На 29.11.2024 година во 07:21 чaсот, во СВР Охрид е пријавено дека, на автопатот во изградба, кај девијацијата „Царо поле“, атар на селото Ботун, општина Дебрца, патнички автомобил „Ауди“ со кичевски регистарски ознаки, излетал од патот.

По преземени мерки, констатирано е дека, Ф.К.(22) возач на возилото и сопатничката Е.С.(21), двајцата од Кичево, починале на местото на настанот а смрт констатирал лекар од Итната медицинска помош од Охрид. Увид на местото извршија јавен обвинител, сообраќаен вештак и полициски екипи.

По наредба на јавен обвинител, врз телата на двете починати лица, ќе биде извршена обдукција.

The post 22-годишно момче и 21-годишна девојка се загинатите во страшната несреќа кај селото Ботун appeared first on Република.

Неформална група студенти на Академијата за уметности во Нови Сад најави блокада на сите три згради на академијата во тој град, за да се солидаризираат со колегите од Факултетот за драмски уметности во Белград.
Блокадата ќе трае 12 часа, од 9 до 21 часот, јавија локалните медиуми.

Студентите на Факултетот за драмски уметности побараа МВР на Србија да поднесе кривична пријава против лица познати во јавноста и да ги идентификува другите членови на организираната група која физички нападна студенти и професори за време на петнаесетминутната почит кон оние кои загинаа во Нови Сад.

Наведувајќи дека ќе ја продолжат блокадата на факултетот додека не се исполнат овие барања, ги повикаа и останатите студенти да иницираат блокади на нивните факултети.

Студентите на Универзитетот во Белград денеска планираат 12 часа да организираат блокада на зградата на Ректоратот. За време на таа акција ќе им се придружат и дел од професорите.

Планот е блокадата да започне во 11.52 часот кога падна бетонската настрешница на железничката станица во Нови Сад и да трае до 23.52 часот.
Опозицијата во Нови Сад ја одложи најавената блокада на судот и Обвинителството во Нови Сад, но денеска во тој град, како и во другите градови во Србија, во 11:52 часот ќе се организира акцијата „Застани, Србија“, со цел уште еднаш да им оддадат почит на жртвите на железничката станица по падот на настрешницата.

The post Србија и Нови Сад и денеска во 11:52 часот застануваат за почит на жртвите во трагедијата appeared first on Република.

Како што информираат од Автомото сојузот на Македонија сообраќајната несреќа се случила пред УО Империјал.

Сообраќајот на овој патен правец е во прекин од 12.30 часот.

The post Поради сообраќајка во прекин сообраќајот на патот Гостивар – Стража appeared first on Република.

Српскиот премиер Милош Вучевиќ денеска изјави дека сите што се виновни за падот на бетонската настрешница на железничката станица во Нови Сад, кога загинаа 15 лица, ќе одговараат „но не затоа што некој го побарал на улица“, туку ќе се утврди нивната вина од страна на судот. Вучевиќ за Радио телевизија на Србија (РТС) изјави дека Србија мора да продолжи да функционира како држава и општество.

Народот мора да продолжи понатаму, тоа не значи дека е заинтересиран за утврдување одговорност, бидејќи животот мора да продолжи и Србија не смее да запре, ниту семејствата кои ги загубија своите најблиски, мора да продолжат да живеат. За доброто на загинатите треба да продолжиме и да се погрижиме тоа никогаш да не се повтори, а виновниците ќе бидат кривично гонети затоа што тоа ќе го утврди судот, а не затоа што некој на улица го кажал тоа, посочи Вучевиќ.

Тој потсети дека Обвинителството приведе 13 лица и додаде дека „работи онака како што мисли дека треба да работи, а не под влијание на извршната власт“.

The post Вучевиќ: Виновниците ќе одговараат ако судот утрвди вина, не зошто некој од улица го побарал тоа appeared first on Република.

На денешен ден пред три години се случи сообраќајната несреќа во Бугарија во која се запали автобус на „Беса транс“. Загинаа 45 лица, а седуммина беа повредени.

