Невработеноста на младите ширум светот минатата година падна на околу 13 отсто, што значи дека околу 64 милиони луѓе на возраст меѓу 15 и 24 години биле без работа ширум светот.

Извештајот на Меѓународната организација на трудот (МОТ) предвидува дека оваа стапка ќе падне на 12,8 проценти оваа и следната година, и се наведува дека стапките на невработеност во 2023 година се вратиле на стапките пред пандемијата на Ковид 19, но не во сите региони во светот, објави Ројтерс.

За младите во арапските земји, Источна Азија, Југоисточна Азија и Пацификот, стапките на невработеност кај младите минатата година беа повисоки отколку во 2019 година, при што трендот во арапските земји се случи пред пандемијата, додека пораст на невработеноста беше забележан во азиските подрегиони.

Во извештајот се наведува и дека просечната возраст на вработените во Африка е многу пониска отколку во развиените земји во светот, што може да доведе до можни проблеми кога станува збор за економската стабилност.

Како што е наведено, претстојниот „земјотрес на младите“ во Африка може да доведе до зголемување на невработеноста кај младите, што пак може да доведе до проблеми за социјалната правда и глобалната економија.

The post Невработеноста во светот падна на 13 отсто, објави МОТ appeared first on Република.

На крајот на мај годинава во Хрватскиот завод за вработување (ХЗЗ) се евидентирани 88.327 невработени, што е за 9,6 отсто помалку од мај 2023 година. Тоа е најмал број на невработени од формирањето на хрватската држава.

Во однос на април годинава, бројот на невработени е намален за 10,6 отсто или 10.493 лица, објави ХЗЗ.

Ова покажува дека на домашниот пазар на труд се уште постои силна побарувачка на работна сила, пред се поради туристичката сезона.

Според дневните податоци на ХЗЗ, во Институтот во моментов се пријавени 84.324 невработени, а објавени се 21.104 слободни работни места.

Во текот на мај во регистарот на невработени во ХЗЗ се ново регистрирани 8.318 лица, што е за 16,7 отсто помалку од мај минатата година.

The post Најмал број невработени во историјата на Хрватска appeared first on Република.

Сезонски прилагодената стапка на невработеност во Германија во април изнесуваше 5,9 отсто, што е исто како и во претходните четири месеци, а бројот на невработени се зголеми месечно за 13.000 на 2,732 милиони, соопшти денеска германската Сојузна агенција за труд.

Невработеноста во Германија сè уште е на највисоко ниво од мај 2021 година.

Највисока невработеност традиционално е забележана во германските сојузни покраини Бремен и Берлин, а најниска во Баварија и Баден-Виртемберг.

За априлската статистика, Агенцијата користела податоци кои биле достапни до 15-ти во месецот, пренесува порталот Wirschaftsvohe.

„На пазарот на трудот сè уште му недостига силна поддршка на економијата, така што пролетното закрепнување останува слабо“, изјави членот на управниот одбор на Агенцијата, Даниел Терзенбах.

Побарувачката за работници исто така благо опаѓа, но и натаму е на многу високо ниво.

Агенцијата за труд во април регистрирала 701.000 слободни работни места во Германија, што е за 72.000 помалку од пред една година.

The post Стапката на невработеност во Германија изнесува 5,9 отсто appeared first on Република.

Невработеноста во Русија е на рекордно ниско ниво, но тоа не значи дека се решени проблемите на пазарот на трудот, изјави рускиот претседател Владимир Путин на средбата со членовите на Владата.

Генерално, постојат прашања за квалитетот на работните места. Во некои региони и локалитети, стапката на невработеност е сè уште многу повисока од националниот просек. Во претпријатијата каде што производството е намалено, тимовите се делумно оптоварени, тие работат со скратено работно време. изјави шефот на државата. Во исто време, генерално, од јули минатата година руската економија покажува позитивна динамика, истакна Путин.

Тоа беше постигнато, меѓу другото, преку развојот на пазарните ниши кои беа ослободени по заминувањето на западните компании.

Враќањето на траекторијата на раст не треба да не опушта. Треба да ги поддржиме и зајакнеме позитивните трендови во нашата економија, да ја зголемиме нејзината ефикасност, да обезбедиме технолошки, кадровски и финансиски суверенитет, рече рускиот претседател.

Путин повика да се дејствува брзо, без непотребна бирократија, бидејќи нелегитимните санкции наметнати против Русија на среден рок навистина може да имаат негативно влијание врз економијата.

Водечкиот фактор на раст е постојаното зголемување на домашната побарувачка, но неговата динамика треба да одговара на целите за инфлација на Централната банка, додаде Путин.

