Движењето за ослободување на грчките плажи од узурпација и акциите против „пешкир резевациите“ на јавниот простор актуелно се и на популарните дестинации на Халкидики.

Според информациите објавени на Фејсбук групата „Грчка инфор“ во текот на вчерашниот ден на плажата во Неа Флогита комуналците со багери ја расчистувале плажата и ги собирале пешкирите, лежалките и чадорите оставени на плажата за да „чуваат место“.

Туристите информираат и за слична акција спроведена утрово во Неа Каликратија.

„Општинските власти штотуку ги собраа сите пешкири, чадори и столчиња од плажата каде што нема никој“ – објави еден член на групата.

Според информациите објавени во грчките медиуми, општинските власти во Мудања и Неа Каликратија преку локалните медиуми и социјалните мрежи неколку дена ги предупредувале посетителите да не ги оставаат своите работи на јавните плажи.

The post Комуналците во Неа Каликратија и Неа Флогита со багери ги собираат оставените пешкири и чадори на плажа appeared first on Република.

Завршена е обдукцијата на телото на 15-годишното момче кое почина во неделата попладне додека пливало на плажата Неа Фогитоa на Халкидики.

Информациите на грчките медиуми говорат дека причина за смртта е давење, нешто што го утврдил судско-медицинскиот преглед.

Во следниот период се очекуваат и резултати од хистолошки прегледи за да се покаже дали 15-годишното дете загубило свест од друга причина додека било во вода или се удавило додека пливало.

Момчето било починато кога го извлекле на брегот, па обидите за реанимација биле неуспешни.

The post Позната причината за смртта на 15-годишното момче на Неа Флогита appeared first on Република.

Петнаесетгодишно момче го загуби животот во водите на Егејското Море. Грчките медиуми информираат дека тинејџерот бил извлечен од водата во бесознание, со пена на устата и за кратко била констатирана смрт. Инцидентот се случил околу пладне во Неа Флогита, Халкидики,
Грција.

Според грчките медиуми момчето го забележал роднина, но мислел дека се шегува. Кога сфатил дека вистина се дави, влегол да му помогне, но било предоцна. Иако присутните на плажата во Неа Флогита се обиделе да го реанимираат, во Здравствениот дом во Мудања, констатирале смрт.
Сè уште не се знае дали е турист и од која земја, како и од што починал.

The post Се удави 15-годишен тинејџер кај Неа Флогита appeared first on Република.

Србинка која купила стан во Неа Флогита во Грција раскажува колку чини задоволството да имате свое место покрај море.Таа вели дека самиот стан или студио на приземје го платила околу 40.000 евра но оти има многу скриени трошоци. Сметките, објаснува таа можат да достигнат и 800 евра месечно.

Плативме 1.200 евра за нотар и адвокат да се запишат во новиот катастар за 250 евра, 50 евра за отворање даночен број и 2% провизија на агенцијата за 1.440 евра..Интернет се плаќа околу 25 евра месечно и струја два месеци по е-пошта, вода двапати годишно и данок на имот еднаш годишно-објаснува Бранислава.

The post Задоволството се плаќа: Ако купите стан во Грција, подгответе се да издвоите и по 800 евра за сметки appeared first on Република.