Граѓаните покажуваат голем интерес за користење на вратените ноќни линии на ЈСП, коишто од пред околу еден месец повторно се во функција.

Со реализацијата на овој проект за скопјани се обезбедува јавен превоз и за време на ноќните часови, што беше укинато како опција од минатото раководството на Градот пред две години.

Станува збор за 9 автобуски линии кои сообраќаат по делничен возен ред, и тоа линиите со број 2, 5, 7, 22, 24, 41, 50, 57 и 65В, додека за време на викендите и државните празници сообраќаат вкупно 11 ноќни линии и тоа 2, 5, 7, 22, 24, 41, 50, 57, 61, 63 и 65В.

Сите детали за возниот ред и трасите на ноќните линии се веќе достапни на веб-страницата на ЈСП Скопје (http://www.jsp.com.mk/PlanskiVozenRed.aspx).

The post Голем интерес кај граѓаните за вратените ноќни линии на ЈСП appeared first on Република.

Градоначалничката на град Скопје, Данела Арсовска, од почетокот на нејзиниот мандат покажа дека ги исполнува ветувањата дадени пред граѓаните за време на предизборната кампања.

Еден пример за исполнување на ветеното е враќањето на ноќните линии на авотобусите на ЈСП.

Арсовска о предизборието вети дека во првите 82 дена од нејзиниот мандат ќе се вратат во сообраќај редовни ноќни линии на ЈСП, особено за време на викендот.

На 28 декември 2021 година, од ЈСП објави официјално соопштение во кое информираа дека од тој датум во функција се враќаат ноќните линии.

Почитувани корисници на јавниот превоз, Ве информираме дека од денеска, вторник (28.12.2021 год) почнуваат да функционираат ноќните линии и тоа: 2, 5, 7, 22, 24, 41, 50, 57 и 65В. Воведувањето на ноќни линии е почеток на промените за подобар јавен градски превоз што е дел од програмата на раководството на ЈСП и на градот Скопје. На овој начин за скопјани се обезбедува јавен превоз и за време на ноќните часови, што беше укинато како опција од минатото раководството на градот пред две години. Автобуските линии 2, 22, 24, 41, 57 и 65В, ќе сообраќаат секој ден, а останатите ќе бидат во функција во деновите од викендот или комбинирано, како и за време на празниците - објавија од ЈСП Скопје.

Прегледот на возниот ред и трасите на линиите е достапен и на веб-страницата ЈСП, во делот Возен ред/ ноќни линии.

The post Враќањето на ноќните автобуски линии е едно исполнетите ветувања на Данела Арсовска appeared first on Република.