Ресорот здравство го направија дувло на непотизам, без критериуми и по истиот принцип се вработува кадар и на клиниките, иако тие се врвни здравствени установи од терциерно ниво. Без долгогодишна кадровска стратегија за континуирано надополнување на потребниот медицински кадар, без системска грижа за едукации и пренос на знаење и со нерешавање на статусот на голема група здравствени работници кои се со договор на дело и посветено работат и се грижат за граѓаните, Владата направи штета на долг рок, а здравството е вратено наназад за неколку децении, велат од ВМРО-ДПМНЕ.

-Не се реши статусот на здравствените работници кои работат со договор на дело со години, но експресно функционерите од власта веднаш ги ухлебија своите семејни лози.

Јавноста остана за покуса за отчет и одговори.

Дали и сопругата на министерот за правда Кренар Лога се вработи на Клиниката за стоматологија и дали нејзиниот брат е сега шеф на кабинет на министерот за здравство, Илир Демири? Примерот за семејни лози кои се вработуваат во најсензитивниот ресор здравство го следат ќерката на екс пратеничката Мира Дизел, синот на директорот на Урологија и ќерката на директорот на Очна клиника. Овие непотистички стебла го урнисуваат и онака кревкото здравство, а Владата на СДС и ДУИ е одговорна за егзодусот на медицинскиот персонал. Долги и макотрпни се процедурите за медицинскиот кадар кој работи повеќе години со договор на дело, но едноставни се процедурите за вработување на семејните лози на одродената власт кои се нетранспарентни. Ќе остане запаметено дека помалку важниот коалиционен партнер СДС, се задоволува со сооднос од 50% за вработувања и 50% на кадар од ДУИ.

Поради ваквите неадекватни политики и заради тоа што никогаш не било полошо, граѓаните ќе ги прегазат на изборите што следат, а здравствениот систем итно ќе биде рестартира.

ВМРО-ДПМНЕ во својата програма нуди решение – мерка за решавање на статусот на вработените во здравството кои немаат решен статус и ќе се залага за квалитет во здравството, со заложба за менаџирање со знаење, струка и интегритет во интерес на сите граѓани и целокупниот здравствен систем, додаваат од партијата.

The post Семејни стебла во здравството: Сопругата на министерот Лога, нејзиниот брат, ќерката на Мира Дизел, синот и ќерката на директорите… appeared first on Република.

Портпаролот на ВМРО-ДПМНЕ, Наум Стоилковски, на прес-конференција, како што истакна, продолжи да ја разоткрива мрежата на СДСМ за корупција, непотизам, протекционизам и кронизам во Охрид, каде што Миле Зечевиќ, генералниот секретар на СДСМ, ја поставил Кристина Крлеска Деспотоска за главна во ОО.

Како што потенцира Стоилковски, роднинските врски и биле единствен критериум за ова место.

Зечевиќ можеби верува само во тесни роднински врски, па да почнам.

 

1. Кристина Крлеска Деспотоска со таа роднинска моќ, по 4 години директор во ЈП Пазар, по смена на локалната власт, е преместена на функција Директор на централен регистар Охрид, но веќе е покрената истрага од надлежните институции, заради сомнеж за фалсификувани документи.

 

2. Заради семејните врски со Зечевиќ, сопругот Климе Деспотоски станува близок оперативец на Зечевиќ. И од тоа има ќар. Климе и Кристина имаат печатница Коста Абраш. Додека Кристина сопругата е директор на ЈП на Општина Охрид, нивната фирма од 2017 до 2021 има договори со општински ЈП (Водовод, Комуналец, Нискоградба) во вредност од 8.453.000 денари.

 

3. Мрежата на Зечевиќ преку роднините Климе и Кристина потоа се шири. Ремзи Курто со доаѓањето на Кристина на чело на СДС Охрид е унапреден во виш инспектор во охридската полиција, главен за резервниот состав и близок на Климе. Тој прима 19 резервисти пред два месеци, иако дел од нив не биле дел од составот, ниту пак се знае како е дојдено до нивно ангажирање.

