Софија и Скопје нема заедно да ја чествуваат 120-годишнината од смртта на Гоце Делчев на 4 мај, изјави денеска в.д. министерот за надворешни работи на Бугарија,  Николај Милков.

На прес-конференција во Софија, како што пренесуваат бугарските медиуми, Милков рече дека не е постигнат договор со Република Македонија за заедничко одбележување на смртта на Делчев на 4 мај, иако имало такви договори и практики во претходните години.

 Ќе организираме прослави во Бугарија во градот Гоце Делчев со учество на највисоко ниво. На овие прослави добредојдени се и претставници на Македонија - истакна Милков.

Тој предупреди дека оние бугарски граѓани кои ќе сакаат да го посетат гробот на Гоце Делчев во Скопје би можеле да се соочат со истите проблеми како во февруари, кога се одбележуваше 151 година од неговото раѓање.

Шефот на бугарската дипломатија вели и дека засега не гледа чекори од Скопје во насока на спроведување на т.н. француски предлог. Смета дека е многу е важно како ќе бидат направени измените на Уставот на Македонија за вклучување на Бугарите.

Нашиот обид да кажеме дека тоа треба да се направи на начин на кој ќе се земат предвид сите права на македонските Бугари, беше пречекан со нож. Бевме обвинети за мешање во внатрешните работи- рече Милков.

Според него, секој обид за внесување оптимизам во билатералните односи засега останува без покритие.

The post Си имаат своја агенда: Милков објави дека Софија и Скопје нема заеднички да го одбележат 4 мај appeared first on Република.

Вршителот на должноста бугарски министер за надворешни работи Николај Милков, вели дека за Бугарија е единствено важно да обезбеди еднакви права на бугарскиот народ со другите народи во Република Македонија.

Тој одговори на прашање во врска со изјавата на претседателот на Македонија, Стево Пендаровски, дека барањето на Бугарија да биде дел од процесот на уставни измени е скандалозно.

Бугарија нема да прифати никаква формулација со која на македонските Бугари ќе им се додели статус што на кој било начин е различен од оној од другите уставно признати делови од народите во Република Македонија. Вклучувањето на Бугарите во Уставот на Република Македонија и заложбата на Скопје да преземе мерки за обезбедување ефективен пристап до еднакви права, заштита од дискриминација и заштита на културата и идентитетот на Бугарите, се наведени во Протоколот од вториот состанок на Мешовитата меѓувладина комисија, кој беше потпишан на 17 јули 2022 година, коментира Милков.

Тој изрази жалење што оттогаш нема напредок по ова прашање. Според него, темата станала предмет на „внатрешна дебата“, поврзана со покренување постапка за промена на Уставот на Република Македонија.

Во врска со почетокот на овој процес, Милков изјави дека ги поздравува напорите на Република Македонија за исполнување на обврските, кои, според него, треба да доведат до практична рамноправност на тукашните Бугари.

Успешното завршување на еден ваков процес ќе доведе до издигнување на билатералните односи на квалитативно ново ниво и ќе даде позитивен поттик на напорите на Република Македонија за почеток на преговори за членство во Европската унија, изјави Милков.

Тој посочи дека процесот на промена на Уставот секако е внатрешна работа на Република Македонија.

Има низа акции кои може да се оквалификуваат како обиди за подигнување на степенот на тензија, со што би се намалила можноста за мирен дијалог и атмосфера за овие промени. Јас лично не мислам дека изјавите од ваков тип водат кон смирување на ситуацијата, истакна Милков, во врска со изјавата на Пендаровски.

Министерот порача дека во духот на досегашното искуство, би сакале да се избегнат сценарија во кои приоди и конкретни решенија се договараат зад грб на Бугарија со земјите членки на Европската Унија, за потоа да се врши притисок врз Бугарија или таа да биде ставана пред свршен чин.

The post Милков: За Бугарија од најголема важност е да се обезбедат еднакви права на Бугарите со другите народи во Република Македонија appeared first on Република.

Македонија нема рокови за спроведување на барањата во францускиот предлог кој беше услов Европската унија да ни даде зелено светло за скрининг процесот кој ќе трае до крајот на оваа година.

Ова го истакна министерот за надворешни работи на Бугарија во интервју за Бугарската национална телевизија БНТ, Николај Милков. Тој додека дека кога Македонија ќе го исполни францускиот предлог, односно ќе ги внесе Бугарите во Уставот, тогаш ќе се отвори и првата фаза од преговарачкиот процес.

