Во рамките на Неделата на франкофонски филм, „Март, месец на франкофонијата”, синоќа беше прикажан грчкиот филм „Евтихија“ на режисерот Ангелос Франџис. Проекцијата на филмот се одржа во Кинотеката на Македонија, каде пред присутните се обратија амбасадорот на Франција во Македонија, Сирил Бомгартнер и амбасадорката на Грција во Македонија, Софија Филипиду.

Филмот “Евтихија” е инспираран од турбулентниот живот на една неконвенционална личност со силен темперамент, текстописецот Евтихија Папајанопулу, која преку своите текстови и соработката со најзначајните грчки композитори, како Василис Цицанис и Манос Хаџидакис, создаде некои од безвременските грчки песни, рече Бомгартнер.

Филмот “Евтихија” во 2020 година беше награден со 8 награди од Грчката академија за кинематографија и беше топло прифатен од публиката.

The post Недела на франкофонски филм заврши со проекција на филмот „Евтихија“, инспираран од турбулентниот живот на една неконвенционална личност со силен темперамент, текстописецот Евтихија Папајанопулу appeared first on Република.

Во рамките на Неделата на франкофонски филм, „Март, месец на франкофонијата”, утре, на 22 март, ќе биде прикажан грчкиот филм „Евтихија“ на режисерот Ангелос Франџис.

Проекцијата на филмот ќе се одржи во Кинотеката на Македонија во 20 часот, а влезот е бесплатен.

Филмот “Евтихија” е инспираран од турбулентниот живот на една неконвенционална личност со силен темперамент, текстописецот Евтихија Папајанопулу, која преку своите текстови и соработката со најзначајните грчки композитори, како Василис Цицанис и Манос Хаџидакис, создаде некои од безвременските грчки песни.

Филмот “Евтихија” во 2020 година беше награден со 8 награди од Грчката академија за кинематографија и беше топло прифатен од публиката.

The post Со грчкиот филм „Евтихија“ вечерва во Кинотека се затвора Неделата на франкофонски филм appeared first on Република.

Недела на франкофонски филм во соработка со Амбасадите на земјите-членки на Меѓународната организација на франкофонијата и со Кинотеката.

Оваа традиционална Недела на франкофонски филм ќе ви овозможи да ја откриете убавината на филмското творештво на франкофонските земји.

Сите филмови се со превод на македонски јазик.
За филмовите од нефранкофонското говорно подрачје обезбеден е и превод на француски јазик.

21 МАРТ (ЧЕТВРТОК) 20:00 ч.

Проекција на белгискиот филм „Љубезните”  на режисерот Оливије Ранже (2022, 1h55)

По преселбата на најголемиот клиент, Мишел и Бландин гледаат како нивниот мал бизнис постепено тоне, а и нивниот персонал со нив. Додека тие се зафатени со идејата дека ќе изгубат буквално сé, па дури и домот и најблиските, одеденаш ќе добијат поддршка од Флоран, нивниот сметководител, и Бруно, еден од нивните работници. Заедно, четворицата ќе се обидат да најдат излез од ситуацијата.

The post Недела на франкофонски филм: Проекција на белгискиот филм „Љубезните” на режисерот Оливије Ранже вечерва во Кинотека appeared first on Република.

Вечерва во Кинотека на Македонија, со почеток во 20:00 часот ќе биде прикажан извонредниот француски филм, „Дивертименто“, на Мари-Кастиј Мантијон-Шар (2023, 1h55), сo Улаја Амамра, Лина Ел Араби и Ниелс Ареструп.

Филмот се прикажува во рамките на Неделата на франкофонски филм, по повод одбележувањето на Месецот на Франкофонијата.

Филмот е снимен според вистинска приказна и го раскажува сонот на две млади музичарки, обете сестри Французинки со алжирско потекло. Тие сонуваат да му ја приближат класичната музика на секој жител во светот, а тој сон е остварлив само со одлучност, страст, храброст и, пред сè, извонреден план за формирање сопствен оркестар насловен „Дивертименто“.