 

Со својата блискост, и пријателствување со Кристина и Климе, сопругата на Ремзи, Сервет, лани е унапредена во Пазарен инспекторат. Одам понатаму.

 

4. Милчо Јованоски, партиски пишувач на соопштенијата и текстовите за Кристина и СДС Охрид. Како заслуга, СДС го наградува со две директорски места во исто време. Тој директор на библиотеката Прличев, жена му Гордана директорка на ЈП Билјанини извори.

 

5. Блискиот пријател на Кристина и Климе и оперативец на Зечевиќ, Ванчо Костоски, соработник на СДС, советник во општина Охрид и претседател на ВМРО НП. Како Директор на ЈП Гробишта Охрид 2017-2021 има три кривични пријави. Како награда, лани, сопругата на Ванчо, Виолета Костоска е вработена во историскиот Архив.

 

Наградата за оперативната мрежа на СДС преку Зечевиќ и неговата роднина Кристина има цел кластер во МВР. И за таа работа и посветеност кон Зечевиќ цели семејства се вработувани.

 

Оперативци на Зечевиќ и блиски на Кристина во с. Свињиште, Охрид.

 

6. Сашо Смилески, до пред година и пол началник на СВР Охрид, сега помошник директор во БЈБ; Оддел за гранични работи и миграции.
Неговата сопруга Наташа Смилеска , помошник раководител на сектор во општина Охрид

 

Негов оперативец е Оливер Неделкоски, вработен како Сектор за внатрешна контрола, претходно командир на сообраќајна полиција

-Билјана Неделкоска -сопруга на Оливер Неделкоски е началник на ОКП во СВР Охрид.

- Прв братучед, роднина на Билјана Неделкоска, Трајче Ристески - помошник командир на полициска станица за Сообраќај.

И оттука се селам на кластер СДС МВР Вевчани

 

7. Тука Сашо Јанкоски, екс градоначалник од СДС Вевчани, сега е началник на стопански криминал Охрид, тој е прв оперативец на Миле Зечевиќ во регионот и близок соработник на братучетка Кристина.

 

За благодарница сопругата му Кети Јанкоска е поставена за директор на средното училиште Нико Нестор во Струга.

 

Внукот Стојан Галичариски е вработен во Здравствен Дом Вевчани
А внуката Бонета Галичароска, по негови стапки, е вработена на последниот оглас во МВР.

 

За сите овие да имаат послушност кон Миле Зечевиќ е задолжена неговата братучетка Кристина Крлеска Деспотоска.

 

Ваквите мрежи на непотизам, кронизам и протекционизам, ја уништија Македонија, ги уништија Јавните претпријатија, а МВР го претворија во послушници и одработувачи на СДС наместо за граѓаните и државата.

 

Никогаш не било полошо.

Време е за промени, време е наместо хаосот да завладее ред, изјави Стоилковски.

https://www.youtube.com/watch?v=-LLAgnEp9J0

The post Стоилковски: Непотизам во Охрид – роднината на Зечевиќ бил главен кадровик на СДС во општината appeared first on Република.

СДС и Ковачевски се кумови на непотизмот. На седница на влада со која раководи Димитар Ковачевски е доделено државно земјиште за фотоволтаици на неговата сопруга по цена од 1 евро за метар квадратен, oбвини ВМРО-ДПМНЕ.

Додека Ковачевски беше заменик министер за финансии и мандатар на состав на влада, неговиот кум Паунов преку фирмата Пиксел груп добивал државна помош.

Партијата која произвела таков непотизам треба да се сокрие и да се срами од народот, кој со години со ограбува.Исто времено добро би било да одговорат како ВМРО-ДПМНЕ фатило врски за вработување на една од посочените во училиштето Кочо Рацин во општина Центар во Скопје, кое е под надлежност на Горан Герасимовски од СДС?

Дали Ковачевски, Кузеска или некој од СДС му се јавиле на Герасимовски и прашале како тој лобирал една од посочените на пресконференцијата на СДС за непотизам во Охрид да биде вработена во институција со која тој раководи? Дали СДС знае што зборува или можеби станува збор за некаков внатрешен судир и пресметка?