Тој наложи да не се дозволи ниту негово забрзување ниту прекумерно забавување.

The post Путин: Невработеноста во Русија на рекордно ниско ниво appeared first on Република.

Стапката на невработеност во четвртиот квартал во 2022 година изнесувала 14 отсто. Стапката на активност во овој период е 54.9, а стапката на вработеност 47.2, соопшти Државниот завод за статистика.

Во четвртото тримесечје од 2022 година, активното население во Република Македонија изнесувало 802.280 лица, од кои вработени се 690.053, а 112.227 лица се невработени.

The post Невработеноста во четвртиот квартал лани била 14 отсто appeared first on Република.

Во првото тримесечје од 2022 година, активното население во земјава изнесувало 811.197 лица, од кои вработени биле 691.498, а 119.699 лица се воделе како невработени, покажуваат податоците на Државниот завод за статистика.

Стапката на активност во овој период е 55,3 отсто, стапката на вработеност 47,1, додека стапката на невработеност изнесува 14,8 проценти и бележи намалување во однос на стапката во последното четврто тромесечие од 2021 година кога изнесувала 15,2 отсто.

Од државниот завод за статистика информираат дека при обработката на податоците за првото тримесечје од 2022 година се користени регионалните демографски дистрибуции по пол и по петгодишни старосни групи за калибрирање на населението согласно податоците од Пописот 2021.

The post Стапката на невработеност во Македонија во првиот квартал била 14,8 отсто appeared first on Република.

Стапката на невработеност во еврозоната во март падна на најниско ниво во историјата, на 6,8 отсто од активното население, што е за 0,1 поен помалку од претходниот месец, соопшти денеска статистичката служба на ЕУ, Евростат.

Февруарската стапка, првично објавена на 6,8 отсто, е ревидирана до 6,9 отсто. Од декември, стапката е на најниско ниво од 1998 година.

За целата Европска унија, невработеноста во март исто така достигна историски најниско ниво од 6,2 отсто.

Пазарот на трудот имаше корист од силното закрепнување на европската економија што почна во пролетта 2021 година, по историската рецесија поврзана со пандемијата на Ковид-19.

За една година – од март 2021 до март 2022 година, невработеноста падна за 1,4 поени во еврозоната и за 1,3 поени низ ЕУ.

Подобрувањето е уште поизразено кај младите: стапката на невработеност кај оние под 25 години падна за 4,5 поени во однос на март 2021 година во еврозоната и достигна 13,9 отсто, исто како и во ЕУ.

Сепак, околу 13,37 милиони луѓе се невработени во 27-те земји-членки, вклучувајќи 11,27 милиони во 19 земји од еврозоната.

Војната во Украина фрла сенка врз изгледите за следните месеци, бидејќи изгледите за економски раст во ЕУ се драстично ревидирани надолу, а инфлацијата расте.

Растот на бруто домашниот производ (БДП) на еврозоната забави на 0,2 отсто од јануари до март, во споредба со претходниот квартал. За цела 2022 година, Меѓународниот монетарен фонд (ММФ) ја намали прогнозата за раст на 2,8 отсто, а претходно очекуваше 3,9 отсто.

Меѓу членките на ЕУ, највисоки стапки на невработеност во март имале Шпанија (13,5 отсто), Грција (12,9 отсто) и Италија (8,3 отсто).

Најниска стапка на невработеност имале Чешка (2,3 отсто), Германија (2,9 отсто), Малта и Полска (по 3,0 отсто).

The post Невработеноста во еврозоната во март на најниско ниво од 6,8 отсто appeared first on Република.

Стапката на невработеност во еврозоната во март падна на најниско ниво во историјата, на 6,8 отсто од активното население, што е за 0,1 поен помалку од претходниот месец, соопшти денеска статистичката служба на ЕУ, Евростат.

Февруарската стапка, првично објавена на 6,8 отсто, е ревидирана до 6,9 отсто. Од декември, стапката е на најниско ниво од 1998 година.

За целата Европска унија, невработеноста во март исто така достигна историски најниско ниво од 6,2 отсто.

Пазарот на трудот имаше корист од силното закрепнување на европската економија што почна во пролетта 2021 година, по историската рецесија поврзана со пандемијата на Ковид-19.

За една година – од март 2021 до март 2022 година, невработеноста падна за 1,4 поени во еврозоната и за 1,3 поени низ ЕУ.

Подобрувањето е уште поизразено кај младите: стапката на невработеност кај оние под 25 години падна за 4,5 поени во однос на март 2021 година во еврозоната и достигна 13,9 отсто, исто како и во ЕУ.