Автобусот беше дел од групата од четири автобуси на „Беса транс“ кои се враќале од организирано патување во Истанбул.

Казна затвор од една година и осум месеци казна доби сопственикот на „Беса транс“ Беким Хаџиу бидејќи фалсификувал документи кои потоа ги користеле возачите кога со автобусите ја напуштале државата. Казнета беше и фирмата „Беса транс“ како правно лице со парична казна од 800.000 денари и доби забрана за добивање лиценца за патен превоз во рок од четири години од правосилноста на пресудата.

Во Бугарија се водеше судски процес за несреќата, а вината беше лоцирана кај возачот, кој исто така загина.

The post Три години од трагичната автобуска несреќа во Бугарија во која загинаа 45 лица од Македонија appeared first on Република.

Двајца од тројцата пациенти кои беа тешко повредени како последица од уривањето на настрешницата на Железничката станица во Нови Сад се во свесна, но се уште тешка состојба, изјави за „Танјуг“ в.д. директор на Клиничкиот центар на Војводина, д-р Весна Туркулов.

Двајца пациенти се свесни и на кислородна поддршка, комуницираат со очите. Еден пациент сè уште е на апарати за вештачко дишење, рече Туркулов.

Таа додаде дека проблем се секундарните инфекции, а нема опуштање бидејќи повредите се обемни.

Секој ден се преврзуваат во холот, имаше по некоја ортопедска корекција, фиксирање на коските, а семејствата можат да ги гледаат секој ден, рече Туркулов.

Се организира и психолошка поддршка за свесните пациенти, бидејќи тие се вознемируваат кога ќе ги видат своите семејства.

The post Kомуницираат со очи, но се вознемируваат кога ќе ги видат семејствата appeared first on Република.

Итните екипи на Клиничкиот центар „Војводина“ продолжуваат да се борат за живот на три тешко повредени лица по падот на настрешницата на Железничката станица во Нови Сад, изјави д-р Весна Туркулов, в.д. директор на оваа здравствена установа. Повредените се во тешка состојба, а лекарите постојано ги набљудуваат и прават се што е во нивна моќ да им го спасат животот.

Пациентите се се уште нестабилни и нивните животи се во опасност. Она што можам да кажам е дека немаше никакви хируршки интервенции во текот на претходната ноќ, но сите тројца се се уште во многу тешка состојба и не се свесни, изјави д-р Туркулов во програма „Уранак“ на телевизија К1.

Таа додаде дека на семејствата на повредените им се дава поддршка на секој можен начин. Туркулов рече дека семејствата, бидејќи не се од Нови Сад, изнајмиле станови под кирија, но претежно остануваат во фоајето на Клиничкиот центар на Војводина бидејќи сакаат да бидат таму и тоа е најмалку што може да се направи за нив.

Поради нивниот подолг престој овде, им даваме психолошка поддршка и разговараме со нив, но ситуацијата е навистина тешка. Надзорот се врши 24 часа. Во оваа ситуација сите дежурни екипи се засилени. Сите бдееме над нив и се бориме. Секојдневно сме во контакт со министерот за здравство и во моментов ја добиваме сета потребна поддршка и ќе продолжиме да се бориме, додаде докторката.

Д-р Туркулов рече дека семејствата на повредените ги посетил градоначалникот на Нови Сад, Милан Ѓуриќ, кој организирал други форми на поддршка за семејствата на жртвите.

Тоа е најмалку што може градот да направи. Сите сме тука да помогнеме. Ние здравствените работници се бориме овде, додека тие се борат на нивните фронтови, рече Туркулов и нагласи дека бројот на загинати и повредени не е повисоки во однос на официјално објавеното.

Во моментов имаме тројца тешко повредени, додека 14 лица загинаа на лице место. Нема полесни повреди“, заклучува д-р Туркулов.

-Вакви повреди немаме видено од војната, изјави вчера д-р Драган Николиќ.

Тој забележува дека лекарите секогаш го очекуваат најлошото, но дека искрено се надева дека со толку добар тим, овие спасени луѓе ќе бидат добро.

