Навидум разрешница на кризата во Градот Скопје за комуналните проблеми и недоволниот број на автобуси за превоз на патници. Градоначалничката на Град Скопје, Данела Арсовска имаше средба со координаторите на советничките групи, по која претседателот на Советот Трајко Славески кажа дека советничките групи на наредната седница на 29 август ќе ги поддржат дополнителните програми за работа на „Комунална хигиена“ за вработување на околу 120 лица, како и за средства за ЈСП со пренамена од друг проект со кои ќе се репарираат и стават во функција уште 30 автобуси.

Во изјава за медиумите, премиерот Христијан Мицкоски вчера рече дека ќе ги замоли советниците од советничката група на ВМРО-ДПМНЕ и коалицијата на следната седница на Советот на Град Скопје да ги изгласаат програмите за кои градоначалничката Арсовска тврди дека ги блокираат, но смета дека тоа нема ништо да смени.

- Како претседател на ВМРО-ДПМНЕ ќе ги замолам советниците кои доаѓаат од советничката група на ВМРО-ДПМНЕ веднаш на следната седница да ги изгласаат програмите, но, не е до програмите, ќе видите веднаш, рече Мицкоски на новинарско прашање.

Арсовска претходно изјави дека на средбата со Мицкоски за состојбите во главниот град и било кажано дека долгот на Владата од осум милиони евра за бесплатниот студентски превоз што го реализира ЈСП Скопје би се исплатил со ребаланост преку повлекување на средства за изградба на нов булевар во Визбегово, но премиерот рече дека „тоа не е баш така како што било соопштено од градоначалничката“.

The post Ќе се најде ли решение за хаосот во Скопје? appeared first on Република.

Полицијата во Нојбранденбург, Германија објави фотографија од највалканиот автомобил на светот. Прирутинска контрола на 68-годишниот возач полицајците останале шокирани.

Volkswagen Caddy бил наполнет со неверојатно количество ѓубре кое буквално паѓало од прозорец. Остатоци од храна, пластични чаши и шишиња, лименки, догорчиња од цигари... На фотографијата се гледа дека ѓубрето достигнало висина на рамената на совозачката страна и се прелевало преку автомобилот.

Дијана Кругер, портпаролка на полициската станица во Нојбранденбург, објасни што пронашле во автомобилот: „Додека го проверувале 68-годишниот возач, полицајците откриле дека целиот багажник е полн со ѓубре.

Исто така, целата патничка кабина била полна со цигари, шишиња, хартија, пластика... Единственото возачко седиште беше слободно, но возачот седеше „залепен“ за воланот бидејќи не можеше да го помести седиштето од купот ѓубре. . Се чудеше зошто воопшто го спречиле.

Полициските службеници го спровеле возачот до неговата куќа, при што добил казна од 80 евра“, се вели во соопштението.

The post Полно со ѓубре до горе: Дали е ова највалканото возило на светот? appeared first on Република.