Се надевам дека ќе се вразумат и ќе размислуваат за за европската перспектива. Топката е на нивен терен. Немаат рок за спроведување на францускиот предлог. Кога ќе го исполнат, тогаш ќе се отвори првата фаза од преговарачкиот процес, изјави Милков.

Вршителот на должноста министер за надворешни работи потенцираш дека постои зголемување на тензиите во односите меѓу двете земји поради различните дејствија кои биле непријателски во однос на она што било договорено.

Според Милков во Македонија постојат случаи во кои македонските Бугари се репресирани. На таквите граѓани Бугарија е подготвена да им помогне со помош при поднесувањето на жалбите до домашните и европските судови.

The post Бугарскиот министер со порака: Кога Македонија ќе го смени Уставот, тогаш ќе се отворат преговорите со ЕУ appeared first on Република.

Бугарскиот министер за надворешни работи, Николај Милков, во интервју за бугарската национална телевизија, изјави дека постои ескалација и зголемување на тензиите со Македонија.

Во последните месеци бевме сведоци на разни дејствија кои се непријателски и неусогласени со разбирањето и договорната основа. Топката е на нивен терен. Немаат рок за спроведување на „францускиот предлог“. Кога ќе го исполнат, тогаш ќе се отвори првата фаза од преговарачкиот процес – изјави Милков.

Тој додаде дека Бугарија е подготвена финансиски да им помогне на граѓаните со бугарска самосвест во Македонија во правната битка што би ја воделе пред домашните и меѓународните судови.

Ние сме подготвени да соработуваме со луѓето со бугарска самосвест во периодот кога тие ќе поднесат жалби до судовите во Македонија и до европските судови. Повеќето од нив можеби немаат финансиски или други средства сами да го направат тоа. Мора да се охрабрат и да се чувствуваат поддржани – рече Милков.

The post Бугарија финансиски ќе ги помогне македонските Бугари кои сакаат да ја тужат државата appeared first on Република.

Во мојата последна колумна му се обраќам на бугарскиот министер за надворешни работи Николај Милков, кој беше амбасадор на Бугарија во Букурешт и каде имавме комуникација, вели Благој Зашов, поранешен амбасадор, во „Студио 10“ на ТВ24.

Јас од Милков очекував нешто друго, мислев дека ќе се однесува како дипломат и ќе се обиде да се најдат дипломатски а не политички решенија со Македонија. Тој е искусен дипломат и моите очекувања беа дека ќе ја смири топката. За мене е неприфатило тоа што го нападна нашиот претседател. Милков може да разговара со својот колега Османи, но не и во тој тон да му се обраќа на претседателот, вели Зашов.

Инаку, Милков доаѓа на позицијата министер за надворешни работи на Бугарија од позицијата амбасадор во Франција.

Како амбасадор сум имал посебна почит кон амбасадорите од соседните земји. Со Милков долги разговори сме воделе за Балканот и сега и во минатото. И ние се разбиравме и за причините и за последиците од тие три војни кои Бугарија ги водеше и ги изгуби оти беше на погрешната страна. Но, причината зошто Бугарија постојано била на погрешната страна во војните е Македонија, односно Бугарија била на страната на оние кои ѝ ветувале дека ќе ја добие Македонија, вели Зашов.

The post Зашов: Неприфатливо е Милков во тој тон да му се обраќа на претседателот Пендаровски appeared first on Република.

Сакаме да бидат заштитени правата на Бугарите таму. Се стремиме кон таква деескалација која ќе донесе подобра заштита на правата на Бугарите. Очекуваме конкретни чекори, а најважниот конкретен чекор, се разбира, е внесувањето на Бугарите во Уставот, изјави техничкиот министер за надворешни работи Николај Милков во интервју за БТВ.

Ние сме спремни за деескалација во односите под одредени услови. Враќање на ситуацијата од пред десет дена не нѐ задоволува. Конкретно бараме заштита на правата на Бугарите таму – ако тоа не се постигне, бетонирање на репресијата, вели Милков.

Во интервјуто, Милков информира дека секретарот на бугарскиот клуб во Охрид ќе остане во Бугарија се додека не биде безбедно да се врати назад.

