверзантски напад врз критичната нафтена инфраструктура во земјата.

The post Норвешка стравува од руска саботажа на стратешките енергетски објекти во Европа appeared first on Република.

Израел ја повлече акредитацијата за осум норвешки дипломати кои работеа како претставници на Палестинската управа, што шефот на норвешката дипломатија го опиша како „екстремен чин“.

Неговиот израелски колега, Израел Кац, изјави дека одлуката е донесена како одговор на антиизраелското однесување на Норвешка, вклучувајќи го и признавањето на палестинската држава.

Кац додаде дека „Норвешка води еднострана политика во однос на палестинското прашање и затоа ќе биде отстранета од палестинското прашање“.

Норвешка ја обвинува владата на израелскиот премиер Бенјамин Нетанјаху за дипломатскиот спор и сега размислува како да одговори на новонастанатата ситуација. Ова е екстремен чин кој првенствено влијае на нашата способност да му помогнеме на палестинското население... Денешната одлука ќе има последици за нашиот однос со владата на Нетанјаху“, изјави норвешкиот министер за надворешни работи Еспен Барт Еиде.

Во 1990-тите Норвешка помогна во постигнувањето на Договорот од Осло, што требаше да воспостави мир меѓу Израелците и Палестинците.

Норвешка претседава со меѓународната донаторска група за Палестинците.

The post Израел ги укина акредитациите за осум норвешки дипломати во Палестина appeared first on Република.

Претседателката Гордана Сиљановска Давкова денеска ја прими амбасадорката на Кралството Норвешка, Кристин Мелсом.

На средбата беа разменети мислења за билатералните односи што, во изминативе три децении, се засноваат на традиционално пријателство и конструктивно партнерство. Во таа насока беше реафирмирана посветеноста за натамошно негување на заедничките вредности, динамизирање и унапредување на политичкиот дијалог и соработка во сите области од заемен интерес.

Претседателката Сиљановска Давкова изрази задоволство од континуираната и конкретна норвешка поддршка во развојот на нашите капацитети и остварувањето на надворешно политичките приоритети и цели. Во таа насока истакна дека интеграцијата во евроатлантските структури и членството во ЕУ се значаен предуслов за долгорочен и одржлив развој на регионот.

Во контекст на економската соработка, двете соговорнички ја истакнаа важноста на норвешко-македонската стопанска комора во Осло, како силен поттик за бизнис заедниците, зајакнување на економските релации и трговската размена.

The post Претседателката Сиљановска Давкова ја прими норвешката амбасадорка Кристин Мелсом appeared first on Република.

Навивачите на норвешкиот прволигаш Лилестром на иновативен начин протестираа против користењето на ВАР технологијата во фудбалот.

Навивачите го изразија своето незадоволство фрлајќи стотици тениски топчиња на теренот за време на вчерашниот домашен натпревар против Осло. Натпреварот беше прекинат додека теренот не беше расчистен од фрлените тениски топчиња.

На трибините можеше да се забележат и пароли со кои се бара забрана на ВАР технологијата.

Воведувањето на системот создаде многу контроверзии во скандинавската земја, при што голем број клубови изразија несогласување со одлуката на федерацијата да го користи.

Сите во Норвешка се против ВАР. Ние само го изразивме нашето несогласување затоа што воведувањето на ВАР технологијата ја расипува играта. Им беа потребни три минути за да го исчистат теренот од нашиот протест, толку брзо и ВАР ги носи одлуките“, изјави Јоаким Молер, кој е еден од организаторите на акцијата.

The post Протести во Норвешка против ВАР технологијата во фудбалот appeared first on Република.

Интернет-пребарувачот за изнајмување сместувачки капацитети, „Холид“, користејќи ги податоците од апликацијата „Ворлд ведер онлајн“, ги анализираше најврнежливите градови во Европа.

Според тие податоци, вториот по големина град во Норвешка - Берген, со просек од 12,7 врнежливи денови месечно и 8,8 милиметри врнежи дневно, е најврнежливиот град во Европа.

Сепак, Норвежаните не се плашат од дожд... Тие, всушност, не го гледаат тоа како лошо време, туку велат дека има само „лошо облечени луѓе“, пренесува хрватскиот портал „Пункуфер“. Напротив, тамошните власти ги охрабруваат сите заинтересирани да го посетат Берген, без разлика на временската прогноза - поради прекрасните паркови, музеи, галерии, но и фјордовите во близина.

