Никола Митревски по четири години се враќа во својот матичен клуб. Од сезоната 2024/25 ќе го брани голот на Еурофарм Пелистер. Договорот беше потпишан денес во просториите на клубот.

- Ни претставува задоволство што капитенот на македонската репрезентација, Никола Митревски, повторно е наш член. Митревски се враќа во својот матичен клуб и ќе го поведе нашиот тим во следните две сезони, соопштија од клубот.

По четири сезони во првакот на Португалија, Порто, Митревски ќе застане на голот на битолчани. Во својата кариера го носеше дресот на Констанца, Бенфика, Металург и Вардар

The post Mитревски се врати во Битола appeared first on Република.

Со десет гола разлика Франција ја совлада македонската ракометна репрезентација. 29-39 е крајниот резултат од првиот меч на Европското првенство (ЕП) во Германија.

Првото полувреме Македонија иако аутсајдер во овој меч, парираше на Франција, па дури и имаше водство од два гола (10-8. Но по 20 минути игра Франција ги презеде работите во свои раце. По низа грешки на нашите ракометари првиот дел заврши со водство на Франција 17-13.

Голманот Никола Митревски беше расположен. Имаше околу десетина одбрани, но грешките на ракометарите во напад скапо не чинеа. Најефикасен во составот на Македонија беше Жарко Пешевски со седум голови, Џонов постигна шест, Кузмановски четири, Талески, Лазаревски и Митев по три. Во составот на Франција Иго Деска имаше седум од седум, Наи даде шест, а Мем пет.

Македонија следниот меч го игра против Германија го игра во Берлин на 14 јануари, а два дена подоцна против Швајцарија.

The post Македонија поразена од Франција, Митревски одличен на голот appeared first on Република.

Голманот Никола Митревски беше најдобриот поединец во македонскиот репрезентативен тим во денешниот пораз од Црна Гора. Но, неговите одбрани беа искористени во нападот.

Од моментот кога влезе во игра на крајот на второто полувреме покажа дека ќе биде на препознатливото ниво.

Одигравме многу под тоа што се подготвуваме за Црна Гора. Во овој натпревар не ги достигнавме нашите можности. Но, секој натпревар е можност да учите. И честитам на Црна Гора, беа повеќе мотивирани и агресивни и ги искористија нашите грешки.

Митревски верува во работата на овој стручен штаб.

Верувам во работата на овој стручен штаб, мислам дека работиме добро. Денес сите грешевме. Натпреварот не го изгуби некој поединец, го изгубивме сите.

The post Митревски: Поразот е на целата екипа appeared first on Република.

Првиот голман на македонската машка ракометна репрезентација Никола Митревски денеска се приклучи на националниот тим во Дебрецен, каде што е во тек Европското првенство 2022. Митревски беше дочекан со овации од соиграчите.

Митревски не замина со репрезентацијата на континенталното првенство бидејќи последниот ковид-тест пред тргнувањето му беше позитивен.

Откако вчера имаше негативен тест во Скопје, тој тргна на пат кон унгарскиот град, а денеска веќе му се стави на располагање на селекторот Кире Лазаров.

The post Голманот Никола Митревски им се приклучи на ракометарите, дочекан со овации appeared first on Република.

Голманот на македонската ракометна репрезентација Никола Митревски не е позитивен на коронавирус и би можел наскоро да им се приклучи на репрезентативните колеги.

Митревски беше позитивен на тестирањето на 10 јануари, но по се изгледа станувало збор за „лажно позитивен резултат“. Репрезентативниот голман по тој тест има направено уште три антиген и еден ПЦР тест и сите покажале дека тој е негативен на коронавирус.

Сега по негативните резултати се очекува тој да добие зелено светло за да се приклучи на репрезентативниот состав во Дебрецин.

Тој дефинитивно го пропушта дуелот со Словенија, но доколку добие дозвола од ЕХФ веднаш би тргнал на пат за Дебрецин, по што би бил во комбинација за вториот меч со Црна Гора што на програмата е в сабота.

The post Ракометниот голман Никола Митрески е негативен на ковид-19 appeared first on Република.