Независниот синдикат на здравствени работници, административен технички персонал и технички персонал најавува протести доколку нема усогласување на платите со минималната плата.

На денешната прес-конференција, националниот координатор на Независниот синдикат Боби Бојчевски рече дека ќе се протестира за време на паузи и дека во период од три часа би биле затворени јавните здравствени установи, а би се примале само итните случаи. Што од ова ќе биде спроведено, зависи како ќе се договорат претставниците на синдикалната организација овие денови.

Да не се игра со чувствата на вработените во здравството, уште еднаш да не бидеме изманипулирани, бараме правилно и законски да се исплати платата согласно со Законот за минимална плата. Ова наше барање е основано и во согласност со Законот за минимална плата“, нагласи Бојчевски.

„Во преодните и завршни одредби во Законот за минимална плата е наведено дека колективните договори треба да се усогласат во рок од шест месеци. Од причина што колективниот договор за здравствена дејност не е усогласен со законот за минимална плата, освен за работните места со најнизок степен на сложеност, бараме како основа за пресметка на платата на здравствените работници, да биде минималната плата, помножена со коефициентот на работното место. Ова наше барање е основано и во согласност со Законот за минимална плата“, појасни Бојчевски.

Кристина Олевска, претседателка на Независниот синдикат од ГОБ „8 Септември“ и медицинска сестра на Интервентна радиологија, посочи на проблемот со лицата кои работат со договор на дело и по 13 години. Според неа, станува збор за долгогодишен проблем.

Ако не се реши овој проблем, сметаме дека голем проблем ќе биде во понатамошното функционирање поради тоа што тие се дел од секојдневната здравствена услуга, во амбулантите, поликлиниките и болниците, каде во услови на многу голем недостаток на персонал, еден вработен работи за тројца, рече Олевска.

The post Ако нема усогласување на платите со минималецот ќе протестираме, најавуваат од Независниот синдикат на здравствени работници appeared first on Република.

За денес едно семејство да преживее од месец за месец, потребно е околу 52.000 денари. Вработените во здравството имаат месечни примања од 23.400 денари нето од кои една четвртина ги даваат за кредити, а друга чевртина за режиски трошоци, алармираат од Независниот синдикат на здравствените работници, нарекувајќи ја состојбата во која се наоѓаат Здравствен холокауст.

Секое утро со насмевка ве примаат иако длабоко во себе носат гнев и нервоза.
Хумани и пожртвувани кон секој пациент.
Се запрашувам, дали некој функционер се запрашал како живеат овие здравствени работници?
Дали месечните примања им се доволни за еден цел месец?
Дали со месечните примања можат да си дозволат одмор, обувки за најмилите, гардероба за самите себе?
Овие луѓе се дел од овој системот кој ги дискриминира во целост.
Се дичат за 10% покачување, а основните животните намирници се покачени за 20%.
Срамота е !
Почитувани функционери. Здравството е еден клучен синџир за здраво и витално општество, истото се грижи за вашето здравје и здравјето на секој граѓанин. Го сведовте до тоа да еден здравствен работник не може да си дозволи годишен одмор, да размислува што ќе јаде ден за ден, а да не потроши многу, го донесовте до тоа да се осеќаат безвредно и деморализирано, а секоја амбиција оддамна му ја згаснавте.
Направивте апатија во здравството, направивте сите помлади од 50 години да ги напуштаст своите родни места за подобра иднина, но надвор од границите на оваа држава.
Македонија за неколку години ќе стане држава на стари и изнемоштени лица и криминалци кои се богатат на бедата на народот.
Благодарение на вас господа што имате покачување од 78%, ние здравствените работници сме сведени на дното, сведени сме на ниво каде се бориме да го сврземе месецот со наредниот.
Здравствените работници се херои на 21 век, порачаа оттаму.

The post Благодарение на вас господа што имате покачување од 78%, ние здравствените работници сведени сме на ниво да се бориме да го сврземе месецот со наредниот appeared first on Република.

Независниот синдикат на здравствени работници при Конфедерацијата на синдикални организации на Македонија по примерот на склучените колективни договори во неколку други државни институции бара покачување на 30% на августовската плата и за вработените во здравството.

Од овој Синдикат потенцираат дека најавеното зголемување за 10% е несоодветно и срамно кога станува збор за хероите на пандемијата.

-Со ваквиот пристап се врши дискриминација на здравствените работници и административниот персонал вработен во јавното здравство. Недозволиво е медицинска сестра и лаборант да имаат почетна плата од 20.700 ден. Дали економистите и правниците кои работат во јавното здравство се дискриминирани со новите постигнати договори во УЈП и МФ, а според информациите со кои располагаме планирано е вакви договори со покачување од 30% ќе постигнат и други државни институции. На овој начин продолжува демотивацијата на здравствените работници, а Владата директно сочествува во масовното заминување на стручен кадар од јавното здравство на штета на пациентите и целиот здравствен систем, додаваат од Независниот синдикат на здравствени работници.

The post Здравствените работници обвинуваат дека се дискриминирани: Бараме итно покачување од 30 отсто на августовската плата appeared first on Република.

The post Независен синдикат на здравствени работници: До кога државата ќе биде за едни мајка, а за други маќеа appeared first on Република.