Министерот за образование Јетон Шаќири во една реченица ја опиша целата мизерија на власта кога призна дека власта нема пари за учебници по сите предмети во средно образование. За Весна Јаневска оваа изјава е срамна од повеќе аспекти.

МОН оваа година има буџет од 450 милиони евра, тој е за 8,4% поголем од буџетот за 2022 година, а Шаќири при неговата презентација во Владата на почетокот на годината се фалеше дека се гордее со буџетот кој е развоен и ќе има и за нови инвестиции, и за учебници и за поголеми плати. Од многу фалење стигнавме до немање пари, па оттука прашуваме на што се трошат 450 милиони евра пари кои МОН ги има во буџетот, ако нема пари за учебници, рече Јаневска на денешната прес-конференција.

Таа потсети дека оваа влада немаше пари ниту за свидетелства, ниту за учебници во основно печатени за еднократна употреба.

Добро образование и добро структуриран образовен систем ги одредува аспирациите и потребите на државата, како и неjзината иднина, односно судбина. Веќе е сосема познато дека нашето образование е во постојан пад и веќе е на работ на комплетен колапс. Од последната анкета спроведена од Институтот за политички истражувања, а во врска со образованието во Македонија се гледа дека населението е незадоволно од повеќе елементи во образование од кои најмногу од наставните програми, и учебници. Книгите, односно учебниците, почитувани, за образованието, се од суштинско значење и тие се основа за сите други видови учења. Без нив оние што учат би немале ниту појдовна точка, ниту начин за проценка на својот напредок. Непотребно е уште да набројувам, разочарувачки е, депресивно и срамно е. Македонија по прв пат од нејзиното постоење има пари за се’ и сешто, а нема пари за книги. Се прашувам дали се во право оние кои тврдат дека ова не е случајно, рече .

The post Јетон Шаќири ја призна целата мизерија на власта, од буџет од 450 милиони евра не можат да одвојат за учебници appeared first on Република.

Реално немаме пари за учебници по сите предмети во средното образование, вели за Детектор министерот за образование Јетон Шаќири. Тој додаде дека главна причина за доцнењето на учебниците биле воведените реформи и дека само одделенија кои учат по нова програма имаат проблеми со учебниците, додека кај другите ученици иако со задоцнување, тие сепак се доделени. Шаќири вели дека ќе вложи максимални напори да не се повтори повторно учениците да останат без учебници.

Според податокот кој сега го имам, не верувам дека целосно можеме да го затвориме стручното образование со учебници зашто се работи за многу предмети. Реално, за средното образование немаме за сите предмети. За основното се обезбедени за сите предмети и за новата концепција и делот што останува за средното образование ќе се надополнува, рече министерот за образование.

Шаќири рече дека се уште не се размислува за опцијата учениците сами да си ги купуваат учебниците.

The post Шаќири: Реално немаме пари за да испечатиме учебници по сите предмети во средното образование appeared first on Република.