Копродукциската претстава „Нема да биде крај на светот“ на Македонскиот народен театар, Перипетија продукција - Скопје и Сараевскиот воен театар САРТР – Сараево, на 25 јуни ќе учествува на италијанскиот фестивал за танц, музика и театар „Монте Сакро“ во Фоџа.

Фестивалот „Монте Сакро“ (Monte Sacro) потекнува од Апулија во областа Гаргано, а се одржува во спомен на младиот прерано починат писател Матео Латино. Фестивалот е во режија на композиторот Артуро Анекино и има цел да ги вкрсти различните јазици на уметноста.

„Нема да биде крај на светот“ од својата премиера до денес е една од најнаградуваните претстави, а до сега доби повеќе од 10 (десет) награди.

The post МНТ со „Нема да биде крај на светот“ гостува во Италија appeared first on Република.

„Нема да биде крај на светот“, копродукциската претстава на Македонскиот народен театар, Перипетија продукција – Скопје и Сараевскиот воен театар САРТР – Сараево вечерва ќе биде дел од Интернационалните театарски средби Брчко Дистрикт во БиХ, насловени под слоганот „Болест на Општеството“.

Во официјалната фестивалска програма кој почна на 2, а ќе заврши на 28 октомври, покрај нашата театарска куќа, опфатени се и театри од регионот, меѓу кои Сатирично казалиште „Керемпух“ и Градско драмско казалиште „Гавела“ во Загреб во Хрватска, Црногорско народно позориште и Центарот за култура во Тиват во Црна Гора, Босанско народно позориште, Зеница во БиХ, Ателје 212, Белград и Српско народно позориште, Нови Сад во Србија и други.

Како што соопштија од тимот на МНТ, театарските средби во Брчко се основани пред 49 години, а во својата речиси половина век долга традиција, средбите ги променија правилата и предлозите за организација, продукција, структурата на оценувањето и наградувањето на претставите и поединците, како и начинот на селекција и избор на изведби.

Според селекторот, проф. Владо Керошевиќ, од оваа година тоа се „Интернационални театарски средби“, на кои можат да учествуваат сите театри од БиХ и од странство, со квалитетни претстави без разлика на јазикот на кој е напишан или изведен драмскиот текст.

The post „Нема да биде крај на светот“ на МНТ дел од Интернационалните театарски средби Брчко Дистрикт во БиХ appeared first on Република.

„Нема да биде крај на светот“, копродукциската претстава на Македонскиот народен театар, Перипетија продукција – Скопје и Сараевскиот воен театар САРТР – Сараево, на 24 октомври со почеток во 19:30 ќе биде дел од Интернационални театарски средби Брчко дистрикт, БиХ, насловени под слоганот „Болест на Општеството“ (Bolest Друштва).

Во официјалната фестивалска програма кој започна на 20, а ќе заврши на 28 октомври, покрај нашата театарска куќа, опфатени се и театри од регионот, меѓу кои: Сатирично казалиште „Керемпух“ и Градско драмско казалиште „Гавела“, Загреб – Р Хрватска, Црногорско народно позориште и Центарот за култура во Тиват – Р.Црна Гора, Босанско народно позориште, Зеница – БиХ, Ателје 212, Белград и Српско народно позориште, Нови Сад – Р. Србија и други.

Театарските средби во Брчко се основани пред 49 години, а во својата речиси половина век долга традиција, средбите ги променија правилата и предлозите за организација, продукција, структурата на оценувањето и наградувањето на претставите и поединците, како и начинот на селекција и избор на изведби.

Според селекторот, проф. Владо Керошевиќ, од оваа година тоа се „Интернационални театарски средби“, на кои можат да учествуваат сите театри од БиХ и од странство, со квалитетни претстави без разлика на јазикот на кој е напишан или изведен драмскиот текст.

The post „Нема да биде крај на светот“ учествува на Интернационални театарски средби во БиХ appeared first on Република.

Претставата на Македонскиот народен театар (МНТ) „Народен непријател“ од Хенрик Ибзен, а во режија на Нина Николиќ во септември ќе гостува на Фестивал во Фрушка Гора, Србија, а во ноември во Италија, соопштија од Националниот театар.

„Нема да биде крај на светот“ од Аднан Лугониќ, исто така во режија Николиќ ќе гостува на 30. Меѓународен фестивал на камерен театар „Ристо Шишков“ на 12 септември во Струмица.

Првото гостување со претставата „Народен непријател“ ќе се случи на отворена сцена на први септември во 20 часот, со отворање на Амбиенталниот театарски фестивал „Нов тврдина театар“ во уникатниот амбиент пред Вила „Станковиќ“ - Фрушка Гора.

