Натпреварот од 16. коло во шпанското фудбалско првенство меѓу Гранада и Атлетик Билбао е прекинат вечерва во 18. минута, откако еден навивач на трибините на стадионот „Нуево Лос Карменес“ почина по добиен срцев удар.

Пред да биде прекинат натпреварот, гостинската екипа дојде во водство со голот на Инаки Вилијамс во 6 минута.

Дванаесет минути подоцна главниот судија Мигуел Анхел Отиз означи прекин на играта, откако гостинскиот голман Унаи Симон му укажа на метеж на трибините, каде веднаш се упатија лекарите од двете екипи. Несреќниот навивач не можел да се спаси ниту кога брзата помош се обидела да го реанимира на лице место.

По повеќе од 20 минути чекање натпреварот да продолжи, судијата ги испрати играчите од двете екипи во соблекувалните. Речиси еден час по прекинот официјално беше објавено дека натпреварот вечерва нема да биде продолжен

The post Натревар прекинат откако навивач почина на трибини appeared first on Република.

Грчкиот портал Прототема објави шокантни видео снимки од последните моменти на животот на убиениот навивач на АЕК, Михалис Катсоурис.

Ντοκουμέντο από τη δικογραφία για τη δολοφονία του Μιχάλη: Φτάνει στο περίπτερο χτυπημένος από το μαχαίρι pic.twitter.com/urcsuhaMJ2

— kakajason (@kakajason50) August 17, 2023

Снимките ги проучуваат грчките власти како би го идентификувале убиецот, односно кој на 29 годишниот навивач му задал смртоносен убод.

The post Објавена вознемирувачка снимка од последните моменти на убиениот грчки навивач: Влетал крвав во продавница и починал appeared first on Република.

Длабока рана на подлактицата од убод со нож е причина за смртта на 29-годишниот навивач на АЕК, покажа извештајот од форензиката. Раната ја добил во тепачката меѓу навивачите на АЕК и Динамо Загреб во предградието на Атина до Нова Филаделфија.

Во извештајот се наведува жртвата најверојатно се обидела да се одбрани. Прободувањето предизвикало неконтролирано крварење, од кое Кацурис починал во рок од 10 минути, се вели во извештајот што го објави „Катимерини“.

Како што е наведено, властите се обидуваат да го идентификуваат сторителот на убиството на Кацурис преку ДНК тест и затоа детално ги испитуваат сите расположливи предмети што ги имале навивачите на Динамо, како ножеви, палки, метални предмети, камења, димни бомби, качулки, ракавици, спрејови.

The post Длабока рана на подлактицата од убод со нож е причина за смртта на 29-годишниот навивач на АЕК, покажа обдукцијата appeared first on Република.

Георгиос Мазиас, новинар и директор на грчки дневен спортски весник ги предупредува хрватските граѓани кои се наоѓаат во Грција да бидат внимателни, укажувајќи на расположението што владее во земјата по убиството на грчкиот навивач на АЕК во Атина.

Доколку сте Хрват и моментално сте на одмор во Грција, добро камуфлирајте го тоа, не се истакнувајте и не кажувајте од каде сте, особено ако сте на одмор со семејството, порачува новинарот добронамерно.

The post „Ако сте Хрват на одмор во Грција, добро кријте го тоа“, порачува Мазиас appeared first on Република.

Голем пресврт во истрагата за убиството на 29-годишниот навивач на АЕК во Атина, објави хрватскиот весник „Вечерњи лист“.

Првите наводи беа дека за убиството на 29-годишниот Михалис Кучурис е осомничен хрватски државјанин, но новите податоци сепак укажуваат дека се работи за Грк!

„Вечерњи лист“, кој се повикува на изјавата на репортерот на Нова ТВ, наведува дека убиството најверојатно го извршил грчки државјанин.

Според неофицијални информации, полицијата има отпечатоци од убиецот, а тој наводно е грчки државјанин, рече репортерот на Нова ТВ.

Сите приведени се претходно однесени на ДНК тест, а убиецот оставил траги на починатиот навивач.

Наскоро се очекува да биде објавен идентитетот на убиецот.

