Почна реконструкција на улицата „Никола Карев“, од крстосницата со булеварот „Кузман Јосифовски-Питу“ до крстосницата со улица „Ѓуро Ѓоновиќ“ во општината Центар.

Станува збор за фреквентна улица која поврзува клучни сообраќајници во Скопје, која е во непосредна близина на Меѓуградската автобуска станица. Реконструкцијата на улицата „Никола Карев“ се реализира на барање на граѓаните со што исполнуваме уште едно ветување од програмата „За модерно Скопје" затоа што потребите на граѓаните се наш приоритет, вели градоначалничката Данела Арсовска, која денеска изврши увид на градежните работи.

Како што соопштуваат од Град Скопје, на улицата „Никола Карев“ се врши реконструкција на коловозот, нивелација на шахтите и на сливниците, како и поставување на хоризонтална и вертикална сообраќајна сигнализација, а градежните работи ги изведуваат екипите на јавното претпријатие „Улици и патишта Скопје”.

The post Се реконструира „Никола Карев“ кај Железничка appeared first on Република.

Завршен е конкурсот за запишување ученици во прва година во скопските гимназии „Никола Карев“ и „Георги Димитров“, соопшти Министерството за образование и наука (МОН). Според извештајот на МОН, не се пополнети местата во трите гимназии во Скопје, „Јосип Броз Тито“, „Орце Николов“ и „Раде Јовчевски-Корчагин“, за кои со години владееше големо интересирање.

Според извештајот на МОН, во прва година вкупно се запишани 15.481 ученик од кои: 11.325 ученици за настава на македонски наставен јазик, 3.852 ученици за настава на албански наставен јазик, 298 ученици за настава на турски наставен јазик и 6 ученици за настава на српски наставен јазик.

Според видот на образованието, во двете пријавувања запишани се вкупно: 4.603 ученици во гимназиско образование и 10.277 ученици во стручно образование.

Првото пријавување на учениците се реализираше преку електронско аплицирање на 20 и 21 јуни, а второто пријавување на 27 и 29 јуни . Прелиминарните ранг листи се објавија на 22 јуни, односно на 29 јуни. Доставувањето на потребната документација до училиштата беше на 22 и 23 јуни и на 29 и 30 јуни. Конечните ранг листи се објавија на 24 јуни и на 1 јули.

Од МОН велат дека учениците кои се упатени на поправни испити, испит на година, испити за побрзо напредување, може да се запишат во училиштата во кои има слободни места после јунскиот рок. Пријавување на учениците ќе се врши на 21 август до полноќ.

The post Завршен е конкурсот во скопските гимназии „Никола Карев“ и „Георги Димитров“, а во „Јосип Броз Тито, „Орце Николов“ и „Корчагин“ не се пријавија доволно ученици appeared first on Република.

Во тек е евакуација на учениците и професорите од скопската гимназија „Никола Карев“, дознава МКД.мк.

Учениците и професорите во моментов се евакуираат, а присутни се припадници на специјална полиција за претраги поврзани со експлозивни направи.

Од МВР се очекува официјална информација

The post „Пак да не е Никола“? Нова закана за бомба во „Карев“ appeared first on Република.

Учениците на средното училиште „Никола Карев“ се евакуирани поради нова дојава за бомба, а евакуирани се и други средни училишта поради безбедносни причини.

Минатата недела неколку училишта беа мета на лажни дојави за бомби кои ги вознемирија и учениците и родителите.

Од полицијата велат дека денеска околу 14.30 часот е пријавено дека на мејл адреси на шест училишта во Скопје е упатена закана за поставена бомба. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки.

The post Нови дојави за бомби во „Никола Карев“, учениците евакуирани appeared first on Република.

Нова дојава за бомба во едно училиште во Скопје е примена попладнево во СВР Скопје.

Од Министерството за внатрешни работи за МИА информираат дека случајот во СВР Скопје е пријавен околу 14 часот.

– Денеска во СВР Скопје околу 14 часот е пријавено дека на меjл адреса на едно училиште во Скопје е упатена закана за поставена експлозивна направа. Веднаш по добиената пријава, полициски службеници преземаат мерки за безбедно евакуирање на училиштето и антитерористички проверки и за расчистување на случајот, велат од МВР.

Ова е трет ден како на меjл се испраќаат пораки за поставени бомби. Во изминатите два дена, по направените поверки од страна на МВР беше утврдено дека пријавите се лажни.

Како што пренесоа медиумите, станува збор за училиштето Никола Карев“.

The post Се евакуираат учениците од „Никола Карев“ appeared first on Република.