Навистина е жално што СДС и на празникот Прочка решија да ги сквернават чувствата на граѓаните и да шират лаги и да манипулираат.

Со право народот вели дека немаме држава, време е да ја вратиме.

The post СДСМ и Ковачевски се кумови на непотизмот appeared first on Република.

Сестрата на министерот за надворешни работи Бујар Османи (ДУИ), снаата на вицепремиерот Артан Груби (ДУИ) и внукот на министерот за земјоделие Љупчо Николовски (СДСМ) се само дел од вработените во Македонската навијација, открива КОД по упадот во контролата на летање и „кошкањето“ на вработените.

Според премиерот Димитар Ковачевски оваа институција се претворила во семејна фирма каде се вработувале роднини и до трето колено. Во неговите зборови, меѓудругото, се пронајде и претседателот на Синдикатот на контролорите на летање Александар Тасевски, кој тогаш му порача на Ковачевски дека треба повеќе да се заинтересира за оние партиски вработувања каде кандидатите се примаат без конкурси, без квалификации, без знаење, кои ништо не работат или воопшто не доаѓаат на работа, а редовно земаат плата.

https://republika.mk/vesti/makedonija/tasevski-slobodno-neka-napravat-revizija-na-site-moi-litsentsi-kako-i-site-bev-prinuden-da-gi-pominam-site-obuki-i-kursevi/

Но, вчера КОД објави дека меѓу вработените во М-НАВ има и роднини на многу функционери и политичари. Меѓу вработените се и снаата и синот на поранешниот пратеник на ДУИ Ејуп Алими, внукот на советникот на директорот во М-НАВ Беким Незири (сега осомничен за упадот во контролата на летање), а извори на КОД тврдат дека е вработен и внук на заменик-министерот за внатрешни работи Назим Буши.

Роднините на Николовски и на Незири се вработени како помошници контролори, а во оперативниот дел работи и сестрата на министерот Бујар Османи. Останатите роднини работат во администрацијата на М-НАВ.

The post Сестрата на Османи, снаата на Груби, внукот на Николовски – кој сè е вработен во М-НАВ appeared first on Република.

За здравството во последните седум години има само една констатација, а тоа е „никогаш не било полошо“.Власта на СДС и ДУИ го уназади здравствениот систем особено јавното здравство, редеше скандали, наместо инфраструктура ги полнеше своите џебови, а заборави и на граѓаните. Не само што нема прогрес во ресорот што живот значи, туку имавме и враќање на неколку децении наназад, истакна Игор Николов, претседател на Комисија за здравство на ВМРО-ДПМНЕ.

-Зад себе по 7 години оставија само деградација на здравствениот систем и кадар кој е демотивиран од непотистичките, исполитизирани вработувања, без критериуми, а спремени само за кадри блиски до власта. Зад себе по 7 години оставија само деградација на здравствениот систем, заборавија на граѓаните и нивните потреби за модерен здравствен систем.

Што се случуваше?

Минатата година за состојбите во здравството власта предводена од СДС и ДУИ доби најблаго кажано шлаканица од Брисел. Извештајот на ЕК беше негативен и констатираше основна негрижа и назадување особено во јавното здравство.

Наместо изградба на нов клинички центар кој требаше да биде веќе готов граѓаните, поради неспособноста и следењето на личните и партиски интереси на СДС и ДУИ, ќе плаќаат отштета. И тоа станува збор за отштета од речиси 20 милиони евра која ќе треба да се плати со народни пари.

Во 2021 година во септември изгоре модуларната болница во Тетово, направена со изолација од пурпена, имаше 14 мртви пациенти и нула одговорност.

Власта на СДС и ДУИ имаше обиди за приватизација на биохемиските лаборатории, за приватизација и концесија на Итна медицинска помош, дури и за ГОБ „8 Септември“. И сето тоа со една цел за лични потреби и лични профити.

