Да не сум вработен во здравството последниве 30 години би помилил дека здравствените работници земаат 1000 евра плата. Но, не е така, ние сме на работ на преживување. Нашиот синдикат постои само шест месеци и догодина ние ќе бидеме репрезентативен синдикат. Медицинска сестра зема 25, 26 или 27 илјади денари додека потрошувачката кошничка е 56.000 денари. Па како да преживеат тие луѓе?, праша Боби Бојчевски од Независниот синдикат на здравство во утринската „Студио 10“ на ТВ 24.

Ние бараме универзален колективен договор. Не може специјалист во Струмица со ноќни дежурства да зема 75.000 денари плата а во Скопје да зема дупло. Истиот проблем е со медицинските сестри и техничкиот персонал. Во здравството ќе дојде до колапс. Еден судија зема почена плата 130.000 денари, а доктор 45.000 денари, вели Бојчевски.

Бојчевски вели дека репрезентативниот синдикат 30 години не направил ништо за здравствените работници.

Ние сакаме нов колективен договор кој е подготвен и ќе го доставиме. Со него бараме унифицирана плата во цела Македонија. Бараме линеарно покачување на платите во здравството за 30 отсто на коефициентот на медицинските сестри и техничката служба, како и на докторите, вели Бојчевски.

The post Бојчевски: Еден судија зема почетна плата 130.000 денари, а доктор 45.000 денари appeared first on Република.

Добро е што ќе има нови 1.117 вработувања во здравствениот сектор, но, предност да имаат тие со искуство кои досега работеа со години под договор на дело, истакнаа денеска националниот координатор на Независниот синдикат на здравствени работници, Боби Бојчевски и претседателот на Независниот синдикат во геријатрија, Лазе Костовски.

Веќе неколку месеци бараме и еве конечно благодарение и на медиумите, кои постојано информираа за тоа, вработени на дело ќе бидат вработени на неопределено време. Благодарност и до Министерството за здравство што ги слушна нашите барања. Но, бидејќи законот за трансформација веќе не постоел, ние и вработените што подолго работат со договор на дело, се плашиме, на јавните огласи, да не влезат на работа сосема други луѓе од надвор, наместо овие, кои со години работеле со договор на дело. Затоа, освен основните барања во конкурсот, диплома и лекарско, замолуваме до министерот, да има услов од доказ за работно ангажирање од над три или четири години за да не се вработуваат без искуство, кога веќе има луѓе со искуство, нагласи Бојчевски.

Беше поставено и прашањето што со административно - техничкиот персонал во здравството, луѓе кои имаат договори за вработување до крајот на годината.

И понатаму се бараат покачување на платата од 30 проценти, бенефициран работен стаж и колективен договор.

Меѓу барањата е и тоа за 15 отсто зголемување на платите за медицинските сестри во најбрзо време, па 30 проценти за цело здравство.

The post Независен синдикат за здравство: Добро е што ќе има вработувања, предност да имаат тие кои досега работеа со договор на дело appeared first on Република.