Медиумите за „Дивертименто“ ќе напишат:
-„Актерскиот тим е неверојатен, а животната приказна во филмот на младите ќе им покаже како треба да се изборат за остварување на своите соништа (но и повеќе од тоа!). Паризјен
-„Извонреден филм којшто ќе разбуди прекрасно чувство во вас.“ Ле Новел Д’Алзас

Филмот е со превод на македонски јазик.

The post Неделата на франкофонски филм: Вечерва проекција на францускиот филм „Дивертименто“, на Мари-Кастиј Мантијон-Шар во Кинотека appeared first on Република.

18 МАРТ (ПОНЕДЕЛНИК) 20:00 часот

Проекција на албанскиот филм „Делегација” на Бујар Алимани, (2018. 1h17)

Со превод и на француски јазик.

Приказната се одвива во Албанија во 1990 година, кога се се чини дека земјата се повеќе се движи кон демократизација, но комунистичкиот режим продолжува да биде на власт. Лео, учител и политички затвореник, го земаат од ќелијата и го носат на бербер. Без никакво објаснување, затворските чувари и службеници го стават во автомобил и го одведуваат. Малку по малку приказната раскажува дека не е егзекуција ниту трансфер. Непознати лица го носат Лео во главниот град Тирана за да сведочи во корист на властите пред претставник на европските политички институции, но помеѓу неговото пристигнување и средбата со странската делегација, сè ќе тргне наопаку.

The post Недела на франкофонски филм: Проекција на „Делегација” на Бујар Алимани во Кинотека appeared first on Република.

Со проекцијата на швајцарскиот филм „Блех-музика“ на режисерот Франсоа-Кристоф Марзал, вечер во Кинотеката официјално ќе биде отворена Неделата на франкофонскиот филм, во организација на Францускиот институт во Скопје и Амбасадата на Франција.

Настанот ќе го отвори амбасадорот на Франција Сирил Бомгартнер и амбасадорка на Швајцарија во земјава, Вероник Хулман.

По проекцијата на филмот, ќе следува посета на изложбата на македонската уметница Јана Манева-Чупоска.

Во рамките на Неделата на франкофонскиот филм утре ќе се одржи проекција на бугарскиот филм „Бескрајна градина” на Галин Стоев од 2017 година, а истата вечер подоцна ќе има проекција на романскиот филм „Слобода” на Тудор Гиуригу од 2023 година.

Во понеделник, 18 март, ќе се одржи проекција на албанскиот филм „Делегација” на Бујар Алимани од 2018 година, а следниот ден, во вторник, ќе биде прикажан македонскиот филм „Најсреќниот човек на светот” на Теона Стругар Митевска од 2022 година.

Во среда 20 март ќе се прикажува францускиот филм „Дивертименто” на Мари-Кастиј Мартијон-Шар од 2023 година, а во четврток, 21 март, ќе има проекција на белгискиот филм „Љубезните” на режисерот Оливије Ранже од 2022 година.

Следниот ден, во петок, со грчкиот филм „Ефтихија” на режисерот Ангелос Францис од 2019 година ќе биде затворена филмската недела.

Сите филмови се со превод на македонски јазик, а за филмовите од нефранкофонско говорно подрачје обезбеден е и превод на француски јазик.

Неделата на франкофонскиот филм се одржува во соработка со Амбасадите на Швајцарија, Романија, Белгија, Албанија, Амбасадата Бугарија и Бугарскиот културно-информативен центар, Амбасадата на Грција и Кинотеката на Македонија, а е во знак на одбележување на месецот на Франкофонијата.

The post Недела на франкофонскиот филм во Кинотека appeared first on Република.

Недела на франкофонски филм во соработка со Амбасадите на земјите-членки на Меѓународната организација на франкофонијата ќе се одржи во Кинотека на Македонија.

