Параполицијата на СДСМ и нивниот миленик, агенцијата за обезбедување НИКОБ, ги доживува своите мафијашки ѕвездени моменти, пред да се случи некое најтешко кривично дело во кое би биле вмешани ако продолжат вака. Силата која што ја покажуваат вработените во НИКОБ, а ја црпат од релациите на нивниот сопственик кој што ги има со власта. Очигледно ги преминува сите граници на дело, истакна Димче Арсовски, портпарол на ВМРО-ДПМНЕ.

-Еве бидејќи сите молчат изминативе неколку денови, јавно прашуваме и очекуваме одговори и од власта да се охрабри, но и од сите останати институции кои треба да го говорат и истражат ова, дали дел од лицата од скопско Батинци за кои што медиумите пишуваа и за кој што пишуваше во билтенот на МВР, дека извршиле изнуда, држеле лице како заложник и одземале автомобил, а притоа и физички сериозно го нападнале со посериозни последици, се лица кои се вработени во миленикот на СДСМ агенцијата за обезбедување НИКОБ, а еден од тие лица имал и раководна позиција во тој реон, во Батинци?

Почитувани, ова е прашање за кое треба да даде одговор и власта и МВР и сите останати, бидејќи со ова земање замав може да настрада некој невин граѓанин.

Параполицијата на СДСМ наречена НИКОБ воопшто нема проблем да се однесува како мафијашко друштво. Зошто? Затоа што јасно е дека силата ја црпат од релациите на нивниот сопственик со власта и со фамилијата на власт.

Сопственикот на Никоб кој има над 40 милиони евра земено од државата преку тендери за само 4 години и дополнително има бизнис и лиценца за одгледување марихуана кој што Зоран Заев ги штанцаше на нему блиски, јасно е дека е во тесна врска и спрега со власта. Оттаму е и силата. Најпрвин беше Код секјурити една агенција за обезбедување од Струмица која што беше неуспешен проект на Заеви, преку која што ќе можеа да имаат параполиција сега веќе е НИКОБ како долгогодишна агенција заедно со нивниот сопственик кој што одлично се вклопи во нивниот план за параполција.

План, кој очигледно прашање на време е кога ќе има некоја сериозна недолжна жртва.

Изнуда, киднапирање и заложништво, одземање автомобили и пари се кривични дела кои ги извршиле токму овие луѓе кои што се поврзуваат со НИКОБ од Батинци.

Почитувани граѓани, почитувани медиуми,

Ова е начинот на функционирање на СДСМ. Од власта како и секогаш имаме молк, ниту глас ниту ништо, ниту да се спомене ниту да се каже за овој случај и нормално сите се ставаат во функција на одбрана на оваа агенција која очигледно врши терор низ Република Македонија и помеѓу граѓаните, додава Арсовски.

The post Арсовски: Параполицијата на СДСМ и нивниот миленик Никоб ги доживува своите мафијашки ѕвездени моменти appeared first on Република.

Како што е Никоб никој не е. Ниту за чување ниту за лекување. Но ако Никоб чува и Никоб лекува, и така 4 години, чини вртоглави 40 милиони евра.

40 милини евра пари од граѓаните за вршиле во Никоб, покажуваат јавните набавки.

Библиотеки, училишта, универзитети, здравствени установи, Развојна банка, Државниот завод за ревизија, Дирекција за радијациона сигурност, ЕВН, СОЗР на Владата, Фондот за осигурување на депозити, Град Скопје - преку 200 јавни набавки за 4 години покажуваат кој се ги користел услугите на само една компанија за осигурување, а од почетокот на пандемијата и лабораторија за испитување ковид.

Струмичката фирма Никоб, која јавноста ја знае исклучиво по дејноста обезбедување лица и имоти, преку блиските врски на газдата Кирил Лазаров со премиерот Зоран Заев и со неговиот брат, бизнисменот Вице Заев, забрзано се проширува во многу стопански дејности, вклучувајќи ја и медицината.

Обезбедување, земјоделство, винарство, одгледување марихуана, енергетика, медицина – и сево ова за три години, брзина што не можат да ја постигнат ниту најголемите инвестициски фондови.

За илустрација, само во тендери за обезбедување на државни институции, претпријатија и фирми во кои државата има удел, Никоб добил тендери во висина од околу 40 милиони евра од 1 јануари 2018 година.

Уште пред година и половина портпаролот на ВМРО-ДПМНЕ Димче Арсовски објави дека постои сомнеж дека преку агенција за обезбедување се испумпуваат парите од профитот што го остварува универзалниот снабдувач заради поголемиот процент кој му го продаваат државните претпријатија по повластена цена. Оваа агенција за обезбедување, рече Арсовски на прес-конференција, има склучено и други договори за обезбедување со други државни претпријатија кои што се под капата на СДСМ и семејството Заеви.

Ова е шемата и начинот за испумпување на државните пари и парите на граѓаните, на конто на семејството Заеви, за да се богатат тие самите и да имаат пари во кеш, црни пари за да можат да вршат поткуп. И сето тоа на штета на граѓаните, односно го плаќаат граѓаните.
Да сумираме, од ЕВН и државните институции и претпријатија, агенцијата за обезбедување добила тендери во вредност од над 21 милион евра. Сега веќе се јасни бизнис релациите на Заеви со приватната агенција за обезбедување, која пак е нивни параван и јасен е начинот и сумите за испумпување пари на граѓаните во семејството Заеви и СДСМ, рече Арсовски на прес-конференцијата на 30 август 2020 година.

https://republika.mk/vesti/makedonija/milionski-tenderi-licenci-privatizacija-na-itnata-pomosh-prichinite-poradi-koi-sopstvenikot-na-nikob-gi-napagja-vmro-dpmne-i-mickoski/

The post Љубов која расте – за 4 години 40 милиони евра државни тендери за струмичката фирма за обезбедување „Никоб“ appeared first on Република.