Надзорна камера го снимила застрашувачкиот момент кога една постара жена смртно ја удрила тула во главата додека го чистела снегот пред нејзиниот дом во Њујорк, пишува „Дејли мејл“.

Дејл Сингер (74) билa итно пренесенa во болница откако се урнал бетонскиот дел околу влезната врата.

Сведоците рaскажаа дека жената штотуку се свртела да ја заклучи вратата на 6-та авенија во Бруклин кога била згмечена од тулата.

Соседката Мијра Мартинез рече дека Сингер изнајмила дуплекс во градска куќа од 19 век со нејзиниот сопруг и ќерка.

„Таа беше многу фина дама и многу ми е жал што вака почина“, додала таа.

Полицијата која пристигнала на местото на настанот се обидела со да ја спаси, пред жената да биде пренесена во болница во критична состојба. Подоцна била прогласена за почината.

Трагедијата се случила додека Њујорк се бори со една од најлошите зимски бури во последните две години.

The post Жена загина додека чистеше снег пред својот дом во Њујорк appeared first on Република.

Македонскиот дипломатски синдикат најостро ги осудува квалификациите упатени од Министерот за надворешни работи Бујар Османи за наводна „албанофобија“ или „албано хистерија“ по повикот на Синдикатот за зачувување на професионалните дипломатски стандарди во Министерството.

Од синдикатот велат дека тие се и ќе продолжат да бидат последниот бедем и механизам за зачувување на угледот и професионалните стандарди во дипломатската служба.

Ве повикуваме да не употребувате несоодветна политичка реторика кога се работи за прашања кои ги засегаат професионалните дипломати и нивните кариери. Би сакале да Ви укажеме, дека бројот на членови на МДС континуирано се зголемува, а воедно во истиот членуваат дипломати од сите етнички заедни. Ова се должи на нашите континуирани принципиелни заложби за унапредување на статусот и правата на професионалните дипломати, велат од дипломатскиот синдикат.

Потсетуваат дека откако Османи ја презел функцијата, упатени се повеќе од педесеттина амбасадори и конзули како и повеќе од двестотини дипломати на мандат, а синдикатот реагира исклучиво кога станува збор за прекршување на Законот за надворешни работи или за крајно спорни решенија.

Од тука повторно го поставија прашањето дали со предлогот за упатување на Генерален конзул во Њу Јорк се крши Законот за надворешни работи.

Македонскиот дипломатски синдикат вчера обвини дека министерот Бујар Османи за конзул во Њујорк испраќа штотуку вработен во МНР кој нема дипломатско звање.

Еклатантен пример за непочитување на внатрешните регулативи е упатувањето на г-нот Мухаби Синани на местото Генерален конзул во Њујорк, истото она место на кое министерот Османи не успеа да ја упати во тоа време ТВ презентерката Бесмира Ејупи. Имено, г-нот Синани, кој што од скоро е вработен во МНР од приватна фирма не исполнува услови за упатување во странство. Тој минатата недела веќе ги има одбрането тезите за упатување без притоа да има стекнато високо дипломатско звање кое е законски услов за именување на генерален конзул, велат од Дипломатскиот синдикат.

The post Нов скандал во МНР: Не успеа Бесмира Ејупи, но Мухаби Синани од приватна фирма вработен во МНР и без исполнети услови ќе биде Генерален конзул во Њујорк appeared first on Република.

Едно училиштe во Њујорк е затворено за во него да бидат сместени илегални мигранти. Ова е прв случај во кој, наместо да бидат сместени во хотелски соби што ги плаќа градскиот буџет, илегалните мигранти ќе добијат сместување во социјалните објекти.

Сепак, ваквата одлука не е толку неочекувана.

Неодамна беше обелоденето дека миграциската криза ќе го чини градот речиси 11 милијарди долари од јавни средства во следните две фискални години.

Буџетот за 2024 година во моментов е избалансиран, но ситуацијата со финансирањето во Њујорк брзо ќе се влоши без акција. Според извештаите на медиумите, буџетскиот дефицит за 2025 година ќе надмине невидени седум милијарди долари.

