Напаѓачот на Ал Хилал, Нејмар, ја разгледува можноста да се пресели во Реал Мадрид по завршувањето на договорот со саудискиот тим, објавија некои шпански медиуми.

Забележано е дека 32-годишниот фудбалер сонува да игра во врвен шпански клуб заедно со Винисиус Жуниор и Килијан Мбапе со кои има развиено добри односи.

Нејмар му се приклучи на Ал-Хилал во август 2023 година. Сезонава одигра два натпревара. Претходно Нејмар помина една година закрепнувајќи од повредата на вкрстените лигаменти на коленото.

Договорот на Бразилецот со клубот од Саудиска Арабија е до летото 2025 година, со опција за продолжување на една сезона

The post Нејмар сака во Реал Мадрид appeared first on Република.

Ал-Хилал вчеравечер го победи Ал-Аин (Обединети Арапски Емирати) на гостински терен во натпреварот од 3. коло на азиската Лига на шампиони со 5:4. Клубот од Саудиска Арабија играше со фудбалер помалку од 82. минута.

Хет-трик за гостите на оваа средба постигна Салем Ал-Досари, а по еден гол постигнаа и Ренан Лоди и Сергеј Милинковиќ-Савиќ. Домаќините постигнаа голови преку Матео Санабрија и Суфјан Рахими кој постигна два гола од игра и еден од пенал.

Напаѓачот на Ал Хилал, Нејмар, за прв пат по една година влезе на теренот. Во 77. минута 32-годишниот Бразилец влезе на местото на Ал-Досари. Фудбалерот не учествуваше на натпреварите по повредата на коленото, која ја доби во октомври 2023 година на натпреварот за бразилската репрезентација против Уругвај (0:2) на квалификацискиот турнир за Светското првенство 2026 година.

Ал-Хилал има 9 бода и е лидер во поредокот на Западна дивизија, Ал Аин со еден бод е претпоследен (11. место)

The post Нејмар се врати, Ал Хилал лидер appeared first on Република.

Бразилската ѕвезда Нејмар е многу блиску до враќање на терените. Неговото опоравување од тешката повреда на коленото сега е во завршна фаза и тој би можел да настапи за една недела.

Напаѓачот на Ал-Хилал беше надвор од теренот околу една година, откако ги скина вкрстените лигаменти на левото колено додека беше со репрезентацијата на Бразил. 32-годишниот Нејмар продолжи со тренинзите со својот клубски тим на 29 септември. Според луѓето во клубот по неговото закрепнување, тој би можел да настапи на 21 октомври кога Ал-Хилал ќе се соочи со Ал-Аин во натпревар од азиската Лига на шампиони.

За оценката кога ќе може да смета на Бразилецот последниот збор ќе го има тренерот на тимот, Жорге Жесус. Тој ќе треба да добие одобрение од бразилскиот лекар Родриго Ласмар, кој ја изврши операцијата на коленото на играчот. Се очекува Ласмар во наредните денови да отпатува за Саудиска Арабија за лично да се запознае со состојбата на играчот

The post Нејмар одмараше една година, конечно ќе почне да игра appeared first on Република.

Македонскиот фудбалер Дарко Алексовски привлече големо внимание поради неговиот прекар Пеле по легендарниот бразилски играч, а зад тоа се крие необична приказна.

Фудбалерот на Вардар Неготино во разговор со „М-Нет.мк“ раскажа дека прекарот Пеле всушност го наследил од неговиот татко, а истиот го вметнал и во презимињата на неговите синови чии имиња се Нејмар и Габриел.

„Мојот татко бил аматер, но бил многу атрактивен фудбалер, а во тоа време актуелен играч бил Пеле. Останатите почнале да го нарекуваат Пеле. И јас сум атрактивен и интересен фудбалер, па прекарот го добивам од мојот дедо и татко. И тој мој прекар го ставив на моите два сина. Моите синови се Нејмар и Габриел Благојчевски, односно Нејмар Пеле Благојчевски и Габриел Пеле Благојчевски. Не сакам да згасне таа традиција. Сакам да продолжи лозата. Пеле е кралот на фудбалот“, вели Алексовски.

The post Фудбалер од Неготино децата си ги крстил Нејмар и Пеле appeared first on Република.

Нејмар ќе го пропушти почетокот на следната сезона во Саудиска Арабија бидејќи продолжува да се опоравува од тешката повреда на коленото, изјави тренерот на Ал-Хилал, Жорже Жесус.