Дури утрото сфативме што се случи. Најтешката работа е кога ќе откриеме дека нешто не оди како што треба. Сите имаме огромна желба тоа да биде добро. Најважно е да го вложиме знаењето кое сме го чувале за вакви работи. За нас ова е голем предизвик да ги спасиме овие луѓе. Прогностички, тие луѓе можеби нема да преживеат, но со ваков труд се надевам на добар исход без разлика на прогнозата – вели д-р Николиќ.

Тој посочува дека покрај медицинската умешност, многу е важна и хуманоста во овие моменти што ја покажуваат лекарите, истакнува д-р Николиќ.

Родителите на една од пациентките не излегуваат од Ургентниот центар. Медицинската сестра ми се јави да ми каже дека таткото на една пациентка не ја остава 24 часа, ја прашав дали нешто му е подготвено, таа ми рече дека има се и дека одбива да јаде. Сите дојдовме да разговараме со него, да му го понудиме помош, да учествуваме во неговите маки. Тоа ни треба! Ни треба емпатија. Ни треба желба за хуманост. Од една страна има професионализам, од друга страна е хуманост. Тоа мора да се активира. И сите треба да сочувствуваме, сите мораме да учествуваме во тоа. Ако е така, тогаш на тие луѓе ќе им биде полесно и на сите нас, изјави д-р Николиќ за РТС.

The post Спијат во болница, одбиваат да јадат: Лекарите од Нови Сад за состојбата на семејствата чии најблиски се борат за живот appeared first on Република.

Вчеравечер во 21:15 часот во СВР Скопје било пријавено дека на бул.„Борис Трајковски“ во Скопје, патничко возило „фолксваген“ со скопски регистарски ознаки, управувано од П.Ј.(74) од с.Идризово, скопско, удрило во бетонски ѕид од објект на правно лице.

Во несреќата со тешки телесни повреди се здобила сопатничката Д.Ј.(73) од с.Идризово, додека со телесни повреди се здобил возачот, констатирани во Комплексот клиники „Мајка Тереза“ во Скопје, соопшти МВР.

Увид извршила екипа од СВР Скопје.

The post Постар брачен пар се заби во бетонски ѕид во Кисела Вода appeared first on Република.

Министерот за внатрешни работи Ивица Дачиќ за РТС изјави дека вчера биле сослушани 26 лица во врска со падот на настрешницата на железничката станица во Нови Сад, а денеска ќе бидат сослушани уште петмина.

Говорејќи за доказите, Дачиќ рече дека тие се на безбедно место и дека полицијата ги чува.

Дачиќ изјави дека во 11.58 часот дошла информацијата за падот на настрешницата и дека за 10 минути сите возила и служби за итна помош пристигнале на железничката станица во Нови Сад.

Како што рече, за жал само тројца, од седумнаесет лица кои биле таму, преживеале и истакна дека состојбата на повредените е се уште сериозна и дека се работи за тешки физички повреди.

Дачиќ додаде дека на повредениот млад човек и на едното девојче му биле ампутирани двете нозе, додека на другата девојка, која спасувачите првично не можеле да ја видат, туку само ја слушнале под урнатините, и била ампутирана раката.

На прашањето кој е одговорен, Ивица Дачиќ рече дека тоа повеќе не е надлежност на МВР, туку дека Обвинителството ја води истрагата.

По наредба на обвинителот, во просториите на ПУ Нови Сад, со координација на Управата за криминалистичка полиција и во присуство на обвинители, сослушавме дваесетина лица. Станува збор за луѓе од Министерството за градежништво, транспорт и инфраструктура на чело со министерот, државниот секретар, раководителот на секторот за инспекциски надзор, раководителот на секторот за градежна инспекција и градежен инспектор. Значи, пет лица од министерството – рече Дачиќ.

На прашањето дали некој е приведен, тој одговори дека информациите се само собрани. Дачиќ рече дека директорот на Заводот за заштита на спомениците на културата од Нови Сад, седум лица од „Железница Србија“ на чело со генералниот директор Горан Аџиќ, седум лица од компанијата „Инфраструктура железница Србија“ на чело со генералниот директор Јелена Танасковиќ и луѓе кои се директно одговорни за задачите поврзани со реконструкција.

