Жестока борба со криминалот и негово целосно сузбивање ќе се овозможи преку унапредување и зајакнување на институционалната соработка со Народна банка, Управата за финансиско разузнавање, Управата за јавни приходи и Управата за финансиска полиција. Директорот на Царинска управа, Бобан Николовски, денеска одржа состанок со гувернерката на Народна банка, Анита Ангеловска-Бежоска на којашто ја потенцираше важноста на размената на податоци и нивно мечирање за целосно сузбивање на криминалот.

За овие потреби ќе биде склучен Меморандум во кој ќе се дефинираат ингеренциите и сетовите на податоци со кои располагаат институциите, а што ќе придонесe за подобро следење на текот на парите и сузбивање на криминалните дејствија меѓу коишто и спречување перење пари и финансирање тероризам.

„Потребно е да ја зајакнеме и подобриме институционалната соработка, преку размена на податоци. Од аспект на државните интереси за жестока борба со криминалот, следењето на текот на парите, особено во делот на меѓународните трансакции е клучно“, вели Николовски.

На средбата воедно беше договорено Народната банка да спроведе обуки за вработените во Царинската управа во насока на зајакнување на институционалните капацитети во борбата против фалсификување пари.

The post Николовски на состанокот со гувернерката Ангеловска-Бежоска: Унапредување на институционалната соработка и размената на податоци – клучно за сузбивање на криминалот appeared first on Република.

Работиме на унапредување на условите за водење бизнис, како и на жестока борба против сивата економија, при што сме фокусирани на системски мерки и активности, меѓу коишто е и понатамошна интеграција на системите на Царинската управа со системите на Управата за јавни приходи. Денеска директорот на Царинска управа, Бобан Николовски и директорката на Управата за јавни приходи Елена Петрова одржаа состанок на кој беше истакната потребата од поголема координација, размена на податоци и поврзување на системите се со цел сузбивање на сивата економија.

„Фирмите кои работат во рамките на неформалната економија стравуваат да влезат во радарот на царинските и даночните служби, а наша задача е да ги сузбиеме ваквите појави. На овој начин овозможуваме подобри услови за фер конкуренција, поголеми инвестиции во производство и крајно повеќе приходи во Буџетот“, истакна директорот на Царинска управа, Бобан Николовски.

На состанокот воедно се говореше за искуствата кои ги има Царина во имплементација на податочен склад и анализа на ризик.

The post Средба Николовски – Петрова: Жестока борба со сивата економија, на радар фирмите што избегнуваат данок appeared first on Република.

The post МЗШВ: По верификацијата на пратеничкиот мандат на досегашниот министер Николовски, до изборот на нов министер со министерството ќе раководи заменик министерката Вјолца Бериша appeared first on Република.

Одлична атмосфера. Имаме огромна победа. Водиме со 140 илјади гласови и разликата може да оди само нагоре, изјави потпретседателот на ВМРО-ДПМНЕ, Александар Николоски за моменталните резултати од првиот круг на претседателските избори и водството на кандидатката Гордана Силјановска-Давкова.

Како што додаде, од ВМРО-ДПМНЕ очекуваат да имаат повеќе гласови од сите други кандидати заедно, на крајот на броењето.

-Ќе одиме во втор круг на уште поуверлива победа. Во вториот круг очекуваме и над 61 пратеник на парламентарните избори. Ова е силна порака од македонските граѓани и дека и тие сакаат да бираат претседател. Благодарни сме им на граѓаните, додаде Николоски.

На прашањето колку гласовите на Османи ќе одлучат, вели дека не е паметно да повикуваат на бојкот во вториот круг од претседателските избори.

-Македонскиот народ испрати јасна порака на сите политичари. Ќе продолжиме со кампањата уште поинтензивно, потенцира потпретседателот на ВМРО-ДПМНЕ.

The post Николоски: Силјановска води со 140 илјади гласови, не е паметно Османи да повикува на бојкот appeared first on Република.

Нашето македонско бело злато, оризот, го вградивме во листата на статешки важни култури за државата. Исполнивме уште еден даден збор пред земјоделците. Измените во Законот за стокови резерви овозможуваат оризот, да биде опфатен како производ од исклучително значење за населението и се создаваат услови за негово чување како стоковни резерви, во вид на оризова арпа, истакна министерот Љупчо Николовски при денешната посета во Чешиново.

Измената на законот следува како предлог на министерството за земјоделство, шумарство и водостопанство, со што оризовата арпа се вбројува во листата на стратешки култури за државата.

Министерот Николовски нагласи дека ваквиот предлог произлегува од Националниот план за производство на храна, значаен документ што министерството за земјоделство го подготви уште во 2022 година, но и Националната Стратегија за земјоделството и руралниот развој за периодот 2021-2027 година, каде е предвидена мерка „Помош за складирање на производи“.

Измените во Законот за стокови резерви се веќе донесени од страна на Собранието, после скоро една година, неразбирлива блокада во Собранието.