За дополнително да се комплицираат работите, не само што мигрантите се поскапи, туку и износот на даночните приходи од федералната влада во градскиот буџет се намалува.

Неодамна, градоначалникот на Њујорк Ерик Адамс изјави дека поради миграциската криза ќе има масовни отпуштања меѓу работниците во градските служби - полицајци, вработени во домувањето и комуналните служби, социјални работници и други.

Се чини дека градскиот имот, вклучително и зградите на јавните училишта и болниците, исто така ќе бидат погодени.

The post Училиште во Њујорк затворено за во него да се сместат илегални мигранти appeared first on Република.

Пожарникарите започнаа протокол за одговор при итни случаи, откако добија извештаи за „експлозии и потреси“ на островот Рузвелт во Њујорк рано утрово. Повикот стигнал набргу по 6 часот наутро по извештаите за експлозии.

Противпожарната служба наводно добила извештаи за „повеќе експлозии“ во областа и „се обидува да го лоцира изворот“. Снемало струја во тој реон, а на терен се голем број полицајци.

Локалните жители пријавиле дека се разбудиле од звуците на експлозии и чувството дека зградите се тресат, пишува „Дејли мејл“. Над градот наводно летаат хеликоптери.

Засега нема информации за повредени, а истрагата е во тек.

🚨🇺🇸BREAKING: MULTIPLE EXPLOSIONS REPORTED IN NYC AREA

Roosevelt Island reportedly hit by "three booms" causing buildings to shake in Manhattan and Queens.

Emergency crews, including firefighters and Con Edison, are on-site accessing the situation pic.twitter.com/xCeuEYsMKk

— The Global Affairs (@GlobalAffairsU) January 2, 2024

The post Серија експолозии во Њујорк, хеликоптери го надлетуваат градот appeared first on Република.

Легендарниот Австралиски диџеј - продуцент Dr. Packer направи ремикс на песна од Владимир Четкар или поконкретно на неговата авторска композиција ‘Time Goes By’ која беше издадена на вториот студиски албум на македонскиот музички артист (гитарист, вокалист, композитор, аранжер, продуцент и изведувач).

Овој ремикс наредните недела дена ќе биде во ексклузивна продажба на Traxsource а потоа ќе се најде во продажба на сите дигитални музички платформи.

Авторската музика на Четкар отсекогаш била мета на интерес на некој од најголемите светски диџеи и продуценти меѓу кој и легендарниот Димитри Фром Париз кој во минатото направи ремикс на песната ‘Heavenly’.

Во наредниот перод следуваат повеќе ремикс изданија на музиката на Четкар ширум светот од повеќе познати имиња и музички куќи што е навистина уникатен и редок успех за  еден комплетен музички автор и изведувач од Македонија и Балканот.

Моментално Четкар е во САД каде што го снима новиот студиски албум и истовремено е на концертна турнеја.

Наредните концерти ќе ги одржи во Њујорк на 15 Декември во Chelsea Table and Stage, Кливленд на 12 Јануари во Bop Stop, Колумбус на 13 Јануари во Natalie's Grandview, Сан Франциско на 24 Јануари во Black Cat Jazz Club и Детроит на 27 Јануари во Aretha Jazz Cafe at the Music Hall.

The post Легендарниот Dr. Packer со ремикс на песна од Четкар appeared first on Република.

Филмот „М“ на Вардан Тозија ја доби наградата за најдобар филм на њујоршкото издание на фестивалот „Dances with films“.

Воодушевен сум што ја примам наградата за најдобар филм на годинешното издание на „Dances with films“ во Њујорк. Претставуваше голема чест и уникатно искуство да се биде дел од официјалната селекција на овој исклучителен фестивал, со креативни и бескомпромисни филмски автори, на настан што прерасна во двигател на американскиот и интернационален филмски дух, вели режисерот Вардан Тозија, кој во Њујорк лично ја прими наградата.