Директорот и изведувачот, одговорното лице, главниот инженер за извршување на работите, одговорното лице кај подизведувачот, одговорното лице во надзорниот орган, проектантот, директорот на сообраќајниот институт ЦИП… Таму беа вкупно 26 сослушувања – рече Дачиќ.

Тој додаде дека денеска ќе бидат сослушани уште пет лица, а од Заводот за заштита на спомениците во Нови Сад ќе биде земена документација во врска со согласноста за реконструкција, доградба и адаптација на железничката станица и како што рече, ќе се подигне и документација за периодични прегледи на објектот и ќе се чека наодот на вештачењето.

Зборувајќи за доказите кои се заштитени, Дачиќ рече дека се работи за метални кабли и дека тие се скриени на безбедна локација за никој да не ги уништи.

Посочи дека „точно е и тоа што од Заводот за заштита на спомениците не рекле дека не треба да се врши реконструкција, но и дека не препорачале“.

Дизајнерот очигледно го направил само тоа што го напишале, а тоа го сведоа на две интервенции кои се однесуваат на некои плочи и не се суштински во однос на корозијата на сето ова. Веројатно и дизајнерот е виновен, зошто тоа не го зел предвид. Тој рече дека сите ќе бидат слушнати и дека сите изјави ќе бидат видливи, на крајот на краиштата, тоа се јавни документи – рече Дачиќ.

The post Дачиќ: По падот на настрешницата во Нови Сад сослушани се 26 лица appeared first on Република.

Зоран Ѓајиќ, кој до март 2023 година работеше како надзорник на реконструкцијата на зградата на Железничката станица во Нови Сад, изјави дека вечерва одобрението за градба за тој проект исчезнало од Централната евиденција на единствената постапка (CEOP) на порталот на Агенцијата. за економски регистри (АПР).

Во Нови дан 1 Србија, меѓу другото, Ѓајиќ рече дека не е точно тоа што го кажал министерот Весиќ дека настрешницата на влезот на станицата не е предмет на работа и дека според писмата што ги испратил на бројни адреси, за мора да се отстранат панелите со предните држачи и да се види што има зад нив, никој не одговори.

Тој додаде дека во видеото има голем број фотографии кои го докажуваат тоа.

„Доколку барате градежна дозвола за железничката станица во Нови Сад, вечерва не можеше да се најде, бидејќи некои вредни луѓе ја напуштија и ја отстранија“, рече Ѓајиќ.

Тој нагласи дека одобрението за градба е јавна исправа и дека до него треба да имаат пристап сите граѓани.

„Како граѓани на Србија мора да имате увид во тој документ кој ги содржи сите елементи на издадените локациски услови, градежни дозволи, употребни дозволи со сета пропратна документација за сите објекти во оваа држава. Ова е законска обврска што нашата влада ја презеде пред десет до петнаесет години“, додаде тој.

The post Од регистарот „исчезна“ градежната дозвола за реконструкција на станицата во Нови Сад appeared first on Република.

Во Нови Сад почна тридневна жалост поради несреќата во која загинаа четиринаесет лица, а тројца се тешко повредени кога врз нив се урна бетонската настрешница на Железничката станица. Тројца од повредените кои се во УКЦ Војводина се уште се во критична состојба, јави дописникот на МИА од Белград.

Спроти Железничката станица во Нови Сад илјадници граѓани палат свеќи и оставаат цвеќиња и играчки, како и во текот на целиот ден. Насобраните држат транспаренти со имињата на 14-те загинати во несреќата. Свеќи беа запалени и на плоштадот Слобода.

Директорката на Клиничкиот центар на Војводина, Весна Туркулов, денеска изјави дека тројцата повредени во несреќата пред зградата на железничката станица во Нови Сад, според последните информации, се во тешка состојба, дека се во бессознание, сите се на машини за вештачко дишење и се витално загрозени.

Туркулов изјави дека денеска се направени нови операции на тројцата спасени пациенти и дека во тек е дополнителна дијагностика.