Оризот е наша важна, традиционална житна култура во нашата држава. Нашата поддршка, кон оризопроизводителите, сме ја докажале на дело.

„Од оваа година оризопроизводителите, како и сите други земјоделци добиваат 100% зелена нафта. Субвенциите кон оризопроизводителите ги зголемивме за 300%. Обезбедивме поддршка кон производителите на ориз во набавка на специјализирани комбајни за жнеење на ориз и сушари за ориз. Бележиме добра цена на оризовата арпа, која оваа година достигнува и до 40 денари по килограм. Извозот, пак на ориз во 2023 година, достигна вредост од над 7 милиони евра девизен прилив“, истакна министерот Николовски.

Оризарите како и другите земјоделци, минатата година, за прв пат добија авансна исплата на дел од субвенциите, а навремено се исплатени и сите дополнителни субвенци, додаде министерот Николовски. Минатата недела реализирана беше исплатата кон 9.055 полједелци во вредност од 257,9 милиони денари.

Министерот Николовски при разговорите со оризопроизводителите информира дека и оваа година навремено ќе започне сезоната за наводнување. Системите се подготвени и веќе од оваа недела започнуваме со наводнување, истакна министерот Николовски.

The post Николовски: Со измените на Законот за стокови резерви го вградивме оризот во листата на статешки култури за државата appeared first on Република.

Новиот модел за субвенционирање успешно стартуваше во 2023 година и веќе ги дава првите резултати. Земјоделците своите заслужени субвенции ги добиваат навремено и брзо.

Модел за субвенционирање граден заедно со земјоделците уште во 2022 година. Прифатен од сите земјоделци, а потврден од подсекторските групи и Агро Советот, како највисоко тело во земјоделството. Токму во 2022 година, кон овоштарите, за прв пат беше реализирана и првата авансна исплата на субвенциите.

До сега, преку новиот модел за субвецнионирање, авансна субвенција е исплатена кон сите земјоделци. Аванса субвенција добија лозарите, овоштарите, градинарите, полјоделците и сточарите.

„Со новиот модел за субвенционирање си поставивме неколку цели. Најпрво да ги насочиме земјоделците да го произведуваат она што е стратешки важно за државата, а за тоа да добијат дополнителна поддршка. Земјоделците ги мотивираме и поддржуваме да користат сертифициани семенски матерјали и ѓубрива, да остварат поголем принос и да своето производство го предадат во домашните преработувачки капацитети, или пак истото да го искористат за сопствени потреби“, истакна министерот Николовски.

Преку новиот модел основна, директна субвенција за одржување на површините добиваат сите земјоделци, за сите култури. Додека пак, дополнителна субвениција добиваат земјоделците, што произведуваат култура од листата на значајни култури, оствариле зголемено производство и истото го продале на пазар, искористиле за сопствени потреби, или предале во преработувачки капацитети.

„Ваквата новина во субвенционирањето на оствареното производство кое главно завршува во домашните откупни, преработувачки и кланични капацитети од една страна се истиснува сивата економија, а од друга страна создаваме услови за развој на домашната економија, преку користење на основните земјоделски производи за добивање на производи со додадена економска вредност, кои освен што ја збогатуваат лепезата на домашни производи на македонскиот пазар туку и имаат голем извозен потенцијал“, истакна министертот Николовски.

Направените анализи по завршување на аплицирањето за дополнителни субвенции во декември 2023 година, покажаа дека 8.061 земјоделеци, немаат поднесено барање по овие дополнителни мерки.

„Затоа веднаш реагираме и на овие земјоделци ќе им биде дадена уште една можност, дополнително да го искористат оваа право и да поднесат барање, со тоа што ќе направиме дополнителна мерка во програмата за 2024 година, каде ќе добијат уште една шанса да го пријават своето производствово градинарство, лозарство и овоштарство и ги добијат дополнителните субвенции“, изјави министерот Николовски.

Кај сточарството пак, за дополнителните субвенции, сточарите не ги пријавуваат сами, туку тие ги добиваат со претходно исполнети услови, а тоа е произведено и предадено млеко во млекарниците, или предадени грла добиток во кланиците.

Дека новиот модел полека, но сигурно ги дава очекуваните резултати говорат и неколку примери.

„Производителите на јачмен, пченица, афион, сончоглед и маслодајна репка, добиваат поддршка за остварен принос. Па за оваа мерка до 2022 година аплицирале 1.800 корисници. Со новиот модел овозможивме, овие производители своето производство да го користат и за сопствени потреби, за производство на сточна храна, или да го предадат на регистрирани одгледувалишта, па така бројката на корисници, кај оваа мерка се зголеми на 5.300“, истакна министерот Николовски. 

Правилните политики во поддршката на земјоделското производство јасно се рефлектираат во бројките, кои го прикажуваат извозот на македонските земјоделски производи и преработни.