Фимот „М“ на овој фестивал ја имаше американската премиера. Според USA Тoday, фестивалот се вбројува меѓу „десетте најзначајни филмски настани на северноамериканскиот континент“, според CNN, важи за „лидер во позиционирање на свежи и нови таленти на филмската индустрија“, додека Indiewire го препознава како „нашироко признаен поради откривањето на иновативниот дух и талент во независната кинематографија“.

Уникатно воден филм со динамичен емотивен импакт, „М“ е спектакуларно достигнување во меѓународната филмска соработка, стои во официјалното образложение на Фестивалот.

Приказната на Тозија за осамено момче од шумата, кое наидува на низа предизвици и авантури, барајќи ја својата самовила, токму во официјалната селекција на овој фестивал ја претстави македонската кинематографија пред американската публика.

По премиерата се одржаа дискусии меѓу режисерот и членови на индустријата, како и разговори со публиката. Светските права за дистрибуција на македонскиот филм “М“ ги поседува американската компанија OneTwoThree Media.

The post Македонскиот филм „М“ на Вардан Тозија ја доби наградата за најдобар филм на фестивал во Њујорк appeared first on Република.

Четири лица денес беа убиени, меѓу кои две деца, во напад со нож во Квинс во Њујорк.

Убиени се 11-годишно девојче, 12-годишно момче, 44-годишна жена и 30-годишен маж, а се претпоставува дека сите се членови на семејство, соопшти полицијата, пренесоа медиумите.

Во нападот се повредени и три лица, од кои едно потешко. Меѓу повредените има и двајца полицајци кои дошле на местото на настанот.

Според Си-Ен-Ен, полицијата добила повик 911 непосредно по 5 часот наутро од млада жена која рекла дека нејзиниот братучед ги убил членовите на нејзиното семејство, објави на прес-конференција началникот на њујоршката полиција Џефри Мадри.

По пристигнувањето, полициските службеници виделе како излегува маж со багаж, кој на полицајците им извадил кујнски нож, едниот го прободел во вратот и градите, а другиот го удрил во главата, додаде началникот. Еден од полицајците извадил оружје и пукал, убивајќи го осомничениот, рече Мадри.

The post Со нож убил четиричлено семејство во Њујорк, меѓу загинатите се и две деца appeared first on Република.

Жена го обвинила градоначалникот на Њујорк Ерик Адамс за сексуален напад, според судските документи поднесени доцна во средата, пренесе Би-Би-Си. Наведено е дека Адамс сексуално ја нападнал жената во 1993 година, „додека двајцата работеле за Градот Њујорк“.

Адамс ги отфрли обвинувањата и изјави за Си-Би-Ес Њуз дека „не се ни сеќава дека ја сретнал“ жената која го тужи. Законот, кој истекува денеска, создаде рок од една година во државата Њујорк за лицата кои доживеале сексуална злоупотреба да поднесат тужби кои инаку би биле блокирани со статутот на застареност.

Поранешниот претседател Доналд Трамп и филмскиот продуцент Харви Вајнштајн се меѓу тужените според законот. Адвокатот на обвинителот ја поздрави важноста на законот бидејќи „им даде можност на толку многу жени да бараат правда“.

Жената која го тужи Адамс бара отштета од 5 милиони долари.

Во моментот на наводниот сексуален напад, Адамс работел како полицаец во Њујорк, а во документот како обвинет е и транзитната канцеларија на министерството.

Зборувајќи за Си-Би-Ес Њуз вчера попладне, Адамс истакнал дека „нападот апсолутно не се случил“.

„Не се ни сеќавам која е таа личност, воопшто не се сеќавам дека сум ја сретнал. Го поминав животот заштитувајќи ги луѓето“, додаде тој.

Ова е само последен во низата правни удари за Адамс, член на Демократската партија. Тој се соочува со истрага за финансирање на неговата градоначалничка кампања пред две години. На почетокот на овој месец, агенти на ФБИ извршиле претрес во неговиот стан и заплениле три електронски уреди, наводно два iPhone и iPad.