Лошото е што имаме дилема пред којашто се поставени многу луѓе во Македонија – ќе треба да бидат замолчени и да не се занимаваат со својата дејност како членови на бугарските клубови или да бидат прогонети и да дојдат да живеат во Бугарија. Тоа е сериозен проблем. Наместо да се бараат напаѓачите, во полиција се испрашуваат активистите од клубовите и не знаат дали се повикани како обвинети или како сведоци на тоа што се случило во клубот, вели Милков.

За говорите на европратеникот Ангел Џамбаски и пратеникот во бугарското Собрание Костадин Костадинов во Скопје, Милков вели дека не може да коментира бидејќи не бил таму.

Не можеме да поддржиме такви изјави, затоа што не само што не водат до добрососедски односи, туку ги зголемуваат тензиите во Северна Маакедонија кои се рефлектираат врз правата на Бугарите и повторно одиме во круг, вели Милков.

Во интервјуто тој потврдува дека утре во земјава ќе дојде техничкиот министер за внатрешни работи Иван Демерџиев и директорот на ДАНС Пламен Тончев и дека ќе се разговара за конкретните чекори што треба да се преземат по повод чествувањето на роденденот на Гоце Делчев.

https://republika.mk/vesti/makedonija/bugarskiot-i-makedonskiot-minister-za-vnatreshni-ke-dogovaraat-taktika-za-4-fevruari-da-pomine-bez-intsidenti/

The post Милков: Враќање на ситуацијата од пред десет дена не нѐ задоволува, сакаме Бугарите да влезат во Уставот appeared first on Република.

Министерот за надворешни работи на Бугарија, Николај Милков нагласи и дека Бугарија нема да стави ново вето на европскиот пат на земјава, бидејќи, како што рече, тоа не е неопходно затоа што Македонија „не ни почнала преговори“.

Има јасен критериум. Кога Бугарите ќе бидат вклучени во Уставот – почнуваат преговорите. Тогаш веќе можеме да размислуваме до кој степен ги исполнуваат критериумите. Во моментов тоа не е потребно. Тие имаат јасен услов, тоа е европски услов, ратификуван од нашиот Парламент и прифатен од нивниот Парламент како услов. Можеби затоа што гледаат што произлегува од тие услови, затоа сега таму се создаваат овие тензии - додаде Милков.

Во однос на најавите за забрана за влез во земјава на еден пратеник во Европскиот парламент и неколку други лица од Бугарија, Милков изјави дека доколку се случи такво нешто, тоа би претставувало настан без преседан од повеќе причини.

Не ми е познато дека досега две земји членки на ЕУ меѓусебно си прогласиле поединци за персона нон грата. Забрана за влез на европратеници во земја кандидат ми изгледа нелогична - додаде Милков.

The post Милков: Бугарија нема да стави ново вето на европскиот пат на Македонија, затоа што „не ни почнала преговори“ appeared first on Република.

Бугарија ќе бара со нота да им се обезбеди пристап на бугарските државјани кои ќе патуваат во Македонија до споменикот на Гоце Делчев на 4-ти февруари. На чествувањето ќе присуствуваат и претставници на бугарската амбасада во Македонија. Ова го соопштил денеска министерот за надворешни работи на Бугарија, Николај Милков на брифинг со новинарите, пренесе БНТ.

Клучно е да се обезбеди безбедност и спокојство на Бугарите. Обезбедувањето непречено чествување на 4 февруари е елемент на тоа. Сакаме да постигнеме деескалација. Не бегаме од таков дијалог. Денеска телефонски разговор ќе има нашиот премиер со македонскиот Ковачевски и како еден од главните елементи ќе биде обезбедувањето на безбедноста, како за тамошните бугарски граѓани општо, така и во однос на тоа што се ќе се случува на 4 февруари. Ние се залагаме за таква деескалација и не треба да се врати на ситуацијата од пред една недела, бидејќи тоа би било конкретизирање на репресијата - посочи Милков.

Шефот на бугарската дипломатија посочи дека доколку Македонија го попречи пристапот на бугарските граѓани, тоа би било без преседан.

Ако тоа се случи, тоа ќе биде без преседан. Немам информации дека две земји членки ги прогласиле своите граѓани за персона нон грата. Ова ќе биде без преседан и ќе бара одговор без преседан. Андреј Ковачев е известувач за РМ во ЕП - потсетил тој.

Бугарија ќе бара гаранции од властите во Македонија дека овдешните институции, како што вели, ќе ги исполнат своите функции и ќе си ја вршат својата работа.

