Европската фудбалска федерација (УЕФА) објави вечерва дека отвори истрага против албанскиот репрезентативец Мирилинд Даку во врска со националистичките скандирања против македонската држава по завршувањето на вчерашниот дуел на ЕВРО2024 меѓу Албанија и Хрватска.

Даку, кој е роден во Косово, по завршувањето на натпреварот од второто коло во групата Б меѓу Албанија и Хрватска се упати кон трибините на стадионот во Хамбург и преку мегафон ги навредуваше Македонците и македонската држава, а потоа ги повика во тоа да му се приклучат и навивачите на албанската репрезентација.

https://republika.mk/sport/fudbal/se-oglasi-ruskiot-klub-vo-koj-nastapuva-ptsujachot-na-makedontsite-kaznata-e-privilegija-na-uefa/

Претходно денеска, Фудбалската федерација на Македонија (ФФМ) ги „осуди постапките“ на Даку и побара „релевантните институции да го истражат овој инцидент и да преземат соодветни дисциплински мерки за зајакнување на стандардите на однесување што се очекуваат од сите спортисти“.

Паралелно со истрагата против Даку, УЕФА соопшти дека отвори истрага за расистичко и дискриминаторско однесување на навивачите кои од трибините во Хамбург го следеа вчерашниот дуел меѓу Албанија и Хрватска.

Во текот на второто полувреме од трибините на стадионот можеше да се слушне како дел од албанските и хрватските навивачи заедно скандираат „Убиј го Србинот“.

Барање за поведување истрага во текот на денот дојде и од Фудбалската федерација на Србија (ФСС), чиј генерален секретар Јован Шурбановиќ не ја исклучи можноста српската репрезентација да се повлече од ЕВРО2024 доколку инволвираните страни во инцидентот не бидат соодветно казнети.

The post За пцуењето на Македонците: УЕФА отвори истрага против албанскиот репрезентативец Даку appeared first on Република.

Кандидатот за претседателт, проф.Гордана Силјановска Давкова денеска поднесе нова преставка до Државната изборна комисија, Комисијата за заштита од дискриминација, ОБСЕ – Организација за безбедност и соработка на Европа, Мисијата на ОБСЕ во Скопје, Мисија за набљудување на изборите (ЕОМ) при ОБСЕ – Канцеларија за демократски институции и човекови права, Националниот демократски институт, Хелсиншки комитет за човекови права.

Во преставката се констатира дека и покрај потпишаниот Кодекс за фер и демократски избори во периодот од 10 до 14 април 2024 г. различни лица вклучени во неговата кампања, вклучително и самиот кандидат Стево Пендаровски, го кршат Кодексот и предизвикуваат вознемирување и повреда на личното достоинство на Силјановска Давкова, во согласност со член 10 став 1 од Законот за спречување и заштита од дискриминација.

Објективизација и потчинетост на мене како жена се забележува во:

- говорот на кандидатот за претседател Стево Пендаровски на митингот на СДСМ во Кавадарци на 10 април 2024 година: „Христијан Мицкоски да набави „џи-пи-ес“ за неговата кандидатка“;

- говорот на претседателот на Социјалдемократскиот сојуз на Македонија, Димитар Ковачевски на митингот на СДСМ во Општина Карпош – Скопје на 12 април 2024 година: - „Јас не ја кандидирав тетка ми Жана за претседател на држава, па да морам да ја шетам по цела Македонија“ ;

- Дискриминација врз основа на пол, возраст и сексизам се забележува и во јавното обраќање на граѓанин на митинг на СДСМ во Куманово на 14 април 2024 година: „Од баба невеста не бидува“, се вели во претставката.

Во претставката се потенцира дека ваквите изјави и однесување не се осудени од: кандидатот Стево Пендаровски, раководството на СДСМ, ниту, пак, од Форумот на жени на СДСМ; напротив од однесувањето на Ковачевски и Пендаровски овие постапки се одобрени и поттикнати со смеење, ракоплескање, и триумфално однесување.

Навредите и говорот на омраза и јавното демонстрирање на мизогинија се користат на митинзи и на други јавни настапи со цел да се влијае врз јавното мислење и да се предизвикаат реакции на исмејување од страна на присутните граѓани во толпата. Сето ова води кон поттикнување и охрабрување дискриминација и сексизам.
Со својата кампања Стево Пендаровски, поддржан од СДСМ, ги прекршува човекови права Гордана Силјановска Давкова и повредува неколку одредби од Уставот за кои се образложува во преставката, велат од тимот на професорката од каде ги повикуваат медиумите будно да ја следат состојбата, да комуницираат со домашните и меѓународните институции во врска со оваа преставка и со нарушените права на претседателскиот кандидат Гордана Силјановска Давкова.

The post По низата навреди кон неа, Силјановска Давкова со нова преставка до ДИК, КСЗД, ОБСЕ, НДИ, Хелсиншки… appeared first on Република.