Сепак, околу 13,37 милиони луѓе се невработени во 27-те земји-членки, вклучувајќи 11,27 милиони во 19 земји од еврозоната.

Војната во Украина фрла сенка врз изгледите за следните месеци, бидејќи изгледите за економски раст во ЕУ се драстично ревидирани надолу, а инфлацијата расте.

Растот на бруто домашниот производ (БДП) на еврозоната забави на 0,2 отсто од јануари до март, во споредба со претходниот квартал. За цела 2022 година, Меѓународниот монетарен фонд (ММФ) ја намали прогнозата за раст на 2,8 отсто, а претходно очекуваше 3,9 отсто.

Меѓу членките на ЕУ, највисоки стапки на невработеност во март имале Шпанија (13,5 отсто), Грција (12,9 отсто) и Италија (8,3 отсто).

Најниска стапка на невработеност имале Чешка (2,3 отсто), Германија (2,9 отсто), Малта и Полска (по 3,0 отсто).

The post Невработеноста во еврозоната во март на најниско ниво од 6,8 отсто appeared first on Република.

СДСМ не ја намали невработеноста, туку ја зголеми бројката на иселени. Од почетокот на пандемијата имаме значајно намалување на активното население (збир од вработени и невработени лица), но затоа бројот на неактивните лица значајно се зголемува. Активното население се намалува за 30.251 лица, при намалување на бројот на вработените за 15.830 и на невработените за 14.421, велат од ВМРО-ДПМНЕ.

-Остатокот од вкупното работоспособно население се неактивните лица чиј број е зголеми за 26.878, што покажува дека лицата кои останале без работа и кои биле невработени и пред кризата, сите се префрлаат во неактивни односно не бараат работа. Затоа стапката на активност од 57,4% во првиот квартал на 2020 година се сведе на 55,7% во последниот квартал на 2021 година, додека стапката на невработеност од 16,2% на 15,2%.

Дека се работи за иселување, а не за намалување на невработеноста се гледа и од податок на ЕВРОСТАТ, според кој во 2012 та година биле издадени 9 317 работни дозволи од земјите на ЕУ за македонски државјани, во 2019 та година бројот на издадени дозволи е 26 653 или три пати повеќе луѓе отишле да работат во странство затоа што со СДСМ, со Зоран Заев и Ковачевски тие буквално не гледаат никаква иднина во Македонија, стои во партиското соопштение.

Од ВМРО ДПМНЕ додаваат дека сополнително загрижува фактот што за намалувањето на вработените е забележано исклучиво во приватниот сектор, каде бројот е намален за 27.996 лица, додека бројот на вработени во субјекти со друга сопственост е зголемен 12.166 лица. Според ДЗС во друга сопственост влегуваат мешовита, задружна и државна сопственост.

Ова зборува дека приватниот сектор со СДСМ на власт умира, се повеќе работни места се затвораат. Со СДСМ имаме само стагнација, затоа потребни се предвремени парламентарни избори час поскоро, велат од ВМРО ДПМНЕ.

The post ВМРО-ДПМНЕ: СДСМ не ја намали невработеноста, туку ја зголеми бројката на иселени appeared first on Република.

Последните податоци од Анкетата на работна сила на Државниот завод за статистика (ДЗС) кои ги објави вчера, покажуваат дека за прв пат од нашето постоење како независна држава исчезнуваме како нација. Долгогодишниот тренд на иселување од државата, особено на младите, заедно со опаѓачката стапка на наталитет за коишто ништо не направи оваа Влада, плус и данокот којшто го зема пандемијата со починати 9.065 лица заради неуспешното справување на здравствените власти се рефлектира за прв пат во намалување на работоспособно население, се вели во партиското соопштение на опозициската ВМРО-ДПМНЕ.

-Владата не презема ништо за да го смени негативниот тек на демографските промени кои ни се закануваат да исчезнеме како нација. Намалувањето на бројот на младите во вкупната работоспособна популација значи намален потенцијал за иден раст и зголемен ризик за економијата, во која населението старее и се повеќе зависи од државата. Интензитетот на зголемување на старосната зависност е двојно засилен во последните пет години, при што стапката достигна 21,1% во 2020 година. Последните податоци од Анкетата на работна сила на ДЗС заклучно со последниот квартал на 2021 година покажаа на негативни трендови на пазарот на труд од почетокот на кризата со ковид-19 (прв квартал на 2020 година). Вкупното работоспособно население е намалено за 3.373 лица, додека активното население (збир од вработените и невработените лица) за високи 30.251 лица, при намалување на вработените за 15.830 и на невработените за 14.421. Остатокот од вкупното работоспособно население се неактивните лица чиј број е зголемен за 26.878, што покажува дека лицата кои останале без работа и кои биле невработени и пред кризата, сега се неактивни односно не бараат работа. Затоа стапката на активност од 57,4% во првиот квартал на 2020 година се сведе на 55,7% во последниот квартал на 2021 година, додека стапката на невработеност од 16,2% на 15,2%. Намалувањето на стапката на невработеност во никој случај не укажува на подобрени состојби на пазарот на труд во услови кога, бројот на вработени се намалува, а намалувањето на невработените НЕ е зошто истите се вработуваат, туку зошто се префрлаат во неактивни – демотивирани да бараат работа! истакнуваат од опозициската партија.