ОТВОРАЊЕ
Петок 15 март 2024, 20:00
„Блех-музика” на Франсоа-Кристоф Марзал
(2019, 90 минути)

Сабота 16 март 2024, 20 ч.
„Слобода” на Тудор Гиуригу
(2023, 1h49)

Понеделник 18 март 2024, 20 ч.
„Делегација” на Бујар Алимани,
(2018, 1h17)

Понеделник 18 март 2024 .
*времето и салата дополнително ќе се потврдат*
„Бескрајна градина” на Галин Стоев
(2017,1h30)

Вторник 19 март 2024, 20 ч.
„Најсреќниот човек на светот”на Теона Стругар Митевска,
(2022, 1h35)

Среда 20 март 2024, 20 ч.
„Дивертименто” на Мари Кастиј Марион Шар
(2023, 1h55)

Четврток 21 март 2024, 20 ч.
Љубезните” на режисерот Оливије Ранже
(2022, 1h55)

ЗАТВОРАЊЕ
Петок 22 март 2024, 20 ч.
„Ефтихија” на Ангелос Францис
(2019, 2h03)

The post Недела на франкофонски филм во Кинотека appeared first on Република.

Францускиот институт- Скопје информира дека вечерва, 24 март, со почеток во 20:00, во Кинотека на Македонија, а во рамките на Недела на франкофонски филм, Амбасадата на Швајцарија ја организира проекцијата на швајцарската комедија „ПОСЛЕДНИОТ ТАНЦ“ на Делфин Лерисе, со извонредниот Франсоа Берлеан во главната улога.

The post Недела на франкофонски филм: Швајцарската комедија „Последниот танц“ вечерва во Кинотека appeared first on Република.

Во Кинотека на Македонија синоќа со проекцијата на францускиот филм „Што зборуваме, што правиме“ на режисерот Емануел Муре, од 2020 година беше отворена „Недела на франкофонскиот филм“.

После подолго време повторно се враќаме на франкофонијата и на франкофонските филмови. Прв пат после подолг период имаме и три амбасадори вечерва со нас Н.Е. г-дин Сирил Бомгартнер, Амбасадор на Франција и Н.Е. г-ѓа Вероник Хулман, Амбасадорка на Швајцарија во Македонија и Н.Е. Моника Аксинте, Амбасадорка на Романија во Македонија. Посакувам да имаме што почесто филмови од нивните земји, истакна на синоќешното отворање директорот на Кинотека, Владимир Ангелов.

На свеченото отворање се обратија амбасадорите на Франција, Швајцарија и Романија во Македонија.

Ми претставува големо задоволство да присуствувам на отворањето на неделата на франкофонски филм. Во екот сме на прославата на Месецот на Франкофонијата, во прославувањето на јазикот кој сите го зборуваме. Македонија е полноправна членка на Франкофонијата и се трудиме со политичка поддршка на највисоко ниво да дадеме силна поддршка да се зголеми изучувањето на францускиот јазик на заслуженото ниво. Франкофонијата ги претставува сите наши заеднички вредности, и денеска ние сме горди повеќе од било кога бидејќи ги браниме во време кое претставува будење на Европа. Франкофонијата е празник на културната разноликост и размена на култури. Седмата уметност во таа насока е исто така еден вектор. Во текот на оваа недела на франкофонски филм ќе ви претставиме четири филмови со поддршка на амбасадите на Швајцарија и Романија. Се обидовме преку овие филмови да го претставиме богатството и разновидноста на филмското творештво во франкофонскиот простор. Вечерашниот филм говори за постоењето, но и непостојаноста на љубовните врски. Ова е последно филмско остварување на режисерот Емануел Муре кое беше претставено во официјалната програма на фестивалот во Кан во 2020 година, рече францускиот амбасадор, Сирил Бомгартнер.