Власта на СДС и ДУИ остави печат и со низа нетранспарентни тендери кои одговараат на само еден понудувач. Нетранспарентни беа посебно набавките на лекови за ретки болести.

На почетокот на 2023 година падна системот на Фондот за здравствено осигурување со што беше загрoзена безбедноста на личните податоци на осигурениците и пациентите. Не се исплаќаа рефундации за лекови, боледувања, а проблем настана и со платите на медицинскиот персонал.

Сведочевме на скандалот на Онкологија за кој власта прозборе на крајот на септември минатата година. Како Комисија за здравство уште во април предупредувавме за случувањата. Сумирано, на Клиниката за онкологија се работело без протоколи, без стручни колегиуми, без систем на следливост кој намерно бил елиминиран, за што едноставно страдаат пацентите, единствено тие додека некој профитира во Министерството за здравство и ФЗО.

Никогаш не било полошо и затоа ќе ги поразиме. Ветувањата останаа само на на хартија. „Ќе“ епохалните проекти од „рубриката не се случило” денес се само синоним за лаги, манипулации, и неработа во овие 7 години, како и маргинализација на овој ресор.

Ветија ревизија на Позитивна листа на лекови, а нема ниту абер од новите модерни лекови на Позитивна листа. Во моментов на клиниките кои се круцијални во здравствениот систем недостасуваат основни лекови. Се чини дека подготвуваат Позитивна листа по терк на фармацевстските компании блиски до СДС и ДУИ, додека во соседството гледаме како едноставно се додаваат модерни лекови на позитивните листи.

Ветија реформа на примарната здравствена заштита, ја стартуваа и така ја оставија.

Ветуваа и ослободување од партиципација за болничко лекување за пациентите, ветуваа основање на фонд за лекување во странство на деца до 18 години. Но, сето остана во рубриката „Ќе, никогаш не се случило“.

Едно е јасно, од назадување во сите сегменти во здравството, особено во јавното здравство и нереализација на проектите и „Ќе“ и „Ќе“ пустошот пустош навистина е доволно!

Никогаш не било полошо, време е да ги поразиме! Доста е од „Ќе“ влада, доста е од „Ќе“ здравство.

Наш приоритет е итно рестартирање на здравствениот систем!

The post Николов: За седум години СДС и ДУИ на власт во здравството има само корупција и непотизам appeared first on Република.

Кога синовите и ќерките на судиите и обвинителите ќе ги наследат своите родители, секаде тоа е убава традиција а кај нас е непотизам, вели за „Детектор“, Елвин Вели, Претседател на Здружението на обвинители.

Според него, кој и самиот е дете на судија, децата на правосудниот кадар не треба да бидат дискриминирани и треба да им се овозможи доколку сакаат и можат да станат дел од правосудниот систем, но како што вели, критериумите и правилата мора да бидат исти за сите.

Јас сум дете на судија и тоа сум го почувствувал на своја кожа. Реално повеќе проблеми сум имал во работата поради тоа отколку придобивки. Секогаш се било со доза на резерва, да не речат заради ова, да не речат заради тоа. Јас сум имал прилика да работам и во суд и како самостоен адвокат и сега како обвинител, сум ги поминал сите делови и секаде било истото. Едноставно сметам дека не треба да биде проблем. Видете, нормално е следејќи го мојот родител како судија цел живот да ме привлекува правото. Тој првично беше против да бидам правник, но ме остави. И сметам дека сите треба да имаме еднакви можности до делот на аплицирање и во дел на запишување и завршување конкретно сега во Академијата како единствен начин за влегување во правосудството, рече Вели за Детектор.

The post Вели: И јас сум дете на судија, секаде е убава традиција, а кај нас е непотизам appeared first on Република.

Сериозна епидемија на непотизам во СВР Тетово, алармираат од Левица, објавувајќи дека сопругот на пратеничката од СДСМ Фаница Николовска, Јованче Николовски со само 2 години работно искуство е назначен за началник на ОКРА во СВР Тетово од страна на Оливер Спасовски.

