Театарската програма на „Охридско лето“ продолжува и денеска со настапот на познатиот српски глумец, Никола Ѓуричко, кој пред фестивалската публика ќе се претстави со неговото стендап-шоу насловено „Шоу биз“.

Ова е второ негово самојстојно појавување пред публиката, откако пред три години имаше успешен проект „Сè што сакавте да знаете за Џони, но никогаш не смеевте да го прашате“, што исто така сам го напишал.

Овој перформанс доаѓа по скоро три години отсуство од сцената, како негова потреба повторно да биде со луѓе и пред публика. „Шоу биз“ на хумористичен начин раскажува интересни детали од живот на актерот и како што самиот вели станува збор за „некои нови животни искуства и знаења што сака да ги сподели со луѓето“.

За Ѓуричко резервирана е сцената на „Долни Сарај“, со почеток во стандардниот фестивалски термин од 21 часот.

The post Стендап-шоу на Никола Ѓуричко на „Охридско лето“ appeared first on Република.

Со маица на американската група „Фу фајтерс“ (основана од поранешниот тапанар на „Нирвана“ Дејв Грол), српскиот актер Никола Ѓуричко заедно со својот бенд „Џони миднајт трио“ настапи синоќа во Скопје, во Центарот за дизајн и иновации „Јавна соба“.

„Оваа песна го освои четвртото место на Евровизија“, рече Ѓуричко и ги изненади сите присутни изведувајќи ја рокенрол верзијата на „Џули“, на Даниел Поповиќ.

На концертот, бендот на Ѓуричко испеа нова верзија на уште една евровизиска песна, „Ајде да лудуваме“ (Хајде да лудујемо) од хрватската пејачка Тајчи. Ја пееја и „Земја“ (Земља) од ЕКВ, потоа песни од Шарло Акробата, Рибља чорба.

Џони миднајт трио е основан во едно студио во Лос Анџелес, САД, а негови членови, покрај Ѓуричко се басистот Александар Паниќ Мексико и тапанарот Срѓан Миленковиќ.

Кон крајот на 2022 година го издале својот прв албум „По сеќавање“ („По сећању”). На албумот има 11 песни, од кои две се авторски, а девет се обработки на поранешни југословенски рок групи, меѓу кои „Рибља чорба“, „КУД Идијоти“, ЕКВ, Дадо Топиќ...Сите обработки, членовите на бендот ги снимиле, како што е насловот на албумот, по сеќавање. Секоја песна има своја приказна, со изразен личен печат на музичарите. Песните се збогатени со дувачка секција, чиј аранжман го потпишува Филип Булатовиќ.

Ѓуричко (50) е еден од најпопуларните српски актери, кој во последните години живее и работи во Лос Анџелес, САД. Зад себе има забележителн број театарски, филмски и улоги во тв-серии, а јавноста го препознава и како одличен стендап комичар. Познат и преку ликот на Јури во продукцијата на Нетфликс, „Stranger things.” Во неговата филмска кариера има повеќе легендарни остварувања како „До коска” (Do koske), „Молњи” (Munje), „Кога ќе пораснам ќе бидам Кенгур” (Kad porastem bicu Kengur), „Зона Замфирова”

The post Никола Ѓуричко со својот бенд „Џони миднајт трио“ во Скопје ја испеа евровизиската „Џули“ на Даниел Поповиќ во рокенрол верзија appeared first on Република.

Во „Јавна соба“ во Скопје вечерва ќе се одржи концерт на Никола Ѓуричко и неговиот бенд Џони миднајт трио.

Овој неодамна формиран рок бенд е како да гледаме стaри ноти на песни на легендарни екс ЈУ бендови, но со многу силен личен печат. Обработените песни, кои ги слават авторите кои ги почитуваат како Џони Штулиќ, ЕКВ, Шарло акробата и други, се отсвирени многу поинаку. Нивната песна „Лептир” личи како да е створена во раната фаза на новиот бран, под големо влијание на британската сцена, се вели во соопштението за концертот.

Ѓуричко е актер и регионален стендап комичар, кој е познат и преку ликот на Јури во продукцијата на Нетфликс, „Stranger things.”

