Споделуваме заеднички демократски вредности и принципи, владеење на правото, слобода, безбедност и како земји сојузнички активно придонесуваме во регионалните иницијативи со цел зацврстување на регионалната безбедност и стабилност, заклучија министерот Владо Мисајловски и амбасадорката на Република Хрватска, Нивес Тигањ на денешната средба во Министерството за одбрана, на која присуствуваше и одбранбеното аташе полковник Стјепан Домјанчиќ, соопштија од кабинетот на министерот за одбрана, Владо Мисајловски.

Министерот Мисајловски упати благодарност за континуираната поддршка од страна на Хрватска на патот кон нашето членство во Европската Унија, за досегашната успешна соработка со хрватската амбасада и за придонесот на Хрватска со тим и воздухоплов за гаснење на пожарите кои ја зафатија нашата земја, велат од министерството за одбрана.

Амбасадорката Тигањ потенцирала дека Хрватска останува на ставот дека треба да бидеме дел од европското семејство и дека имаме континуирана поддршка за нашата евроинтеграција.

Одбранбената соработка меѓу двете земји е одлична и континуирано се унапредува. Соработката на полето на военото образование се реализира преку упатување на припадници на македонската Армија на школувања, обуки и стручни оспособувања во воено-образовните центри во Република Хрватска и со учество на експерти на полето на односи со јавност во обуките кои ги спроведува Регионалниот центар за односи со јавност, додават од министерството за одбрана.

The post Средба на министерот Мисајловски со амбасадорката на Република Хрватска, Нивес Тигањ appeared first on Република.

Премиерот Христијан Мицкоски денес оствари средба со амбасадорката на Република Хрватска, Нивес Тигањ.

„Ги потврдивме исклучителните пријателски односи меѓу двете држави. Изразив благодарност за поддршката која ја добива државава од пријателска Хрватска.

Македонија и Хрватска треба да ги искористат капацитетите на заедничкото пријателство“- истакна Мицкоски по средбата.

The post Премиерот Мицкоски се сретна со хрватската амбасадорка appeared first on Република.

Министерот за надворешни работи и надворешна трговија, Тимчо Муцунски и амбасадорката на Хрватска, Нивес Тигањ на денешната средба ги потврдиле традиционално пријателските односи меѓу двете земји, кои во иднина ќе се унапредуваат и продлабочуваат со посебен фокус на економската соработка, соопшти МНР.

Тема на разговорите било интегрирањето на земјите од Западен Балкан во ЕУ, при што соговорниците се согласиле дека проширувањето на Унијата ќе биде поттик не само за земјите од регионот, туку и суштински интерес за земјите членки.

Министерот Муцунски изразил благодарност за континуираната и безрезервна поддршка од Хрватска за наше членство во Европската унија. Воедно, била нагласена потребата заеднички и интензивно да се работи во насока на забрзување на нашиот евроинтегративен процес.

The post Муцунски – Тигањ: Потврдени пријателските односи меѓу двете земји, со фокус на економската соработка appeared first on Република.

Претседателот на Алијанса за Албанците, Арбен Таравари, и честиташе на хрватската амбасадорка во Скопје, Нивес Тигањ, за влезот на Хрватска во Шенген и во еврозоната.

Таравари во честитката вели дека успехот на Хрватска е инспирација и модел за другите земји од Западен Балкан.

Почитувана амбасадоркe Нивес Тигањ, Ви честитам за влезот на Хрватска во Шенген и еврозоната. Како најмлад член на европското семејство, извонредниот напредок на Хрватска е извор на инспирација и најдобар пример за европската иднина на нашиот регион, пишува Таравари на Твитер.

https://twitter.com/TaravariArben/status/1609916985160130563?cxt=HHwWhoCzpfy9ydcsAAAA

Од први јануари, Хрватска стана членка на Шенген зоната и влезе во еврозоната, што значи дека официјалната валута за Хрватска повеќе нема да биде куната, туку еврото.

The post Таравари и честиташе на хрватската амбасадорка за влезот на Хрватска во Шенген и еврозоната appeared first on Република.

Амбасадорката на Хрватска во Македонија, Нивес Тигањ ја коментираше смртта на 27-годишниот хрватски ракометар Денис Тот.

Семејството е во шок, си заминаа од Скопје. Во овој момент е тешко да се каже какви мерки ќе преземат и како ќе постапат. Им ја пруживме сета човечка поддршка и конзуларна помош, а ќе видиме кога ќе дојдат резултатите од истрагата - изјави амбасадорката Тигањ за РТЛ.

Во болницата се’ уште трае инспекцискиот надзор за смртта на ракометарот. Индекс. хр потсетува дека првично беше објавено оти кај Тот немало видливи повреди.

Поради овие контрадикторни информации кои првично ги пласираа болницата и полицијата дека на телото на починатиот Денис немало траги на насилство, а по обдукцијата која даде различни резултати, министерот за здравство покрена истрага. Државното правобранителство го оквалификува кривичното дело убиство - рече Тигањ.

Хрватскиот ракометар Денис Тот почина минатата недела откако три лица го нападнаа пред ноќниот клуб „Привилиџ“ во Скопје. По кратката вербална расправија, тројцата го нападнале Тот и му задале повеќе тупаници и клоци.

Тот паднал од ударите и со задниот дел од главата удрил во асфалтот при што изгубил свест. Осомничените продолжиле да го удираат по главата, а потоа без да му помогнат избегале. Лице вработено во ноќен клуб повикало брза помош, по што Тот бил донесен во клиниката Марија Тереза ​​каде починал.

The post Се огласи хрватската амбасадорка – семејството на Тот е во шок, тешко е да се каже како ќе постапат appeared first on Република.