„Бележиме раст на извозот кај градинарските култури. Во 2023 година извозот на македонски зеленчук надмина рекорни 95 милиони евра, што е раст за 14 милиони евра споредбено со 2022 година, или раст за 10% во извезената количина македонски зеленчук, споредбено со истата 2022 година“, изјави министерот Николовски.

Македонската зелка веќе неколку години наназад е најизвесуваниот зеленкук, а во 2023 година вредноста на извозот достигнала 29,9 милиони евра, што е раст за 21% во споредба со 2022 година. Потоа пиперките се вториот најизвезуван производ, кој на странските пазари се продадени со 26.000 тони, во вредност од 20,7 милиони евра. Следуваат доматот, печурките за јадење, краставици и корнишони,  кромидот и компирот. 

Министерот Николовски истакна дека успешните мерки за развој на винскиот сектор и лозарството, дале резултат запишувајќи го високо на винсакта мапа македонското вино.

„Денес како држава бележиме 57,6 милиони евра девизен прилив од извозот на македонско вино, за разлика од 2016 година кога девизниот прилив изнесувал 47,7 милиони евра. Најдобар индикатор за развојот на винарството е додадената вредност на извозот флаширано вино. За краток период успеавме неговата вредност двојно да ја зголемиме, односно ако до 2016 година изнесувала помалку од 1 евро, денес просечната вредност изнесува 2 евра по шише македонско вино“, истакна министерот Николовски.

Раст имаме и кај извозот на јагнешко месо, па така ако во 2020 година сме имале извоз во вредност од 9,5 милиони евра, во 2023 година извозот на јагнешко месо достигнал 14 милиони евра.

Овие бројки јасно говорат дека новиот модел на субвенционирање полека, но сигурно, ги дава очекуваните резултати. Заедно со Платежната Агенција продолжуваме да го следиме и анализираме спроведувањето на новиот модел, редовно информирајќи ги граѓаните, нагласи министерот Николовски додавајќи дека во следниот период, пред Агро Советот ќе биде презентиран извештајот за спроведувањето на новиот модел на субвенционирање во земјоделството.

Остануваме посветени и заедно со земјоделците го модернизираме и развиваме македонското земјоделство, а резултатите го потврдуваат тоа.

The post Николовски: Новиот модел на субвенционирање ги дава очекуваните резултати appeared first on Република.

Малите семејни винарии се наша успешна приказна на која сите треба да бидеме горди, истакна денеска при посетата на малата винарија Брзанов во скопско Трубарево министерот за земјоделство, шумарство и водостопанство, Љупчо Николовски.

Испишувањето на оваа успешна приказна за развојот на малите семејни винарии, започна во 2019 година, создавајќи законска можност за регистрација на физички лица како производители на вино.

„Нашите вредни лозари, кој со години за своја душа си произведуваат убаво домашно вино, на овој начин добија можност, да создадат мала семејна винарија со капацитет до 50.000 литри. Можност да своето вино, произведено од сопствено грозје, да го продаваат слободно и легално од куќен праг. Затоа креиравме посебна, нова, програма за поддршка на малите винарии. Програма со која преку грант поддршка до 10.000 евра ги поддржуваме малите винарии да набават опрема за производство“, истакна министерот Николовски.

Дека оваа програма е прифатена од земјоделците и дала резултати говорат и бројките. Денеска, благодарение на добрите политики креирани од министерството имаме рекордна бројка од 173 регистрирани мали семејни винарии, кои може да се сретнат насекаде низ државата.

„Преку транспарентна и законска постапка, од двата јавни повици, до сега со грант поддршка за набавка на опрема за производство се поддржани 145 мали винарии. Секоја една мала винарија, која аплицирала на некој од овие два повици и притоа во целост ги исполнувала условите, добила грант поддршка за набавка на опрема. Резултатите и бројките се јасни. Денес имаме вкупно 255 регистрирани винарски визби во државата. Само за споредба пред 2019 година да се овозможи регистрација на малите винарии, бројката на регистрирани винарски визби била 71 винарска визба“, истакна министерот Николовски.

Министерството за земјоделство, шумарство и водостопанство во соработка со лозарите, винариите, здруженијата на земјоделци и стручната јавност, подготви и донесовме 10 годишна стратегија за развој на лозарството и винарството, како и подготовока на целосно нов закон за вино, кој веќе е во собраниска процедура и се чека негово усвојување.

Два важни документи, кои јасно ја пишуваат нашата визија како македонското вино да го искачиме уште повисоко на винската мапа и уште повеќе да го развиваме винскиот туризам.

Од малата винарија Брзанов министерот Николовски упат порака до пратенциите во брз рок да го донесат новиот закон за вино. Станува збор за важно законско решение, со кое лозарите добиваат со закон гаранитрана откупна цена, но и нова посебна програма за финансиска поддршка на овие два важни сектори.