Зошто толку многу дожд во Берген? Градот има специфична географска местоположба. Се наоѓа на југозападниот дел на Норвешка, на брегот на Северното Море и е опкружен со седум планини. Сѐ тоа го прави местото подложно на долги и обилни врнежи.

Најдолгото континуирано дождливо време во Берген е забележано на крајот на 2006 година и почетокот на 2007 година. Тогаш врнело дожд 85 дена по ред - од 29 октомври до 21 јануари.

Најдолга сезона на дождови во Берген во летните месеци е забележана во 1952 година, кога дождот паѓал непрекинато од 1 до 24 јуни. Инаку, во овој скандинавски град, најмалку дожд има обично во јуни, а најмногу во октомври. Просечната температура налето се движи од 9,9 до 20,7 Целзиусови степени - со тоа што јули е најтоплиот месец.

Во текот на зимата вообичаено има силен ветер, некаде снег и просечни температури од -4,9 до -0,1 Целзиусов степен. Ако имате можност да го посетите Берген, советот вели: искористете ја. Сепак, никако не заборавајте да понесете чадор.

The post Ова е најврнежливиот град во Европа appeared first on Република.

Забраната за влез на руски туристи во Норвешка стапува денеска на сила по налог на владата на земјата, која го најави овој потег минатата недела.

Транзитните патувања низ Норвешка до други европски земји, вклучително и Финска, исто така сега се оневозможени. Како што претходно прецизираше норвешката влада, новите правила нема да важат за Русите кои патуваат во Норвешка за да ги посетат блиските роднини, за имателите на потврди дека се жители на граничната област, студентските и работните визи, како и дозволите за престој во земјите на Шенген зоната.

Норвешките погранични службеници ќе имаат право да им одбијат влез во земјата на Руси со повеќегодишни туристички визи претходно издадени од самата Норвешка или од други земји од Шенген. Норвешка не издава туристички визи за Русите од 2022 година.

The post Во Норвешка забранет влезот на туристи од Русија appeared first on Република.

Норвешките власти денеска соооштија дека од идната недела ќе ги затворат своите граници за руските туристи, не дозволувајќи им директен пристап до Шенген зоната.

Иако не е членка, Норвешка го следи примерот на ЕУ, која презеде слична мерка по руската инвазија врз Украина. Таа скандинавска земја дели 198 километри копнена граница на Арктикот со Русија.

-Одлуката за заострување на правилата за влез е во согласност со пристапот на Норвешка да застане на страна на своите сојузници и партнери како одговор на илегалната агресија на Русија против Украина, изјави министерката за правда Емили Енгер Мехл.

Норвешка, членка на НАТО, речиси престана да издава туристички визи за руските граѓани од пролетта 2022 година. Само имателите на долгорочни визи издадени пред тој датум или имаат виза издадена од друга шенгенска земја може да ја преминат границата.

Од 29 мај ќе им биде забранет влез во Норвешка.

Предвидени се исклучоци, соопшти Министерството, особено за руските граѓани кои посетуваат членови на блиско семејство кои живеат во Норвешка и оние кои работат или студираат во таа земја или други земји од Шенген зоната.

Иако не е членка на ЕУ, Норвешка е тесно поврзана со неа и ги усвои речиси сите санкции што Брисел ги воведе против Русија.зш/

The post Норвешка ги затвора границите за руски туристи appeared first on Република.

Норвешка ќе го признае постоењето на палестинска држава од 28 мај, соопшти денеска норвешкиот премиер Јонас Гар Сторе и покрај предупредувањата од израелската влада.

Ние веруваме дека решението со две држави е во најдобар интерес на Израел, рече норвешкиот премиер на специјално свикана прес-конференција.

Тој додаде дека целта е „да се оствари палестинска држава која е политички кохезивна и која произлегува од палестинската самоуправа“.

Се очекува и други европски земји денеска да преземат слична иницијатива.

Ирска и Шпанија денеска и се придружија на Норвешка и соопштија дека „ќе ја признаат државата Палестина“.

Денеска Ирска, Норвешка и Шпанија соопштуваат дека ја признаваат државата Палестина, рече ирскиот премиер Сајмон Харис, поздравувајќи го „историски важен ден за Ирска и Палестина“.

Шпанскиот премиер Педро Санчез изјави дека Шпанија ќе ја признае палестинската држава на 28 мај.

Следниот вторник, на 28 мај, Шпанија ќе го усвои признавањето на палестинската држава во Советот на министри, рече Санчез пред шпанските парламентарци.