The post Градоначалникот на Њујорк обвинет за сексуален напад: „Воопшто не се сеќавам на таа жена“ appeared first on Република.

Новиот документарен филм на режисерката Тамара Котевска, насловен „Патување пеш“ (The Walk), денеска ќе има светска премиера во Њујорк, на DOC NYC - најголем американски фестивал за документарни филмови.

Филмот е посветен на бегалците од Сирија и Палестина, сниман е две години на територија од повеќе од 10 земји, помеѓу Сирија на исток и Обединетото Кралство на запад, како и на бреговите на Јужна Африка. Во реализацијата на филмот учествуваа и монтажерот Мартин Иванов, кинематограферот Самир Љума и композиторот Дуке Бојаџиев.

Главен продуцент на филмот е Grain Media - една од најголемите наградувани британски филмски компании фокусирана на документарните филмови. Македонски копродуцент е ОХО Продукција, a филмот е поддржан и од Агенцијата за филм на Македонија.

Филмот го следи патувањето на Амал, џиновска кукла висока 3,5 метри, млада бегалка, која патува преку сириската граница во Турција, низ Европа, обидувајќи се да си најде дом.

Тоа е филм за детската невиност и моќта на имагинацијата во време на криза, која ја следи одисејата на Амал преку два континента. Фидаа Зидан од Палестина и Муајад Моин од Сирија се двајцата исклучително талентирани актери кои се дел овој проект, а ја делат истата судбина како огромен број бегалци кои изгубиле се, вклучувајќи ги своите домови и фамилии, но продолжуваат да бараат засолниште. Во моментов во светот има над 35 милиони бегалци, од кои 14 милиони се деца, а повеќето од нив сирачиња, во чија чест, џиновската кукла Амал активно се движи низ светот со својот патувачки театар, информира продукцијата.

Режисерката Тамара Котевска постигна огромен успех како ко-режисер на документарниот филм „Медена земја“ во 2019 година, кога филмот доби три награди на култниот американски филмски фестивал „Санденс“, а следната година имаше номинации за Оскар во две категории.

The post Светска премиера на документарецот на Тамара Котевска „Патување пеш“ на фестивал во Њујорк appeared first on Република.

Околу 500 демонстранти, повеќето членови на групата „Еврејски глас за мир“, се собраа вчера кај Статуата на слободата во Њујорк, барајќи прекин на огнот во Појасот Газа, каде што во последниот месец, според палестинските здравствени власти, загинаа повеќе од 10.000 луѓе, меѓу кои околу 4.000 деца.

Ова е трет собир организиран од групата во последниве недели, по еден одржан на станицата Гранд Централ на Менхетен и еден пред Капитол Хил во Вашингтон.

⚠️ HAPPENING NOW AT THE STATUE OF LIBERTY: Hundreds of Jews and allies are holding an emergency sit-in, taking over the island to demand a ceasefire in Gaza. We refuse to allow a genocide to be carried out in our names. Ceasefire now to save lives! Never again for anyone! ⚠️ pic.twitter.com/wTjZqZFHyf

— Jewish Voice for Peace (@jvplive) November 6, 2023

Демонстрантите носеа транспаренти на кои пишуваше „Престанете на огнот сега! и „Целиот свет гледа“ и извикуваа „Никогаш повеќе никому, никогаш повеќе не е сега“, што беше еврејскиот крик по холокаустот.

„Исто како и Палестинците, така и многу од нашите предци копнееја да дишат слободно“, објави групата преку социјалната мрежа Икс.

Групата „Еврејски глас за мир“ се противи на политиката на актуелната израелска влада кон Палестинците, сметајќи ја за еден вид апартхејд.

The post Стотици Евреи се собраа во близина на Статуата на слободата во Њујорк и побараа прекин на огнот appeared first on Република.

Документарниот филм „The Walk“ на македонската режисерка Тамара Котевска ќе ја има својата светска премиера во Њујорк, САД на 9 ноември годинава на DOC NYC, најголемиот американски фестивал за документарни филмови.