The post Пресврт во истрагата: Хрватот не го убил навивачот на АЕК? appeared first on Република.

Како што јавуваат хрватските медиуми, повикувајќи се на грчки и албански медиуми, осомничениот, 19-годишниот хрватски хулиган, за убиството на навивач на АЕК во Атина е приведен на границата со Албанија.

Наводно се обидел да побегне со автобус, но грчката полиција го уапсила на граничниот премин Какавија, јавува грчка То Вима.

На истиот премин биле запрени уште десет Хрвати и се разговара дали ќе бидат приведени или ослободени, јавува албански Топ Чанел. Додаваат дека уапсениот осомничен за убиството е 19- годишниот Домагој Пезер од Загреб.

Уапсени се уште седум навивачи на Динамо. Се обиделе да побегнат од Грција, а во комбето со кое патувале биле пронајдени ножеви и палки.

https://republika.mk/sport/fudbal/iako-im-beshe-zabreneto-da-dojdat-navivachite-na-dinamo-probodea-fan-na-aek-srede-atina/

The post 19-годишниот хрватски хулиган кој со нож уби грчки навивач е упасен на граница со Албанија, јавуваат медиумите appeared first on Република.

Грчките медиуми пренесуваат дека обвинителите од Атина се сигурни дека убиецот на 29-годишниот Михалис Кацурис е меѓу 98 уапсени хрватски навивачи на Динамо Загреб кои во моментов се во притвор.

За време на хаосот кој во Атина го приредија Хрватите и во кој навивачот на АЕК е брутално убиен, медиумите пишуваат дека убиецот оставил своја ДНК трага на настраданото момче.

Грчките власти во моментов спроведуваат идентификација на сите уапсени со земање генетски материјал кој ќе се спореди со оној на облеката на убиеното момче.

Според информациите, убиецот на Михалис по злочинот се погрижил да го сокрие ножот. Полициската потрага по ножот кој треба да е и клучен доказ е во тек, но засега нема вести дека е пронајден. Се земаат и изјави од сведоците а се анализираат детално и сите видео-снимки од камерите од местото на случувањето.

The post Убиецот на навивачот на АЕК е меѓу 98 уапсени Хрвати кои се во притвор во Атина, тврди грчката полиција appeared first on Република.

Грчкиот навивач на АЕК, 29-годишниот Михаил, вчера беше убиен со нож во Атина при пресметката со хулиганите на Динамо Загреб.

Медиумите од нашиот јужен сосед пишуваат дека мајката на Михаил доживеала срцев удар откако дознала дека нејзиниот син е мртов. Според информациите, таа со возило на Итна помош веднаш била пренесена во болница.

Натпреварот меѓу АЕК и Динамо во Атина е одложен и ќе се одигра на 19 август.

The post Мајката на убиениот грчки навивач доживеа срцев удар appeared first on Република.

Мајката на убиениот 29-годишен навивач на АЕК доживеа инфаркт, пренесува грчки „Њузбомб“.

Срцето на мајката на 29-годишниот Михалис не издржа, кога ја слушна трагичната вест, пишува порталот.

Во моментот кога и ја соопштиле тажната вест, таа загубила свест и паднала, по што веднаш е хоспитализирана.

Пред болницата има силни полициски сили кои ја обезбедуваат зградата, бидејќи во неа се згрижени и повредените навивачи на Динамо Загреб.

The post Мајката на убиениот навивач на АЕК доживеала инфаркт appeared first on Република.

Објавена е фотографијата на 22-годишникот кој вчера настрада во немирите предизвикани од навивачите на Динамо Загреб во Атина.

Станува збор за Михалис Кацурис, навивач на АЕК, кој случајно се нашол во областа „повторно полнејќи ги со крв грчките трибини во уште една трагедија за грчките навивачи“, пишуваат утрово грчките медиуми.

И покрај забраната за присуство на навивачи на гостинскиот тим на натпреварот, тие сепак со автомобили и автобуси дошле во Атина и кусо пред полноќ стигнале до стадионот на АЕК, кој бил затворен и предизвикале сериозни инциденти.