Фестивалот оваа година се одржува од први до седми септември, под слоганот: „Чудата се случуваат, но треба да ги препознаеме“, а во програмата се опфатени изведби на различни театарски ракописи во кои смело се отвораат некои прашања и започнуваат нови дискусии за нашето време и нашата конфузија.

Покрај МНТ, учествуваат и најголемите театарски куќи од регионот: Народно позориште - Белград, Народно позориште - Ниш, Народно позориште - Сараево, Српско народно позориште - Нови Сад и други.

Претставата во ноември ќе гостува и во Италија.

По гостувањето во Србија, следи изведба на театарската претстава „Нема да биде крај на светот" на 30. Меѓународен фестивал на камерен театар „Ристо Шишков“ на 12 септември во Струмица.

Кон крајот на септември, на малата сцена во МНТ, се очекува и премиерната изведба на безмилосната комедија „Лагата“, работена по текст на современиот и мошне актуелен француски писател, драматург, театарски режисер, сценарист и филмски режисер, Флоријан Зелер, а во режија на Бесфорт Идризи. Во претставата во која се одигрува лавиринт на лагите, измамите и непријатните вистини што се случуваат во бракот, играат: Јордан Симонов, Габриела Петрушевска, Оливер Митковски и Драгана Левенска. Сценограф е Крсте Џидров-Џиби, костимите ги дизајнира Роза Трајческа-Ристовска, а авторската музика во оваа театарска претстава ја потпишува Игор Василев-Новоградска.

Во тек се и подготовките за претставата „Сите сме птици“, по текстот на либанско-канадскиот автор, Важди Муавад, а во режија на Слободан Унковски, кој ја поставува оваа моќна современа драма што спојува повеќе јазици и различни светови на искуства, воедно го истражува и идентитетот за тоа кои сме - или мислиме дека сме.

Во претставата играат: Емил Рубен, Звездана Ангеловска, Никола Ристановски, Николина Кујача, Дамјан Цветановски, Тина Трпкоска, Петре Арсовски, Сара Климоска и други. Текстот од француски на македонски јазик го преведе Калиопа Петрушевска.

The post „Народен непријател“ на МНТ ќе гостува во Фрушка Гора и во Италија appeared first on Република.

Според авторот Аднан Лугониќ, флоскулата „крај на светот“ никогаш не била позастапена, како во медиумите така и во секојдневните, обични разговори. Стравот од генералното пропаѓање на планетата како да ги направи неважни сите оние мали, индивидуални „краеви на светови“.

Оваа драма и оваа претстава се занимаваат токму со тоа – рушењето на интимните светови. Таа 2018 година кога се создаваше текстот, крајот на светот го препознавав на секој чекор – додека шетам по улица, седам во кафеана или парк, се возам во автобус или воз, додека еуфорично скокам на концерт, танцувам во клуб или просто додека стојам и набљудувам. Крајот на светот ми се чинеше како постојан процес што оди паралелно со изградбата и напредокот, објаснува авторот за претставата.

Според авторот, секој од нас носи некој свој „крај“. И тој, како што вели, не е ни малку поневажен од општиот крај на светот.

А историјата нѐ учи – светот секогаш ќе постои во некаков облик, со или без нас. И затоа, додека сѐ уште можеме, да зборуваме повеќе за нас – за нашата сила, онаа индивидуалната, но и за потребата од другите со цел да се изгради некој нов, појак, интимен свет во кој нема да ни биде страв да зборуваме за кршењата. Тие се тука за да ни дадат сила секогаш да почнуваме од почеток, додава Лугониќ.

Утре пак, исто така на малата сцена на МНТ ќе се одржи театарската претстава „Торонто Експрес“, а во петок во рамки на фестивалот, ќе се одржи претставата „Последната лента на Крап“.

The post Вечерва на „Скопско лето“ претставата на МНТ „Нема да биде крај на светот“ appeared first on Република.

„Нема да биде крај на светот“ на македонската режисерка Нина Николиќ е прогласена за најдобра претстава во целина на фестивалот БиХ драма Зеница, соопшти Македонскиот народен театар (МНТ).

Копродукцискиот проект помеѓу МНТ, Перипетија продукција и Сараевски ратни театар САРТР, „Нема да биде крај на светот“ е добитник на наградата од новинарското жири за најдобра претстава во целина на фестивалот БиХ драма Зеница - БиХ.

Следната изведба е закажана на 22 јуни во 20:30 на сцента во МНТ, а во рамките на Скопско лето.

Во претставата играат: Дарја Ризова, Саша Ханџиќ и Џана Џаниќ. Костимограф е Ивана Каранфиловска-Угуровска, сценограф: Ангел Петровски, музичката адаптација на Оливер Митковски, во претставата се користи композицијата „Магдалена“ од Димитар Масевски.

The post „Нема да биде крај на светот“ е прогласена за најдобра претстава во целина на Фестивал во БиХ  appeared first on Република.