Филмот го следи патувањето на Амал, џиновска кукла висока 3,5 метри, млада бегалка, која патува преку сириската граница во Турција, низ Европа, обидувајќи се да си најде дом. Тоа е филм за детската невиност и моќта на имагинацијата во време на криза која ја следи одисејата на Амал преку два континенти.

Фидаа Зидан од Палестина и Муајад Моин од Сирија се двајцата исклучително талентирани актери кои се дел овој проект, а ја делат истата судбина како огромен број бегалци кои изгубиле сè, вклучувајќи ги своите домови и фамилии, но продолжуваат да бараат засолниште. Во моментов во светот има над 35 милиони бегалци, од кои 14 милиони се деца, а повеќето од нив сирачиња, во чија чест, џиновската кукла Амал активно се движи низ светот со својот патувачки театар.

Филмот се снимаше две години, на територија од повеќе од 10 земји, помеѓу Сирија на исток и Обединетото Кралство на запад, како и на бреговите на Јужна Африка. Во реализацијата на филмот, покрај режисерката Котевска учествуваа и монтажерот Мартин Иванов, кинематограферот Самир Љума и композиторот Дуке Бојаџиев.

Тамара Котевска постигна огромен успех како ко-режисер на документарниот филм „Медена Земја“ во 2019 година, кога филмот доби 3 награди на култниот американски филмски фестивал „Санденс“, а следната година имаше номинации за Оскар во две категории.

Главен продуцент на филмот е една од најголемите наградувани британски филмски компании со фокус кон документарните филмови, GRAIN MEDIA. Kако македонски копродуцент се јавува ОХО Продукција, a филмот е поддржан и од македонската Агенцијата за Филм.

The post Документарецот на Тамара Котевска ќе има светска премиера во Њујорк на 9 ноември appeared first on Република.

Поради конфликтот што ескалира на Блискиот Исток изминатиот викенд, приврзаниците на Израел и Палестинците одржаа посебни митинзи во неколку американски градови во неделата.

Во Њујорк дојде до судир меѓу ривалските демонстранти во близина на седиштето на Обединетите нации на Ист Ривер, откако поголема група палестински приврзаници се собраа на Тајмс Сквер.

Полицијата го опколи комплексот на Обединетите нации додека десетици пропалестински демонстранти се собраа во близина, скандирајќи и веејќи знамиња.

На тротоарите беа поставени метални барикади, а полицајците се обидоа да ги раздвојат двете спротивставени групи.

Додека некои палестински демонстранти си заминуваа, демонстранти со израелски знамиња ги преминаа барикадите, по што дојде до кратка пресметка.

Палестинците кои живеат во Америка протестираа пред израелските конзулати во Атланта и Чикаго, додека поранешната претседателка на Претставничкиот дом на САД Ненси Пелоси го предводеше собирот на еврејската заедница во синагога во Сан Франциско.

The post Судир на улиците во Њујорк меѓу палестински и израелски демонстранти, полицијата интервенираше appeared first on Република.

Чадот од шумските пожари во Канада го покрива Њујорк.

Шумските пожари кои сè уште беснеат во Канада се очекува да прекријат делови од североисточниот дел на САД носејќи густ чад во Њујорк и Масачусетс, соопштија синоптичарите.

Сегашните прогнози покажуваат дека облак од чад од шумскиот пожар може да стигне до Њујорк околу изгрејсонцето во понеделник наутро, предизвикувајќи забележително магливо небо, рече градоначалникот на Њујорк, Ерик Адамс, во предупредувањето до жителите.

Одделот за заштита на животната средина на Њујорк прогнозираше умерени услови за квалитет на воздухот, предупредувајќи ги жителите кои веќе имаат здравствени проблеми да ги преземат неопходните мерки на претпазливост во однос на прогнозираниот квалитет на воздухот.

Пожарите во Канада продолжуваат да произведуваат чад во Њујорк, а чадот на голема височина може да биде видлив се наведува на социјалната мрежа Х.