Имено за таа позиција, втора по хирархија во СВР Тетово, е потребно 6 години работно искуство!
Но, дотичната пратеничка си го вработи својот сопруг според "сите протоколи за вработување во рамките на законските прописи".
Јованче со своето долгогодишно искуство како обичен пумпаш, стана началник во СВР Тетово. Со среќа!
Обвинувате други за непотизам а за својот не одговарате!, потенцираат од Левица.

The post Во CV има само две години искуство и сопруга пратеничка од СДСМ – како од пумпаш се станува началник во СВР Тетово appeared first on Република.

На 20 октомври АД ЕСМ за потребите на РЕК Битола склучува договор за јавна набавка на стоки  во директна спогодба со семејната фирма на директорот на ТЕЦ Неготино и висок функционер во СДСМ, Небојша Стојановиќ од Неготино, „Хем алијанс“ со седиште во Пепелиште. Сопственик на фирмата е неговиот татко, а управител неговата сопруга Милица Стојановиќ. „Хем алијанс“ се обврза во наредните 12 месеци за потребите на РЕК Битола да набавува „чисто органско биоразградливо соединение за спречување на појава на прашина од одложена пепел (РЕК Битола)“. Вредноста на овој договор со ДДВ е 39.117.000 денари. Потписник во име на РЕК Битола е директорот Пеце Матевски.

„Нагласуваме дека не станува збор за набавка со директна спогодба и дека не постои конфликт на интереси. Постапката е спроведена од Комисијата за јавни набавки при подружницата РЕК Битола и одговорно лице на подружницата. Кај истите нема никаков конфликт на интереси со носителот на набавката поради тоа што немаат никакви роднински врски, согласно одредбите на Законот. Законот јасно пропишува што е конфликт на интереси и според предметните одредби, истиот во овој случај не постои. Комисијата за јавни набавки која ја спроведуваше постапката, како и одговорното лице, уредно во досието за постапката има доставено Изјава за непостоење судир на интереси“, се вели во одговорот од РЕК Битола за МКД.мк.

Целиот текст ТУКА.

The post Мажот е директор на ТЕЦ Неготино, а сопругата со РЕК Битола потпишува договор вреден 630 илјади евра appeared first on Република.

Продолжува драмата меѓу строгите правила на (некојси таму) Еуроколтрол и желбите на ДУИ. Некојси таму Еуроконтрол и некоиси таму данси тестирачи на контролори за летање одлучиле да му застанат на патот на ДУИ, партијата која за сопствени хирови е на пат да ги застане сите авиони на македонското небо. Со прости зборови, тројцата членови на управниот одбор на МНАВ и директори во агенцијата: Фахрудин Хамиди, Миѓан Селмани и Влатко Крстевски, сакаат да го поништат огласот за контролори на летање, зашто од 270 пријавени, положиле само 8 кандидати, меѓу кои не се нивните, а ни пријавените деца на функционери од ДУИ.

СДК.мк пишува дека контролорите на летање кои се вклучени во процесот на тестирање на кандидатите за школување за идни контролори вчера попладне во канцеларијата на директорот на МНАВ Фахрудин Хамиди оставиле протестна нота и поднеле оставки на местата за надзор на процесот, бидејќи не сакаат да учествуваат во уривање на успешниот оглас, на кој биле избрани најдобрите 8 кандидати за обука во Данска. Станува збор за 12 искусни контролори на летање од повисок ранг во професијата – инструктори, раководители и експерти.

Според претседателот на Синдикатот на контролори на летање Александар Тасевски.директорите Хамиди, Селмани и Крстевски, ги натерале членовите на комисијата да побараат отчет од економскиот оператор од Данска за секој од одбиените 262 кандидати: зошто не поминал, со колку бодови паднал, но и податоци за осумтемина со највисоки оценки – зошто баш тие биле избрани и слично.

Многу деца на функционери од ДУИ, паднале уште за време на претселекцијата. Не го поминале ни првото ниво, a меѓу нив и синовите на Селмани и на Крстевски.

