Ново истражување посочува дека кратките периодични вечерни активности, во облик на лесни вежби, би можеле да го продолжат спиењето за 30 минути.

Вежбите како што се полесни чучнувања („сквотови“) и подигање на телото може да резултираат со подобар сон и потенцијално да ја намалат можноста за дијабетес и срцеви заболувања кај постарите возрасни лица, покажува истражувањето. И претходни испитувања прикажаа дека продолженото седење буден навечер и недоволното спиење се поврзани со зголемена опасност од најчестите заболувања коишто може да значат и смрт.

Околу 30 учесници во новото истражување имаа за задача: едната група - да прават четиричасовни вечерни „сесии“ со продолжено седење и втората група - седење со триминутни вежби на секои половина час.

Вежбите вклучуваа чучнувања, тежина врз листовите и колената, стоечки вежби итн. Одговорната за испитувањето, Мередит Педи изјави дека овие едноставни вежби се избрани затоа што не бараат никаква опрема, ниту многу простор, а може да се прават и при гледање ТВ. Така, истражувањата откриле дека кај испитаниците кои правеле вежби, се јавува одликата на 30 минути подолго спиење и се посочува дека сличен позитивен ефект се добива и од „марширање во место“ или едноставно одење низ куќата...

Па, дури и малку танцување може да помогне во таа насока. Најважно е редовно да станувате од столот и да го движите телото, советува д-р Педи.

Сепак, не се препорачуваат интензивни физички вежби пред спиење. Тоа ја зголемува телесната температура и отчукувањата на срцето, што води кон лош сон.

The post Овие лесни вежби пред спиење ќе ви го продолжат сонот appeared first on Република.

Екстремните температури и топлината која држи уште долго во ноќта, направи проблеми за многу луѓе кои се борат со несоница. Премногу топлото време и постојаното потење едноставно им го нарушуваат сонот на многумина.

Постојат неколку мали трикови со кои ќе ви се подобри сонот:

Дури и преку ден, затемнете ја спалната соба. Ова ќе спречи прегревање, но и ќе ви овозможи подобро да спиете. Човечкото тело едноставно се буди кога ќе го погоди првиот зрак светлина, а во лето денот трае исклучително долго.

Погрижете се да се истуширате со топол туш пред спиење.

Најдете средство против комарци со убав мирис и ставете го во спалната соба.

Оставете го клима уредот да работи цел ден и намалете ја температурата пред вечер, а исклучете го во текот на ноќта.

При варење, телото произведува енергија и се загрева. Тоа не се големи разлики во температурата, но во лето значи се. Затоа, јадете лесно сварлива храна и избегнувајте шеќери и масти пред спиење.

The post Како полесно да заспиете кога надвор не се дише од жешко appeared first on Република.

Оние кои се борат за полесно и брзо заспивање, постојано бараат нови техники. Меѓу можеби најефикасните е војничкиот метод „Заспивање за две минути“ што го користат американските војници и пилоти, појаснува д-р Линдзи Браунинг. Таа верува дека оваа техника е делотворна и им препорачува на луѓето со несоница.

Методот делува бидејќи ве тера да ги опуштите мускулите на вашето тело, наместо да дозволите несаканите мисли да ви го преплават умот, вели д-р Браунинг.

Овој метод првпат е спомнат во книгата „Опушти се и победи: Шампионска изведба“ (Relax and Win: Championship Performance) од 1981 година. Се тврди дека има 96 отсто успешност по шест недели вежбање.

Сѐ тоа почнува со опуштање на мускулите на челото, очите, образите, вилицата и сосредоточување на дишењето. Особено рамената да не се напнати… Се спуштаат колку што може пониско и рацете, дланките и прстите се држат опуштени крај телото. Потоа, земете длабок здив и полека издишете, опуштајќи ги градите, стомакот, бедрата, колената, нозете и стапалата.

Потоа, замислете две „сценарија“. Прво – лежите во чамец среде мирно езеро, нема ништо, само синото небо над Вас. Второ – лежите во црна мека лежалка во темна соба. Ако почнете да размислувате за нешто друго, повторете го зборот „не размислувај“ 10 секунди.

Според д-р Браунинг, луѓето често не можат да заспијат бидејќи нивните умови се „премногу зафатени“ со други грижи или се вознемирени.

Воениот метод на заспивање е многу сличен на техниката за прогресивна мускулна релаксација што ја посочувам на моите клиенти со несоница. Постојат и други техники со кои можете да се обидете полесно да заспиете, како што се бавно длабоко дишење или броењето, додава таа.

