Со директорите на ФЗОМ, Клековски и Аџигогов одржавме состанок во Универзитетскиот институт за позитроно - емисиона томографија, каде со директорката д-р Маневска разговаравме за можноста за зголемување на капацитетите на овој центар, напиша на својот фејсбук профил Игор Николов

Целта е намалување на листата на чекање, особено на највулнерабилната група на пациенти - онколошките.
Како единствен ваков центар на регионот, УИ за ПЕТ се стреми кон имплементирање на нови радиофармацевтици, со што ќе се зголеми нивото на здравствена заштита и услугите до пациентите ќе бидат подостапни.
Преку инвестиција во нова опрема нашата интенција е проширување на дијагностичките модалитети, искачување на повисока скала на нуклеарната медицина во нашата земја, на ниво како и во останатите европски и светски центри.

The post Николов: УИ за ПЕТ ќе имплементира нови радиофармацевтици за зголемување на нивото на здравствена заштита appeared first on Република.

Македонија ќе биде дел од финалето на СП 2023 година. Таа чест ја имаат најдобрите судии Славе Николов и Ѓорѓи Начевски кои се делегирани да бидат дел од завршната манифестација во Шведска каде за златниот медал ќе се борат репрезентациите на Франција и Данска.

Финалниот меч е закажан за 21 часот на „Теле 2 Аренат“ во Стокхолм, што е всушност фудбалско игралиште кое е преуредено со дополнителни две трибини и таму ќе се игра мечот за златото.

Зрелото судење на Николов и Начевски повеќе сезони е препознаено и наградувано од страна на ЕХФ со делегирање на различни дерби среди, а не ретко истата двојка ја повикуваат да суди и дерби средби од националните првенства на некои земји како доказа дека професионално ќе ја завршат задачата – да се има фер, неутрално и правилно судење.

Ова ќе биде трето финале во низа на Македонците, кои исто така ја делеа правдата и на ЕП 2020 и на ЛОИ 2021. Ова ги прави меѓу ретките, ако не и единствени што суделе на сите три големи ракометни турнири, и тоа во низа. Успех што досега никому не му успеало со македонско знаме зад името.

Тие зад себе имаат финале и во Купот на ЕХФ и во КПК. Им отанува само уште финале на Ф4 во машка или женска конкуренција за да ги комплетираат сите можни финалиња на најдобриот ракомет.

Дополнително уште еден Македонец ќе биде финалниот ден, но во меч за бронзата, а тоа е делегатот Драган Начевски, на мечот Шпанија – Шведска.

Македонските судии досега „свиреа“ одлично на сите натпревари во групната и главната рунда на Мундијалот, па по потреба летаа прво во Шведска, па потоа во Полска, па повторно во Шведска на финалниот викенд. Судеа и меч од разигрувањето за пласман од 5 до 8 место, a за сите мечеви освен од официјалните лица, добија одлично критики и од актерите на теренот.

The post Николов и Начевски ќе го судат финалето на СП 2023 appeared first on Република.

Надлежните од министерството за здравство потврдија дека цела година не мрднале со прст за да го намалат побарувањето за отштета од раскинувањето на договорот за изградба нов клинички центар во Скопје.

Министерството за здравство ниту информираат, ниту знае дали треба да платат 8 милиони евра, 20 милиони евра или многу повеќе и за ова треба да ја известат јавноста заради тоа што оваа отштета или нивно невнимание треба да го платат граѓаните.

Без грам одговорност за овие суми зборуваат како да се 8 или 20 денари.

Кој ќе сноси одговорност за оваа штета со која директно и свесно го оштетуваат државниот буџет?

Актуелната власт наместо нов клинички центар од наши пари ќе се плаќа милиони евра заради тоа што не е изграден нов клинички центар.

Додека надлежните велат дека немаат доволно средства за најранливите пациенти, бесрамно потврдуваат дека цела година ништо немаат преземено за заштита на милиони евра пари на граѓаните кои сега ќе треба да се плаќаат за раскинување на договор за неизграден нов клинички центар.

Министерството за здравство се само прогласи за ненадлежно за обезбедување на средства за терапија за пациентите со цистична фиброза. Во меѓувреме доцнат сите тендерските процедури за пациентите со ретки болести, а надлежните само ги пренасочуваат пациентите по други институции однесувајќи се како да се сообраќајна полиција.

Притоа не се води грижа за пациентите, а истовремено се наоѓаат средства за разни координатори, заменици координатори, помошници на замениците координатори и слични измислени функции за огромни хонорари за проекти кои не се реализираат, а меѓу овие проекти е неизградениот клинички центар.

Или има за паразити, има за пенали за неградење на нов клинички, но нема за најранливите пациенти со ретки болести. Заради тоа одговорност мора да има и потребно е оваа да ја понесат сите министри за здравство во оваа Влада. Заради тоа час поскоро оваа Влада треба да падне, рече Игор Николов, претседател на Комисија за здравство на ВМРО-ДПМНЕ.

https://www.youtube.com/watch?v=a40NZflRvT0

The post Николов: Оваа Влада има пари за пенали, непостоечки функции, ама нема за лечење на граѓаните appeared first on Република.