Жителите на јужна Нова Англија се разбудиле од густа магла во неделата наутро, а Националната метеоролошка служба соопшти дека се очекува уште помагливо време бидејќи чадот од шумските пожари се движи од Канада, според објавата на „Network X“ објавена од „NWS Boston“, пренесува CNN.

Чадот продолжува да влијае на квалитетот на воздухот во регионот додека Канада се бори со својата најлоша сезона на шумски пожари досега. Само на североисток, во моментов има повеќе од 50 шумски пожари кои горат во Онтарио и пет активни пожари во Квебек.

Медиумите потсетуваат дека на 30 септември беше објавено дека во Њујорк е прогласена вонредна состојба поради поплавите предизвикани од големото невреме. Многу патишта и метро станици беа поплавени, а затворен е и најмалку еден терминал на аеродромот Ла Гвардија.

The post Њујорк пред катастрофа: По поплавите, на градот му следи закана од пожари appeared first on Република.

Чадот од шумските пожари во Канада го покрива Њујорк. Шумските пожари кои сè уште беснеат во Канада се очекува да прекријат делови од североисточниот дел на САД носејќи густ чад во Њујорк и Масачусетс, соопштија синоптичарите.

„Сегашните прогнози покажуваат дека облак од чад од шумскиот пожар може да стигне до Њујорк околу изгрејсонцето во понеделник наутро, предизвикувајќи забележително магливо небо“, рече градоначалникот на Њујорк, Ерик Адамс, во предупредувањето до жителите.

Одделот за заштита на животната средина на Њујорк прогнозираше умерени услови за квалитет на воздухот, предупредувајќи ги жителите кои веќе имаат здравствени проблеми да ги преземат неопходните мерки на претпазливост во однос на прогнозираниот квалитет на воздухот.

„Пожарите во Канада продолжуваат да произведуваат чад во Њујорк, а чадот на голема височина може да биде видлив“ се наведува на социјалната мрежа Х.

Жителите на јужна Нова Англија се разбудиле од густа магла во неделата наутро, а Националната метеоролошка служба соопшти дека се очекува уште помагливо време бидејќи чадот од шумските пожари се движи од Канада, според објавата на „Network X“ објавена од „NWS Boston“, пренесува CNN.

Чадот продолжува да влијае на квалитетот на воздухот во регионот додека Канада се бори со својата најлоша сезона на шумски пожари досега. Само на североисток, во моментов има повеќе од 50 шумски пожари кои горат во Онтарио и пет активни пожари во Квебек.

Медиумите потсетуваат дека на 30 септември беше објавено дека во Њујорк е прогласена вонредна состојба поради поплавите предизвикани од големото невреме. Многу патишта и метро станици беа поплавени, а затворен е и најмалку еден терминал на аеродромот Ла Гвардија.

The post Њујорк пред катастрофа: По поплавите, на градот се закануваат пожари appeared first on Република.

Гувернерката на Њујорк, Кети Хочул, изјави дека обилните дождови што донесоа изненадувачки поплави во Њујорк се резултат на климатските промени кои веројатно ја одразуваат „новата нормалност“.

Се разбира, знаеме, ова е резултат на климатските промени. Ова е, за жал, она што треба да го очекуваме како ново нормално, рече Хочул, пренесоа британските медиуми.

Таа предупреди на поплави опасни по живот и прогласи вонредна состојба во Њујорк, Лонг Ајленд и долината Хадсон, а воедно го поздрави одговорот на владата и кажа дека нема пријавени смртни случаи и покрај силниот дожд.

Хочул додаде дека вонредната состојба, што овозможува побрза распределба на ресурсите за решавање на кризата, ќе остане на сила во следните шест дена.

Гувернерката на Њујорк кажа и дека разговарала со лидерот на мнозинството во Сенатот Чак Шумер и дека ова тело е подготвено да поддржи федерална декларација за катастрофа доколку е потребно.

Во некои делови на Њујорк наврна и до 20 сантиметри дожд, а многу училишта, градското метро, ​​улици и автопати беа поплавени.