Од грчката полиција преку соопштение појаснија дека групата од околу 100-120 навивачи на хрватскиот клуб, заедно со грчки навивачи-соработници стигнале во близина на стадионот на атинскиот тим, каде што биле поддржувачите на АЕК, јави дописничката на МИА од Атина.

Следеле инциденти меѓу навивачите на двата тима, со фрлање на пиротехнички материјали, импровизирани експлозивни механизми, предмети, камења, а биле користени и импровизирани палки.

Веднаш пристигнала полиција која интервенирала за да се прекинат инцидентите и биле уапсени вкупно 98 лица.

Од полицијата соопштија дека во тек е прелиминарна истрага, а интензивно продолжува истрагата за откривање на дополнителни сторители.

Инцидентите започнале час и половина откако гостинскиот тим го завршил тренингот и го напуштил стадионот

Натпреварот АЕК- Динамо Загреб е закажан за вечерва во рамките на квалификациите за Лигата на шампиони, а навивачите на хрватскиот тим пристигнале со автомобили во Атина и покрај забраната од УЕФА за присуство на поддржувачи на гостинскиот клуб.

Грчките медиуми пишуваат дека по синоќешните инциденти 12-годишно девојче се бори за живот по удари со камен.

Неофицијално, мнозинството од уапсените се хрватски државјани.

The post Ова е убиениот навивач на АЕК, 12-годишно девојче се бори за живот appeared first on Република.

Повредениот навивач од Бугарија пренесен со хеликоптер од Скопје во Софија откако седум дена се лекуваше на Одделот за интензивна нега на хирургија во болницата „Свети Наум Охридски“ во Скопје по хирушки зафат откако се здоби со повреда од нож во физичка пресметка со навивачи на Шкупи.

Надлежниот јавен обвинител денеска изврши распит на оштетениот пред неговото отпуштање од болница и ја обезбеди целокупната медицинска документација.

Постапката против четири лица за кривично дело – Насилство продолжува.

Се трага и по лицето за кое постои сомнение дека е директно одговорно за нанесување на тешката телесна повреда на бугарскиот државјанин.

The post Во Софија пренесен бугарскиот навивач кој беше прободен со нож за време на натпреварот Левски – Шкупи appeared first on Република.

Министерството за надворешни работи на Бугарија соопшти дека остро ги осудува инцидентите од 27 јули 2023 година во Скопје, во кои беа повредени бугарски државјани, приврзаници на фудбалскиот клуб „Левски“, при што еден од нив беше тешко повреден со нож.

Во соопштението се наведува дека повредениот бугарски државјанин во моментов е во стабилна, но тешка општа состојба и се опоравува по операција во болница во Скопје. Претставници на бугарската амбасада се во постојан контакт со повредениот и неговите блиски, како и со локалните здравствени власти.

Изразуваме жалење што позитивниот и спортски дух на натпреварот помеѓу ПФК „Левски“ и ФК „Шкупи“ беше нарушен со акти на агресија надвор од фудбалскиот терен. Очекуваме надлежните органи во Република Македонија да ги преземат неопходните дејства за ефикасна истрага и спроведување на правдата во врска со сериозниот инцидент, посочуваат од бугарското Министерство за надворешни работи.

Оттаму уште еднаш ја нагласуваат, како што се посочува, „клучната важност од преземање ефективни мерки за спречување на вакви акти на агресија и гарантирање на безбедноста на сите граѓани“.

The post Бугарското МНР бара ефикасна истрага и правда за повредениот навивач на Левски appeared first on Република.

Министерот за внатрешни работи Оливер Спасовски денеска изјави дека се идентификувани напаѓачите кои со нож прободеле навивач на „Левски“ вчера во Чаир и дека се работи на нивно пронаоѓање.

Министерот рече дека возилата со бугарските регистарски таблички кои отишле во Чаир да провоцираат влегле во Македонија во приватна режија, односно без да го користат организираниот превоз за мечот со „Шкупи“ во Скопје.