Но, уште повеќе загрижува фактот што намалувањето на вработените е исклучиво во приватниот сектор, каде бројот е намален за 27.996 лица, додека бројот на вработени во субјектите со друга сопственост е зголемен 12.166 лица. Според ДЗС во друга сопственост влегуваат: мешовита, задружна и државна сопственост, потенцираа од ВМРО-ДПМНЕ

Првите два облика на сопственост се малку застапени во нашата држава, што значи дека промените во друга сопственост во најголем дел се рефлексија на движењата на вработените во јавниот сектор. Така, бројот на вработени во јавна управа и одбрана од почетокот на пандемијата е зголемен за 8.093 лица, во дејноста здравствена и социјална заштита за 4.856 лица и во дејноста снабдување со вода, отстранување на отпадни води за 3.908 лица. Намалување на бројот на вработени има во државното образование за 803 лица и во дејноста снабдување со електрична енергија, гас, пареа и климатизација за 1.736 лица. Ако се соберат сите овие дејности кои во најголем дел се во јавен сектор, тогаш од почетокот на кризата со ковид-19 до крајот на 2021 година вработените во јавниот сектор се зголемиле за околу 14.300 лица. Наспроти заложбата да се отвораат работни места во приватниот сектор, како и да се намалува старосната зависност, дејствувањето на оваа Влада ги засилува негативните трендови на пазарот на труд и демографски промени, кои веќе се висок трошок за економијата, порачаа од таму.

The post ВМРО-ДПМНЕ: Невработеноста е помала, затоа се повеќе луѓе се иселуваат, владата не презема ништо appeared first on Република.

Во четвртото тримесечие од 2021 година вкупниот број на активно население во земјава изнесува 937.482 лица, од кои 795.276 се вработени, а 142.206 се невработени лица.

Според податоците на Државниот завод за статистика, стапката на активност во овој период е 55,7 отсто, стапката на вработеност 47,3, додека стапката на невработеност изнесува 15,2 отсто.

The post Во четвртиот квартал лани стапката на невработеност 15,2 отсто appeared first on Република.

Претседателот на Владата на Република Македонија, Димитар Ковачевски, во придружба на министерката за труд и социјална политика, Јованка Тренчевска и директорот на Агенцијата за вработување Беким Мурати, денеска го посети претпријатието „Метал Декор Дизајн“.

На посетата премиерот се сретна со основачот на „Метал Декор Дизајн", Игор Младеновски, кој го основал претпријатието благодарение на мерката за самовработување од Оперативниот план за вработување на Министерството за труд и социјална политика што ги спроведува Агенцијата за вработување.

Премиерот Ковачевски во разговорот со Младеновски рече дека го радуваат посети на успешни бизнис проекти и храброста на луѓе кои го прифаќаат предизвикот да отпочнат сопствен бизнис, кои со тоа им даваат шанса и на други наши сограѓани со креирање нови работни места.

Игор Младеновски ја искористил финансиската поддршка од мерката за вработување и во 2018 година ја основал компанијата „Метал Декор Дизајн" за изработка на внатрешен и надворешен ентериер, изработка на огради, натстрешници и браварски услуги.

На средбата тој го информираше премиерот Ковачевски дека од основањето до денеска „Метал Декор Дизајн" е во постојан развој и сега има 12 вработени (10 вработени и 2 корперанти) и набавена опрема која овозможува ширење на листата на услуги.

Премиерот Ковачевски за Оперативниот план за вработување рече дека е еден од најуспешните проекти на Владата со кој во 2021 година се реализирани дури 94,6% од предвидените мерки и се вработија 11.292 невработени лица.

Ковачевски истакна дека мерките од Оперативниот план за вработување учествуваа во намалувањето на невработеноста до историските 15,9%, со тенденција да продолжи да опаѓа, и дека до крајот на актуелниот мандат на Владата ќе биде постигната невработеност од под 10%.