Бугарите и луѓето со бугарска самосвест немаат доверба во македонските институции, таквите поплаки што ги поднесуваат не се разгледуваат или ако се разгледаат добиваат негативен резултат, при што овие Бугари стануваат жртви на малтретирање и закани. Треба да се увериме дека македонските институции ќе започнат со својата работа. Комисијата за заштита од дискриминација наместо да ги разгледува извештаите, се сврте против нив - тврди Милков.

The post Милков: Со нота бараме пристап на сите Бугари на споменикот на Гоце Делчев appeared first on Република.

Бугарија ќе ги преземе сите мерки за случајот „Пендиков“ и тие се веќе во тек, изјави за бугарската БНТ бугарскиот технички министер за надворешни работи Николај Милков.

Тој вели дека дека кога се случил нападот на секретарот на бугарскиот културен клуб „Цар Борис Трети“ во Охрид Христијан Пендиков, во Македонија настанала првична паника.

Тие на различни нивоа признаа дека се работи за криминал од омраза. После тоа почнаа да се поткраднуваат сценарија дека Пендиков е наркоман и дилер, а најхрабрите тврдеа дека бугарските клубови се места на организиран криминал и дека се финансирани од трговија со дрога. Ова е наратив што не можеме да го споделиме и ќе ги преземеме сите мерки – рече Милков.

Милков веќе ги информирал министрите за надворешни работи на земјите членки на ЕУ на Советот за надворешни работи во Брисел.

Доставен е писмен меморандум за овие прашања до сите земји членки. Во нашата земја треба да се одржи средба со сите амбасадори на земјите членки. Ќе се користат и други механизми, меѓу кои и механизмот на ОБСЕ, кој сѐ уште има набљудувачка мисија во Скопје. Ги имаме алатките на Советот на Европа – прецизира Милков.

Во врска со одбележувањето на роденденот на Гоце Делчев на 4 февруари во Скопје Милков вели дека двете земји, но главно институциите во Македонија мора да останат смирени и да се воздржат од какви било провокации за да се обезбеди потребниот ред, така што секој што сака да може да оди и да се поклони.

Што се однесува до контранападот против Ангел Џамбазки и други наши политичари, мислам дека ова е дел од некој нов македонски наратив за да се направи да се минимизира нападот против Бугарите, систематските напади врз бугарските клубови и заедници таму, кои ескалираат. Почна со донесување на репресивен закон таму, продолжи со подметнување пожар за што е добиена условна казна, по што следеше пукање, а сега и физички напад врз лице кое е припадник на бугарската заедница. Таму се обидуваат да наметнат споделена вина, дека од двете страни на границата има луди глави. Не може да има такви аналогии – рече Милков.

Тој потсети дека во фокусот на францускиот предлог е почитувањето на правата на Бугарите во Македонија.

Милков ги прокоментира и зборовите на македонскиот претседател Стево Пендаровски:

Како доктор по историја можам да кажам дека ако има жртви на едната страна, спомнува 12 лица, би споменал илјадници луѓе кои биле убиени, 300.000 протерани меѓу двете војни. Сигурно слушнал за Голи Оток, каде по Втората светска војна стотици Бугари биле интернирани и загинале само затоа што имале бугарска самосвест. Немаат поим за нивната историја, бидејќи тие сѐ уште не ги отвориле архивите на нивните тајни служби, можеме да им помогнеме во тоа ако сакаат – рече Милков.

Во понеделникот по седницата на Советот за безбедност, прашан да ги коментира изјавите на Милков дека во Македонија се враќа традицијата на палење, стрелање и насилство врз луѓе, претседателот Пендаровски рече дека изјавата е грозна и единствено може да биде точна ако мисли на периодот од 1941 до 1945 година.

Кога техничкиот министер за надворешни работи ќе има време може да прошета до Ваташа, да види дел од таа традиција – рече претседателот Пендаровски.

The post Милков: Пендаровски зборува за 12 убиени Македонци, а не знае за илјадници убиени Бугари appeared first on Република.

Бугарските пратеници денеска нема да дебатираат за односите со Македонија затоа што министерот за надворешни работи Николај Милков не дојде во Народното собрание поради други обврски.

Расправата за Македонија и, како што беше најавено, последниот физичкиот напад врз бугарски државјанин во Охрид, е тргната од дневниот ред на денешната собраниска седница.

Потпретседателот на бугарскиот парламент Росен Жељазков на почетокот на седницата соопшти дека добиле допис од МНР дека поради службено патување на Николај Милков надвор од државата, дебатата мора да биде одложена.