Тој го обвини израелскиот премиер Бенјамин Нетанјаху дека го загрозува решението за две држави со неговата политика на „болка и уништување“ во Појасот Газа.

The post Норвешка ја призна Палестина, следат Шпанија и Ирска appeared first on Република.

Во касарната „Илинден“ во Скопје денеска ќе биде предадена донација од 76 моторни возила од Кралството Норвешка.

Седумдесет и шесте моторни возила, од кои триесет и шест се лесни пешадиски моторни возила од типот Мерцедес бенз- 290ГД, Мулти 2 и четириесет товарни моторни возила камиони Сканија-П3, се последен од досегашните многубројни проекти на континуирано одличната соработка во полето на одбраната помеѓу Република Македонија и Кралството Норвешка, велат од Министерството за одбрана.

На настанот ќе се обратат министерката за одбрана Славјанка Петровска и началникот на Генералштабот, генерал-потполковник Васко Ѓурчиновски, амбасадорката на Кралството Норвешка за Македонија, Кристин Мелсом и бригадниот генерал Андрес Јернберг, командант на логистика на Вооружените сили на Кралството Норвешка.

На чинот на официјалното предавање ќе присуствува и раководството од Министерството за одбрана и Генералштабот, генерали во Армијата и команданти од единици.

The post Кралството Норвешка донира 76 возила за Армијата на Македонија appeared first on Република.

Германскиот канцелар, Олаф Шолц ѝ се заблагодари на Норвешка што и дава гас на Германија со што ги заменува испораките на гас од Русија. Шолц соопшти дека Норвешка станала најголемиот снабдувач со гас на Германија.

Мораме да ѝ се заблагодариме на Норвешка за фактот што за само неколку месеци успеавме да станеме целосно независни од руската енергија. Норвешка  сигурно нè снабдува со гас, дури и повеќе од првично договореното и ќе остане наш најголем снабдувач на гас во следните години. Со цел да остане најголемиот снабдувач на гас na Германија, Норвешка во моментов развива дополнителни наоѓалишта на гас“, изјави Шолц.

Германскиот канцелар присуствуваше на церемонијата на отворање на саемот во Хановер. На настанот присуствуваше и норвешкиот премиер, Јонас Гар Сторе.

Германија, заедно со други европски земји, одлучи да ја намали својата енергетска зависност од Русија по почетокот на војната во Украина во февруари 2022 година. Поради тоа, земјите бараат алтернативи, во кои се вклучени и САД и нивниот извоз на течен природен гас.

The post Шолц ѝ се заблагодари на Норвешка што ѝ обезбедила гас на Германија по прекинувањето на врските со Русија appeared first on Република.

Норвешката полиција го уапси ирачкиот активист и организатор на собири за палење примерок од Куранот, Салван Момика и ќе го депортира во Шведска.

„Депортирањето ќе биде извршено веднаш штом ќе се создадат формални и практични услови“, се наведува во пресудата на Окружниот суд во Осло.

Се забележува дека Момика е уапсен на 28 март, откако за шведските медиуми изјавил дека отишол во Норвешка да побара азил, бидејќи „Шведска не го почитува“, пренесува шведскиот јавен сервис СВТ.

The post Во Норвешка е уапсен Салван Момика поради палење примерок од Куранот appeared first on Република.

Норвешкиот парламент денеска доби дојава за закана со бомба, а зголемено е полициското присуство околу зградата, соопшти полицијата во Осло, јавуваат норвешките медиуми.

Полицијата сега се обидува да открие што се случило, објави „Норвеј Постен“.

-ПСТ (Служба за безбедност) е запознаена со ситуацијата и соработува со полицискиот округ во Осло, изјави за телевизијата НРК, високиот советник на ПСТ, Еирик Веум.

Претставникот за печат на Парламентот за телевизијата НРК потврди дека поради заканата со бомба сите влезови на парламентарната зграда се затворени и никој не смее ниту да влезе ниту да излезе.

The post Дојава за бомба во норвешкиот Парламент appeared first on Република.

Претседателката на српскиот Парламент, Ана Брнабиќ, денеска изјави дека „отсекогаш“ верувала дека експлоатацијата на наоѓалиштата на литиум е добра за Србија и дека ќе „донесе многу добро“ не само за Лозница и Крупањ, туку и за цела Србија.

Не можеме да замислиме колку пари би останале (од литиум). Тоа е буквално паралела со Норвешка пред и по (откривањето на) нафтата. Тоа е Србија пред и по литиум“, рече Брнабиќ во изјава за новинарите по посетата на градинка во Ваљево.