Охрабрени од резултатите на Оперативниот план за 2021 година, рече премиерот Ковачевски, во буџетот за оваа намена за 2022 година се обезбедени зголемени финансии, односно 1,73 милијарди денари.

„Тоа ветува дека ќе видиме реализација на уште вакви успешни бизнис иницијативи како оваа на Игор Младеновски и неговата „Метал Декор Дизајн"“, нагласи премиерот Ковачевски за време на посетата на ова претпријатие кое е основано и постигна успех благодарение на мерките од Оперативниот план за вработување на Владата.

The post До крајот на мандатот невработеноста ќе ја намалиме под 10%, тврди премиерот appeared first on Република.

Премиерот Димитар Ковачевски, во придружба на министерката за труд и социјална политика, Јованка Тренчевска и директорот на Агенцијата за вработување, Беким Мурати, го посети претпријатието „Метал Декор Дизајн“.

Како што информираат од Владата, премиерот се сретна со основачот на „Метал Декор Дизајн”, Игор Младеновски, кој го основал претпријатието благодарение на мерката за самовработување од Оперативниот план за вработување на Министерството за труд и социјална политика, што ги спроведува Агенцијата за вработување.

Според Ковачевски, луѓе кои го прифаќаат предизвикот, со успешните бизнис проекти им даваат шанса и на други сограѓани во креирање нови работни места.

Игор Младеновски ја искористил финансиската поддршка од мерката за вработување и во 2018 година ја основал компанијата „Метал Декор Дизајн” за изработка на внатрешен и надворешен ентериер, изработка на огради, натстрешници и браварски услуги. Денеска фирмата има 12 вработени и набавена опрема која овозможува ширење на листата на услуги.

Премиерот Ковачевски за Оперативниот план за вработување оцени дека е еден од најуспешните проекти на Владата со кој во 2021 година се реализирани дури 94,6 проценти од предвидените мерки и се вработија 11.292 невработени лица.

Тој истакна дека мерките од Оперативниот план за вработување учествуваа во намалувањето на невработеноста до историските 15,9 отсто, со тенденција да продолжи да опаѓа и дека до крајот на актуелниот мандат на Владата ќе биде постигната невработеност од под 10 отсто.

Охрабрени од резултатите на Оперативниот план за 2021 година во буџетот за оваа намена за 2022 година се обезбедени зголемени финансии, односно 1,73 милијарди денари - изјави Ковачевски, нагласувајќи дека тоа ветува успешни бизнис иницијативи во иднина.

The post Ковачевски вети дека до крајот на мандатот невработеноста ќе се намали под 10 отсто appeared first on Република.

Владата предводена од СДСМ преку ефикасни мерки и политики обезбедува намалување на стапката на невработеност и повисок животен стандард за граѓаните и во време на криза. Оперативниот план за активни мерки и програми за вработување како еден од најуспешните владини проекти, испорачува видливи резултати. Во 2021 со Оперативниот план се опфатија 11.292 невработени лица. 4.000 лица лани се вработиле само со мерките за самовработување и поддршка за креирање нови работни места, додека 3.787 млади лица до 23 години вработени во производство и земјоделство добија младински додаток на платите - тврдат од СДСМ.

Според нив веќе четврта година по ред се спроведува и проектот „Гаранција за млади“ кој опфаќа невработени млади лица на возраст до 29 години, мерка со која минатата година биле опфатени 19.298 млади невработени лица од кои 75% биле жени.

Дополнително, Меѓународниот монетарен фонд потврди дека околу 60.000 работни места се спасени со мерките за помош во време на криза. Овие податоци се дополнителен мотив за реализацијата на мерките да продолжи понатаму. Токму затоа, креиран е и оперативен план за 2022 година, за кој се обезбедени 1,73 милијарди денари, односно 28 милиони евра. СДСМ како одговорна партија продолжува со реализирање на мерки и политики кои обезбедуваат нови работни места, намалување на стапката на невработеност и повисок стандард за граѓаните - стои во партиското соопштение.

The post СДСМ тврди: Ја намалуваме стапката на невработеност appeared first on Република.

Невработеноста во Австрија се уште се намалува, а во моментов без работа се 404.994 лица, изјави министерот за труд Мартин Кохер.

Тој посочи дека од наведената бројка, работа бараат 333.864 лица, а на дообука се 71.130.

Трендот на благо намалување на невработеноста покажува позитивна динамика на пазарот на трудот и покрај ширењето на сојот омикрон - нагласи Кохер.

Во споредба со јануари минатата година помал број лица се пријавиле за скратено работно време, сега се 159.454.

The post Невработеноста во Австрија продолжува да се намалува appeared first on Република.