The post За гувернерката на Њујорк поплавите се резултат на климатските промени и „новото нормално“ appeared first on Република.

Во Њујорк денеска е прогласена вонредна состојба откако голем дел од областа беше поплавена поради невремето.

Поради надојдената вода затворено е метрото и еден терминал на аеродромот ЛаГвардија, а поголем број од патиштата се под вода.

Оваа бура е опасна по живот. Прогласувам вонредна состојба во Њујорк, Лонг Ајленд и долината Хадсон. Сметајте на ова во следните 20 часа, изјави гувернерката на Њујорк, Кети Хочул.

Властите издадоа предупредување за поплави во Менхетен, Бруклин и Квинс.

The post Вонредна состојба поради поплави во Њујорк appeared first on Република.

Претседателот Стево Пендаровски денеска во Њујорк, на маргините на 78. Генерално собрание на Обединетите нации, се сретна со Јури Ким, заменик помошник државен секретар за Европа и Евроазија и Џим O'Брајан, раководител на Канцеларијата за координација на санкции при американскиот Стејт Департмент.

На средбата, како што соопштија од Кабинетот на претседателот, се разговарало за актуелните состојби поврзани со европските интеграции на државава, за реформскиот напредок, како и за политичките состојби во земјава и во регионот. Соговорниците се согласиле дека е потребно да се одржи фокусот на реформите, како и на подготвеноста за водење на преговорите со Европската Унија.

На средбата беа потврдени одличните билатерални односи меѓу Соединетите Американски Држави и Република Македонија, при што претседателот Пендаровски се заблагодари на американската поддршка за членството на Македонија во ЕУ како стратешка определба на македонското општество, стои во соопштението.

The post Пендаровски во Њујорк на средба со Јури Ким и Џим O’Брајан од американскиот Стејт Департмент appeared first on Република.

Претседателот на државата Стево Пендаровски вчера во Њујорк остварил билатерална средба со претседателот на Република Кореја, Јун Сук-Јеол.

-На средбата, која е прва средба на ниво на претседатели на држави, беше изразен интерес и подготвеност за истражување на правците за продлабочување на билатералната соработка и зближување на двете земји, по воспоставувањето на дипломатските односи во 2019 година, соопшти Кабинетот на Пендаровски.

Двајцата претседатели потенцирале дека постојат можности за развој на политичкиот дијалог на сите нивоа, интензивирање на економската соработка, како и соработката во мултилатералните организации.

Претседателот Пендаровски изразил интерес за зголемување и унапредување на економската соработка, при што посочи дека размената на деловни делегации која станува се поинтензивна овозможува да се искористи потенцијалот за продлабочување на оваа соработка.

The post Пендаровски во Њујорк оствари средба со претседателот на Република Кореја, Јун Сук-Јеол appeared first on Република.

Државна делегација предводена од претседателот Стево Пендаровски од денеска до 22 септември ќе учествува на 78. сесија на Генералното собрание на Обединетите нации во Њујорк.

Пендаровски на 22 септември ќе се обрати на Генералната дебата на 78. сесија на Генералното собрание на Обединетите нации, што се одржува на тема „Обнова на довербата и повторно стартување на глобалната солидарност: Забрзување на акцијата за Агендата 2030 и нејзините Цели за одржлив развој кон мир, просперитет, напредок и одржливост за сите, најави Кабинетот на Претседателот.

Во рамки на учеството на Генералното собрание на ОН, предвидено е Пендаровски да оствари средба со генералниот секретар на ОН, Антонио Гутереш, при што ќе ја одликува ООН со Орден на Македонија.

Пендаровски ќе има обраќање пред Советот за безбедност на отворената дебата на тема „Одржување на целите и принципите на Повелбата на ОН преку ефективен мултилатерализам: одржување на мирот и безбедноста на Украина“.