Бразилецот ја заработи повредата на квалификацискиот натпревар со Уругвај за Светското првенство во октомври и беше опериран еден месец подоцна. И покрај неговото отсуство, Ал Хилал успеа да ја освои титулата во лигата на земјата по рекорден 19-ти пат претходно овој месец.

Во август традиционално стартува новата сезона во саудиската Про лига, а поранешниот напаѓач на Барселона и Пари Сен Жермен ќе ја пропушти и Копа Америка.

-Сè што знам е дека времето за опоравување од такви повреди е приближно 10-11 месеци. Ако пресметаме правилно, тој нема да биде подготвен за почетокот на претсезоната, изјави Жесус за новинарите во Ријад

The post Нејмар уште е повреден appeared first on Република.

Селекторот на бразилската фудбалска репрезентација Доривал денеска го објави списокот на играчи за Копа Америка, а во него ги нема поранешните репрезентативци Нејмар, Ришарлисон и Касемиро.

Купот на Америка ќе се одржи од 20 јуни до 14 јули во САД, а Бразил е во група со Колумбија, Парагвај и Костарика.

Титулата ја брани актуелниот светски првак Аргентина.

Доривал повика 23 фудбалери:

Голмани: Алисон (Ливерпул), Бенто (Атлетико Паранаенсе), Едерсон (Манчестер Сити)

Одбрани: Бералдо (ПСЖ), Едер Милитао (Реал Мадрид), Габриел (Арсенал), Маркињос (ПСЖ), Данило (Јувентус), Јан Куто (Жирона), Гиљермо Аранја (Атлетико Минеиро), Вендел (Порто).

Среден ред: Андреас Переира (Фулам), Бруно Гимараеш (Њукасл), Даглас Луис (Астон Вила), Жоао Гомес (Волвс), Лукас Пакета (Вест Хем)

Напаѓачи: Винисиус Јуниор (Реал Мадрид), Родриго (Реал Мадрид), Габриел Мартинели (Арсенал), Рафиња (Барселона), Еванилсон (Порто), Савињо (Жирона), Ендрик (Палмеирас)

The post Нејмар нема да игра за Бразил на Копа Америка appeared first on Република.

Лекарот на бразилската репрезентација Ласмар изјави дека напаѓачот Нејмар нема да учествува на Копа Америка во 2024 година. Турнирот ќе се одржи во САД од 20 јуни до 14 јули.

- Рано е, нема смисла да се забрза текот на рехабилитацијата. Очекуваме да биде подготвен да се врати на почетокот на европската сезона во 2024 година, а тоа е во август, изјави Ласмар за Радио 98.

Нејмар на 18 октомври доби тешка повреда на натпреварот на бразилската репрезентација против Уругвај (0:2) на квалификацискиот турнир за СП 2026 година - кинење на вкрстените лигаменти и менискусот на левото колено.

Ова лето напаѓачот се пресели во Саудиска Ал-Хилал од ПСЖ. Успеа да одигра пет натпревари за тимот, постигна еден гол и три асистенции.

The post Уште е повреден: Нејмар нема да игра на Копа Америка appeared first on Република.

Фудбалерот на Ал Хилал и репрезентацијата на Бразил, Нејмар, ќе закрепнува од повредата околу 10 месеци, пренесува бразилската телевизија „Глобо“.

Триесет и едногодишниот напаѓач ќе биде опериран утре, 2 ноември. На барање на фудбалерот третманот ќе биде извршен во Бразил. Тој ќе биде опериран од докторот на бразилскиот национален тим Родриго Ласмар.

На 18 октомври, Нејмар беше тешко повреден на натпреварот на репрезентацијата на Бразил против Уругвај (0:2) на квалификациски натпревар за Светското првенство 2026 година. На напаѓачот му беше дијагностициран скинат вкрстен лигамент и менискус на левото колено.

Ова лето Нејмар се пресели во Саудиска Арабија, во Ал-Хилал од Пари Сен-Жермен. Успеа да одигра пет натпревари за тимот, постигна еден гол и три асистенции.

The post Нејмар ќе биде слободен за карнeвалот во Рио appeared first on Република.

Напаѓачот на бразилската репрезентација и Ал-Хилал, Нејмар ја коментираше повредата добиена на вчерашниот натпревар со Уругвај (0:2) во мундијалските квалификации.

На 31-годишниот Бразилец му беа дијагностицирани скинати вкрстени лигаменти и менискус на левото колено.