Предлогот за ставање на оваа точка на дневниот ред на денешната седница беше на барање на партијата Преродба и на собранискатра комисија за политики за Бугарите во странство

The post Бугарскиот министер Милков не дојде на дебатата за Македонија appeared first on Република.

Mинистерот за надворешни работи на Бугарија, Николај, кој денеска учествуваше на состанокот на министрите за надворешни работи на ЕУ во Брисел, од европските колеги побарал останатите земји-членки на Европската Унија да изразат солидарност со Софија за притисокот врз бугарската заедница во земјава.

Во изјава за медиумите, министерот за надворешни работи, рекол дека ги информирал своите колеги за претепувањето на секретарот на бугарскиот клуб „Цар Борис Трети“, Христијан Пендиков.

Ги информирав колегите министри за тоа што се случи во Охрид, но во подолг контекст. Не се работи само за овој инцидент, се работи за тоа дека има ескалација на тензиите и ескалација на притисокот врз бугарската заедница таму. Започна со усвојување на законодавна репресија врз бугарската заедница и нејзиното право на здружување, што покажа, како што им кажав на моите колеги, извонреден консензус меѓу владејачката партија и опозицијата на антибугарска основа. Ова е многу сериозен знак , бидејќи тамошната опозиција и владејачката партија не се разбираат меѓу себе за голем број прашања. Потоа дојде до палењето на бугарскиот клуб во Битола, за што беше изречена условна казна, потоа следуваа три напади на клубови, а виновниците никогаш не беа пронајдени, изјавил Милков за бугарските медиуми. Сепак, БНТ нема информација каков одговор добил Милков од колегите, со оглед на тоа дека оваа точка не била на дневниот ред на состаниокот.

Не е исклучено Бугарија во иднина да го искористи правото на вето за Македонија иако коментарот на Милков бил дека засега тоа не треба да се случи, пренесува БНТ.

The post Бугарија побарала солидарност од другите земји-членки на ЕУ во врска со случајот со Пендиков appeared first on Република.

Грозна е изјавата на шефот на бугарската дипломатија Николај Милков, смета претседателот Стево Пендаровски и му препорачува да прошета до Ваташа, каде што бугарскиот фашистички окупатор во 1943 година изврши масакрот на 12 младинци.

Реакцијата на Пендаровски е одговор на изјавата на Милков, кој кажа дека во Македонија се враќа традицијата на палење, стрелање и насилство врз луѓе.

https://republika.mk/vesti/balkan/vo-makedonija-se-vrakaat-tsrnite-traditsii-na-palene-strelane-i-nasilstvo-reche-bugarskiot-miniter-dodeka-osmani-stoeshe-mirno/

Во однос на изјавата на господинот технички министер за надворешни работи… Тоа е прилично грозна изјава.. Вели: ‘Во Македонија се враќа традицијата на колежи, стрелање и насилство’. Единствено таа изјава може да биде точна ако мисли на периодот ‘41-’44 (бугарската окупацијата на Македонија). Кога техничкиот министер за надворешни работи ќе има време, може да прошета до Ваташа, да види дел од таа традиција“, кажа Пендаровски.

Прашан дали Бугарија може да го врати ветото, Пендаровски посочи дека не знае, но смета дека нема причина за тоа.

Не можам да знам што ќе направи Бугарија. Секоја држава автономно ги носи своите одлуки. Не гледам ниту една основа за ново вето. Се надевам дека нема да одат во таа насока. Ова што го зборувам, знаете дека станува збор за инструирани провокатори кои тоа го прават“, кажа Пендаровски.

The post Пендаровски до Милков: Грозна е изјавата за традицијата на колежи, кога ќе има време, нека прошета до Ваташа appeared first on Република.

Молкот на Бујар Османи, додека неговиот бугарски колега Николај Милков пред него вели дека „во Македонија се враќаат црните традиции на палење, стрелање и насилство“, е доволна причина за тој да биде разрешен, смета поранешниот обвинител Војо Димоски.

Само ова е доволна причина перикава да биде разрешен од министерското место. Покрај основната причина: дека е неспособен и неписмен, вели тој.

https://republika.mk/vesti/balkan/vo-makedonija-se-vrakaat-tsrnite-traditsii-na-palene-strelane-i-nasilstvo-reche-bugarskiot-miniter-dodeka-osmani-stoeshe-mirno/

The post Димоски: Само ова е доволна причина перикава да биде разрешен од министерското место appeared first on Република.