Сите се во многу тешка состојба и се хируршки третирани. Неблагодарно е да се даваат предвидувања. Станува збор за сериозни повреди опасни по живот, така што исходот е навистина неизвесен. Сите се млади луѓе, изјави директорката на Клиничкиот центар во Војводина.

Туркулов повтори дека станува збор за сериозни повреди со нагмечувања на внатрешните органи.

- Постојано се праќаат на дополнителна дијагностика, на скенери, каде се забележува некое ново внатрешно крварење, за дополнително да се лекуваат внатрешните повреди, нагласи таа.

Во несреќата спасени се три лица, две жени на возраст од 23 и 21 година, кои неколку часа по уривањето на конструкцијата беа извлечени од под урнатините и 18-годишно момче на кое му беше ампутирана ногата.

The post Илјадници граѓани на местото на трагедијата во Нови Сад палат свеќи, тројца повредени се уште во критична состојба appeared first on Република.

Премиерот Христијан Мицкоски изрази сочувство до семејствата чии членови загинаа во вчерашната несреќа во Нови Сад.

Со длабока тага ја примив веста за трагичната несреќа во Нови Сад, која одзеде човечки животи и остави многу семејства во болка. Во овие тешки моменти, нашите мисли и молитви се со семејствата на загинатите и со сите повредени. Од името на Владата и од мое лично име, упатувам најискрено сочувство до семејствата на настраданите. Нека им биде лесна земјата на оние кои ги загубија своите животи, а на повредените им посакувам брзо и целосно закрепнување. Во овие моменти на тага, стоиме заедно со нашите соседи и пријатели од Србија. Нека оваа трагедија не потсети на важноста од меѓусебна поддршка и солидарност, пишува Мицкоски на Фејсбук.

На железничката станица во Нови Сад вчера во 11:50 часот се урна бетонската настрешница на зградата на станицата. Под настрешницата имало клупи и на нив во моментот на падот имало голем број граѓани.

Во Србија денеска е прогласен Ден на жалост.

The post Мицкоски со сочувство до семејствата на загинатите во несреќата во Нови Сад appeared first on Република.

Денеска околу 11 часот и 50 минути загинаа 14 лица при уривање на стариот дел од настрешницата на Железничката станица во Нови Сад, покажуваат последните податоци што ги презентираше Ивица Дачиќ. Таа бројка не е конечна, додаде тој.

На местото веднаш се испратени огромен број амбулантни возила, полиција и пожарникари, а според последните официјални информации, под тешката конструкција која се урнала загинале 14 лица. Има и голем број повредени лица, а 20-годишна девојка и жена се спасени по повеќе од четири и пол часа поминати под урнатините.

По повод трагичниот настан што се случи на 01.11.2024 г. година во Нови Сад, кога се урна дел од зградата на Железничката станица во Нови Сад, Вишото јавно обвинителство во Нови Сад ја информира јавноста дека во текот на досегашната истрага од урнатините се извлечени 14 тела на починатите, од кои две женски лица се идентификувани како А.Р. (20.) и А.Ќ.С. (35) години и пет машки лица: Х.С. (27), М.М. (21), Ш.Ѓ. (77), Р.В. (69) и С.В. (45) години.

Лука Чаушиќ, началник на Секторот за вонредни состојби, за ТВ Блиц вели дека преместувањето на плочите на Железничката станица во Нови Сад може да потрае уште неколку часа. Тој објасни дека екипите мора да бидат многу внимателни, бидејќи плочите тежат неколку тони, а поместувањето на едната страна од плочата може да доведе до целосно уривање на плочата и да ги загрози животите на луѓето во урнатините.

The post 14 лица загинаа во несреќата кај Железничката станица во Нови Сад, бројот на настрадани не е конечен, познат идентитетот на дел од жртвите appeared first on Република.

Министерот за внатрешни работи на Србија, Ивица Дачиќ за РТС изјави дека според најновите информации 13 луѓе загинале откако се урна напладне бетонска настрешница на железничката станица во Нови Сад. Тројца повредени се префрлени во Клиничкиот центар и се во сериозна состојба.

