Министерката за одбрана Славјанка Петровска, денеска во Белград се сретна со министерот за одбрана на Србија, Небојша Стефановиќ со кого разговараше на повеќе теми вклучувајќи ја одбранбената соработка помеѓу двете земји, како и активното учество во регионалните иницијативи кои се катализатор за посилна регионална безбедност и стабилност. Петровска престојува во Белград во рамки на самитот на регионалната иницијатива „Отворен Балкан“, соопшти Министерството за одбрана.

Петровска на средбата истакнала дека Македонија и Србија се две соседни и пријателски земји и дека одличната меѓудржавна соработка може да се преслика и во доменот на одбраната.

Во однос на регионалните иницијативи во кои членуваат  двете земји – иницијативата СЕДМ, Балканските медицински сили, иницијативата Б-9 на началниците на Генералштаб и Центарот за безбедносна соработка – РАКВИАК, Петровска и Стефановиќ се согласија дека активното учество во овие иницијативи е од интерес и за Македонија и за Србија, се посочува во соопштението.

На средбата, како што се наведува, станало збор и за продолжувањето на соработката во доменот на односите со јавноста, имајќи предвид дека дел од сертифицираните медиа тренери во Регионалниот центар за односи со јавноста во Министерството за одбрана, се и од Република Србија.

The post Средба на министерката Петровска со српскиот колега Стефановиќ, зборувале за безбедноста во регионот appeared first on Република.

Српскиот министер за одбрана, Небојша Стефановиќ, соопшти дека авионот „Антонов 12“ што се урна во близина на Кавала, cеверна Грција, превезувал 11,5 тони муниција од српската наменска индустрија кон Бангладеш, а во несреќата загинале осум членови на екипажот.

Стефановиќ на прес-конференцијата информира дека авионот на украинската компанија „Меридијан ЛТД“ полетал од Ниш околу 20:40 часот и превезувал муниција на српската компанија „Валир“ за Министерството за одбрана на Бангладеш, при што биле планирани технички слетувања во Аман во Јордан, Ријад во и Ахмедабад, а требало да слета во Дака.

Овој авион ги имаше сите соодветни дозволи, се во согласност со меѓународните прописи - изјави Стефановиќ и додаде дека не се точни тврдењата на некои медиумите дека на тој лет се транспортирало оружје од Србија во Украина, оценувајќи ги како злонамерни и неточни.

The post Српскиот министер за одбрана: Урнатиот авион не транспортираше оружје за Украина, превезуваше муниција на српска компанија во Бангладеш appeared first on Република.

Сè пука од луксуз во вилата на министерот за одбрана Небојша Стефановиќ, која има околу 1.000 квадратни метри. Вредноста на куќата e oколу 3,2 милиони евра.

Стефановиќ претворил две куќи во една со пробиен ѕид меѓу нив. Создадена е подвижна библиотека, има двојни врати, на кои се направени полици.

Креветот во спалната соба е Ралф Лорен, витрините се од американски орев,столовите чинат дури 14.000 евра. Кожна фотелја, која штотуку е отпакувана, чинела малку помалку - велат извори.

Министерот само за мебел потрошил околу 120.000 евра а во куќата има теретана и базен.

The post Спална соба Ралф Лорен, теретана и столици од 14.000 евра: Ова е куќата на Небојша Стефановиќ appeared first on Република.

Небојша Стефановиќ во времето кога тој беше министер за полиција наплаќал долгови за семејството на Дарко Шариќ, а за тоа наводно земал и голема провизија, дознава „Република.рс“ од извори  од истрагата.

Министерот наводно им ветил на соработниците на наркобосот дека ќе помогне да му ги вратат 11-те милиони евра што државата му ги одзеде на Шариќ.

Според информациите од истрагата, Стефановиќ за услугите од Шариќ добил луксузен часовеник проценет околу 17.000 евра.

The post Небојша Стефановиќ наплаќал долгови за Дарко Шариќ! appeared first on Република.