Веселин Вујовиќ нема повеќе да го води хрватскиот прволигаш Нексе, тим кој го преземе пред два месеци од Бранко Тамше.

Поранешниот тренер на Вардар и екс македонски селектор не успеа да ја разбуди екипата, да ги донесе посакуваните резултати, па по ремито со Пореч во домашниот шампионат било одлучено да се заврши соработката со искусниот стратег.

Во овој период додека Вујо го водеше клубот од Нашице истиот беше елиминиран од РНЛ во Лига Европа, во првенството е на делба на второто место, а не треба да се заборави дека во овој период се случи и инциндетот со Загреб поради кој се очекува Вујовиќ да биде санкциониран.

Поради сите овие причини тој си заминува, неговото место ќе го заземе асистентот Крешо Иванковиќ.

The post Веселин Вујовиќ остана само два месеци во Нексе appeared first on Република.

Црногорскиот ракометен стратег и поранешен тренер на скопски Вардар 1961, Веселин Вујовиќ, е назначен денеска за нов шеф на стручниот штаб на хрватскиот клуб Нексе.

Олимписки и светски првак со поранешна СФР Југославија и трикратен европски првак со Металопластика и Барселона играч, а потоа и успешен тренер кој во три наврати го предводеше најтрофејниот македонски ракометен клуб, Вујовиќ официјално ќе биде назначен на должноста в среда, а на клупата на Нексе ќе дебитира в сабота.

„Да, донесовме одлука и Веселин Вујовиќ ја презема клупата на Нексе. Иако во медиумите овие денови се шпекулираше со бројни имиња, сега и официјално можам да потврдам дека екипата од среда ќе ја преземе Веселин Вујовиќ со кого брзо се договоривме на задоволство на двете страни“, изјави претседателот на Нексе, Јосип Ерговиќ за хрватските медиуми.

Вујовиќ во март 2022 година седна на селекторската клупа на Иран, откако една година претходно трет пат се врати како тренер во Вардар по ангажманите од 2006 до 2010 и 2011 до 2013 година.

The post Mиленикот на Вардарци ќе го тренира Нексе appeared first on Република.

Македонскиот ракометен репрезентативец и член на Алкалоид, Марко Митев се најде во најтесен круг на претенденти за признанието играч на колото во Европската лига.

Митев пред два дена на гостувањето во Данска против Силкеборг постигна девет гола од исто толку обиди, а на натпреварот во игра влезе дури во 20. минута.

Конкуренти на Митев во изборот на ЕХФ се голманот на Дејан Милосављев од Фуксе Берлин, Натат Суарез од Спортинг и Лука Мославац од Нексе.

The post Марко Митев номиниран за играч на колото во Европската лига appeared first on Република.

Битолски Еурофарм Пелистер со два порази од хрватскиот Нексе го заврши својот настап во осминафиналната рунда на Европската лига.

Откако загубија во првиот меч во Хрватска, со три гола разлика, пелистерци беа поразени и пред својата публика во реваншот и тоа со 22-21, па не успеаја да се вбројат меѓу осумте најдобри во ова натпреварување.

А, таму Нексе за противник ќе ја има наската екипа ГОГ Гудме.

Нант на Кирил Лазаров за противник ќе го има германскиот Магдебург, а преостанатите два пара во четвртфиналето кое на програмата е на  26 април и 3 мај ги сочинуваат Бенфика – Горење и Кадетен Шафхаузен - Висла Плок.

Инаку за прв пат во историјата на ова натпреварување сите осум екипи доаѓаат од различни земји.

The post Пелистер со два порази од хрватскиот Нексе го заврши својот настап во осминафиналната рунда на Европската лига appeared first on Република.