Во неговата филмска кариера има повеќе легендарни остварувања како „До коска” (Do koske), „Молњи” (Munje), „Кога ќе пораснам ќе бидам Кенгур” (Kad porastem bicu Kengur), „Зона Замфирова”.

The post Концерт на Никола Ѓуричко и неговиот бенд Џони миднајт трио во „Јавна соба“ appeared first on Република.

На трети јули во Центарот за дизајн и иновации „Јавна соба“ во Скопје ќе се одржи концертот на Никола Ѓуричко и неговиот бенд „Џони миднајт трио“.

Овој неодамна формиран рок бенд е како да гледаме стaри ноти на песни на легендарни екс ЈУ бендови, но со многу силен личен печат. Обработените песни, кои ги слават авторите кои ги почитуваат како Џони Штулиќ, „ЕКВ“, „Шарло акробата“ и други, се отсвирени многу поинаку. Нивната песна „Лептир” личи како да е створена во раната фаза на новиот бран, под големо влијание на британската сцена.

Никола Ѓуричко инаку важи за еден од најдобрите балкански актери со холивудска кариера, успешен регионален стендап комичар, а глобално се прослави преку ликот на Јури во мега-популарната продукција на Нетфликс, „Stranger things.”

Во неговата филмска кариера до сега успеа да оформи фантастични ликови во легендарни остварувања како „До коска” (Do koske), „Молњи” (Munje), „Кога ќе пораснам ќе бидам Кенгур” (Kad porastem bicu Kengur), „Зона Замфирова”.

Концертот почнува во 21.00 часот на терасата на Јавна соба, а билетите можат да се набават преку www.drugastrana.mk/event/djoni-midnajt/

The post Концерт на Никола Ѓуричко и неговиот бенд „Џони миднајт трио“ во „Јавна соба“ appeared first on Република.

Фестивалот „Таксират“ во соработка со „Скопје Комеди“ го најавува новото шоу на популарниот актер, овој пат во улога на стенд-ап комичар - Никола Ѓуричко во Скопје! На 7 март во Филхармонија, Никола ќе настапи со својот нов стенд-ап материјал со наслов „SHOWBIZ“ (Шоубиз).

По пауза од три години, 2023 тој ја започнува со многубројни успешни настапи и распродадени шоуа низ Балканот и Европа, а на мапата дојде на ред и Скопје! Новиот материјал на Ѓуричко вклучува анегдоти и поуки од неговиот живот како холивудски актер и занимливости од неговиот приватен живот со неговото семејство, кои - за среќа - ги има многу!, велат организаторите.

Никола Ѓуричко е српски актер, роден во Белград во 1974 година. Подеднакво е активен и на филм, телевизија и театар, а првата позначајна улога ја добива во 1989 година во култниот филм „Последниот Круг во Монца“. Во својата кариера пред заминувањето во Холивуд, тој се запишува како актер во повеќе од 60 театарски претстави, а го знаеме и од филмовите: „Муње“, „Кога ќе пораснам ќе бидам Кенгур“, „Седум ипол“, „Монтевидео, Бог те видео“ и многу други.

Има освојувано многу награди во текот на својата исклучително богата актерска кариера. Од неодамна со своето семејство живее во Лос Анџелес (С.А.Д.), каде за кратко време успева да го освои и Холивуд во улогата на Јури Исмајлов во глобалната хит-серија на „Нетфликс“: „Stranger Things“ (Почудни нешта) во која покрај него глумат и големите холивудски ѕвезди Винона Рајдер и Дејвид Харбур. Факт: Навистина обожава крцкав путер од кикирики (и цени кеш).

Не ја пропуштајте оваа шанса да ја поминете вечерта со легендарниот актер и заедно да се насмееме на неговиот нов материјал. Ѓуричко, не мора ни да кажува шали, веќе е смешен!

Билетите за шоуто се веќе достапни за купување онлајн и на благајните на „МкТикетс“ низ Македонија.

The post Шоу на Никола Ѓуричко вечерва во Филхармонија appeared first on Република.

The post Ѓуричко со втора изведба на „SHOWBIZ“ во Скопје appeared first on Република.