За жал на партиските кадровици во Македонија, за контролор на летање мора да се поминат строгите тестови на Еуроконтрол. Првиот дел од ФЕАС – тестот на Еуроконтрол (сложениот тест има три дела), не го поминал ниту еден од овие 26 вратени кандидати со притисок. По неколку фази на строга селекција и полагање на компјутер пред данскиот оператор и под надзор на нашите искусни контролори на летање, кои сега сакаат да се повлечат од процесот, избрани се најдобрите осум.

Целиот текст ТУКА

The post Синовите на директорите Селмани и Крстевски отпаднале во првата селекција, ДУИ бара отчет од данските тестирачи appeared first on Република.

На социјалните мрежи кружи список на имиња кои, според она што пишува, се членови на две семејства вработени на Тетовскиот универзитет.

На списокот што е објавен наведени се 25 члена од семејството Амети, односно семејството на ректорот на Тетовскиот универзитет Вулнет Амети.

Сопругата, синот, братот, синот на тетката, братучетка, ќерка на баџанакот - застапени се сите роднински врски,

Вториот дел од листата го сочинуваат членовите на семејството Беадини, професор на Медицинскиот факултет. И кај него е широка лепезата на роднински врски во високообразовната институција: сопруга, братанец, брат, ќерка, син, зет....

На крајот, авторот на овој обемен список се извинува ако заборавил некого, сепак, застапени се 36 лица.

The post За Фуркан: Од синот на тетката до ќерката на баџанакот – ректорот на Тетовскиот универзитет „вработува“ appeared first on Република.

На денешната седница на Советот на Град Скопје наменета за советнички прашања кон градоначалничката и другите назначени функционери како директори на јавни претпријатија и Генерален секретар на градот, советникот од редовите на ВМРО-ДПМНЕ и претседател на Комисијата за урбанизам при советот, Владимир Нелоски поради отсуството на градоначалничката го праша новоназначениот Генерален секретар на градот, дали сопругата на директорот на новото градско претпријатие за урбанизам „Кензо Танге“ е вработена во партиципативното тело за да има подобра комуникација после работното време или пак се работи за непотизам.

Бидејќи зборевме за транспарентност, збор кој што е многу важен и во животот и во политиката, барам како претседател на Комисија за урбанизам во Советот на Град Скопје да ги добијам, членовите на комисиите за урбанизам, сообраќај и транспорт и ме интересира дали е вистина дека еден од членовите на партиципативното тело за урбанизам при градот Скопје е сопруга на ново поставениот директор на претпријатието „Кензо Танге“, кое што исто така ќе треба да се грижи за урбанизмот во градот Скопје. Дали ако е навистина сопругата на директорот кој што треба да се грижи за урбанизмот во Скопје, поставена во партиципативното тело, дали е поставена за да има подобра комуникација во домашните услови кога ќе заврши работното време за да може да функционира или се работи за непотизам, запраша Нелоски.

Иако граноначалничката отсуствуваше од продолжението на седницата на Советот, Нелоски упати неколку прашања и до Данела Арсовска од која побара уснен одговор, при што праша до каде е градежната офанзива која ја најави уште пред почетокот на летото и која требаше да заврши заклучно со 31 август, како што е булеварот Есенинова кој што поврзува три скопски општини.

За моето прашање сакам да добијам уснен одговор, а тоа е на 8 јуни градоначалничката имаше прес конференција на која што најави градежна офанзива. Јас како и сите граѓани на Скопје ја поддржавме во тој момент за таа градежна офанзива и најави дека до триесетти истиот месец ќе бидат завршени два проекта. Односно, ќе биде завршен проектот на Есенинова, односно булеварот Есенинонова кој што поврзува три општини во градот Скопје и кој што една од клучните сообраќајници, за жал до ден денеска не гледам дека може да дојдат луѓето од Кисела Вода или од Аеродром преку таа улица до Градот Скопје. И дали започна проектот за улицата Теодосиј Гологанов? Зошто го прашувам ова, бидејќи исто до 30.06 градоначалничката вети дека ќе биде започнат тој проект. Јас знам дека има многу проблеми со проектите, но како човек кој што си стои на својот збор, кој што ја говори вистината, кога некој ќе каже до одреден датум ќе започне било што, некој проект или ќе завршат друг проект, треба да си стои на зборот, рече Нелоски.

