После подолга пауза, со нов музички проект изненади познатиот музичар Никола Коки Јанков. Вчера на социјалните мрежи тој ја промовираше неговата најнова песна со наслов „Муабет“.

Станува збор за песна на која како автор на музиката и текстот се потпишува токму Коки, додека пак аранжманот е на Дејан Георгиевски - Ѕене. За новата песна Коки сними и видеоспот и тоа под режисерската палка на познатиот Дарио Јанковиќ.

Се надевам дека ќе ѝ се допадне на публиката, а искрено верувам дека ќе биде така. Вакви песни не се „раѓаат“ преку ноќ, за вакво нешто се чека, се мисли буква по буква, нота по нота... Лесно е денеска да извадите песна, симнете битови, напишете две реченици и наречете го тоа песна, вели Јанков.

На прашањето дали е ова можеби негова автобиографска песни, тој ќе каже:

Не би сакал да откријам, ете вие сами процнете дали е или не е. Се шегувам, мислам дека многу луѓе би можеле да се пронајдат во неа, па ете, зошто да не и јас.

https://youtube.com/watch?v=uGlw6JOKF9Y&feature=shares

The post По долго време нова песна на Коки: Ја работев долго, буква по буква, нота по нота… appeared first on Република.

Никола Јанков - Коки сподели што му се случило неодамна во Италија, каде ги запознал близнаците - Дуле и Коки.

Од време на време ќе сретнеш, ќе разбереш, ќе слушнеш некоја случка или приказна, но ова е вистинска љубовна приказна.

Не беше за верување, ама ќе те тресне, па се чудиш дали е за верување или не.

Дури свирев таа вечер, имаше еден пар, маж и жена, што некако двоеја од останатите луѓе од таа маса, кај што седеа, а беше голема маса.

Нема, нема, па со поглед човекот како да сакаше да ми каже нешто.

Не знам како при крај некој викна „Седи Коки, одмори малку“ и седнав, ама баш до човекот за кого ви зборувам...

Ми рече вака: „Брат, заминати сме од Македонија, одамна, имам двајца синови, близнаци, од по 13 години се“.

Ех, реков, супер, како ќерка ми (му влегов во збор).

„Ќе погодиш ли како се викаат?“, ме праша.
Кревам раменици.

„Дуле и Коки – по вас“, ми кажа.

Штамааа, кнедла!
Чест е, а?

Можам да напишам уште нешто... Ама не можам.
П. С. Му реков на Ѓорѓи (таткото) да ги донесе утре да ги гушнам.“

26.03.2022 Пјаченца , Италија

The post „Штама, кнедла!“: Коки останал без зборови кога во Пјаченца ги запознал близнаците крстени по славното дуо appeared first on Република.