На денешен ден пред 25 години почнаа воздушните напади и агресијата на НАТО врз тогашна Сојузна Република Југославија (Србија и Црна Гора). Според официјални извори, за време на 78-те денови, колку траеше бомбардирањето, загинаа 2.500 луѓе, додека вкупната материјална штета проценета е на повеќе десетици милијарди долари.

Меѓу загинатите 2.500 лица има 1.031 припадници на вооружените сили и полицијата. Повредени беа и околу 6000 цивили, 5.173 војници и полицајци, а повеќе лица сè уште се водат како исчезнати. Воените загуби на НАТО никогаш официјално не се соопштени.

https://republika.mk/vesti/balkan/dali-e-ova-najtrogatelnoto-video-od-nato-bombardiraneto-na-srbija/

Операцијата на НАТО насловена „Милосрден ангел“ почна на 24 март 1999 година во 19 часот и 45 минути, по неуспешните преговори за решавање на кризата на Косово во Рамбује и Париз.

Деветнаесет земји на Алијансата го почнаа да бомбардирањето од бродови во Јадранското Море, од четири воздухопловни бази во Италија, поддржани од стратешки бомбардери кои полетаа од бази во Западна Европа, а подоцна и од САД.

https://republika.mk/vesti/balkan/ubistvoto-na-liderot-na-uchk-adem-jashari-bilo-povod-nato-da-ja-bombardira-srbija/

Во бомбардирањето се уништени и оштетени 25.000 станбени единици, 470 километри патишта и 595 километри железнички пруги. Онеспособени се 14 аеродроми, 19 болници, 20 здравствени центри, 18 детски градинки, 69 училишта, 176 споменици на културата, 44 мостови беа оштетени, а 38 беа уништени.

Симбол на страдањето во бомбардирањето на СРЈ беше малата Милица Ракиќ, која почина на 17 април за време на бомбардирањето во Батајница.

https://republika.mk/vesti/balkan/nato-pilotot-koj-rushel-srpski-tsrkvi-vo-bombardiraneto-zavrshil-so-psihichki-problemi/

Во ноќта на 23 април 1999 година, за два часа и шест минути по полноќ, НАТО ја нападна и зградата на РТС, при што загинаа 16 работници. Ова беше прв случај кога медиумска куќа беше прогласена за легитимна воена цел. За време на бомбардирањето беа извршени 2.300 воздушни напади врз 995 објекти низ целата земја, а 1.150 борбени авиони лансираа близу 420.000 проектили со вкупна тежина од 22.000 тони.

НАТО лансираше 1.300 крстосувачки проектили, беа употребени и графитни бомби, како и 37.000 касетни бомби од кои 200 лица загинаа, а повеќе од стотина беа повредени, а беше користена и забранетата муниција со осиромашен ураниум.

https://republika.mk/vesti/balkan/nato-bombardiraneto-na-jugoslavija-ja-zagadilo-i-makedonija-pokazhuva-izguben-izveshtaj-na-sovetot-na-evropa/

По повеќедневен дипломатски притисок, бомбардирањето заврши со потпишувањето на Воено-техничкиот договор во Куманово на 9 јуни 1999 година, а на 10 јуни, беше усвоена Резолуцијата 1244 на Советот за безбедност на ОН, по што за три дена почна повлекувањето на армијата и полицијата од Косово и влегувањето на меѓународните воени сили.

The post Убиени беа околу 1.500 цивили, фрлени тони осиромашен ураниум: 25 години од НАТО бомбардирањето на Југославија appeared first on Република.