„Мерките креирани за поддршка на винскиот сектор изминативе години дале резултати. Позиционирајќи ја нашата држава на 13 место во светот по остварен девизен прилив од извоз на вино. Од година во година бележејќи раст на извозот флаширано вино. Ние сме винска земја со многу успешни вински приказни. Нашите вредни лозари под македонското сонце го одгледуваат нашето грозје, од кое се прави убавото македонско вино, по кое сме препознаени во светот“, истакна министерот Николовски.

Нашата поддршка за малите винарии не застанува. Ја продолжуваме и оваа година, обезбедувајќи грант поддршка за набавка на опрема за производство.

The post Николовски: Малите винарии се наша успешна приказна на која треба сите да бидеме горди, поддршката кон нив ја продолжуваме appeared first on Република.

The post Николовски и Агелер во Горна Матка и Ржаничино посетија успешни жени земјоделки appeared first on Република.

The post Николовски на средба со претставници на лозарите од Тиквешијата appeared first on Република.

The post Министрите од регионот единствени – Регионална зелена акција за заедничка заштита и обнова на шумите appeared first on Република.

Според последните податоци нема зголемување на цените кај земјоделците, туку станува збор за нешто што трговците го наметнуваат на грбот на граѓаните. Откупната цена на млекото просечно се движи околу 30-32 денари, воопшто не е оправдано разликата на цената да биде на грбот на граѓаните а да профитираат трговците, вели министерот за земјоделство, Љупчо Николовски.

Токму затоа, како што рече тој вечерва во гостување на ТВ Сител, навистина како држава мора експресно и во тој дел сите институции да реагираат.

- Ние како Министерство сме задолжени да даваме поддршка на производителите и на земјоделците, на фармерите при самото производство, да го задржиме и да го зголемуваме самото производство на храна, укажа Николовски.

На прашањето колкаво влијание на зголемувањето на цените имаат земјоделците и колку тие добиваат од тоа зголемување, Николовски рече дека според последните податоци нема зголемување кај земјоделците, туку станува збор за нешто што трговците го наметнуваат на грбот на граѓаните.

-Токму затоа се овие остри реакции и Владата, во вторник ќе се донесе пакет на мерки со коишто ќе се ограничат цените на основните прехранбени производи заради тоа што драстична е разликата помеѓу растот на светските берзи на храната и растот којшто го имаме ние на рафтовите во маркетите, односно цената којашто плаќаат граѓаните, наласи Николовски.

The post Николовски: Просечната откупна цена на млекото е 30- 32 денари, трговците наметнуваат цени на грбот на граѓаните appeared first on Република.

Цените на житото годинава се преполовени. Мелничарите се снабдија со суровина по цена од 11 денари, а не по цена од 20 денари. Затоа, треба да одговорат кои се аргументите, зошто некој би барал поскапување на лебот на грбот на граѓаните, рече денеска  министерот за земјоделство, шумарство и водостопанство Љупчо Николовски.

Според Николовски, новите три мерки што ги донесе Владата на денешната седница и кои ќе се реализираат преку Интервентната програма, се насочени кон земјоделците зашто тие, како што напомена, се најпогодени.

-Мелничката индустрија оваа година се снабди со суровина која е преполовена и фер и коректно е да не се шпекулира и шпекулативно да не се создаваат цени. Ова е специфична година во која цената на житото на светските берзи беше преполовена, но и нашата мелничка индустрија се снабди со суровина која што е по цена од 11 денари, не по цена од 20 денари. Електричната енергија за разлика од минатата година исто така е стабилизиран пазарот и цените. Треба да одговорат кои се аргументите, зошто некој би барал покачување на цената на лебот на грбот на граѓаните кога мелничката индустрија се снабди со драстично поевтина суровина оваа година. И токму затоа нашата поддршка е со дополнителна поддршка на тие коишто го произведуваат житото, а тоа се земјоделците, потенцира министерот.

Според него, цените на светските берзи на житото оваа година се преполовени и затоа државната поддршка преку Интервентната програма, напомена, е насочена кон производителите.

-Ние и минатата година немавме поддршка од дополнителен еден, два или три денари за пченицата за откупот. Зошто? Затоа што цената откупна на пченицата беше и 20 и 22 денари зависно од квалитетот. Дури ни такво барање не беше воспоставено. Се сеќавам дека дури и тогаш немаше зголемување на цената на лебот, а камоли сега кога зборуваме за преполовени откупни цени на пченицата. Нашата цел е државната поддршка да ја насочиме кон оние што беа најпогодени. Тоа не е мелничката индустрија. Тоа се производителите и нашата цел е да го задржиме и стабилизираме домашното производство на пченица и на долг рок да станеме увозно независна, на среден и на долг рок, подвлече Николовски кој претходно ги објасни трите нови мерки за финансиска поддршка на производителите на пченица, семенски материјал и градинарски култури.

Новите три мерки што ги донесе Владата денеска се: три денари по килограм поддршка за остварено и предадено или складирано производство на пченица, за произведен домашен сертифициран семенски материјал од прва и втора генерација на пченица и јачмен, како и поддршка за домат и краставица.