И исто така, додаде Нелоски, ме интересира дали градоначалничката, бидејќи на истата прес конференција, не гледаше нас граѓаните на Градот Скопје и вети дека од први јули до 30 август конечно ќе започне огромниот, витален, капитален проект за градот Скопје Усјански канал.

Денеска сме 15 септември, ме интересира дали е започнат тој проект и до каде се градежните активности, бидејќи секојдневно добиваме повици и од граѓаните од Аеродром, но и од граѓаните од Кисела Вода до каде е тој проект, општини во кој што градоначалничката доби околу 40 илјади гласови, дали ќе почне тој проект во втората фаза во Кисела Вода и кога ќе заврши прва фаза, посочи советникот Нелоски.

Тој, како млад лик, обрна посебно внимание и на фестивалите во Градот Скопје, при што праша дали наредна година ќе бидат поддржани „Виноскоп“ и „Пиволенд“, кои имаат 12-13 годишна традиција на кои што младите генерации ќе ги посетат и ќе се забавуваат.

Понатаму, кога зборуваме за луѓе кои си стојат на зборот, околу почетокот на мај месец нашата градоначалничка беше на гостување на еден од нејзините омилени медиуми и една од темите кои што ги говореше таму, беше за фестивалите во Градот Скопје, а баш тогаш, односно неколку дена пред тоа требаше да содржи фестивалот „Виноскоп“. Фестивал со 12-13 годишна традиција која што за жал, неколку години од претходниот градоначалник, беше стопирана но, градоначалничката во тој момент даде изјава дека „конечно „Виноскоп“ како фестивал со 12-13 години традиција повторно почна да се одвива и дека не смее таа традиција да застане“. Се согласувам со градоначалничката дека тој проект не смее да застане, но во септември месец имаше уште еден фестивал на кој што јас видов многу млади луѓе присутни и советници, но видов и сегашни директори на градот, го видов и Секретарот на Градот Скопје беше на тој фестивал исто така и некои поранешни директори и илјадници грашани кои што беа таму присутни. Прашањето ми е, колкава поддршка му даде Градот Скопје на фестивалот „Пиволенд“, исто фестивал кој што има 12-13 годишна традиција и кој што, се надевам дека во иднина ќе продолжи, и ме интересира секретарот да ми одговори дали овој фестивал, како и „Виноскоп“ ќе биде поддржан и илјадници млади ќе се забавуваат“, праша Нелоски.

The post Нелоски: Дали сопругата на директорот на ЈП „Кензо Танге“ е вработена во партиципативното тело за урбанизам за да има подобра комуникација или се работи за непотизам? appeared first on Република.

Артан Груби го приватизира ,инистерството, наместо по компетенции вработува роднини!?, велат во партиското соопштение од ВМРО-ДПМНЕ.

Со одлука на Груби од 21.03.2022 година на работно место самостоен референт за стратешко планирање, креирање на политики и следење, во Одделение за стратешко планирање, креирање на политики и следење е вработен Сезар Груби. Ова е директен непотизам, и во спротивност со Законот за спречување на корупција. Во министерството каде Артан Груби е министер, со негов потпис, се вработува неговиот роднина? ДКСК веднаш да го испита случајот и да се поништи одлуката за вработување. Груби, е синоним за тоа како врвот на ДУИ ги злоупотребува институциите за вработување на своите блиски луѓе. И додека граѓаните се соочуваат со егзистенцијални проблеми, со високи сметки за струја и парно, со покачени цени на горивата и основните животни намирници СДСМ и ДУИ работат за свој личен интерес, се вели во соопштението на ВМРО-ДПМНЕ.

The post Груби си вработил роднина во министерството со кое раководи appeared first on Република.