Министерот за надворешни работи Бујар Османи со неговиот бугарски колега Николај Милков денеска во болница во Софија го посетија секретарот на бугарскиот клуб „Борис Трети“ во Охрид, кој беше нападнат и повреден а потоа со бугарски владин авион пренесен на лекување во Софија.

По посетата, Милков кажа дека во Македонија се враќаат црни традиции на палење, стрелање и насилство, по што, според него, е историски позната Македонија. Тој рече и дека во Македонија има атмосфера на неказнивост на насилство.

Момчето настрада заради своите идеи. Еден маж со кауза која што ја застапува. Ситуацијата не треба да продолжи на овој начин. Треба да се стави крај на атмосферата на неказнивост која што раѓа и ново насилство. Тука сум да кажам ‘не’ на враќањето на тие црни традиции кои што се врзуваат историски за Македонија, на палење, на стрелање, на насилство врз луѓе. За такво нешто нема место во Европа“, изјави Милков, додека Османи стоеше до него.

Османи не рече ништо за ваквите обвинувања од бугарскиот колега и кажа дека во Македонија ќе има нула толеранција за насилство и зборуваше за позитивна агенда на двете влади.

Македонија ќе се погрижи да има нула толеранција на насилство како одговор на каков било проблем, најмалку на меѓуетничкиот соживот. Мора ние да го прекинеме овој циклус на провокации и насилство од двете страни и да ја наметнеме нашата позитивна агенда што двете влади се трудат макотрпно да ја изградат“, кажа Османи.

The post Во Македонија се враќаат црните традиции на палење, стрелање и насилство, рече бугарскиот министер, додека Османи стоеше мирно appeared first on Република.

Позицијата на Бугарија во однос на интеграцијата на Македонија е јасна од самиот почеток. Тоа се критериуми кои мора да се исполнат и без нивно исполнување не можеме да кажеме да. Не е потребна промена. Кога ќе го променат однесувањето, тогаш ќе дадеме зелено светло за нивна интеграција, одлучен е во изјавата вршителот на должноста министер за надворешни работи Николај Милков, додека на софискиот аеродром го чека владиниот авион со Бугаринот Христијан Пендиков, кој беше претепан во Охрид.

Во моментов тоа очигледно не е можно, имам чувство дека работите ќе ескалираат и покрај напорите што се прават да се смири ситуацијата. Ова не е само бугарска позиција, туку и европска. Овие критериуми се утврдени во документите усвоени од ЕУ, од сите земји-членки, од нашиот парламент и од парламентот во РСМ, додаде тој.

Тој рече дека напаѓачите се идентификувани, но не знае дали се приведени.

Имаше намера да се претресат нивните домови. Синоќа има сведоци за сето ова и очигледно е злосторство од омраза бидејќи сведоците тврдат дека Пендиков бил навредуван како Бугарин. Не може да се изјасни дека тоа било домашен спор или за нешто да направи со некои скандали во кафана, објасни шефот на дипломатијата.

Николај Милков изјави дека утрото разговарал со колегата Бујар Османи.

Тој ја изрази својата загриженост и излезе со став дека најостро го осудува овој чин на агресија, велејќи дека ниту еден граѓанин на Македонија не треба да биде жртва на неговите убедувања, етничка припадност, религија итн. Ова е правилен став, но она што го очекуваме е реакција од органите на прогонот во Македонија. Очигледно волјата не е доволна на политичко ниво, истакна Николај Милков.

The post Милков: Кога во Македонија ќе го променат однесувањето, тогаш ќе дадеме зелено светло за интеграција appeared first on Република.

Mинистерот за надворешни работи во службената влада во Софија, Николај Милков, порача дека Бугарија е Европска Унија и додека преговара со ЕУ, Република Македонија преговара со Бугарија.

Не сакам да го коментирам тоа што се дозна од медиумите дека го кажал Стево Пендаровски, бидејќи не би требало да коментирам медиуми. Сакам да дадам неколку принципиелни коментари за системски прашања во односите. Се надеваме дека извршните органи во РСМ ќе ја гарантираат безбедноста во државата, вклучително и на луѓе со бугарска етничка и национална самосвест таму.