- Ова е многу тажен момент, најлош. Знам дека сум силен, но овој пат уште повеќе ќе ми требаат моите пријатели (семејството и пријателите). Не е лесно да се помине низ повреди и операции. Замислете дека треба да поминете низ сето тоа повторно по четири месеци закрепнување. Ви благодарам на сите за зборовите за поддршка, напиша Нејмар на социјалните мрежи.

Нејмар беше заменет со Ричарлисон на крајот од првото полувреме од натпревар одигран во Монтевидео. Тој на носилка го напушти теренот

The post Нејмар пак се повреди пред карневалот во Рио appeared first on Република.

Скандал ја тресе репрезентацијата на Бразил по ремито со Венецуела од 1:1. Не толку поради тоа реми, туку поради нешто се случило ноќта пред самиот меч.

Имено според тамошните медиуми, Нејмар, Винициус и Ришарлисон имале оргии со убави инфлуенсерки. Ова го тврдат поедини новинирари, а полека но сигурно го преземаат и водечките медиуми во Бразил.

Инаку по тој меч јавноста во Бразил беше гневна на изданието на своите фудбалери, посебено на Нејмар.

The post Затоа не можат да ја победат Венецуела: Нејмар, Винициус и Ришарлисон наместо мрежи „треселе“ инфлуенсерки appeared first on Република.

Ал Хилал го објави потписот на напаѓачот на ПСЖ, Нејмар. Саудискиот клуб на својата страница на Твитер објави видеопрезентација на Бразилецот.

Претходно беше објавено дека 31-годишниот фудбалер ќе потпише двегодишен договор со клубот. Ал Хилал ќе му плати на напаѓачот околу 160 милиони евра за две сезони.

Претходно, Нејмар играше за Сантос (2009-2013), Барселона (2013-2017) и ПСЖ (2017-2023). За последниот клуб одигра 173 натпревари, постигна 118 голови и даде 77 асистенции.

Договорот на Нејмар со парижаните беше со важност до летото 2025 година

The post Нејмар ќе игра против Роналдо во Саудиска Арабија appeared first on Република.

- ПСЖ одреди минимална цена за трансферот на Нејмар. Вчера се појави информација дека напаѓачот му ја кажал на парискиот клуб желбата да си замине и да се врати во Барселона.

Според „Sky Sports“, ПСЖ ќе ги разгледа понудите кои се движат од 50 до 80 милиони фунти, во зависност од тоа кои клубови даваат понуди.

Идеалната опција за играчот би била да се врати во Барселона, но тоа е малку веројатно поради финансиските проблеми на каталонскиот клуб.

Се очекува клубови од Европа, САД и Саудиска Арабија да се обидат да го ангажираат Бразилецо

The post Нејмар може да си замине од ПСЖ за најмалку 50 милиони фунти appeared first on Република.

Бразилската звезда Нејмар испрати  порака на пејачката Теодора Џехверовиќ. Ова не е првпат да фублалерот им се пушта на српски пејачки и старлети. Претходно тоа го направи и со Сораја.

Среќна Нова Година на сите, ќе се онесвестам.

Теодора е личност која ретко зборува за својата емотивна врска во јавноста, а неодамна ја раскина долгогодишната врска со кошаркарот Нино Челебиќ.

Џехверовиќ пред раскинувањето сакаше дури и да направи свадба до крајот на годината, но немаше време да организира се, па планираа да се венчаат на пролет следната година.

The post Нејмар и се „пушта“ на српската пејачка Теодора appeared first on Република.

Фудбалерот на ПСЖ, Нејмар, сподели со француските новинари дека само со дриблинзи може да се заштити од грубите стартови на противничките играчи.

Нејмар (30) дојде во ПСЖ од Барселона во 2017 година во трансфер вреден 222 милиони евра.

Бразилецот рече дека е изненадуван од грубата игра во француското првенство и посочи оти е честа мета на груби прекршоци од противнички играчи.

-Не бев свесен колку е физички напорно да се игра во француското првенство. Единствен начин да избегнам повреда поради брутални стартови е да сум внимателен и концентриран. Колку повеќе ривалите му соборуваат, толку повеќе јас сакам да дриблам. Единствено така можам да се заштитам од грубите напади од противничките играчи, изјави Нејмар.

The post Нејмар: Не бев свесен колку е физички напорно да се игра во француското првенство appeared first on Република.

Фудбалерот на Пари Сен-Жермен, Нејмар имал понуда од Реал Мадрид, но ја одбрал Барселона.

Бразилецот за неговиот трансфер во 2013 година од Сантос на „Камп ноу“ зборуваше денес на судско рочиште за случајот за корупција.