Тој додаде дека две жени биле извлечени од урнатините и дека спасувачката операција била исклучително тешка.

Се работи за многу тешка и масивна конструкција, што е многу тешко да се подигне и да се стигне до повредените, изјави Дачиќ.

Министерот додаде дека се стравува дека има повеќе жртви. Меѓу загинатите е и дете на возраст од шест години.

The post Бројот на загинати во несреќата во Нови Сад се искачи на 13 appeared first on Република.

Повеќе од 30 лица се повредени при уривање на настрешницата на железничката станица во српскиот град Нови Сад, јавија локалните медиуми.

Повредени се над 30 луѓе, тоа е последната бројка што ја имаме, а можеби е поголема. Се уште не знаеме дали има загинати, додека не бидеме сигурни дека не можеме да кажеме ништо. Телефоните ни ѕвонат постојано. Родителите се јавуваат да прашаат за децата....Ова е катастрофа. Се трудиме што побрзо и поефикасно да дојдеме до жртвите, јави Нова.рс повикувајќи се на изјава на извор од Службата за итни случаи во Нови Сад.

Според информациите на „Новости“, пак, тела на најмалку три загинати лица се извлечени од урнатините.

https://republika.mk/vesti/balkan/najmalku-trojtsa-zaginati-vo-novi-sad-po-urivaneto-na-nastreshnitsata-na-zheleznichkata-stanitsa/

Она што е алармантно е дека објектот на Железничката станица, која се реконструираше, беше свечено отворен на 5 јули годинава.

Изведувач на реконструкцијата на Железничката станица во Нови Сад, чиј дел денеска се урна а, беше кинескиот конзорциум CRIC&CCCC („China Railway International Co.Ltd“ и „China Communications Construction Company Ltd“).

 

View this post on Instagram

 

A post shared by 192.RS (@192_rs)

The post Железничката станица што се урна во Нови Сад беше свечено отворена на 5 јули годинава appeared first on Република.

Најмалку три лица се загинати по паѓањето на настрешницата на железничката станица во Нови Сад, пишува српски „Новости“.

Настрешницата се урна на пладне, а на лице место пристигнати се два багери за да ги откопаат урнатините, додека седум екипи на брзата помош и три противпожарни возила се на терен. Станува збор за настрешница која се наоѓа над влезната врата во зградата на станицата и под која патниците чекаат автобуси за пригратските населби.

 

View this post on Instagram

 

A post shared by 192.RS (@192_rs)

Армираната конструкција долга 50 метри се урна од засега непознати причини, а според „Новости“ досега се извлечени три тела. Бројот на повредени лица сè уште се утврдува.

Градоначлникот на Нови Сад е на лице место,  а министерот за градежништво, транспорт и инфраструктура, Горан Весиќ денеска ја прекина посетата на Црна Гора и се упати во Нови Сад.

The post Најмалку тројца загинати во Нови Сад по уривањето на настрешницата на железничката станица appeared first on Република.

Четири возачи на мотоцикл, од кои двајца малолетни, се здобија со тешки телесни повреди учествувајќи во сообраќајни несреќи во текот на вчерашниот ден.

Прво, во 10.20 часот во ОВР Прилеп било пријавено дека на патот Прилеп-Градско, мотоцикл „сузуки”, управуван од М.К.(31) од Прилеп, излетал од коловозот и удрил во метален заштитен браник. По несреќата, М.К. со возило на Итна медицинска помош Прилеп бил пренесен во Градска болница Прилеп, каде му биле констатирани тешки телесни повреди. Увидот го извршила увидната екипа на ОВР Прилеп.

Во 14.16 часот во Полициската станица Кочани било пријавено дека на крстосницата од ул.„Страшо Ербапче“ и ул.„Кирил и Методиј“ во Кочани се случила сообраќајна несреќа помеѓу патничко возило „фолксваген голф“ со кочански регистарски ознаки, управувано од М.Ѓ.(33) и мопед со кочански регистарски ознаки, управуван од малолетник, двајцата од Кочани. Во несреќата со тешки телесни повреди се здобил малолетникот, констатирани во Клиничка болница Штип. Извршен бил увид од увидна екипа од ОВР Кочани.