The post Николовски: Мелничарите да ги кажат аргументите за поскапувањето на лебот, купија суровина за 11, а не за 20 денари appeared first on Република.

Денеска, министерот за земјоделство, шумарство и водостопанство Љупчо Николовски, го потпиша Договорот со  МГГП С.А. [MGGP S.A.] од Полска, за ново ортофото снимање на земјоделските површини на целата територија на државата

Ортофото картите изработени од новото аерофотограметриско снимање ќе бидат основен извор на геопросторни информации, кои ќе ни ја дадат моменталната слика на терен. Нивното значење е големо, пред се за водење на регистрите во рамки на министерството.

Изготвените ортофото снимки наоѓаат примена и при управувањето и креирањето на земјишната политка во делот на полјоделството, овоштарството и лозарството, потоа управувањето со државното земјоделско земјиште, како и во делот на водостопанството и шумарството. Целта на оваа активност е да бидат изготвени нови дигитални ортофото карти со висока резолуција, кои што понатаму покрај во земјоделството ќе најдат широка примена и во повеќе области како: геодезијата, катастарот, урбанизмот, заштитата на животната средина, кризниот менаџмент, одбраната и во други области каде што се користат геопросторни податоци.

Последото ортофото снимање на целата територија на државата беше извршено во 2017 година преку середства од ИПА ТАИБ националната програма за 2012 година.

„За новото ортофото снимање, кое започнува овој месец и треба да биде завршено до крајот на месец август, зависно од временските услови, во целост се обезбедени средства од националниот буџет на државата, во вкупна вредност од 25,8 милиони денари. Изработката на овие податоци е во согласност со неколку стратешки приоритети на Владата на Република Македонија и е во согласност со новиот модел за субвенционирање, кој ќе биде побрз и поефикасен, со поголема контрола и насочен кон поддршка на вистинските земјоделци. Токму ортофото снимикте се еден од методите кои на Платежната Агенција ќе и помогнат за поголема контрола при процесот за финасиска поддршка во земјоделството“ изјави министерот Николовски.

Преку новите ортофото снимки ќе се ажурираат податоците  за референтните земјишни парцели, со што точно ќе може да се утврди употребата на земјиштето. Пријавувањето пак за финансиска поддршка ќе се врши само за парцела на која е утврдена употреба за земјоделска дејност со точно утврдена големина. Платежната Агенција има можност уште во процесот за поднесување на барања да врши административни проверки за големината на пријавена површина и кодот на употребата. На тој начин ќе се намали ризикот од пријавување на необработено земјиште.

Она што го очекуваме со изготвувањето на новите ортофото снимки е значително зголемување на ефикасноста при контролата за сите мерки поврзани со површини. Со најновите снимки на земјоделските површини ажурирани ќе бидат и податоците на референтните пацели во СИЗП, со што би се намалиле можните грешки при поденесувањето на барањата по површини, а истовремено би се забрзало и одобрувањето на исплатите кај овие барања.

Новите ортофото снимки се неопходна основа и за надградување на IACS со новиот модул „Мониторинг“, за следење на сите земјишни парцели преку сателитски снимки.

На овој начин нашето земјоделство го усогласуваме до Заедничката земјоделска политика на Европската Унија.

The post МЗШВ: Започнува ортофото снимањето на земјоделските површини на целата територија на државата appeared first on Република.

Лидерската бидна. Позициите се кажаа. СДСМ веднаш удри на жестока пропаганда. Главниот акцент на нивното пропагирање е дека ВМРО ДПМНЕ влегува во Владата. Но, дали е тоа точно? Како навистина стојат работите моментно?

На лидерската средба претседателот на ВМРО ДПМНЕ, Христијан Мицкоски, на првиот човек на СДСМ и премиер, Димитар Ковачевски, му понудил:

Прв предлог,

• Преодна влада без учество на ДУИ во таа влада.
• Преодната Влада да организира предвремени избори
• Уставни измени да, но кои ќе стапат во сила со завршување на преговорите на Македонија за членство во Европската унијa

Втор предлог,

• Избори
• Гаранции за националниот идентитет и јазик
• Заштита на Македонците во Бугарија преку спроведување на пресудите на Судот за човекови права во Стразбур
  Економски пакет, и дури тогаш уставни измени, со обврска опозицијата, поразената страна на изборите да ги поддржува процесите.

Најдоброто во ова е тоа што ВМРО ДПМНЕ нуди предлог за европска интеграција на Македонија и заштита на националните интереси на Македонците. Две во едно, а не сервилен однос како досега што имаше СДСМ.

По лидерската веднаш, експедитивно се огласи Демократската унија за интеграција. Прифаќаат да биде формирана преодна влада без нив. Демек сега македонската јавност треба да биде убедена оти ДУИ е најпроевропска партија во Македонија. Да не живеевме Македонија, можеби и ќе поверувавме.

