Во просториите на Филолошкиот факултет „Блаже Конески“ во Скопје ќе се одржи дводневна меѓународна научна конференција со наслов Мит и драма: современи интерпретации (29-30 ноември 2024).

Настанот е организиран под покровителство на Универзитетот Св. „Кирил и Методиј“ во Скопје, а во соорганизација на Филолошкиот факултет „Блаже Конески“, УКИМ, Скопје, Институтот за македонска литература, УКИМ, Скопје и Факултетот за драмски уметности, УКИМ, Скопје.

Повеќе од педесет експерти од областа на хуманистичките науки и театарските студии, кои истражуваат во земјава и во странство (Франција, Италија, Шпанија, Грција, Хрватска, Србија, Бугарија, Мароко, Финска и др.), ќе дискутираат за комплексните релации меѓу драмата и митот, од времето на антиката па сѐ до денес, во глобални рамки.

[caption id="attachment_842681" align="alignnone" width="1024"] Светлана Слапшак, редовен професор и декан во пензија, Институт за балкански и медитерански студии и култура, ИБАМЕСК, Љубљана[/caption]

Конференцијата предвидува и две пленарни предавања, од истакнати професорки од оваа област: Светлана Слапшак (редовен професор и декан во пензија, Институт за балкански и медитерански студии и култура, ИБАМЕСК, Љубљана) и Катерина Колозова (редовен професор и директор на Институтот за општествени и хуманистички науки – Скопје).

Свеченото отворање на конференцијата е закажано за на 29 ноември во 10 ч., во просториите на Филолошкиот факултет „Блаже Конески“ при УКИМ. По завршувањето на конференцијата, предвидени се и презентации на резултатите од работилниците наменети за студенти, по креативно пишување и театарска изведба, кои ги водеа професорите Зоја Бузалковска, Маја Стевановиќ и Александар Степанулевски од Факултетот за драмски уметности во Скопје.

Конференцијата е отворена за сите заинтересирани, а програмата е достапна на следниов линк:

https://flf.ukim.mk/wp-content/uploads/Mit-i-drama_Programa-.pdf

The post Меѓународна научна конференција за митот и драмата за првпат во Скопје appeared first on Република.

Во организација на Матицата на иселениците од Македонија на 1 август 2023 година ќе се одржи Научна конференција во чест на 120 години од Илинденското востание. Покрај тоа, ќе се одржи и трибина на која ќе говорат Македонци од Бугарија за нивната голгота со бугарските Власи поради личниот ангажман за македонската кауза во Бугарија. На 2 Август 2023 година во организација на Матицата на иселеници од Македонија ќе се одржи традиционалната Семакедонска средба во Трново, Битолско.

Оваа година се навршуваат 120 години од ИЛИНДЕНСКОТО ВОСТАНИЕ кое е единствениот, најголем и најкрвав показ за потребата на македонското население да не биде манипулирано, туку самостојно и подготвено да се жртвува за својот сон – своја држава. За тоа сведочи и фактот што НИКОЈ и НИТУ ЕДНА од странските држави не се потрудил ниту да им помогне на Македонците за време на востанието, ниту да посредува за да се смири состојбата кога цели македонски села (заедно со жителите) биле пеплосувани од страна на Османлиите. Затоа пак, после сите стравотии што се случувале во селата и градовите низ Македонија, емисари дотрчале да приберат некој поен како миротворци.
ИЛИНДЕНСКОТО ВОСТАНИЕ претставува меѓник во македонската историја, темелен настан врз кој се надѕидувала и надградувала катадневната исконска желба за слободна, независна и достоинствена македонска држава. За жал, денес слушаме за некаква си „заедничка историја“ со Бугарите, во која требало да биде вградено и Илинденското востание. Доколку прифатиме дека и бугарскиот народ има свое право врз овој празник тогаш им го даваме правото да тврдат дека и тие НЕБАРЕ пролеале крв за нашата македонска земја и тоа во најсветото и најчистото востание т.е. нашето историско срце. На тој начин, ние им го даваме и правото да кажат дека и денес Бугарите се поделени во две држави т.е. заедно биле во 1903 заедно треба да бидат и денес и во иднина. Иако тоа нема апсолутна врска со историската вистина, затоа пак, сто пати кажаната лага треба да стане вистина.
А за вистината да остане вистина темелена на сериозна историска анализа, документи и факти, Матицата на иселениците од Македонија, организира научна конференција со учество на истакнати македонски историчари по повод 120 години од Илинденското востание на 1 август во Крушево, велат од Матицата на иселениците од Мкаедонија.

The post Матицата на иселеници од Македонија ја организира единствената Научна конференција по повод 120 години од Илинденското востание appeared first on Република.

Во организација на Фондација „Кантарот“ во тек е научната конференција „Наука за деца”. Темата на конференцијата е популаризација на науката кај најмладите. Конференцијата се одржува под мотото „Од атом до шрафче, наука за секое главче“.

Научната конференција се одржува онлајн денеска од 15.15 до 17.45 часот.

Првиот дел од конференцијата се одржа претпладне, со работилници за деца од 7 до 12 години. Во вториот дел од конференцијата, кој е наменет за родителите, наставниците и широката публика преку два научни панела, осум истакнати македонски научници и професионалци ќе ја презентираат својата визија за иднината на образованието и научното описменување. Овој дел од конференцијата ќе се одвива онлајн на фејсбук-страницата на Кантарот.мк.

Првиот панел од 15.15 до 16.30 е посветен на учење низ игра. Модератор е д-р Тања Павлеска, истражувачка на институтот „Јожеф Стефан“, Словенија, а панелисти се д-р Бојана Стојанова, професорка на Универзитетот на Острава, Чешка, д-р Менка Стојанова, експериментална физичарка и м-р Маја Виденовиќ, наставничка во ООУ „Крсте Мисирков“ и докторанд на УКИМ.

Вториот панел од 16.30 до 17.45 е посветен на технологијата и иднината на образованието. Модератор е д-р Никола Стиков, професор на Универзитетот на Монтреал, Канада, а панелисти се Нина Геометриева, дизајнерка за корисничко искуство во Инстаграм/Мета, д-р Андреј Ристески, професор на Универзитетот „Карнеги Мелон“, САД и д-р Петар Поповски, професор на Универзитет „Алборг“, Данска.

Конференцијата е финансирана од С(ц)иеста заедницата, која ја сочинуваат над 300 научници родум од Македонија.

The post Осум македонски научници и професионалци ќе ја презентираат својата визија за иднината на образованието на научната -панел дискусија appeared first on Република.