Во 16.20 часот во Полициската станица Кичево било пријавено дека на магистралниот пат Кичево–Гостивар, кај с.Колари, С.В.(35) од с.Мало Турчане, гостиварско управувајќи мотоцикл „јамаха“ со гостиварски регистарски ознаки изгубил контрола и паднал на коловозот. Во несреќата со тешки телесни повреди се здобил мотоциклистот, констатирани во Медицинскиот центар Кичево. Извршен бил увид од увидна екипа од ОВР Кичево.

Во 18.20 часот во СВР Куманово било пријавено дека на крстосницата од ул.„Веселин Маслеша“ и ул.„500“ во Куманово се случила сообраќајна несреќа помеѓу патничко возило „фолксваген голф“ со кумановски регистарски ознаки, управувано од Љ.В.(60) од Куманово и мопед управуван од малолетник од село Тромеѓа, кумановско. Во несреќата со тешки телесни повреди се здобил малолетникот, констатирани во Општата болница Куманово. Извршен бил увид од увидна екипа од СВР Куманово.

The post Две деца меѓу четворицата моторџии тешко повредени во сообраќајки appeared first on Република.

На 25.10.2024 во 00:05 часот во СВР Скопје било пријавено дека на ул.„Индира Ганди“ во Скопје патничко возило „мини купер“ со скопски регистарски ознаки, управувано од М.Х.(19) од Скопје, излетало од коловозот.

Во несреќата со тешки телесни повреди се здобил возачот, а со телесни повреди се здобиле сопатникот Х.А.(21) од Скопје и уште двајца малолетни сопатници, констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Четири млади лица повредени во сообраќајна несреќа appeared first on Република.

На 21 октомври 2024 година, во утринските часови, на магистралниот пат Кичево – Гостивар, во правец кон „Стража“, се случила тешка сообраќајна несреќа во која учествувале три возила. Во несреќата биле вклучени товарно возило „Волво“ со кумановски регистарски ознаки, управувано од 45-годишен возач од Куманово, минибус „Мерцедес Спринтер“ со тетовски регистарски ознаки, управуван од 60-годишен возач од село Горно Седларце, општина Боговиње, и патничко возило „БМВ“ со струшки регистарски ознаки, управувано од 32-годишен возач од село Ливада, струшко.

Во несреќата со тешки телесни повреди се здобил возачот на „БМВ“-то, кој бил веднаш пренесен во Медицинскиот центар Кичево, каде што му биле констатирани повредите. Дополнително, неговиот сопатник, 25-годишен маж од струшкото село Калишта, се здобил со полесни телесни повреди.

На местото на несреќата извршен бил увид од увидна екипа на ОВР Кичево, која ги истражува околностите на сообраќајната несреќа.

The post Сообраќајна несреќа на патот Кичево – Гостивар: Тешко повреден возач на „БМВ“ appeared first on Република.

Најмалку шест лица загинаа, а 25 се повредени кога туристички автобус се преврте во Аксарај, Турција.

Туристичкиот автобус, од засега непозната причина, се превртел на локацијата Аџипинар на автопатот Аксарај - Анкара. На местото на несреќата се испратени бројни возила за итна помош, полиција и пожарникари.

📍Aksaray'da ilk belirlemelere göre 6 kişinin can verdiği, 20 kişinin yaralandığı otobüs kazasının ilk görüntüleri geldi.pic.twitter.com/ko9I4h1jWp

— 23 DERECE (@yirmiucderece) October 18, 2024

Гувернерот на Аксарај, Мехмет Али Кумбузоглу, изјави дека туристичкиот автобус патувал од Баликесир кон Кападокија.

„За жал, во оваа сообраќајна несреќа животот го загубија шест наши граѓани. Според првите информации, имаме 25 повредени лица. Покрената е истрага, додаде Кумбузоглу.

The post Се преврте туристички автобус во Турција, шест лица загинаа, а 25 се повредени appeared first on Република.