За време на нејзиниот мандат како премиер, Брнабиќ ја укина Уредбата за просторен план за подрачја за посебни намени за преработка на минералот „јадарит“, кој содржи литиум и бор, и изјави дека на Рио Тинто му е „ставена точка“.

Брнабиќ денеска изјави дека за ископување на литиум е потребен дијалог и дека се надева дека во пошироката дебата тоа ќе го поддржат мнозинството граѓани.

The post Брнабиќ: Србија по литиумот ќе биде како Норвешка по откривањето на нафтата appeared first on Република.

Едно лице загина, а пет се повредени кога хеликоптер се урна во океанот во близина на западна Норвешка, соопшти денеска полицијата.

Хеликоптерот Сикорски С-92 управуван од Бристу Норвешка бил во мисија за обука и спасување вчера кога се случила несреќата, соопштија официјални лица.

Спасувачите извлекоа шест лица од морето, но едно лице подоцна беше прогласено за мртво во болница, се вели во соопштението на полицијата.

Еден од петте преживеани имал само полесни повреди, додека останатите четворица се здобиле со различен степен на повреди, додава полицијата.

Причината за несреќата се уште не е позната. Локхид Мартин Сикорски, која го произведе хеликоптерот, вчера рече дека безбедноста е нејзин главен приоритет и дека е подготвена да ја поддржи истрагата.

Енергетската групација Еквинор соопшти дека хеликоптерот, кој бил во мисија за пребарување и спасување, вообичаено ги опслужувал платформите на полето за нафта и гас Осеберг во Северното Море.

The post Еден загинат, петмина повредени по пад на норвешки хеликоптер appeared first on Република.

Островската земја во Индискиот Океан Маврициус не дозволи норвешки крузер да застане во главниот град Порт Луис поради стравување од можна епидемија на колера на бродот.

Најмалку 15 луѓе на бродот се во изолација поради сомнеж дека страдаат од инфективна болест на градите која во тешка форма може да предизвика дехидратација и смрт за неколку часа. Се нарекува и „сина смрт“ бидејќи кожата на пациентот може да стане синкаво сива поради екстремната загуба на течности.

Властите на Маврициус рекоа дека донеле одлука да го блокираат бродот „Зора“ за да се избегнат можни здравствени ризици. Вчера биле земени примероци за тестирање, а резултатите треба да бидат познати утре.

Според претставник на „Норвежн крус лајн холдингс“, за време на патувањето во Јужна Африка патниците развиле симптоми на лесен стомачен вирус. Еден патник од Холандија изјавил дека капетанот им рекол дека можеби на бродот избила колера.

Последните неколку месеци во Јужна Африка владее колера, а Замбија е најтешко погодена во тој регион. Од јануари 2023 година, најмалку 188.000 луѓе се заразени со колера во 7 јужноафрикански земји, според податоците на Обединетите нации. Повеќе од 3.000 луѓе починале.

На бродот има 2.184 патници и 1.026 членови на екипажот.

The post Во норвешки крузер избила колера? appeared first on Република.

Централна Норвешка ја погоди бурата Ингун, најсилна во последните 30 години. Во некои делови дуваа урагански ветрови, до 180 километри на час. Метеоролошката служба го објави највисокиот, црвен аларм.

Портпаролот на полицијата во регионот Троенделаг, Бјорнар Гасвик, изјави за норвешката новинска агенција НТБ дека агенцијата за јавна безбедност примила меѓу 40 и 50 пријави од луѓе погодени од невремето во текот на ноќта и дека денеска се очекуваат повеќе.

Североисточно од Берген, вториот по големина град во Норвешка, автобус со 14 патници излетал од патот, но полицијата соопшти дека нема повредени.

Некои области беа поплавени, а авиокомпаниите и траектите го прекинаа работењето. Некои училишта вчера и денеска се затворени, како и патишта, тунели и мостови.

Надлежните тврдат дека се уште е рано да се процени степенот на материјалната штета.

Во текот на ноќта дуваа и урагански ветрови во Шведска. Шведската метеоролошка агенција издаде црвено предупредување за западниот дел на округот Норботенс, кој граничи со Норвешка.

Невремето ја погоди истата област како и ураганот на новогодишната ноќ 1992 година, што беше една од најсилните бури во историјата на Норвешка, пишува весникот ВГ.

The post Норвешка ја погоди бурата Ингун, дуваа урагански ветрови до 180 километри на час appeared first on Република.