Колумната на Николовски можете да ја прочитате тука.

The post Николовски: Далеку е за СДСМ влада со ВМРО ДПМНЕ, како што е далеку Македонија од ЕУ appeared first on Република.

Со замрзнатата цена на лебот ги штитиме граѓаните, не може некој да се богати, а друг да осиромашува.

Не може мерки да се носат за некој да се богати, а друг да осиромашува. Владата е на и за граѓаните. Одлуката за замрзнување на цената на брашното беше донесена на база на сите информации што ги има Министерството за економија, а Државниот пазарен инспекторат ги направи сите пресметки и контроли. Граѓаните мора да се заштитат. Станува збор за само два продукта што ги произведуваат пекраниците во време кога е намалена цената на електричната енергија и брашното, рече денеска министерот за земјоделство, шумарство и водостопанство Љупчо Николовски.

Како што напомена Николовски, граѓаните очекуваа пониски цени на основните прехранбени производи, односно резултат од државната поддршка што ја добија компаниите преку субвенционираната струја.

Министерствата ги следат ефектите од антикризните мерки. Тие вчера беа презентирани од министерот за економија во делот дали се намалени цените. Моите изјави во изминатиот период беа константни - дека граѓаните очекуваат резултат од поддршката што ја добија компаниите, да има поевтини прехранбени производи. Со месеци сите ние плаќаме за голем дел од компаниите да добиваат повластена електрична енергија која во последниот период е со намалена цена, а со намалена цена е и брашното. Се тоа доведе до одлуката која ги штити граѓаните, изјави Николовски, одговорајќи на новинарски прашања по завршниот настан за твининг проектот „Усогласување на законодавството и имплементација на правото на ЕУ во областа на рибарството и аквакултурата во Република Македонија“.

Тој потсети дека конкретно, улогата на МЗШВ е да креира мерки кои го поддржуваат производството и тоа, рече, дава резултати.

Годинава ќе имаме близу 77 00 хекатри пченица што е зголемување за повеќе од 1 000 хектари од лани, а зголемено е и производство на јачмен, како и на сончоглед. Нашата заложба продолжува во тој правец, да ги поддржуваме земјоделците за да имаме поголемо производство, потенцира Николовски.

The post Николовски: Со замрзнатата цена на лебот ги штитиме граѓаните, не може некој да се богати, а друг да осиромашува appeared first on Република.

Министерот за земјоделство, шумарство и водостопанство, Љупчо Николовски заедно со министрите за земјоделство од Југоисточна Европа учествува на Шеснаесетиот по ред годишен работен состанок, во организација на Постојаната работна група за регионален рурален развој, кој оваа година се одржува во Црна Гора, а на кој учествуваше и федералниот германски министер за земјоделство, Џем Оздемир.  

Министрите за земјоделство од Југоисточна Европа на овој шеснаесетиот работен состанок, разговараа за продлабочување на регионалната соработка помеѓу земјите од Југоисточна Европа, како и за идентификување на меѓусебните потреби и интереси за постигнување на стратешки цели на Зелената агенда за Западен Балкан, кои потоа како ставови ќе бидат изнесени за Акцискиот план 2021/2030.

Во своето обраќање министерот Николовски нагласи дека единствено заедно и со меѓусебна поддршка можеме да обезбедиме одржливи системи за храна, да се бориме против деградацијата на агро системите и да го подобриме животот на нашите граѓани, кон почиста, побезбедна и поздрава иднина.

„Република Македонија се покажа како сериозен партнер на Европската Унија преку спроведувањето на ИПАРД програмите. Со преку 97% искористеност на ИПАРД II Програмата, со повеќе од 300 потпишани договори со корисници на ИПАРД 2 и со речиси 2000 реализирани исплати по овие договори, Европската комисија донесе одлука за зголемување на средствата за ИПАРД III за нашата земја. од 60 до 97 милиони евра. Заедно со нашиот придонес за ИПАРД III, имаме на располагање вкупно 210 милиони евра во следните 7 години за инвестиции во развојот на земјоделството. Ја разгледуваме и можноста за започнување на нова политика на поддршка во земјоделството, со авансно плаќање од 50% за ИПАРД проектите. Македонија ги интегрираше главните цели на Зелената агенда за Западен Балкан во сите мерки од ИПАРД III Програмата, со цел да придонесе за постигнување на нејзиниот Акциски план за периодот 2021-2030 година, особено во усогласувањето на земјоделско-прехранбената и примарниот производствен сектор со стандардите на ЕУ за безбедност на храната, промовирање на органското земјоделство и иновативни технологии, поддршка на инвестиции во обновливи извори на енергија и мерки за климатски промени во земјоделството“ истакна министерот Николовски во своето обраќање на шеснаесетиот работен состанок на министрите за земјоделство од Југоисточна Европа.

