Симоне Инзаги, тренерот на италијанскиот фудбалски клуб Интер, дал изјава во полиција како дел од истрагата за врските меѓу навивачки групи и криминални организации, пренесуваат италијанските медиуми. Инзаги е сослушан како сведок.

Минатата недела италијанската полиција уапси 19 навивачи на Интер и Милан, од кои многумина се осомничени за врски со калабриската мафија „Ндрангета“.

Налогот за апсење е составен на 568 страници. Содржи детали за телефонскиот разговор помеѓу лидерот на навивачите на Интер, Марко Федерико и Инзаги пред почетокот на финалето на Лигата на шампионите во 2023 година. Тој побара од тренерот да лобира кај директорите на клубовите за повеќе билети за поддржувачите на неговата навивачка група.

Според италијанските обвинители, двата тима не се одговорни страни во истрагата, но мора да ја преиспитаат нивната политика за активности поврзани со навивачите, како и нивната деловна структура, со цел да се избегне инфилтрација на осомничени во криминал.

Интер не го коментираше случајот. Претседателот Џузепе Марота рече дека клубот соработува со властите

The post Дали навивачите на Интер се поврзани со италијанската мафија „Ндрангета“? appeared first on Република.

Пасквале Бонавота (49), водачот на Ндрангета, една од најголемите италијански мафијашки организации, е уапсен во катедрала во Џенова и со себе имал лажни лични документи.

Тој се бараше од 2018 година, откако избегна апсење по потерница за убиство и мафијашко здружување.

Бонавота е на чело на најмоќното италијанско мафијашко семејство, за кое се верува дека контролира 80 отсто од нелегалниот пазар на кокаин во Европа.

Тој е еден од обвинетите во актуелната голема судска постапка во која околу 300 лица се осомничени за дела поврзани со организиран криминал.

Бонавота е опишан како водач кој „ги донесува најважните одлуки“ заедно со другите шефови на „Ндрангета“ и се грижи за интересите на оваа мафијашка организација во областа Рим, како што се коцкањето и трговијата со дрога, наведува агенцијата АФП. .

The post Имал лажен пасош, дали бил македонски? Уапсен водачот на италијанската мафија Ндрангета appeared first on Република.

Вељко Беливук и италијанската мафија. Смртоносна комбинација која на хартија се оствари, но, за среќа, не до крај и реално

Kaко Кавачкиот клан на чело со Радоје Звичер и Вељко Беливук во Србија, формирал криминална група во Италија заедно со мафијашите кои некогаш соработувале со Жељко Ражнатовиќ. Според италијанските медиуми, тие формирале силна група чиј центар бил во градот Фоџа?-анализира „Курир.рс“.

Заменик-обвинителот во Фоџа, Антонио Ларонга, кој ја објави книгата „Мафијашки кварт“, изјави дека подрегионот Гаргано во Пула е еден вид балкон за Балканот - каде се доставуваат наркотици и оружје од Црна Гора и Албанија.

Единствената грешка што ја направил е што новата мафија на италијанска почва ја означил како четврта мафија  иако таа практично била петта по ред што се формирала. Но, за кратко време се обиде да се пробие на самиот врв на мафијашката листа. Идејата била да се пробие на првото или второто место кое со децении го држат неприкосновените Коза Ностра и Ндрангета.

- Веројатно следејќи ги упатствата на Звицер и Беливук, а имајќи огромни суми пари и кокаин, набавени преку врски од Јужна Америка, овие мафијаши зад кои всушност стоеле водачите на кланот од Балканот, влегле во војна со водачите на Италијански банди. Никој не знае како би завршила таа војна, ако се земе предвид дека во меѓувреме „кавачкиот клан“ беше разбиен благодарение на акциите на српската полиција - објаснува за „Курир.рс“ соговорникот од безбедносните структури, добро запознаен со сите случувања во овој дел на Европа.

Во суштина, вели тој, во градот Фоџа  е формирана сериозна мафијашка група за која италијанските медиуми почнаа да пишуваат по серијата експлози во градот и регионот.

The post Веља невоља сакал да им влезе во „бизнисот“ на Коза Ностра и Ндрангета appeared first on Република.

Откако српските власти објави дека водачот на Кавачкиот клан Радоје Звицер подготвувал атентат врз претседателот Александар Вучиќ, македонското МВР побрза да објави дека пасошите на овие криминалци се поништени. МВР не демантира дека им издале пасоши туку дека патните исправи веќе се поништени и тие не можат веќе да ги користат за патување.

„Република“ направи пресек кој се од светските и балканските криминалци станаа „Македонци“

Најголемо внимание предизвика Седат Пекер од Турција. Тој самиот објави дека се се сретнал со Заев во неговиот дом и оти македонската лична карта ја добил откако се сликал во полициската станица во Драчево. Тој го доби името Џадин Адемовски.

Пекер во Македонија воопшто не се криеше и се шеташе на Матка, низ Кејот а се фотографираше со членови и активисти на СДСМ а за него беа и обезбедени и автомобили со флешери за побрзо да се пробива низ гужвата.

Во Црна Гора владеат два клана Кавачки и Шкаљарски.Заев и МВР не ги делеле и на двајцата нивни водачи им доделиле македонски пасош.

Јовица Вукотиќ од Шкаљарците самиот во судот во Белград призна дека има македонски пасош на име Георги Андонов и за него платил помеѓу 15 и 25.000 евра. Со него беше и уапсен во Анкара Турција.

При апсењето тој тврдеше дека пасошот е најрегуларен и тоа е точно.Тоа се нормални пасоши на луѓе кои навистина постојат но никогаш не аплицирале за пасош и на кои само е вметната фотографија од криминалците.

Како егзекутор на Кавачкиот клан е познат Стефан Ѓукиќ кој исто така доби македонски пасош и стана Каче Герги.

Македонски патни исправи добиле и Игор Дедовиќ и Стеван Стаматовиќ од Шкаљарскиот клан кои во 2020 година беа изрешетани во ресторан во Атина.Тие во 2018 година станаа Горан Тасевски и Емил Филипов но нашите патни исправи не ги спасија од одмаздата на Кавачкиот клан.

Македонец по заслуга на Заев и Спасовски стана и водачот на италијанската мафија Ндрангета. Валид Иса Хмаис кој важи за главниот перач на пари од трговијата со кокаин на италијанската нарко мафија на 09.01.2019 година во Скопје во регуларна постапка се сликал во управните служби на МВР, а потоа и го подигнал македонскиот пасош со украден идентитет на Македонец од Корча, Вурмо Таќо роден 1965-тата година.

И како за финале пред неколку месеци беше откриено и дека Луис Волина, косовски нарко бос беше фатен во Шпанија со македонски пасош и осуден на пет години затвор.

The post Не е само Звицер: Maкедонски пасоши добија и Седат Пекер, водачот на „Шкаљарците“ Вукотиќ и на италијанската „Ндрангета“ appeared first on Република.