Во медиумите во БИХ се појави информција дека лице поврзано со убиената Низама Хеќимовиќ од Градачац му открило на тројниот убиец Нермин Сулејмановиќ каде се крие со бебето, пишува Аваз.

Инспекторите, наводно, преку мобилниот телефон на убиецот додека ги пребарувале неговите контакти, повици и пораки дошле до името на роднина на убиената. Се испоставило дека Сулејмановиќ не само на денот на масакрот туку и денови пред тоа ја барал својата невенчана поранешна сопруга. Им се јавувал на сите нејзини пријатели, блиски и подалечни роднини, па дури и отишол до нивните домови, пишува Аваз.

Роднината наводно признала дека од страв ја открила локацијата на Низама.

Братучетката знаела дека Нермин е криминалец, наркодилер и насилник и се плашела од него. Од страв му признала каде се кријат Низама и бебето. Таа горко плачејќи рекла дека мислела оти Нермин имал намера да ги одведе сопругата и бебето дома и рекол дека му е жал што ја претепал Низама и никогаш веќе нема да го направи тоа. Мислела дека Низама и Сулејмановиќ ќе се смират. Не ѝ паднало на памет дека ќе ја убие, пишува Аваз.ба.

The post Откриено кој му помогнал на убиецот: Роднина го издала засолништето на несреќната Низама appeared first on Република.

Тројниот убиец Нермин Сулејмановиќ планирал во среда, 16 август, венчавка со друга жена, а потоа и преселба во Германија, како таму би отворил теретана.

Оваа информација неофицијално е потврдена за Аваз од полициски извори. Сулејмановиќ требало да се венча во Брчко, а неговата избраничка е од еден германски град.

The post Тројниот убиец закажал венчавка со друга жена: Монструмот од Градачец планирал после свадбата да се пресели во Германија appeared first on Република.

Никој , дури ниту неговиот татко, не сака да го преземе телото на Нермин Сулејмановиќ, кој во петокот на 11 август уби три лица во Градачац, а потоа се самоуби. .

Негови познаници за новинарите на „Аваз“ во Градачац изјавиле дека таткото на Нермин Сулејмановиќ рекол: „ Не ме интересира тоа г***о“.

Сулејмановиќ ја уби својата невенчана сопруга Низама Хеќимовиќ пред очите на нивната ќерка, пренесувајќи се во живо на Инстаграм.

Откако ја уби Низама, тој уби уште две лица во градот, татко и син, Џингис и Денис Ондер, кои ги познавал од порано.

Во крвавиот поход Сулејмановиќ рани три лица, меѓу кои и мајката на Денис.

Неговата невенчана сопруга Низама Хеќимовиќ беше погребана вчера во Мионица кај Градачац. а на погребот присуствуваа повеќе од илјада луѓе.

Турските државјани Денис и Џенгис се погребани погребани денеска, додека мајката на Денис се уште е во болница и се наоѓа во тешка состојба и животна опасност.

The post Никој не сака да го преземе телото на убиецот од Градачац, Нермин Сулејмановиќ appeared first on Република.

Никој не сака да го преземе телото на бодибилдерот Нермин Сулејмановиќ, кој пред четири дена изврши масакр во Градачац, БиХ. Дури ни неговиот татко.

Како што дознава „Аваз“, негови пријатели изјавиле дека таткоторекол: „Не ме интересира тоа гомно“.

Убиените татко и син, Џенгиз и Денис Ондер, денеска ќе бидат погребани на гробиштата Сехитлуча. Неговата сопруга, Низама Хеќимовиќ беше погребана вчера на гробиштата кај Градачац.

Сулејмановиќ ги рани и сопругата на Џенгиз, Хариса Ондер, полицаецот Хусеин Коториќ и Недим Памуковиќ. Тој го сними монструозниот чин на убиство на сопругата и го објави на Инстаграм.

После тоа со автомобил се упати до фарма во близина на Градачац, каде опкружен од полициски сили извршил самоубиство.

Сега се поставува прашањето каде и кога ќе биде погребан Сулејмановиќ.

The post „Не ме интересира тоа гомно!“: Таткото не сака да го земе телото на убиецот од Градачац appeared first on Република.

Сопственикот на теретаната во која вежбал убиецот-бодибилдер, Емир Џиновиќ, инаку негов пријател и деловен партнер, во видео интервју за „Дневни аваз“ открива што се случувало во часовите додека тројниот убиец Нермин Сулејмановиќ беснеел. Тој раскажува како успеал да го земи бебето на сега убиената Низама.

Прво ме разбуди татко ми и рече дека нешто се случило. Станав, видов повик од Нермин. Ми рече да вклучам Инстаграм и ја спуштив слушалката. Отидов на Инстаграм. Тоа што го направи беше животински чин. Кога заврши во живо, ми се јави и ме праша – ќе ми го земеш детето? Се согласив, му реков да не му прави ништо на детето. Ми рече да дојдам за половина час или детето ќе умре, детето се лекува во турска болница, не примило терапија и секоја секунда е важна, раскажува Џиновиќ.

