Бекот на македонската кошаркарска репрезентација, Ненад Димитријевиќ покажа одлична игра во поразот од Литванија со 94-72 во Арената „Швитурио“ во Клаипеда.

Тој постигна 43 поени на гостувањето против Литванија за 34 минути игра и се повреди, а последните шест се покажаа како пресудни за домаќинот да стигне до убедлив триумф.

-Ова беше битка, мислам дека одигравме многу добро прво полувреме. Во второто полувреме имавме многу повеќе проблеми со контрола на скокот, знаеја како да го искористат тоа. Беа подобри во второто полувреме и заслужено славеа. Ние се боревме 40 минути и дадовме се од себе, му честитаме на противникот. Дадов 43. поени, тоа е добро, но не значи ништо кога го загубивме натпреварот. Што се однесува до повредата, мислам дека беше само силен грч и дека се ќе биде во ред набрзо,  изјави Димитријевиќ по натпреварот.

The post Повредата на Димитријевиќ не е сериозна: Беше само силен грч , се ќе биде во ред набрзо appeared first on Република.

Машката сениорска репрезентација денеска одржа тренинг во салата „Швитурио“ во Клаипеда каде што утре, од 18.30 часот ќе се сретне со Литванија во четвртото коло од квалификациите од групата „Х“ за пласман на Евробаскетот во 2025 година.

На тимот му се приклучи и Ненад Димитријевиќ кој ќе настапи на утрешниот натпревар. Плејмејкерот на Олимпија Милано синоќа, одвоено од репрезентативците, пристигна во Клаипеда и тренираше со своите соиграчи.

Според планот, нашата најдобра селекција ќе тренира и утре, на денот на натпреварот, во периодот од 10:30 до 11:30 часо

The post Димитријевиќ ќе настапи на утрешниот натпревар против Литванија appeared first on Република.

Македонскиот кошаркарски репрезентативец Ненад Димитријевиќ вечерва го освои Суперкупот на Италија со Олимпија Милано по победата над Болоња со 98:96 (по продолжение).

Македонецот за 35 минути поминати на теренот постигна 16 поени, шест асистенции и пет скока.

Димитријевиќ и претходните две сезони има освојувано индивидуални признанија (МВП) настапувајќи во руската ВТБ лига за УНИКС Казан.

The post Димитријевиќ МВП на италијанскиот Суперкуп appeared first on Република.

Најдобриот македонски кошаркар Ненад Димитријевиќ потпишал договор со гигантот Олимпија Милано и во следната сезона ќе го има својот прв ангажман во Евролигата пренесуваат италијанските медиуми.

Димитријевиќ по одличниот настап во руската ВТБ лига каде е актуелен МВП и од регуларниот дел од сезоната, но и од плеј-оф серијата минатата година е на радар на најдобрите европски тимови.

Тој се очекува да биде второ засилување за италијанскиот тим за следната сезона по Џош Нибо, а со „манекените“ се очекува да потпише договор во траење од три години. Популарниот Нено професионалната кариера ја почна во Хувентут, а во кариерата покрај Уникс Казањ за кој игра во моментов, настапуваше и за Валенсија.

The post Ненад Димитријевиќ потпишал за гигантот Олимпија Милано, тврдат медиумите во Италија appeared first on Република.

Македонската кошаркарска репрезентација имаше победнички старт на претквалификациите за Евробаскетот кој е на програмата во 2025 година.

Нашиот национален состав издвојува победа над Данска во Нествед со 73:70 и тоа пред се благодарение на неверојатниот Ненад Димитријевиќ кој погоди луда тројка од преку половина терен со звукот на сирената.

https://www.youtube.com/watch?v=1CKLjSoTeWM&t=7343s

Скандинавците не го искористија нивниот последен напад, Ѓуроски дојде до дефанзивец скок по што топката дојде до рацете на новиот член на Уникс Казан кој со погодок ни донесе прво славје во групата во која се уште Словачка и Норвешка.

Токму Димитријевиќ со 29 поени беше најдобар наш стрелец, двоцифрени беа уште Стојаноски и Ѓуроски со по 10 кошеви. Кај домаќините се истакна Јукиќ со 20 поени.

Следниот меч го играме на домашен терен против Словачка.

The post Дали ја видовте тројката на Димитријевиќ од половина терен за наша победа? appeared first on Република.

Македонскиот кошаркарски репрезентативец, Ненад Димитријевиќ посакува добар настап на дуелот со Грузија во Скопје.

– Сезонава имам повеќе проблеми со повредите и затоа одиграв помал број натпревари и за Валенсија. Но, кога веќе дојдов тука ќе го дадам максимумот за да бидам подготвен за вториот натпревар со Грузија. Овие два натпревара се многу важни за нас, особено тој во Скопје. Треба да го одбраниме домашниот терен и да продолжиме да работиме за следните натпревари со Украина. Во професионалната кошарка нема млади и стари играчи, има само добри и лоши. Не чувствувам никаков притисок кога го носам националниот дрес, среќен сум што ме сметаат за лидер на оваа генерација, вели Димитријевиќ.

Македонските кошаркари се во Тбилиси, каде утре попладне против Грузија ќе го игра натпреварот од третото коло групата „Г“ од квалификациите за Светскиот Куп 2023 година.

Хендикеп за „црвено-жолтите“ е отсуството на селекторот Драган Бајиќ, кој е „позитивен“ на коронавирусот.

Дваесет и четиригодишниот Димитријевиќ н еотпатува во Тбилиси, овие неколку дена ќе биде во Скопје и се надева на добра подготовка за натпреварот  против Грузијците на 27 февруари.

The post Најдобриот македонски кошаркар конечно ќе игра за Македонија appeared first on Република.

Македонскиот кошаркар Ненад Димитријевиќ повторно некое време ќе биде надвор од терените, а причината за тоа е позитивен тест на коронавирусот.

Димитријевиќ на последните тестирања бил позитивен и е заразен со КОВИД-19.

Тој веќе е во изолација, но добро се чувствува.

The post Ненад Димитријевиќ вторпат е позитивен на коронавирусот appeared first on Република.