Форумот на жени на Либерално демократската партија (ЛДП) најостро го осуди недоличниот и навредлив коментар што беше упатен од страна на еден од присутните на вчерашниот митинг во Куманово, кон кандидатката за претседател од ВМРО-ДПМНЕ Гордана Силјановска Давкова.

Во време кога максимално се стремиме да живееме демократски, сметаме дека секоја форма на говор на омраза е неприфатлива и нечовечна, затоа најостро го осудуваме навредливиот коментар на еден од присутните граѓани на вчерашниот митинг во Куманово, насочен кон кандидатката за претседател Гордана Силјановска Давкова, истакнаа од Форумот на жени на ЛДП.

Оттаму потенцираа дека говорот на омраза врз жените во политиката има штетно влијание не само врз поедини жени и нивната благосостојба, туку и врз општата мотивација на жените активно да се вклучат во политичкиот и општествениот живот.

Крајно време е да се покрене јавната свест за штетноста на таквото однесување. Крајно време е да бидеме прифатени и целосно да се исфрли ваквиот вид на реторика, бидејќи сме еднакви и секојдневно докажуваме колку можеме и знаеме. Исто така, од исклучително значење е секој да сноси одговорност за своето постапување, порачаа од Форумот на жени на ЛДП.

Тие нагласија дека гласно се спротивставуваат на каков било облик на дискриминација на жените кои се вклучени на политичката сцена.

Форумот на жени на ЛДП гласно кажува НЕ на вербално родово-базирано насилство, закани, говор на омраза, навреди, омаловажувања, притисоци, дискриминација, сексизам, затоа што насилството кон жени во политиката не познава етничка и политичка припадност, заклучија оттаму.

Оваа реакција треба да претставува пример за сите политички партии, да се престане со дискриминација на жените јавно во политиката.

The post И од коалиционата ЛДП со осуди за навредите на митингот на СДСМ appeared first on Република.

Исценираните и однапред договорени прашања и одговори од страна на идната опозиција, кои изобилуваат со навреди кон професорката Гордана Силјановска Давкова дефинитивно ја потврдуваат паниката која владее помеѓу нивните редови, реагира Гордана Димитриеска Кочоска, потпретседател на ВМРО-ДПМНЕ, по вчерашните навреди кон претседателската кандидатка за време на митингот на СДСМ и нивниот кандидат Стево Пендаровски.

https://republika.mk/vesti/makedonija/srede-miting-ja-navreduvaat-siljanovska-davkova-i-sekoja-edna-zhena-stevo-i-bogdanka-se-kezat/

Се удираат во гради дека се за ЕУ и дека се прозападни, но од тие вредности немаат ништо, голема нула! Со ваков говор ги навредија и политичарите од западот, од ЕУ... Дали се свесни?
До крајот на кампањата уште што треба да очекуваме? Дали има дно кое не го пробија?
Почитувани идни опозиционери, додека не си ја промените менталната матрица на која робувате, никогаш повеќе нема да ја добиете довербата на народот.
Македонскиот народ има вредности и принципи, истиот тој народ нема да дозволи да биде претставуван од луѓе како вас.
Доаѓа крајот за навредите и понижувањата!
Македонија ќе биде повторно горда!, порача Димитриеска Кочоска.

The post „Кое дно ќе го допрете до крај на кампања?“ прашува Димитриеска Кочоска по вчерашните навреди кон Силјановска Давкова appeared first on Република.

Од Гоце Михајловски, поглуп е само Иван Мирчевски, напиша на Фејсбук, Димитар Апасиев од Левица.

The post Кој е глуп, а кој поглуп: Апасиев со навреди кон новинарите appeared first on Република.

Транспарент со текст „Црквата да одј*бе" беше централен декор на на протестот кој се одржа на 8 март, во Скопје, во организација на извесно здружение за родова еднаквост по повод Меѓународниот ден на жената.

Крајно иронично, организаторите на собирот говорејќи за потребата од постигнување на целосна еднаквост, всушност упатија жестоки навреди кон големото тивко мнoзинство грашани со изразена религиска свест, како и кон Црквата како институција.

The post Срамота: Навреди против Црквата на протестот на Здружението за родова еднаквост appeared first on Република.

„И денеска се продолжува со понижувањето на македонската демократија, во собранието од страна на нелегитимниот премиер кој што во утринските часови прекинуваше пратеници со дофрлања од место дека многу викале и не можел да ги слуша. Очигледно е дека премиерот деновиве има проблем со вниманието е и не е подготвен да се соочи со аргуиментите на опозицијата. Излегува и чита готови прес конференции“, нагласи Ковачки.

Пратеникот од ВМРО-ДПМНЕ, Ковачки истакна дека во обид за дефокус премиерот ја навредил колешката Бети на сексистичка основа.

