Патот кон ЕУ не е лесен и Словенија се соочи со тие процеси, рече словенечката претседателка Наташа Пирц Мусар, на заедничката прес-конференција со претседателот Пендаровски.

„Да потенцирам Словенија го помина тој процес и не ни беше лесно. И Словенија мораше да го промени Уставот на патот кон ЕУ и тогаш во мојата татковина се слушаше дека тоа не е добро за словенечкиот народ, дека го загубиме словенечкиот јазик, изјави Пирц Мусар, која денеска престојува во официјална посета на Македонија.

Таа изрази надеж дека политичарите во Македонија ќе покажат мудрост и ќе ги спроведат уставните измени, кои се услов за одржување на втората меѓувладина конференција со ЕУ и отворање на преговорите.

https://www.youtube.com/watch?v=0Q4cuf-3HJw

The post И Словенија мораше да го промени Уставот на патот кон ЕУ, рече Мусар appeared first on Република.

Претседателката на Словенија, Наташа Пирц Мусар, која престојува во официјална посета на земјава, е либерална адвокатка и поранешна комесарка за приватност на податоците, која е првата избрана на позицијата претседател на Словенија.

Таа е поранешна новинарка и водителка на главната словенечка програма за вести. Родена е во Пирц Мусар, која е родена во Љубљана пред 55 години, добила дополнителна обука на Си-Ен-Ен и на одделот за медиуми на Универзитетот Салфорд, пред да заврши докторат по право на Универзитетот во Виена. Таа беше избрана за словенечки комесар за пристап до информации од јавен карактер во 2004 година.

Пирц Мусар го предизвика интересот на јавноста кога беше ангажирана да ги штити интересите на Меланија Трамп, која е родена во Словенија, за време на американскиот претседателски мандат на нејзиниот сопруг Доналд Трамп, спречувајќи ги компаниите да се обидуваат да комерцијализираат производи со нејзиното име.

За време на предизборната кампања за претседателските избори во Словенија, големо медиумско внимание беше насочено кон профитабилната мрежа на компании во сопственост на Пирц Мусар и нејзиниот сопруг, поради обвинувањата дека префрлиле дел од своето богатство на банкарски сметки во даночни оази.

Пирц Мусар дојде на позицијата по иборите во декември 2022 година, како независна кандидатка поддржана од лево-центристичка коалиција. Иако во словенечкиот парламентарен систем, улогата на претседателот е главно церемонијална, Пирк Мусар порача дека таа ќе се однесува поинаку од претседателот во заминување, Борут Пахор, кој ретко интервенираше за внатрешно-политичките прашања за време на неговите два петгодишни мандати.

https://republika.mk/vesti/makedonija/slovenechkata-pretsedatelka-natasha-pirts-musar-vo-ofitsijalna-poseta-na-severna-makedonija/

The post Која е Наташа Пирц Мусар: Поранешна адвокатка на Меланија Трамп, која беше обвинувана дека со сопругот кријат пари на сметки во даночен рај appeared first on Република.

Претседателката на Република Словенија, Наташа Пирц Мусар денеска престојува во официјална посета на земјава, во рамки на која ќе се сретне со нејзиниот домаќин, претседателот Стево Пендаровски, а ќе има средби и со претседателот на Собранието, Талат Џафери, премиерот Димитар Ковачевски и ќе се обрати на свечена седница во Парламентот.

Пирц Мусар ќе биде пречекана со највисоки државни и воени почести на официјална церемонија во Кабинетот на претседателот, по што ќе следува тет-а-тет средба на претседателите Пендаровски и Пирц Мусар и пленарен состанок на делегациите на Македонија и Словенија.

Во рамки на посетата, како што соопшти кабинетот на Пендаровски, во црквата „Св. Спас“ во Скопје двајцата претседатели ќе положат венци на гробот на Гоце Делчев.

The post Словенечката претседателка Наташа Пирц Мусар во официјална посета на Македонија appeared first on Република.