https://www.youtube.com/watch?v=Gj0YLfcMVMA

Франкофонијата е збир на вредности кои ние сите заедно ги споделуваме и кои денеска повеќе од било кога треба да бидат одбранети. Швајцарија на недела на франкофонскиот филм го прикажува филмот „Семејство“ на Фредерик Бајиф.

https://www.youtube.com/watch?v=Jy1LOMIt7pE

Среќна сум поради културната разновидност која ја носи францускиот јазик. Сите ние имаме свој идентитет, но зад јазикот кој го споделуваме се кријат најразлични изрази и пристапи и со тоа се покажува целото богатство што со себе го носи Франкофонијата. Културната и јазичната разновидност не се секогаш лесни за носење. Во Швајцарија се говорат четири јазици, од кои три се официјални, меѓу нив е и францускиот јазик. Зад таа јазична разновидност, тој швајцарски идентитет, тој јазик со себе носи одреден идентитет, но воедно преку него се доаѓа до меѓусебно разбирање, носи богатство, а тоа ја прави Швајцарија голема. Утревечер ќе имате можност да погледнете швајцарски филм кој ги прикажува односите меѓу конзервативниот дел од семејството со оној помладиот понапреден дел, посочи амбасадорката на Швајцарија Вероник Хулман.

Амбасадата на Романија годинава се приклучи на прославата на Франкофонијата со прикажување на документарниот филм „Дива Романија“.

https://www.youtube.com/watch?v=zDHU1x3hkTs

Амбасадата на Романија е почестена што вечерва е дел од прославата на Франкофонијата, која е заедница на споделени вредности, на еден свет за кој сакаме да биде слободен и демократски. Со оглед дека овој месец го славиме месецот на Франкофонијата и дека Романија е земја светилник на франкофонијата во Централна и Источна Европа, јас вечерва би сакала да и честитам на Македонија за учеството и поддршката на францускиот јазик.  Романија оваа година како шридонес во франкофонскиот филм прикажува документарен филм посветен на природата на Романија, истакна амбасадорката на Романија во Македонија, Моника Аксинте.

Останатите проекции во рамките на Неделата на франкофонскиот филм се: в петок 25 март 2022, во 20:00 ч., швајцарскиот филм „Семејство“ на Фредерик Бајиф (2022) ; в сабота 26 март 2022, во 18:00 ч. белгискиот филм „Богородица од Нил“ на Атик Рахими (2020 год.), и во 20:00 ч., романскиот документарен филм „Дива Романија“.

Сите филмови се прикажуваат со превод на македонски јазик, а за романскиот филм обезбеден е само превод на француски јазик.

Влезници за проекциите се резервираат и се подигнуваат во Кинотеката.

The post Франкофонијата е збир на вредности кои ние сите заедно ги споделуваме и кои денеска повеќе од било кога треба да бидат одбранети appeared first on Република.

Со проекцијата на филмот „Што зборуваме, што правиме“ на режисерот Емануел Муре, вечерва, на 24 март, четврток, во 20 часот во Кинотеката започнува Неделата на франкофонски филм.

В петок во 20 часот ќе се одржи проекција на швајцарскиот филм „Семејство“ на Фредерик Бајиф, додека в сабота во 18 часот ќе се одржи проекција на белгискиот филм „Богородица од Нил“ на Атик Рахими. Веднаш потоа, во 20 часот, е закажана проекција на романскиот документарен филм „Дива Романија“.

Настанот се реализира по повод одбележувањето на Месецот на франкофонијата, а го организира Францускиот институт во Скопје заедно со Амбасадата на Швајцарија, Амбасадата на Романија и Кинотека.

Инаку, сите филмови ќе се прикажуваат со превод на македонски јазик, а за романскиот филм е обезбеден само превод на француски јазик, истакнуваат од Францускиот институт во Скопје.

The post Со „Што зборуваме, што правиме“ почнува Неделата на франкофонски филм во Кинотека appeared first on Република.