Министерот Николовски нагласи дека Република Македонија во последните години, постигна голем напредок во усогласувањето на своето национално законодавство со европското законодавство од областа на земјоделството, како и на измени и дополнувања на пакет законски и подзаконски акти со цел усогласување со најновиот развој на европската регулатива, како што се законите за: директни плаќања во земјоделството; рурален развој; регулација на заедничкиот пазар; органско производство; рибарство и аквакултура; земјоделско осигурување; Закон за вино.

Новиот предлог модел за субвенционирање во земјоделството е уште едно услогласување кое министерството го прави со европските политики. Го заменуваме стариот систем на субвенционирање каде земјоделците добиваа субвенции без да покажат доказ дека произвеле, со нов систем на раздвојување каде што земјоделците ќе треба да докажат дека произвеле и испорачале производство, а фокусот се става на значајните култури и производи за државата.

Во рамки на состанокот министерот Николовски заедно со министрите за земјоделство на Албанија, Босна и Херцеговина, Косово и Црна Гора потпишаа Коминике чија цел е создавање регионална платформа за размена на информации и градење на заеднички политики за заштита на почвите во Западен Балкан. Заеднички ќе работиме на идентификација на деградацијата на почвата во регионот преку мониторинг на истата, за потоа да се креираат политики насочени кон одржливо управување со почвата, размена на прекугранично практично искуство, развој на јавни бази на податоци и платформи на знаење. На овој начин заеднички допринесуваме до подобрување на продуктивноста и обезбедување на екосистемски услуги, здрава и достапна храна, пристап до водни ресурси, а со тоа и заштита на биолошката разновидност и адаптација кон климатските промени.

The post Николовски од состанокот на министрите за земјоделство од Југоисточна Европа: Единствено заедно можеме да обезбедиме одржливи системи за храна и да се избориме против деградацијата на агро системите appeared first on Република.

Во мометнов не се обработуваат 85 илајди хектари државно земјиште и уште 90 илади хектари приватно земјиште. Токму затоа ги подготвивме измените на Законот за земјоделско земјиште каде велиме и приватното необработливо земјиште или напуштено ќе може државата да го дава на користење – најавува министерот за земјоделство.

Подготвивме измените на Законот за земјоделско земјиште според кои приватното необработено, или напуштено земјиште, државата во ваква криза ќе може да го дава на користење на оние кои сакаат да го обработуваат – истакна министерот за Земјоделство, шумарство и водостопанство, Љупчо Николовски вечерва во гостување на ТВ Сител.

Во земјава имаме 540 илади хектари земјоделско земјиште од кои моментно не се обработуваат 85 илајди хектари државно земјиште и дополнителни 90 илади хектари приватно земјиште. Сега ќе навлеземе во детални анализи и токму затоа ги подготвивме измените на Законот за земјоделско земјиште каде велиме и приватното необработливо земјиште или напуштено ќе може државата да го дава на користење. Фактот дека 1.500 договори се потпишаа оваа година говори за заинтересираноста на луѓето и земјоделците во целокупниот сектор, иако овие две години ќе бидат тешки, особено во делот на храната, затоа треба да бидеме целосно подготвени со сите мерки и политики – рече Николовски.

Тој додаде дека оние земјоделци кои егзистираат од земјоделство преку програмата за рурален развој ќе може да побараат и дополнителна подддршка.

За оние кои постојано велат ама ние опстојуваме само од земјоделие, а субвенции земаат сите, секој може да земе, нив ги издвојуваме во посебна категорија преку програмата за рурален развој каде велиме нема да чекате оглас или повик за трактор, систем за наводнување и друго, туку во 2023 година сите кои се регистрирани по Законот за вршење земјоделска дејност и егзистираат од оваа работа, покрај субвенциите, целокупната подршка, ќе може да аплицираат и за 10.000 евра поддршка од Агенцијата. Со бизнис план без да чекаат рокови, отворен јавен повик за цела година било кој ден, кога ќе ја подготват апликацијата за она за што сметаа дека им е потребно дали за преработка, производство, маркетинг и финализирање на производите, и нив со овој модел ги издвојуваме и велиме овие се побитни, бидејќи егзистираат од земјоделството и нив ги сметаме за попривилегирани – појасни министерот.

Следната година Министерството ќе ги исплати сите долгови кон земјоделците, и ќе може ведаш да почне со авансни исплати кои се предвидени во новиот систем за субвенции кој ќе има за цел зголемување на домашното производство на храна.

Николовски очекува пратениците да ги изгласаат сите закони во делот на храната за како што рече да имаат инструмент да реагираат на пазарот.

Нашето барање во делот на стоковите резерви, на пример, во однос на барањето на оризопроизводителите, оризот да влезе во Законот за стокови резерви, денеска проверив и е на второ читање во Собраниска седница. Јас очекувам пратениците сите закони во делот на храната да ги донесат со цел да имаме инструмент како да ја подобриме состојбата и кај оризопроизводителите. Треба да се користат механизмите. Со ребалансот беа издвоени 40 милиони евра за набавка на стоковите резерви и секако дека Владата во одреден период треба да реагира и преку стоковите резерви, и тие се една од алатките кои ги имаме на располагање – рече министерот за земјоделство Николовски.