Ќе присуствува и на отворањето на Политичкиот форум на високо ниво за одржлив развој под покровителство на Генералното Собрание и ќе се обрати на лидерскиот дијалог „Зголемување на активностите на клучните транзиции за да се забрза напредокот на Целите за одржлив развој“.

За време на учеството на Генералното собрание на ОН, претседателот Пендаровски ќе оствари билатерални средби со шефови на држави, учесници на Генералното Собрание.

За време на престојот во САД, претседателот Пендаровски ќе биде придружуван од сопругата Елизабета Ѓоргиевска, и ќе го посети Њу Џерси, каде е предвидено да оствари средби со претставници на македонската заедница. Ќе го посети и Чикаго, каде ќе присуствува на хуманитарната гала вечера „Патишта кон просперитет“ во организација на бордот на директори на „Македонија2025“ и ќе го одликува главниот извршен директор на Боинг, Дејвид Л. Калхун со Орден „8 Септември“.

Во состав на македонската државна делегација се и вицепремиерот за економски прашања, координација на економските ресори и инвестиции, Фатмир Битиќи, и министерот за надворешни работи, Бујар Османи.

Како што најавија од Министерството за надворени работи, Османи во својство на министер за надворешни работи, но и како претседавач со ОБСЕ, А5 и ПСЈИЕ ќе земе учество на повеќе важни настани.

Оваа посета се реализира во историски момент за Македонија, кога земјата во исто време претседава со три различни процеси кои се од големо национално значење: ОБСЕ, САД - Јадранската повелба (А5) и Процесот за соработка во Југоисточна Европа – ПСЈИЕ, на кои претседавач е министерот Османи. Во таа насока, Османи ќе предводи важни средби со земјите од А5 САД-Јадранската повелба, земјите членки на ПСЈИЕ, ОБСЕ Тројката, и повеќе билатерални состаноци со министрите за надворешни работи на повеќе земји. Воедно ќе учествува и на низа други настани на високо ниво организирани од страна на ОН, соопшти МНР.

The post Пендаровски и државна делегација на 78. сесија на Генералното собрание на Обединетите нации appeared first on Република.

Резиденцијата што ја користела поренешна Југославија и која беше предмет на сукцесија се наоѓа на Петта авенија на источната страна на Менхетен.Изградена е во 1905 година и била дизајнирана од истата фирма што ја изградила познатата станица Гранд Централ. Има 32 соби, осум бањи и два лифта. СФРЈ ја купи во 1946 година, веднаш по Втората светска војна.

Во пентхаусот од 1.800 квадратни метри, во прозорците што гледаат кон Централ Парк, беше поставено непробојно стакло, а задниот е обезбеден со кафез Фарадеј за да се спречи прислушувањето.

За време на Студената војна, југословенскиот водач Јосип Броз Тито се засолни на оваа адреса по неуспешниот обид за атентат во хотелот Валдорф Асторија во 1963 година, кога беше во посета на Америка на покана на Џон Кенеди.

Скалите и подот се покриени со бел мермер, а таваните специјално украсени, а на ѕидовите има мурали. Оградата на скалите е направена од ковано железо, а дрвените рамки  се носени специјално од Франција.

https://republika.mk/vesti/makedonija/pendarovski-so-odgovor-do-vmro-dpmne-soglasno-dogovorot-koga-ke-bide-zaokruzhena-tselata-kupoprodazhna-transaktsija-site-sredstva-ke-bidat-prefrleni-vo-nashiot-drzhaven-budhet/

За Македонија оваа резиденција е значајна што добивме четири милиони евра од продажбата.Денеска ВМРО-ДПМНЕ обвини дека амбасадорот во Обединетите Љубомир Фрчкоски нации рекол дека нема нема да ги врати парите од продажбата во буџетот.

https://republika.mk/vesti/makedonija/dali-frchkoski-se-zakanil-deka-nema-da-vrati-chetiri-milioni-dolari-od-apartmanot-na-tito-vo-nujork/

The post Чист луксуз: Oва е резиденцијата на Тито во Њујорк за која Фрчкоски не сака да ги врати парите appeared first on Република.