Основачот на фирмата за чие непостоечко возило владата одобрила државна помош од над 42 милиони евра е избркан од бизнисмен близок на ДУИ.

Една година откако премиерот Димитар Ковачевски и Артан Груби помпезно ја најавија изградбата на германската фабрика „Некст е.ГО“, која требаше да произведува автомобили на електричен погон и да отвори 900 нови работни места во ТИРЗ Тетово, а ни од фабриката, ни од електричниот автомобил нема никаков знак. Затоа, како што открива „А1он“ дошло до промена во менаџментот на компанијата на која ѝ е одобрена огромна државна помош од СДСМ и ДУИ за производ кој го нема никаде.

https://republika.mk/vesti/ekonomija/cela-vlada-na-kamen-temelnik-na-fabrikata-za-elektrichni-avtomobili-vo-tetovo/

„А1он“ го контактираше професорот Гинтер Шух поставувајќи му неколку прашања во однос на инвестицијата во Македонија, но тој ја одби поканата за интервју велејќи дека е исфрлен од компанијата која ја основал и дека не сака да зборува за „Некст е.ГО“.

Почитувани, јас бев исфрлен од „Некст е.ГО“ во мај 2021 година од страна на новиот инвеститор откако го обезбедив рестартот на производството по завршувањето на пандемијата. Не сакам да зборувам за „Некст е.ГО“засега. Простете.“, стои во одговорот до „А1он“ од професорот и д-р инженер Гинтер Шух од Ахен, Германија.

Целата сторија тука

The post Бизнисмен близок на ДУИ го избрка основачот на фирмата што зеде 42 милиони евра за непостоечките електрични возила appeared first on Република.

Прва инвестиција за целосно производство на автомобили во Македонија беше промовирана во ТИРЗ Тетово. Германска компанија Некст Е Го ќе инвестира 130 милиони евра за производство на електрични возила а Владата ќе помогне со 35 проценти од средствата. За две ипол години оваа компанија ќе вработи 890 луѓе на кои ќе им исплаќа просечна бруто плата од 1340 евра.

Премиерот посочи дека ова е уште една потврда дека државата нуди стабилна економско политичка клима. Според Ковачевски само од почетокот на годината во развојните зони се постигнати договори за инвестиции од 240 милиони евра.

„Македонија тоа го искористи создавајќи амбиент за нови инвестиции. Ние сме членка на НАТО, а нашата позиција е и членство во Европската Унија со веќе отпочнати проговори, за инвеститорите да знаат дека имаат сигурност и предвидлив деловен амбиент, што е впрочем и нашата предност во регионот. И ќе повторам уште еднаш, оваа држава од 19 јули кога ја одржавме првата меѓувладина конференција со Европската Унија, ќе оди само напред. Нема да оди назад, нема да оди ни лево а уште помалку десно. Државата ќе оди напред, во полноправно членство со Европската Унија, затоа што тоа им го должиме на граѓаните, а тоа им го должиме и на инвеститорите кои отвораат добро платени работни места за граѓаните.“

Според планот за работа оваа компанија очекува да произведува околу 3000 автомобили годишно кои ќе бидат пласирани на домашниот и на странскиот пазар.

На поставувањето камен темелник присуствуваа речиси сите министри од Владата, пратеници, функционери, лидери на политички партии.

The post Цела Влада на камен темелник на фабриката за електрични автомобили во Тетово appeared first on Република.