 

Преку медиумите стигна теза дека РСМ нема да преговара со Бугарија, туку ќе преговара со ЕУ. За жал, можеби овој дефект го имаме и кај нас во последно времe, но Бугарија е ЕУ. Кога преговараат со ЕУ, преговараат со Бугарија. Нашите барања се вклучени во преговарачката рамката и Бугарија во секоја фаза има можност да има свое мислење за тоа како се спроведува оваа преговарачка рамка - изјави Милков во врска со изјавата на претседателот Пендаровски дека не би ја посетил Бугарија ако требало да се разговара за историски прашања.

Тој дополни дека „Бугарија исто така не преговара за историја, туку работите се оставени во рацете на комисиите“.

Тие треба да утврдат кои се историските факти и историските вистини - изјави службениот шеф на бугарската дипломатија.

Милков посочи дека дипломатијата е покомплицирана од фудбалската игра и дека во дипломатијата може да има две победнички страни што е, всушност, стремежот.

За жал, во дипломатијата, за разлика од фудбалот, може да има и две поразени страни и ние не треба да бидеме таму. Тоа се работите што треба да се осмислат од оние што зборуваат и се искажуваат. Многу би ми било жал доколку претседателот Пендаровски искажал такви мислења, бидејќи ова доаѓа еден ден откако тој беше тука и претседателот Радев направи се што е можно преку ЕК – ако е можно ЕК да помогне бидејќи има рестриктивни прописи, но да помогнеме со некое финансирање, да може да го задоволиме барањето на РСМ за евтина струја што ја бараат од нас. Претседателот Радев цел ден иамше шатл-средби, одржа 6 состаноци во еден ден, ден и половина во врска со решавањето на ова прашање и за нив - изјави Милков.

Во однос на бугарскиот клуб „Цар Борис трети“ што треба да се отвори во Охрид, Милков порача дека е „добро е да се одмеруваат реакциите, добро е да се биде ладнокрвен, да се размислува пред да се зборува и да се решаваат работите прагматично во тоа што го обезбедува договорот за добрососедство“.

Според Милков, ако името цар Борис трети е проблем, тогаш гимназијата во Скопје што го носи името на Јосип Броз Тито е многу поголем проблем.

The post Бугарскиот министер за надворешни: Ако цар Борис трети е проблем, Јосип Броз Тито е уште поголем appeared first on Република.

На редовниот брифинг во бугарското Министерство за надворешни работи, министерот Николај Милков коментираше дека оваа недела имало два настана со Република Македонија – од кои едниот е фудбалскиот натпревар меѓу репрезентациите на двете земји, истакнувајќи дека не сака да го распалува жарот на таа тема. Како што јави дописникот на МИА од Софија, според Милков, темата треба да се затвори.

Вториот настан, како што посочи бугарскиот министер за надворешни работи, е условната казна на Ламбе Алабаковски кој го запали влезот на центарот „Ванчо Михајлов” во Битола.

Николај Милков на брифингот рече дека овие два настана откриваат структурен проблем за правата на Бугарите во Македонија.

Според него, казната на Алабаковски е најлесната можна и додаде дека според законот на Република Македонија, за ова дело се изрекуваат од 6 месеци до 5 години. Додаде дека се очекувало релативно посериозна казна, но тоа е одлука на независниот суд на РСМ. Двете дела извршени во текот на неделата, смета Милков, се дела на омраза, тие испраќаат порака и до народот на Република Македонија и до Бугарија и таа не е позитивна.

Тој рече дека треба да се обрне внимание на тоа дека јазикот што бил користен на натпреварот, е јазик што го користеле политичарите. Ова, спроед него, е слика на обиди за еродирање на досега постигнатите договори и им покажува на граѓаните на Република Македонија каде стои земјата во однос на преговарачкиот процес со ЕУ.

– Обидите за слободно толкување на францускиот предлог и создадената атмосфера во Република Македонија не го фаворизираат процесот. Има долг пат да се изоди, коментираше министерот за надворешни работи на Бугарија.

Милков додаде дека не би сакал да навлезе во речникот на фудбалски агитации, нагласувајќи дека сè уште гледа позитивно и оти тоа се декларации наменети за внатрешна употреба во Република Македонија. Тие, според него, на никаков начин не го менуваат она што претставува обврска на Република Македонија, како и во однос билатералниот договор, така и во спроведувањето на предлогот на француското претседателство со ЕУ.

Извор: МИА

The post Милков реагира: Фудбалскиот натпревар и пресудата на Алабаковски не испраќаат позитивна порака appeared first on Република.