Тој вели дека со татко му отишол во полициска станица, а потоа со полиција на локацијата каде што го испратил Сулејмановиќ. Таму го зел бебето во раце и истрчал во шумата.

Кога стигнавме, ни се чинеше дека детето лежи неподвижно, потоа слушнавме звук. Ја зедов и истрчавме во шумата, јас и полицајците и чекавме автомобилот да дојде да не земе, рече тој.

https://youtu.be/7y1XDITLuGU?si=vdy7jkyMp_Eq9ai2

The post Ми кажа „Имаш пола час да дојдеш по детето“: Низ солзи раскажува сопственикот на теретаната во која вежбал убиецот appeared first on Република.

Се појавуваат нови детали за страшното злосторство во Градачац, Босна и Херцеговина, каде што вчера тројниот убиец Нермин Сулејмановиќ брутално ја убил својата невенчана сопруга Низама Хеќимовиќ и уште две лица пред конечно да се самоубие.

Сопственикот на теретаната Емир Џиновиќ од Градачац, каде тројниот убиец Нермин Сулејмановиќ работел како фитнес тренер, вчера бил на местото на злосторството и го зел бебето по убиството на Низама Хеќимовиќ. За среќа, бебето преживеало, а убиецот го оставил на подот.

"Да, го спасив бебето, во локва крв беше спуштено на подот. Сега е со мене, на сигурно. Сцената беше страшна. Ја претепа несреќната сопруга, таа беше непрепознатлива. Се познаваме, долго време работеше за мене, никогаш немаше проблеми. Не знам како дојде до ова“, рече тој.

Бебето завршило во болница во Тузла, каде му било укажана помош и било утврдено дека е неповредено, по што ќе биде предадено на социјалните служби.

Откако веста стигна до медиумите, Џиновиќ добивал и закани, само затоа што Сулејмановиќ работел кај него.

The post Сопственикот на фитнес-салата каде што Сулејмановиќ бил тренер го земал бебето, сега добива закани appeared first on Република.

Нермин Сулејмановиќ вчера прво брутално ја претепал, а потоа со истрел во главата ја убил својата невенчана сопруга Низама Хеќимовиќ. Убиецот во крв ја оставил нивната ќерка која била со нив во моментите на ужасот и си заминал. Низама, чие убиство го објави нејзиниот џелат на Инстаграм, неколку пати го пријавила Нермин за насилство, а последен пат тоа било пред три дена. Убиецот некако дознал за пријавата што Низама ја чинеше живот. Системот кој требало да ја заштити, ѝ го испратил џелатот на врата.

Злосторството во Градачац што го потресе регионот беше, се чини, епилогот на тортурата низ која Низама, судејќи според пријавите во полиција, долго време ја поднесувала.

Она што сите ги шокира е бруталноста на убиецот кој ја претепа жената до смрт, а потоа крвава и заслепена од ударите ја принуди да му каже зошто го пријавила во полиција.

– Се плашев за себе и за детето – едвај рече Низама, која само неколку минути подоцна беше ладнокрвно убиена со еден истрел во челото.

Нермин потоа побегна, а додека беше во бегство се огласи на социјалните мрежи каде изјави дека таа „го пријавила за неколку шлаканици“.

Според последните информации кои ги објавија медиумите, Низама побегнала со детето кај тетка ѝ, каде разбеснетиот убиец кога дознал дека го пријавила, ја пронашол, па ја киднапирал и ја однел во викендица каде ја тепал ја и потоа ја уби.

Убиството на жена за која се знаело дека е загрозена предизвика револт и протести. Голем број граѓани вчера се собраа во Сараево, а протестот го организираше фондацијата „CURE“.

Фондацијата повика на собир на кој остро се осудува секоја форма на насилство врз жените. Насобраните го повикаа Обвинителството на кантонот Тузла да истражи и да ја информира јавноста за тоа како протекле информациите и како сторителот дознал за пријавата.

– Зошто немаше соодветна реакција на пријавата, особено ако се има предвид криминалното минато на сторителот? Кој е одговорен за неуспехот да се заштити жртвата? – прашуваат од фондацијата.

Мирза Даутбеговиќ, новинар на порталот Bosnainfo.ba, истакнува дека Низама Хеќимовиќ долго време трпела насилство.

-Кога конечно собрала храброст и повикала полиција, направила грешка која ја чинеше живот. Наместо полицијата, како што треба да биде во нормалните земји, да ги штити Низама и нејзиното дете, се случи сосема спротивното – пишува Даутбеговиќ на порталот Bosnainfo.ba.

Даутбеговиќ потсетува дека Сулејмановиќ неколку пати бил приведен поради тепачки и насилничко однесување, а на социјалните мрежи објавувал и слики од себе на кои се гледа како полицијата го води со лисици на рацете.

– Во нормална земја, Нермин одамна ќе беше зад решетки, но Босна и Херцеговина не е нормална земја, му се допаѓало ова некому или не. Не, многу работи одамна не се нормални овде. На Низама Хеќимовиќ ѝ пресуди Нермин Сулејмановиќ, ама системот ја уби – пишува Даутбеговиќ.

The post Нермин го повлече чкрапалото, но системот ја уби Низама appeared first on Република.