The post Николовски најави големи измени во законот за земјоделско земјиште appeared first on Република.

Брашното, зејтинот и млекото нема да недостигаат на ниту еден граѓанин во државата и покрај кризата и поскапувањето на цените на прехранбените производи – уверува министерот за земјоделство Љупчо Николовски. Ако има недостиг на храна, договорено е резерви да се обезбедат со земјите потписнички на договорот за неограничена трговија со храна во рамките на Отворен Балкан, односно Албанија, Македонија и Србија.

Граѓаните се револтирани од континуираното поскапување на храната, особено млекото и лебот.

„Млекото секој ден поскапува. Не е нормално, нас не не прашуваат“, рече еден граѓанин.

„Кога имаме пари купуваме, а кога немаме не. Ќе седиш без млеко. Некој нема ни плата и не може да врзе крај со крај“, дададе еден граѓанин.

Последниве денови, цената на млекото за еден литар се искачи на околу 90 денари.

The post Николовски: Обезбедени се резерви на млеко, брашно и зејтин appeared first on Република.

The post Николоски по средбата со Орбан: Пријатели засекогаш appeared first on Република.

Почетокот на преговорите на Македонија со Европската Унија носи убави вести за нашиот агро сектор. Министерот за земјоделство, шумарство и водостопанство, Љупчо Николовски заедно со директорот на Агенцијата за финасиска поддршка во земјоделството и руралниот развој, Никица Бачовски, денес го презентираа новиот јавен повик за мерката 3 од ИПАРД-2 програмата. Јавниот повик се однесува за финансиска поддршка за инвестиции во основни средства за преработка и маркетинг на земјоделски и рибни производи.

Финансиската поддршка за овој јавен повик изнесува вкупно 5.028.568 евра, односно 75% средства обезбедени преку ИПАРД програмата и 25% средства обезбедени од буџетот на Република Македонија. Заедно со инвестициските средства од страна на корисниците вкупниот инвестицкиски фонд за оваа мерка изнесува 10 милиони евра.

Финансиските средствата по поединечно барање се доделуваат како неповратна финансиска поддршка, (грант) во износ до 50% од вредноста на вкупно прифатливите трошоци на инвестициите. Рокот за аплицирање по оваа мерка од ИПАРД програмата е до шести септември 2022 година.

„Република Македонија стана земја лидер во целиот регион по искористеност на ИПАРД средствата, со висок процент од 97% искрористеност на овие неповратни средства за поддршка на земјоделството и руралниот развој. Успешноста во реализацијата на овие проекти и успешните земјоделски политики кои ги води министерството и Владата ги потврди и Европската Комисија. Добиваме 97 милиони евра неповратни средства од Европската Унија преку ИПАРД 3 програмата. Тоа претставува зголемување за 62% споредено со ИПАРД 2 кога земјава доби на располагање 60 милиони евра“ изјави министерот Николовски.

Набавка на модерна земјоделска механизација, опрема за производство и преработка со највисоки технологии, изградба или проширување на производствените капацитети, како и поддршка за туризмот и руралниот развој се само дел од проектите кои се поддржуваат во рамки на ИПАРД програмата.

Директорот на АФПЗРР, Никица Бачовски, истакана дека овие средства се наменети за поддршка на проекти кои предвидуваат инвестиции за преработка и производство на млеко и млечни производи, месо и месни производи, овошје и зеленчук, преработка на житарици, производство на мелнички продукти, растителни производи и масла, маснотии од животни како и производство на вино.

„Сите заинтересирани апликанти ќе можат да аплицираат со проекти за набавка на машини и опрема за производство и преработка, како и проекти кои предвидуваат поставување, односно инсталирање на фотонапонски панели за производство на енергија од сопствени потреби. Прифатливи корисници се сите правни лица кои влегуваат во рангот на микро, мали или средни претпријатија.  Финансиските средства по поединечен корисник се доделуваат како неповратна финансиска поддршка, односно грант во висина до 50% од вредноста на вкупно прифатливите трошоци на инвестицијата“ изјави директорот на АФПЗРР Никица Бачовски.

Поддршката која како земја ја добиваме од Европската Унија е значајна во развојот и модернизација на македонското земјоделство, а успешната реализација на европските земјоделски програми, уште еднаш ја потврдува посветеноста и решителноста на МЗШВ и Владата во процесот на интеграција и полноправното членство во Унијата.

Заинтересираните апликанти барање за аплицирање може да подигнат од просториите на Агенцијата за финасиска поддршка на земјоделството и руралниот развој или по електронски пат преку веб странта www.ipardpa.gov.mk

The post Николовски: Објавен нов јавен повик од ИПАРД II, 5 милиони евра инвестициски фонд ставме на располагање за проекти преку мерката 3 appeared first on Република.