Министерот за надворешни работи и надворешна трговија, Тимчо Муцунски денеска остварил средба со амбасадорката на Србија, Невена Јовановиќ, на која било констатирано дека двете земји одржуваат и негуваат одлични билатерални односи, со посебен фокус на развиената економска и трговска соработка.

Како што соопштија од МНР, на средбата бил поздравен фактот што Србија е наш петти најголем трговски партнер во 2023 година.

Муцунски и Јовановиќ како особено значајно прашање го оцениле процесот на интегрирање на двете земји во ЕУ, што претставува гаранција за целокупната регионална и европска стабилност. Воедно, се наведува во соопштението, било нагласено дека двете земји се залагаат за негување на добрососедските односи, што претставува значаен аспект во насока на постигнување напредок на полето на евроинтеграциите.

Согововниците констатираа заемен интерес и посветеност за натамошно унапредување на билатералната, регионалната и соработката во меѓународните организации, во функција на нејзино збогатување со нови содржини во интерес на просперитетот, мирот и безбедноста на регионот и пошироко, соопшти МНР.

На средбата се говорело и за солидната соработка и во делот на заштитата на националните малцинства во двете земји.

The post Македонија и Србија одржуваат и негуваат одлични билатерални односи, се согласија Муцунски и Јовановиќ appeared first on Република.

Министерот за внатрешни работи во техничката Влада Панче Тошковски и дополнителниот заменик министер Митко Бојмацалиев денеска оствариле работна средба со амбасадорката на Република Србија, Невена Јовановиќ.

На средбата, како што информираат од МВР, Тошковски се заблагодарил за целокупната соработка меѓу двете министерства за внатрешни работи, а особена благодарност упатил за разбирањето што Србија го има во однос на проблемот со личните документи.

Амбасадорката Јовановиќ, се вели во соопштението, се заблагодарила за досегашната соработка во сите области, особени во борбата против организираниот криминал и граничното работење и изразила уверување дека соработката ќе продолжи да се развива и во иднина, особено на патот кон полноправно членство во Европската Унија на двете земји. Ја посочила како приоритетна соработката во рамки на МАРРИ Регионалната иницијатива со која моментално претседава Република Србија, за што подетално објаснување дал српскиот офицер за врска во оваа иницијатива, Немања Пантиќ.

Од страна на дополнителниот заменик министер за внатрешни работи Митко Бојмацалиев била изразена благодарност за досегашната соработка, особено за соработката остварена преку иницијативата „Отворен Балкан“ која практично значи олеснување на граѓаните за нормално функционирање и комуникација со државите од Западен Балкан.

The post Средба на Тошковски и Бојмацалиев со амбасадорката на Србија, Невена Јовановиќ appeared first on Република.