Бугарскиот министер за надворешни работи во техничката влада, Николај Милков, разговараше со амбасадорите и претставниците на амбасадите на земјите од Западен Балкан во Софија.

Како што јави дописникот на МИА од Софија, ова е првата регионална средба на техничкиот шеф на бугарската дипломатија по неговото учество на средбата на премиерот Галаб Донев со амбасадорите на земјите членки на ЕУ минатата недела. Пред нив Милков истакна дека Бугарија придава примарно значење на мирот, стабилноста и просперитетот на Западен Балкан.

Бугарија останува силно посветена на процесот на европска интеграција на нашите соседи од Западен Балкан, како главен пат кон зајакнување на регионалната и европската безбедност и кон постигнување траен просперитет за граѓаните во регионот - изјави министерот Милков.

Тој ги увери амбасадорите дека Бугарија ќе продолжи да се придржува до принципот на индивидуален напредок на земјите-кандидатки на овој план и ќе обезбеди експертска помош во процесот на пристапување.

Почитувањето на правата на бугарското национално малцинство и бугарските заедници во странство, како и одржувањето на добрососедските односи, ќе биде од особено значење за секоја бугарска влада и сега и во иднина, како и одржувањето на добрососедските односи - потенцираше техничкиот министер Милков, а на средбата зборуваше и за последиците од руската агресија врз Украина, кои дополнително ги зајакнуваат енергетските и економските предизвици на Балканот.

Во овој контекст, тој ја истакна важноста на партнерите од Западен Балкан целосно да се придржуваат до позициите на заедничката надворешна и безбедносна политика на ЕУ и да работат заедно со Унијата за зајакнување на отпорноста на регионот против надворешни закани, вклучувајќи ги и кампањите за дезинформации и кибер нападите.

Имајќи ја предвид водечката улога на ЕУ во постигнувањето економски и социјален просперитет на Западен Балкан, министерот Милков кажа и дека Бугарија работи на брзо завршување на потребната енергетска инфраструктура, за подобрување на регионалната поврзаност и особено за спроведување на Коридорот 8, за зајакнување на контактите меѓу луѓето и заштита на животната средина и борба против климатските промени во регионот.

The post Шефот на бугарската дипломатија на разговори со амбасадорите на земјите од Западен Балкан appeared first on Република.

Сериозно се подготвуваме за утрешната посета на македонскиот премиер Димитар Ковачевски на Бугарија, коментира бугарскиот министер за надворешни работи Николај Милков во интервју за неделната програма „Недела 150“ на БНР.

Според Милков, како што јавува дописникот на МИА од Софија, односите меѓу Бугарија и Македонија имаат многу димензии, тие се повеќеслојни и не можат да се мерат со прашањата за снабдување со електрична енергија од Бугарија во Македонија.
Милков, исто така, вели дека очекува да се разговара за широк спектар на прашања и да се направат видливи чекори за решавање на сите прашања.

 Работите ќе се разгледуваат во нивната меѓусебна зависност, рече Милков и додаде дека кога ќе дојде премиер од соседна држава, треба да се постават сите прашања кои би биле од интерес за двете земји.

Прес-центарот на бугарската влада веќе објави официјална информација за посетата на премиерот Ковачевски на Софија.

The post Милков: Сериозно се подготвуваме за утрешната посета на Ковачевски appeared first on Република.

Имаме шанса да ги решиме проблемите  Македонија, кои траат со децении, но не беа третирани сериозно, изјави бугарскиот министер за надворешни работи Николај Милков.

– Сега имаме механизам за нивно решавање. Станува збор за т.н. француски предлог. Пред нас има широко поле за продолжување на работата и за расчистување на сите спорни прашања, рече Милков.

Како што јави дописникот на МИА од Софија, министерот во техничката Влада додаде дека има изгледи за подобрување на односите со Македонија.

Според него, „вознемиреност буди однесувањето на опозицијата, која ги користи ставовите на населението за различни цели“.

Милков оцени дека „европското минато е поврзано со отфрлање на голем број пропагандни клишеа и секоја земја пред да влезе во ЕУ мора да се раздели со некои од лажните парадигми со кои се третирал историскиот процес“.

Тој исто така оцени и дека ќе продолжи да работи за европската интеграција на државите од Западен Балкан

The post На бугарскиот министер опозицијата во Македонија му е виновна што Бугарија не може да оставри се што замислила appeared first on Република.