Секој хороскопски знак има свои специфични особини и карактеристики. Сепак, постојат два хороскопски знаци кои често се издвојуваат како личности кои им одат ат на нерви на многу луѓе.

Тоа се Близнаците и Девицата. Овие знаци имаат уникатни особини кои можат да бидат иритирачки за другите, но имаат и свои доблести.

Близнаци

Близнаците се познати по нивната двојна природа, што значи дека се непредвидливи и склони кон промени во расположението. Нивната способност брзо да ги менуваат мислењата и интересите може да биде збунувачкa и фрустрирачкa за оние околу нив. Близнаците сакаат да бидат во центарот на вниманието, па често зборуваат премногу и ги прекинуваат другите.

Нивната постојана потреба од стимулација и нови искуства може да ги направи плитки во очите на другите. Близнаците честопати скокаат од тема на тема, што може да ги отежни длабоките и значајни разговори. Нивната непредвидливост и склоност кон драматични промени може да создаде чувство на нестабилност меѓу нивните пријатели и семејството.

Близнаците исто така имаат тенденција да се однесуваат како да знаат сè, што може да биде иритирачко за оние кои бараат сериозност и фокус. Нивната интелигенција и љубопитност се доблести, но понекогаш се манифестираат како ароганција или недостаток на трпение за луѓето со побавно размислување. Оваа комбинација на особини често остава впечаток на површност и непостојаност, што може да ги иритира оние кои бараат стабилност и доследност.

Девица

Девицата е знак познат по својата педантност и склоност кон критикување. Нивната потреба за перфекционизам може да биде исцрпувачка за оние околу нив. Девиците често се исклучително аналитички и критични, не само кон себе, туку и кон другите. Нивната склоност кон детализирање и исправање на секоја, дури и најмала грешка, може да биде многу иритирачка.

Девиците сакаат ред и структура, што често значи дека имаат малку трпение за хаос и несовршеност. Нивната тенденција за организирање и планирање може да ги направи заморни во ситуации кога е потребна спонтаност. Освен тоа, Девиците често даваат совети кои никој не им ги побарал и се обидуваат да ги контролираат ситуациите околу себе.

Нивната опседнатост со детали ги прави пребирливи. Девиците често очекуваат сите околу нив да го имаат истиот стандард на перфекционизам, што може да биде исцрпувачки за нивните пријатели и семејството. Нивната постојана потреба сè да биде совршено често ги тера да се фокусираат на негативните аспекти наместо да уживаат во моментот.

Девиците знаат да бидат многу воздржани и емотивно оддалечени, што може да ги иритира оние кои бараат топлина и емоционална поддршка. Нивната рационалност и аналитичка природа често ги спречуваат да им се препуштат на емоциите, што може да остави впечаток на ладни и недостапни личности.

Извор: Индекс.хр

The post Два хороскопски знака кои на сите им одат на „живци“ appeared first on Република.

Малолетничкото насилство станува еден од најсериозните проблеми во општествата. Не само на улица и во училиштата, туку и во семејните домови.

Вo селото Долна Трница, кај Трговиште (Србија), 12-годишно момче во семејниот дом со кујнски нож ја избоде сестра си во препоните од левата страна по расправија за користење на интернет.

На оштетената и била укажана лекарска помош во Здравствениот дом во Врање, а потоа била препратена во Универзитетскиот медицински центар во Ниш.

Животот на девојчето не е во опасност и според првите податоци се работи за полесна повреда.

Од Вишото јавно обвинителство го потврдија инцидентот, но не соопштуваат детали, со оглед дека се работи за малолетно лице.

The post Сестра му го нервирала за интернетот па ја избодел со нож appeared first on Република.