Водата во грчката област Тесалија полека се повлекува, со што се открива и големината на катастрофата предизвикана од поплавите, меѓутоа продолжуваат проблемите за жителите на регионот, додека пак делови од автопатот Солун- Атина и понатаму се затворени за ообраќај во двата правци, јави дописничката на МИА од Атина.

Паралелно постојат предупредувања за опасност за јавното здравје во поплавените подрачја, а на граѓаните им се препорачува да користат флаширана вода и пакувана храна.

Портпаролот на противпожарната служба на Грција Јанис Артопиос говорејќи за грчката телевизија Скај утрово рече дека вниманието сега е насочено кон долината на Темпи, затоа што нивото на реката Пиниос се повлекува во Лариса, Трикала и Кардица, но обемот на вода се префрла кон долината.

Невремето „Даниел“ остави зад себе 15 жртви, двајца исчезнати, пар од Австрија, илјадници евакуирани, но и целосно поплавени и уништени села.

Во неколкудневните акции за спасување и евакуирање на жителите заглавени во поплавите над 5.000 лица беа извлечени и пренесени на безбедносни локации.

Од противпожарната служба на Грција соопштија дека заклучно со вчера беа спасени 4.500 лица, додека пак крајбрежната служба, по морски пат од регионот на Пилио во близина на Волос 422 лица.

Во спасувачките акции беа вклучени и припадници на грчката армија.

The post Дел од автопатот Солун – Атина останува затворен appeared first on Република.

Од вторникот наутро, кога започна невремето „Даниел“, до утрово, противпожарната служба на Грција примила 4.870 повици за помош во погодените региони, на безбедни локации биле пренесени над 800 лица, а обилните дождови и поплавите предизвикаа огромни катастрофи во централниот дел на земјата, додека невремето и проблемите продолжуваат и денеска, јави дописничката на МИА од Атина.

 

View this post on Instagram

 

A post shared by Nikana.gr🔹Letovanje u Grčkoj (@nikana.gr)

Најпогодени се градовите Волос, Кардица, Трикала и Пилио, каде што три лица веќе ги загубија животите и неколку се исчезнати, а според локалното население, штетите се толку големи што говорат за библиски катастрофи.

Во некои од градовите и селата, жителите се спасуваа со помош на булдожери и чамци.

Синоќа беше затворен голем дел од автопатот Солун- Атина во делот меѓу градовите Ламиа и Катерина, додека пак утрово сообраќајот е нормализиран, а во прекин е и железничкиот сообраќај.

 

View this post on Instagram

 

A post shared by Nikana.gr🔹Letovanje u Grčkoj (@nikana.gr)

Невремето Даниел не ја заобиколи ниту Атина, каде што вчера беа поплавени улици и метро станици, а затворени беа неколку булевари.

Синоќа, преку бројот 112 за итни случаи беше испратена порака до жителите на грчката метропола да ги ограничат нивните движења.

Според противпожарната служба на Грција од вторникот во 7 часот наутро, заклучно со денеска во исто време, во пет региони, примиле 4.870 повици, главно за испумпување вода, сечење дрвја и пренесување луѓе на безбедни места.

Вкупно 818 лица биле префрлени на безбедни локации, од кои над 700 се во областа Магнисиа поширокиот регион на градот Волос.

The post Огромни катастрофи од невремето „Даниел“ во централна Грција appeared first on Република.

Безживотно тело на постара жена утрово било пронајдено во месноста Палаци во областа Магнисиа и е втората жртва во невремето „Даниел“ што од вчера ја зафати Грција, јави дописничката на МИА од Атина.

Портпаролот на противпожарната служба на Грција Јанис Артопиос за државната телевизија ЕРТ утрово рече дека едно лице сè уште е исчезнато.

Вчера, животот го загуби сточар откако врз него паднал ѕид, поради лизгање на земјиштето.

The post Втора жртва во невремето во Грција appeared first on Република.

Градот Волос и островот Скиатос се најпогодени од силното невреме што ја зафати Грција, со одлука на полицијата има забрана за движење на возила, улиците се целосно поплавени, а на островот има проблеми и со бродскиот сообраќај, јави дописничката на МИА од Атина.

Невремето „Даниел“ предизвика сериозни проблеми и материјална штета во поширокиот регион на областа Магнисиа, во кој припаѓа и градот Волос, а како што претходно објави МИА, едно лице утрово го загуби животот, а едно е исчезнато.

Со помош на гумен чамец спасувачки екипи во Волос им пружаат помош на граѓаните, градоначалникот на градот упати апел да се избегнат непотребни движења, додека пак преку бројот 112 за итни случаи беше испратена порака до сите оние кои се во Волос и на Скиатос дека со одлука на полицијата забрането е движењето.

Паралелно, проблеми има и во снабдувањето со електрична енергија, а во Волос поплавена е и болницата.

Во морето кај селото Агиос Јоанис, пак, силните бранови повлекоа патнички автомобили во водата:

 

View this post on Instagram

 

A post shared by Nikana.gr🔹Letovanje u Grčkoj (@nikana.gr)

The post Морето однесе автомобили во Агиос Јоанис appeared first on Република.

Поплави и проблеми во градовите Волос и Ламиа во централна Грција, како и на островите Крф и Скиатос, предизвика невремето „Даниел“ што од вчера ја зафати земјата и донесе обилни врнежи од дожд, молњи, засилен ветер и забележлив пад на температурата, јави дописничката на МИА од Атина.

Најголеми проблеми има во Волос, каде што голем дел од улиците се поплавени, а во прекин е и железничката линија што го поврзува градот со Лариса.

Преку бројот 112 за итни случаи вчера до жителите на пет области во северна и централна Грција беше испратена предупредувачка порака за опасни временски појави и ограничување на движењата.

Невремето се очекува да трае до утре, а прогнозите се дека и во текот на денешниот ден обилни врнежи од дожд ќе има во северна и централна Грција, во делови на Пелопонез, на островите во Јонското море итн

За невремето „Даниел“, министерот за цивилна заштита и климатски кризи на Грција Василис Кикиљас вчера рече дека станува збор за „екстремен природен феномен“ и истакна дека е потребан внимателност од сите, како од властите така и од граѓаните.

The post Невремето „Даниел“ предизвика проблеми и поплави во одредени делови на Грција appeared first on Република.