Амбасадорката на Хрватска во Македонија Нивес Тигањ ја коментираше смртта на 27-годишниот хрватски ракометар Денис Тот.

Семејството секако е во шок. Си заминаа од Скопје, во овој момент е тешко да се каже какви мерки ќе преземат, дали ќе бараат отштета или како ќе постапат. Им ја пруживме сета човечка поддршка и конзуларна помош, а понатаму ќе видиме што ќе биде кога ќе дојдат резултатите од истрагата, изјави за РТЛ амбасадорката Тигањ.

Поради контрадикторните информации кои првично ги пласира болницата и полицијата дека на телото на починатиот Денис немало траги на насилство, а по обдукцијата која даде различни резултати, министерот за здравство покрена истрага. Државното правобранителство го оквалификува кривичното дело како убиство, рекла Тигањ во изјавата во однос на ситуацијата околу убиството на ракометарот.

Хрватскиот ракометар Денис Тот почина минатата недела откако три лица го нападнаа пред ноќниот клуб „Привилиџ“ во Скопје. По кратката вербална расправија, тројцата го нападнаа Тот и му задале повеќе тупаници по главата, удирајќи го и со нозе.

Тот паднал од ударите и со задниот дел од главата удрил во асфалтот при што изгубил свест. Осомничените продолжиле да го удираат по главата, а потоа без да му помогнат, си заминале. Келнерка вработена во ноќниот клуб повикало брза помош, по што несреќниот Тот бил донесен на КАРИЛ ​​каде починал.

The post Хрватската амбасадорка Тигањ: Тешко е да се каже што ќе направи семејството Тот appeared first on Република.

Претседателот на Владата на Република Македонија, Димитар Ковачевски, се сретна со Нивес Тигањ, амбасадорка на Република Хрватска во нашата држава.

На состанокот е изразена јасна и силна поддршка за европските перспективи на земјава. Пренесена е определбата дека Република Македонија, освен во НАТО, треба да се интегрира и во Европската Унија, бидејќи е тоа од значење за целиот регион, но и за Унијата. Во таа насока се очекува успех во изнаоѓањето решение помеѓу Македонија и Бугарија, што ќе овозможи отворање на преговарачкиот процес со ЕУ.

„Воспоставивме однос на меѓусебно почитување и работиме на решенија базирани на европските вредности. Од двете страни зависи дали енергијата ќе биде преточена во конструктивен дијалог, но постои позитивна енергија во разговорите и отвореност за меѓусебно разбирање“, рече премиерот Ковачевски.

Тој соопшти дека заедно со Владата е фокусиран и на клучните прашања од директен интерес на граѓаните, при што се веќе направени конкретни постигнувања со покачувањето на минималната плата на 18.000 денари и во делот на социјалните трансфери, како што се субвенциите за плаќање електрична енергија.

На средбата се разменети мислења за прашања преку коишто Република Македонија може да извлече практични и корисни искуства од Република Хрватска, значајни за евроинтеграцискиот процес.

Исто така е оценето дека постои големо и искрено пријателство помеѓу двете држави, коишто годинава ќе одбележат 30 години од воспоставувањето дипломатски односи, дека билатералните односи се унапредени и дека во следниот период, посебно внимание ќе биде посветено на зголемувањето на трговската размена и на економската соработка.

The post Ковачевски – Тигањ: Хрватска со поддршка за европерспективите на Македонија appeared first on Република.

Македонија и Хрватска точно три децении градат одлични, пријателски односи на сите полиња. Соработката во областа на одбраната е силна и интензивна, особено во доменот на военото образование и школувањата на припадниците на Армијата на хрватските воени школи, заклучија на денешната средба министерката за одбрана Славјанка Петровска и хрватската амбасадорка Нивес Тигањ.

Хрватска одамна е наш поддржувач и пријател на патот кон НАТО, но и кон Европската Унија и тоа ни значи навистина многу. Членството во НАТО кое го реализиравме и членството во Унијата се различни процеси, но имаат иста точка на спојување, а тоа е безбедноста - рекла министерката Петровска, стои во соопштението од МО.

Таа порачала дека и досега во реформските зафати во нашата држава, многупати предвид ги земаме позитивните примери и реформи во Хрватска, што се покажало дека е вистинската одлука и дека реформите особено во безбедносниот сектор во Хрватска, функционираат и во Македонија.

Во контекст на НАТО, Петровска истакнала дека земјата останува цврсто на заложбата за алоцирање на два проценти од бруто-домашниот производ за одбраната до 2024 година и дека фактот дека годинава одбранбениот буџет изнесува 1,77 проценти од БДП покажува дека сме на добар пат.

Амбасадорката Тигањ се заблагодарила за отвореноста за уште поголемо интензивирање на билатералната одбранбена соработка и за пријателскиот однос и на политичко и на воено ниво.

Хрватска и Македонија, освен билатерално, соработуваат и на регионално ниво како земји – членки на САД – Јадранската повелба и на иницијативата СЕДМ. цр/дма/

The post Петровска-Тигањ: Македонија и Хрватска три децении градат блиски односи во одбраната appeared first on Република.

Градоначланикот на општина Аеродром, Тимчо Муцунски, се сретна со хрватската амбасадорка во Македонија, Нивес Тигањ, со која разговарале за повеќе теми како образованието, културата, животната средина и слично.

Посебен акцент ставивме на заеднички европски проекти и соработка на Општина Аеродром со хрватските општини.

 

Хрватска е голем пријател на Македонија и нашите односи ќе продолжиме активно да ги надградуваме - порачува Муцински.

The post Муцунски на средба со хрватската амбасадорка: Заеднички европски проекти и соработка со хрватските општини appeared first on Република.