Во врска со оспорената пратка на пиперки во Хрватска, која вчера беше потврдена и од страна на Агенцијата за храна и ветеринарство, се огласи и познатиот лекар Нико Беќаровски кој во негова објава на социјалните мрежи ќе напише: Да бев премиер на Македонија, вратениот контингент бесплатно ќе го разделев на социјалните слоеви на граѓани, кои поради високите цени овој производ се повеќе само го гледаат, а не може да си дозволат да го купат.

Вратените „отровни” пиперки – Formetanate hydrochloride, попознат како Carѕol 50, Dicarsol 10 итн е инсектицид од групата на карбамати кој се уште регуларно се користи во голем број на држави и кој при акутни труења (намерно пиење, или акцидентно при прскање) предизвикува иреверзибилна инхибиција на еритроцитната холинестераза.
Во текот на овие 33 години клиничка пракса сум имал стотици вакви суицидни труења и со исклучок на неколку екстремно тешки случаи сите други успешно заминувале од Клиниката за 3-5 дена. Напоменувам дека сите тие труења биле со концентриран препарат, а не со откриени траги во прехрамбен производ, пишува Беќаровски.

Појаснува дека конзумирањето на пиперките кои се вратени од Хрватска, поради траги од присуство на овој карбамат е исто толку штетно колку и јадењето на било кој друга пиперка, прскана со било кој друг пестицид.

The post Беќаровски за забраната од Хрватска: Пиперките кои се продаваат на нашите пазари се со многу поголема концентрација на пестициди appeared first on Република.

Докторот Нико Беќаровски на својот фејсбук профил сподели искуства од ноќните дежурства на Универзитетската клиника за токсикологија.

„Ако злоупотребата на кокаинот е репер за влез во ЕУ, веќе две-три години сме таму. Последните 12 месеци немам дежурство без вакви пациенти, најчесто околу 30 години, со црни џипови и секогаш со уште 5-6 испиени најскапи вискија, често зачинети и со вијагра.

Грам КОКА, зависно од квалитетот, е меѓу едно обично и викенд дежурство на лекар.
По секое дежурство патот кон дома ме води покрај децата кои питачат на крстосниците и нивните родители кои собираат пластика од контејнерите“, објави доктор Беќаровски.

The post Возат црни џипови, конзумираат кокаин, виски, вијагра: Токсикологија сведок на пороците на пациентите appeared first on Република.

Д-р Нико Беќаровски предупредува дека проливот, гадењето и повраќањето многу често се првиот симптом дека сте заразени со варијантата на Омикрон БA-5.

Дури 50% од заболените со овој сој поранo или подоцна во текот на болеста манифестираат гастроентероколитичен синдром.

 

Затоа, ова лето при појава на овие симптоми не „ја напаѓајте веднаш расипаната храна која сте ја јаделе тој ден“ и избегнувајте неколку дена контакти со постарите и болни членови од Вашето семејство - советува д-р Беќаровски во однос на актуелниот ковид бран.

The post Д-Р Беќаровски за симптомите на новата мутација на Омикрон: Ако ви се гади и повраќа избегнувајте неколку дена контакти со постарите appeared first on Република.

Докторот Нико Беќаровски од Клиниката за Токсикологија има неколку предлози околу тоа како утре треба да почне и да се одвива второто полугодие од учебната година.

Според него, утре сите ученици кои сакаат да посетуваат настава во живо да се вратат во училишните клупи, а останатите (позитивните и тие кои се плашат од зараза) истата да ја следат онлајн, а да присуствуваат физички при тестирање и оценување.

-За сите наставници и ученици со симптоми да биде обезбедено тестирање секој понеделник, а сите позитивни наставници кои ќе бидат со општа добра здравствена состојба, да им се дозволи држење на наставата од домовите, без да им се одзема процентот за боледување, кој и не е така мал. После тоа сметам училниците треба да се проветруваат 5 минути по секој завршен час, а никако во текот на самиот час, предлага Беќаровски.

Докторот смета дека треба пред почеток на наставата, за време на големиот одмор и по часовите задолжителна дезинфекција на сите простории.

-Одлуката за носење маски на секое дете до 5 одделение да ја донесат неговите родители, со писмена изјава, додава Беќаровски.

Владата минатата недела одлучи второто полугодие во основните и средните училишта да почне утре со физичко присуство на учениците, при што зачестија барањата за почеток на второто полугодие со онлајн настава

The post Д-р Беќаровски со предлог: Тие што се плашат од зараза, наставата да ја следат онлајн appeared first on Република.

Ковид сертификатите се комплетно смешни во ерата на омикрон сојот од Sars-Cov-2 и ајде да бидеме меѓу првите кои времено ќе ги суспендираме, барем на територијата на Македонија, предлага д-р Нико Беќаровски од Клиниката за токсикологија.

Ако сите се сложуваме дека ниту вакцината, ниту претходното прележување не заштитува од можноста да се заразиме и да го пренесеме омикронот, тогаш која е целта на ковид сертификатот во дадениов момент? Некој ќе каже, вакцинираните и прележаните многу полесно ја поминуваат болеста и потешко се заразуваат. Да, 100% точно, и затоа е паметно да сте вакцинирани, ама тоа е личен ризик на непрележаните и невакцинираните, а не ризик по колективното здравје, поради кои и се воведоа овие сертификати. Место барање на сертификат на влезовите, денес многу поцелисходно е термокамера т е. мерење на телесната температура, напиша Беќаровски на својот профил на Фејсбук.

Тој ги замолува колегите од Комисијата за заразни болести да размислат и да ја стават на дневен ред оваа идеја, а со тоа да покажат малку оригиналност.

The post Барем во нешто да бидеме лидери: Беќаровски предлага укинување на ковид сертификатите appeared first on Република.

Професорот и доктор на Клиниката за токсикологија, д-р Нико Беќаровски вели дека за децата Омикронот претставува обична вироза, какви што имало секоја зима. Ова го истакна во статус на социјалната мрежа Фејсбук.

Ако во Грција со преку 20.000 нови случаи и во Хрватска со 9000 нови случаи секој ден, денеска започна настава со физичко присуство, нема ниту една причина некое си „самопрогласено здружение” да бара онлајн настава во Македонија. За децата омикрон е обична вироза, какви што има секоја зима. Местото на децата е во училишните клупи, а на неработниците вон образованието. Единствено може почетокот да се одложи до понеделник 24 јануари, вели тој во неговиот пост.

The post Беќаровски: За децата омикрон е обична вироза, нема ниту една причина за онлајн настава appeared first on Република.