„Во обид за дефокус премиерот и денес навреди нашата колешка на сексистичка основа а во текот на вчерашниот ден колега го нарече дека е глупи август а се дополни со нова изјава дека бил пион кој што можел да стане кралица, но коњот засекогаш ќе останел коњ. Брука, ова е дно. Обичниот пион на Груби односно на Артан Груби пати од комплекс на помала вредност затоа што не бил на избори и не е избран.Но сепак сака да стане кралица и мисли дека може да ги навредува избраните пратеници“, истакна Ковачки.

Пратеникот Ковачки упати прашање до премиерот до каде се проектите што ги ветувале и зошто нема ниту еден реализирано.

„До каде е гасификацијата на Гостивар, до каде е гасификацијата на Штип до каде е реконструкцијата на регионалниот пат Македонски Брод-Скопје, сте ветиле изградба на старечки дом во Кочани, отворен и затворен базен, изградба на спортска сала, до каде се овие проект, ветувавте граничен премин Клепало, изградба на пат Берово-Радовиш, ништо не е реализирано ништо од ова што сте го ветиле, новата влада ќе има најкраток век на траење“, нагласи Ковачки.

The post Ковачки: Ковачевски ја навреди пратеничката Бети Стаменкоска на сексистичка основа, бидејќи пати од комплекс на ниска вредност затоа што не бил на избори и не го бирал народ appeared first on Република.

Тешка навреда се случи на седницата на Советот на Град Скопје, кога заменикот на градночалничката Данела Арсовска, Александар Трајановски од партијата ГРОМ, боксерски клуб го нарече тепачки чиишто членови наводно се во затвор.

На денешната седница се дискутираше по иницијативата на десетина спортски клубови кои ги користеа просториите на спортската сала на средното училиште „Кочо Рацин“ во скопската општина Ѓорче Петров, а кои на почетокот од месецов беа оставени на улица. Жителите на населбата чии деца спортуваа во салата посочуваат дека зад тоа стојат бизнис интереси на човек кој важи за близок до градоначалничката на Градот Скопје.

Сите спортски клубови коишто се регистрирани во општина Ѓорче Петров на почетокот од февраури испратија барање за користење на салата до градоначалникот на Град Скопје и секретарот на Град Скопје, но наместо позитивен одговор добија вонреден инспекциски надзор.

Погледнете го видеото овде.

The post Заменикот на Арсовска со тешки навреди кон членови на спортски клуб appeared first on Република.

Повеќе на селски пазар отколку на Собрание наликува деновиве парламентарниот дом на чело со Талат Џафери. Додека во тек се седниците за владината реконструкција и пратенички прашања, спикерот не се воздржуваше од навреди кон пратениците на ВМРО-ДПМНЕ.

https://republika.mk/vesti/makedonija/vmro-dpmne-go-osuduvame-navredliviot-govor-od-dhaferi-upaten-kon-janushev/

Иако никој не смее ни да го чепне „неговото дете, кое има право да работи“, поточно возрасниот негов Барлет кој полагал правосуден пред дипломирање, затоа што му се може, Џафери во негов прост стил сега на Игор Јанушев му порача „да си го реши проблемот со децата“.

The post „Ако си има проблем со децата…“: Џафери од говорница ко на пазар, посегна по најмилото на Јанушев appeared first on Република.

Новинарката од Косово, Зана Авдиу е на мета на навреди, па дури и смртни закани поради критики кон швајцарскиот репрезентативец Гранит Џака и неговото однесување во натпреварот во групната фаза против Србија.

Потегот на Гранит Џака е срамен. Ретко кој не ја сподели таа фотографија, тоа значи нулта ниво во некоја наша држава, искоментира новинарката за непримерниот гест на Џака.

Со тој коментар таа го навлече гневот на косовската јавност, па дури добивала и смртни закани. Во медиумите се огласи и нејзиниот адвокат Арианит Кочи.

Нормално е да имаме различни ставови и да не се согласуваме за некои работи, но вакви закани се недозволиви во еден цивилизиран свет. Тоа што кон неа се вперува прстот и од јавни личности само се зголемуваат заканите, објасни Кочи.

The post „К*рво, да ми го јадеш“: Навреди и смртни закани кон косовската новинарка што го критикуваше Џака appeared first on Република.

„Ти дужам едно шљакање тебе дебели, се сеќаваш?“

Со овие зборови порашниот шеф на кабинетот на Петре Шилегов, инаку внук на поранешната вицепремиерка Радмила Шекеринска, му се заканува на водителот Јанко Илковски, кој му враќа со благодарност за навредите.

Ти се може, му враќа Илковски.

Наумоски, за кого Горан Стефановски е националист и гастербајтер, неславно си замина од Град Скопје, каде сè уште должи отчет за народните пари потрошени по кафани.

https://republika.mk/vesti/skopje/arsovska-shefot-na-kabinet-na-shilegov-naumoski-treba-da-dade-otchet-za-zloupotrebite-i-potrosheni-pari/

The post „Ти дужам шљакање, дебели“: Шефот на кабинет на Шилегов Никола Наумоски со закани кон Јанко Илковски appeared first on Република.