Од болницата „Свети Наум Охридски“ во Скопје синоќа соопштија дека бугарски државјанин повреден е прободен со ладно оружје во Чаир и се врши операција. Повредени се уште тројца навивачи на Левски. Сите повредени моментално се во стабилна состојба. Избодениот со нож веднаш по инцидентот го посетил и бугарскиот конзул во Скопје, а уште тогаш било потврдено дека животот на 29-годишниот бугарски државјанин е надвор од животна опасност.

Таму се идентификувани веќе напаѓачите, таму моментално работат колегите, јас очекувам во скоро време да ги имаме детално сите информации - рече Спасовски.

Неговото лично мислење е дека бугарските навивачи се тие кои отишле да направат намерна провокација и да дојде до немири.

The post Спасовски: Идентификувани напаѓачите кои прободеа навивач на „Левски“ со нож appeared first on Република.

Основното јавно обвинителство Скопје е известено за настанот и ги издава сите потребни наредби и насоки за идентификација на лицата кои учествувале во инцидентот во кој вчера беше повреден еден навивач на фудбалскиот клуб „Левски” од Софија, се вели во соопштението на ОЈО.

Според првичните сознанија, до настанот дошло додека навивачи на ФК „Левски” со две возила со бугарски регистарски ознаки се движеле во близина на трговскиот центар „Чаирчанка”, каде влегле во вербална расправија со случајни минувачи и граѓани.

Бугарските навивачи ги запреле возилата и излегле од нив, по што вербалната расправија преминала во физичка пресметка со група граѓани кои излегле од околните објекти. При враќање во автомобилот, 29-годишен бугарски државјанин бил повреден со остар предмет во абдоменот. Кај него е констатирана тешка телесна повреда и е хоспитализиран. По извршена хируршка интервенција, тој е во стабилна состојба. Со цел утврдување на идентитетот на граѓаните кои учествувале во настанот и кои според првичните сознанија не биле дел од локална навивачка група, како и целосно расчистување на настанот, подигнати се траги од лице место кои ќе бидат предмет на вештачење. Освен тоа, обезбедени се видео записи од околните објекти и од камерите на системот „Безбеден град”, а се преземаат и други дејствија. Што се однесува до останатите инциденти поврзани со навивачи на ФК Левски во текот на вчерашниот ден, обвинителството е известено дека се процесуирани прекршoчно, велат денес од ОЈО.

The post Бугарите се симнале кај „Чаирчанка“ и почнале да провоцираат и навредуваат случајни минувачи, па им излегла група граѓани appeared first on Република.

Навивачката група Комити информира дека животот го загубил нивниот член Дарко Смоковски - Смок.

Не постои утеха која може да ја смири болката која во овој момент сите ние ја чувствуваме. Останува сеќавањето, остануваат многуте заеднички приказни на Запад запишани, и останува твојата насмевка по која беше препознатлив. Насмевка која ниту смртта не може да ја победи!

 

Упатуваме сочувство до семејството и до најблиските.

 

Дополнително ќе ги соопштиме информациите поврзани со погребот.

 

Дарко Смоковски - Смок (4.1.1999 - 20.12.2022)
Засекогаш дел од нас! 🔴⚫️, информираат од навивачката група.

The post Животот го загуби членот на Комити, Дарко Смоковски – Смок appeared first on Република.

Навивач на Велс на 62-годишна возраст починал за време на Светското првенство во Катар од природна смрт, објави „Би-Би-Си“.

Навивачот Кевин Дејвис во Катар бил заедно со својот син и уште неколку пријатели. Тој починал вчера кога Велс изгуби од Иран во групната фаза. За неговата смрт не се знае многу, а според „Би-Би-Си“ се работи за природна смрт. Дејвис не бил на трибините во дуелот со Иран.

Велс во Катар има поддршка од голем број навивачите, еуфоријата во оваа земја е голема затоа што ова е прв настап на Велс на еден Мундијал по 1958 година.

The post Навивач почина во Катар appeared first on Република.

Пред самиот крај на натпреварот  Тетекс – Каменица Саса во Втората македонска фудбалска лига, навивач од трибините влезе на теренот му удри бокс на гостинскиот фудбалер Бошко Ступиќ. Судијата набрзо по инцидентот означи крај на мечот.