Дали учествувавте во преговори со Сантос за нов договор до 2014 година, додека претходниот беше со важност до 2015 година? Со новиот договор имате зголемено надоместок и плата, беа прашањата поставени до Нејмар.

– Татко ми го направи сето ова. Јас не учествував во преговорите и го потпишав тоа што го кажа.

За тоа дали добил понуди од други клубови покрај Барселона, Нејмар одговори:

„ Знаев за интересот од други клубови, но преселбата во Барса беше мојот сон. Во 2013 година решив да го напуштам Сантос и да заминам во Барселона. Имав многу опции, но уште од дете сонував да играм за Барса. Секогаш го следам моето срце. Се сеќавам дека имаше понуда од Реал Мадрид, но не се сеќавам на другите опции. Во последен момент морав да изберам помеѓу Реал Мадрид и Барса, но го послушав своето срце и ја избрав Барселона“.

За Нејмар постојано се шпекулира дека ќе се врати во Барселона, така беше и пред почетокот на сезонава. Но не се случи такво нешто и тој остана во Париз

The post Нејмар уште од мал сонувал да игра за Барселона appeared first on Република.

Напаѓачот на ПСЖ, Нејмар, изјави оти сака да остане во Париз, но оти не знае какви се плановите на актуелниот француски фудбалски првак во врска со неговата иднина.

– Сакам да останам во ПСЖ. Никој од клубот не ми рекол ништо за мојата иднина. Не знам какви им се плановите во врска со мене, јас сакам да останам, изјави бразилскиот фудбалер за весникот „Л’Екип“.

ПСЖ е на подготовки во Јапонија, а Нејмар одигра во саботата половина час во второто полувреме во победата над Урава со 3-0.

Нејмар беше поврзуван со трансфер во Манчестер сити, но тренерот на англискиот првак Пеп Гвардиола демантираше дека сака да го име Бразилецот во својот тим.

The post Нејмар сака да остане во ПСЖ appeared first on Република.

Навивачите изразија незадоволство од  игрите на натпреварот против Бордо во неделата, добија жестоки свирежи, а критиките за најплатените играчи на ПСЖ стигнуваат од сите страни.

Нејмар?Не само што дозволивме овој играч да не „гние“ туку го претворивме во чудовиште.Нејмар стана чудовиште кое веќе не е ниту фудбалер.Тој сега е симбол на се што не е во ред во нашиот клуб. највисоката плата во историјата. „ПСЖ требаше да не однесе на врвот, а сега сите го мразат каде и да оди. Неговото однесување, промени во расположението, се што прави... Невозможно е некој да е толку омразен. Никогаш немало фудбалер во историјата која беше толку омразен“, изјави францускиот телевизиски новинар Даниел Риоло.

Следеа и критики за сметката на Меси.

Што се однесува до мене, за овие неуспеси се одговорни Нејмар и Меси.Кога Леонардо го донесе Меси ги стави двајцата на пиедестал - постојано ни велеа дека се легенди и дека скапо плативме играчи од ваков статус. Марко Верати, Данило, Леандро Паредес или Килијан Мбапе.Имам проблеми со овие двајца платеници.Не сакам да зборувам дека Меси е измамник,но сега тоа не е далеку од вистината.Одеше на теренот Лука Модриќ го стави во џеб“, изјави поранешниот француски репрезентативец Жером Ротен.

The post Французите бесни на ѕвездите на ПСЖ: Meси е обична измама, Нејмар е трул appeared first on Република.

Напаѓачот на Пари Сен-Жермен, Нејмар, продолжува да заздравува од повредата здобиена на мечот од Лига 1 против Сент Етјен (1:3) во ноември. Како што пишуваат српските медиуми тој за време на рехабилитација и се јавувал на српската старлета Сораја со која имаше афера пред неколку години.

Со дозвола на клубот, Бразилецот мина уште една недела во татковината, а во неделата се врати во Париз за да го продолжи закрепнувањето од повредата. Дома, Нејмар работеше секојдневно со физиотерапевт и фитнес тренер.

Во моментов рехабилитацијата на Бразилецот се одвива според планот. Според „L’Équipe“, Нејмар останува сигурен дека ќе се врати на теренот за осминафиналето од Лигата на шампионите на домашен терен против Реал Мадрид.

Првиот натпревар меѓу двата фудбалски великана ќе се одигра на 15 февруари, реваншот е закажан за 8 март

The post Нејмар додека заздравува од повредата и се јавува на Сораја appeared first on Република.