Никола Зацески е реалтивно ново има на македонската музичка сцена, но со музика се занимава од своите најмлади денови. Пред неколку години, судбината го однела Никола во далечната Австралија, но љубовта кон татковината, роднините, пријателите и македонскиот мелос повторно го враќаат тука. Многумина ќе кажат дека е луцидна неговата одлука да се врати од Австралија за да гради музичка кариера во Македонија, но тој и тоа како верува дека неговото време допрва доаѓа кога станува збор за музичката сцена...

Никола пред само неколку недели ја објави својата најнова песна која има наслов „За вас“, а за истата добива секојдневно позитивни критики... Какви се неговите планови, колку е задоволен од музичката сцена кај нас, отворено со него во разговорот во продолжение...

https://republika.mk/scena/muzika/inspirirana-od-ljubovta-kon-familijata-za-vas-e-novata-pesna-na-nikola-zaceski/

Најпрво честитки за новата песна „За вас“. Колку си задоволен од коментарите и реакциите на публиката, пријателите, колегите?

Ви благодарам за честитките и морам да признаам дека сум презадоволен од коментарите и реакциите за оваа песна, особено мене секој коментар и критика ми е многу значаен во мојата кариера... Поради тоа сум отворен со моите колеги, пријатели и фанови каде од критиките учам и се подобрувам додека коментарите и пофалбите ме мотивираат и инспирираат да продолжам да го правам тоа што најмногу го сакам “да творам и изведувам музика”.

Релативно си нов на македонска музичка сцена, но за разлика од повеќето, ти си вреден и еве после неколку месеци од претходната композиција, те слушаме и гледаме со нова песна и спот...

Ова за мене е период каде се чивствувам многу креативен, продуктивен и енергичен и сакам да остане така до крајот на мојот живот... Па, од тука досегашното мое искуство многуте години низ фолклорот, операта, поп - музиката сакам да го споделам со вас и фановите каде за прв пат во оваа песна се појавува и нешто мое авторско.

Живееше во Австралија, но се реши да се вратиш и да градиш музичка кариера во Македонија. Веројатно ова ти е најчесто поставувано прашање, но мене ме интересира зошто толку долго чекаше, зошто не почна да се занимаваш сериозно со музика уште кога живееше во Македонија?

Морам да признаам дека цел мој живот се бавам со музика и собирав огромно искуство, поради тоа последните неколку години започнав професионално да се занимавам и посветам на творење мој авторски песни и запечатување со албуми како во поп музиката така и во традиционалната музика.

За оваа песна соработуваше повторно со Николче Мицевски, но и Весна Малинова. Колку си задоволен од соработката со нив?

Соработката меѓу нас расте се повеќе и повеќе од песна на песна, многу ни одговараат карактерите, пораката што сакаме да ја пренесеме и многу брзо и лесно се разбираме. Особено во оваа песна “За Вас” може да се почувствува тој спој на емоции и енергии искомбинирани што излегуваат од Никола, Весна и мене.

Дали таа соработка ќе продолжи или пак можеби размислуваш да соработуваш и со други автори?

Во моментов сум целосно посветен и вложен со мојот тим на двата албуми, не сум размислувал но се разбира дека сум отворен за соработка и доколку би имало можност во иднина би искусил и соработка со други автори.

Ти се допаѓа музиката што последниве години се создава на македонската музичка сцена?

Ме радува дека последниве години има многу нови имиња на Македонската музичка сцена а исто така и во различни стилови на музика, ми се допаѓа и верувам дека во иднина ќе вроди со плод и трудот на новите генерации.

Факт е дека се појавуваш во време кога нашта сцена не ги живее најдобрите години. Што според тебе е потребно за да се подобри ситуацијата?

Да свесен сум за тоа, и искрено сакам да придонесам и помогнам во тоа. Според мене збогатување на музички емисии дали тоа било телевизиски, радиски, фестивалски... И повеќе поддршка од државата, општините, продукциите за културни настани на македонски артисти.

Зошто не се пријави во изборот за учество на Евровизија?

Тоа е една од моите животни цели да ја претставам нашата земја надвор, во најдоброто што го знам. Оваа година навистина не се осетив доволно спремен, бидејки преставување песна на Евровизија би сакал да биди песна што би се гордеел секој Македонец, а не да биде само нешто набрзина направено колку да се пријавам.

Дали според треба треба да се врати оној стариот начин на избирање претставник, односно на Скопскиот фестивал или пак добар е и овој модел?

Не дека овој е лош начин на избор но мислам дека и тој фестивалски начин на избирање за песна на Евровизија би придонесол повеќе, бидејки би се претставиле повеќе артисти а исто така покрај жири комисиите би одлучила и публиката повеќе за избор на песна и артист.

Кои се твоите идни планови? Иако сега скоро ја објави новата песна, но кога да те очекуваме со нова?

Оваа година имам голем број планови дали тоа било нови песни од поп - албумот „Срцето Мое Тука Чука” или албумот со преработки на стари македонски песни но сепак тука се настаните и концертите зацртани со нашата организација „Play Without Boundaries”, бендот што соработувам група „Мелем” и најмалку барем еден голем солистички концерт ова лето. Боже здравје се надевам дека наредно нешто ново би имало крај пролет или почеток лето.

The post Никола Зацески: Сакам да ја претставувам Македонија на Евросонг, но подобро да се врати фестивалскиот начин на избирање преставник! appeared first on Република.

Песна по песна, скромно и ненаметливо, младиот пејач Никола Зацески ја гради својата музичка кариера по враќањето од Австралија во Македонија. По „Мојот пат“, „Срцето мое тука чука“, по одличната преработка на „Лихнида“, талентираниот Зацески продолжува да твори и да создава нова музика.

Овојпат Никола и неговиот тим ја промовираат песната „За вас“, нумера на која работеа едни од најдобрите во нашата земја. Музиката и аранжманот се дело на познатиот Николче Мицески, текстот го потпишуваат Никола заедно со одличната Весна Малинова, а се снимаше во студиото „XL“ на Дејан Момироски. Станува збор за нумера во која буквално ќе може да се пронајде секој од нас, бидејќи инспирацијата е љубовта кон фамилијата.

Ова за мене е најдрагоценото нешто што сме го креирале до сега со мојот тим, бидејќи секоја буква и нота има длабоко значење за мене и е преполно со емоции од љубов, среќа, тага, солзи - сето тоа испреплетено во една песна. Живеењето неколку години надвор од Македонија разбудија уште поголеми емоции кон мојата татковина и родители (фамилијата), па од таму моите први песни се инспирирани од нив, вели младиот Зацески

За екранизацијата на ова емотивно „соголување“ на Никола Зацески се погрижи младиот Никола Митревски, кој се потишува како режисер на видеоспотот.

https://youtu.be/Vnzof-n6La0

The post Инспирирана од љубовта кон фамилијата, „За вас“ е новата песна на Никола Зацески appeared first on Република.