🇲🇰МАКЕДОНСКИ СЕЛСКИ ФУДБАЛ сезона 22, епизода 6

2МФЛ Тетекс🆚️САСА

ФФМ Телевизиа пресента! pic.twitter.com/m5DnIqylBv

— Team Macedonia (@MacedoniaFUT) October 1, 2022

Тетовската полиција соопшти дека го уапсила лицето набрзо по завршувањето на натпреварот.

Полициски службеници на СВР Тетово денеска (1 октомври) во 17 часот и 25 минути, во продолжението од првенствениот фудбалски натпревар Тетекс-Каменица Саса, во 94-та минута, го лишиле од слобода Н.А.(18) од Тетово, кој ја прескокнал оградата од главната трибина и физички го нападнал гостинскиот фудбалер Б.С.(38).од Пробиштип, велат оттаму.

Тој е задржан во Полициската станица Тетово и по целосно документирање на случајот ќе му биде изготвен соодветен поднесок.

The post Уапсен навивачот кој со бокс го удри Ступиќ сред натпреварот во Тетово appeared first on Република.

Фудбалерот на Кадиз, Хосе Мари е херој денеска откако ја зема носилката од лекарската екипа за да ја однесе до трибината каде лежеше настраданиот навивач, кој колабираше пред крајот на мечот со Барселона и поради тоа се прекина дуелот.

Мари се качи на трибините со носилката за што побрзо да ја однесе до навивачот, за да може да биде изнесен од стадионот и потоа со брза помош да се пренесе во болница.

Навивачот колабираше и загуби свест на девет минути пред крајот, по што итно реагираа лекарите за да го спасат. Информациите од Шпанија се дека станува збор за срцев удар и дека навивачот е во лоша состојба, а фудбалерите на теренот пред да заминат во соблекувалната се молеа за неговиот живот.

José Mari, jugador del Cadiz, ayudando a subir la camilla a la grada.

Héroes♥️ pic.twitter.com/tBBOSg608Z

— Pablo (@Grizzu7_) September 10, 2022

The post Фудбалер на Кадиз се качи на трибина да однесе носилка за навивачот кој колабрираше appeared first on Република.

Навивач од Скопје, при обид да избега од полиција се здобил со повреди и е пренесен во Градската општа болница „8 Септември“, а потоа бил задржан во полициска станица.

Во текот на вчерашниот ден, во СВР Скопје е пријавено дека на булеварот „Гоце Делчев“ и улица „Лазар Личеновски“, по завршување на спортски натпревар, повеќе лица фрлале тврди предмети кон возило „Сеат“, во кое се превезувале навивачи на една од навивачките групи, информираат од Министерството за внатрешни работи.

Откако ја забележал полицијата, повредениот се обидел да избега, но се здобил со повреди и бил пренесен во Градската општа болница „8 Септември“, а по укажаната помош бил задржан во полициска станица. Се преземаат мерки за расчистување на случајот.

The post При обид за бегство од полиција повреден навивач од Скопје appeared first on Република.

Нарко босот и водач на навивачите на Рад, Лука Перенчевиќ (28) бил убиен поради нерасчистени сметки во нарко бизнисот и мистериозното исчезнување на 10 килограми кокаин и убиството на Филип Лепојевиќ (18).

Маскиран напаѓач го убил Лука во понеделникот во импровизирана теретана во Бањица, испукајќи шест куршуми во него, а тој влегол во објектот маскиран во „Глово“ доставувач на храна, за по молскавична брзина да избега со скутер.

Перенчевиќ пред неколку години формирал клан во Бањица, а кај него работеле голем број млади момчиња од околината.

Тој уживал во улогата на водач на нарко банда ,се чувствувал моќно и мислел дека никој ништо не му може. Кој ќе му каже нешто што не му се допаѓа, го прободува без да трепне. Затоа сите биле особено внимателни кога му се обраќале.

The post Навивачот на Рад бил убиен за 10 килограми кокаин appeared first on Република.