Проблемот со несоницата е тешко да се реши со обични техники за опуштање, ако тој е потежок и, во тој случај веројатно ќе треба поопсежна стручна помош.

The post Со „војнички метод“ заспијте за само две минути appeared first on Република.

Покрај избалансираната исхрана, квалитетниот сон е исклучително важен, што често знаеме да го потцениме. Низ стресниот и динамичен живот, се повеќе луѓе имаат проблеми со несоницата и недостаток на сон.

За организмот да акумулира доволно енергија потребно му е во просек 7-8 часа непрекинат сон. Скоро сите знаеме дека пред спиењето треба да се избегнуваат напитоците како кафето или енергетските пијалоци, но поединечни напитоци се препорачувааат за да можете полесно и побрзо да паднете во длабок сон.

Вода

Со водата не можете никогаш да погрешите – многу луѓе покрај креветот ставаат литро вода. Таа нема шеќери, ниту калории, а ефикасно ја гаси жедта. Пијте што повеќе вода преку денот, како би го хидрирале телото.

Билни чаеви

Билните чаеви делуваат смирувачки на организмот. Посебно се препорачува чај од босилок кој ефикасно го намалува нивото на кортизол (хормонот на стрес).

Исто така, чаевите од валеријана, камилица или пеперминт се сјајни извори.

Млеко

Загреаното млеко пред спиење е делотворно. Го смирува организмот, а како би го неутрализирале вкусот на лактозата, можете да додадете лажица мед, цимет или каранфил.

Сок од цреша

Сокот од цреша без додавање на засладувачи им помага на лицата кои патат од несоници. Истражувањето кое е спроведено над испитаницие кои имале 50 години, се покажало дека оние кои два пати дневно пиеле сок од цреша спиеле подолго, во просек 84 минути, од оние кои не го консумирале овој пијалак. Црешите се богати со корисни состојки поврзани со здравиот сон.

The post Не можете да заспиете? Овие напитоци ќе ви го вратат сонот appeared first on Република.

Ѕвездата на „Пријатели“, Џенифер Анистон (53), откри дека со децении страда од проблеми со спиењето, а грижата дека не може да спие често и создава огромен стрес во текот на ноќта.

„Се плашам да поминам уште една ноќ броејќи ги пукнатините на ѕидовите. Проблемот со несоница го доживеав во моите 30-ти, па дури и порано, но кога сме помлади едноставно не ги забележуваме последиците од недостатокот на сон и се чувствуваме непобедливи, изјави Анистон во интервју за магазинот „Пипл“.

„Само го прифатив проблемот со несоницата, а потоа одеднаш почнувате да ги разбирате ефектите од недостатокот на сон и како тоа влијае на целиот ден, на функционирањето на вашиот ум и на вашиот физички изглед“, рече таа, признавајќи дека таа знаела и да оди во сон.

„Колку повеќе се грижев за тоа, толку потешко ми беше да заспијам. Порано знаев да шетам во сон, а од таква состојба ме запрепастуваа домашните аларми. Тоа стана нешто со кое навистина се борев“, рече таа и поради нејзиниот проблем, на крајот реши да побара лекарска помош.

Порано сонот беше последното нешто на мојата листа, но не можете целосно да се придржувате до трите столба на здравјето – исхрана, вежбање и спиење. Не можете да вежбате и да јадете правилно ако не сте спиеле добро, бидејќи во тој случај телесниот часовник воопшто не работи, е мислењето на ѕвездата на „Пријатели“.

The post Џенифер Анистон 30 години се бори со проблем за кој не може да најде лек appeared first on Република.

Холивудската ѕвезда Џенифер Анистон (53) со децении има проблеми со спиењето и призна дека често се плаши од помислата дека „ќе помине уште една ноќ броејќи ги пукнатините на ѕидовите“ додека ги забележува последиците од губењето на сонот.

Се плашам да поминам уште една ноќ броејќи пукнатини на ѕидовите. Мислам дека започна некаде во моите 30-ти или уште порано, но вие едноставно не почнувате да ги забележувате ефектите од недостигот на сон кога сте помлади бидејќи тогаш сте непобедливи. Започна како нешто што можев да го прифатам , а потоа наеднаш ги сфатив ефектите од недостатокот на сон и како тоа влијае на мојот ден и на работата, на функцијата на умот и на физичкиот изглед“, рече таа во интервју за „Пипл“.

The post Џенифер Анистон: Започна како нешто што можев да го прифатам, а потоа наеднаш ги сфатив ефектите од недостатокот на сон appeared first on Република.