Индискиот бизнисмен и поранешен прв човек на конзорциумот „Тата груп“, Ратан Навал Тата, со својот тестамент му оставил вистинско богатство на своето куче.

Бизнисменот почина во првата половина на октомври на 86-годишна возраст, а на својот германски овчар по име Тито, му оставил на своето куче му оставил дури 91 милион фунти (околу 108,5 милиони евра).

Како што пишуваат индиски медиуми, дел од наследството добил и чуварот и готвач на среќниот Тито.

The post Индиски милионер со тестамент му оставил на своето куче повеќе од 100 милиони евра appeared first on Република.

Принцот Хари ќе добие осум милиони фунти кога ќе наполни 40 години. Ова му следува откако кралицата мајка им оставила значителна сума пари на своите правнуци пред 30 години, пишува „Дејли мејл“.

Фондот вреден 19 милиони фунти го основале во 1994 година кралицата Елизабета и кралицата мајка, кога Хари имал 10 години, за да им го подели на внуците, пишува британскиот весник.

Според финансискиот план, првата исплата треба да ја добијат на 21. роденден, а втората на 40. роденден, а извори од Палатата тврдат дека Хари добил поголема сума од Вилијам. На нивниот 21 роденден, секој брат ќе добие по шест милиони, што ќе се зголеми на осум на 40. роденден на Хари, кој Хари ќе го прослави на 15 септември.

Поранешен вработен за „Тајмс“ изјавил дека „фондот е основан во тоа време“.

Тоа беше начин на кралицата мајка да им остави пари на своите правнуци кога ќе пораснат и начин да пренесе дел од нејзините средства на даночно ефикасен начин“, рече тој.

Се верува дека принцовите Вилијам и Хари, заедно со нивните роднини, се корисници на фондот.

The post Принцот Хари за својот 40. роденден ќе добие осум милиони фунти оставени од прабаба му appeared first on Република.

Американката Маргарет Лосинџер ќе наследи над милион долари од пензискиот фонд на момчето со кое се гледала пред повеќе од 30 години, според првичната одлука на Судот.

Лосинџер во 1987., на свои 31 година, била во врска со Џефри Ролисон кога тој во рачно напишаниот тестамент, ја именувал како единствена корисничка на неговите пензиски заштеди. Според судските документи, откако Џефри и Маргарет стапиле во врска, почнале да живеат заедно, но бракот не се случил бидејќи тој не бил подготвен. Таа сакала брак и деца, па ја прекинала врската и си заминала. Подоцна се омажила и добила деца, додека Ролисон имал долгогодишен партнер, пишува „Волстрит журнал“ (Wall Street Journal).

Откако Ролисон починал на 59-годишна возраст, неговите браќа го наследиле имотот. Но, се изненадиле од статусот на неговата поранешна девојка.

Маргарет, имено, ќе ги наследи сите негови заштеди од 1,15 милиони долари од пензискиот фонд. Браќата и сестрите на починатиот го оспориле тоа побарување на суд, но изгубиле. Поднесена е и жалба на таа одлука бидејќи тужителите сметаат дека тоа не било намера на починатиот, туку само невнимание.

The post Американка ќе наследи над милион долари од момчето со кое раскинала пред 30 години appeared first on Република.

Едниот или двајцата родители можат да „пренесат“ одредени емоции, па дури и психички состојби на своите деца.

Истражувањата покажуваат дека одредени емоции може да се наследат од родителите Тоа се нарекува „трансгенерациско епигенетско наследување“ или епигенетика, но и преку различни модели на однесување и искуство, детето усвојува и „емоционален код“.

Еве 8 емоции кои можат да се наследат преку семејна траума, родителско моделирање или однесување:

Гнев

Постојат три главни типа на нездрав гнев: агресивен гнев, пасивно-агресивен гнев и потиснат гнев – сето тоа може негативно да влијае на детето. На пример, ако родителот е агресивно лут затоа што вика, неговото дете може да порасне да го имитира истото однесување или да научи да го пренасочува кон сопствената манифестација на гнев.

Срам

Ова чувство најчесто го поттикнуваат зборовите поради кои детето губи самодоверба: „Никогаш нема да бидеш доволно добар“ или „Ти си глупав“. На детето му се влева чувство на срам, а исто така ја губи самодовербата при извршување на важни задачи.

Вина

Овој вид на емоции најчесто се поврзува со емоционална уцена. На пример, „Да ме сакаше, ќе ја исчистеше кујната“ или „Не го направи ова затоа што не се грижеше за мама“. Ова се типични примери на родители кои ја користат вината како „потпора“. Ова однесување, иако типично, сепак се смета за екстремен облик на манипулација.

Беспомошност

Тоа вклучува играње на улогата на жртвата. Во овој случај, родителот ја користи траумата од минатото како изговор за лошо однесување: „Вака ме третираше мајка ми“ или „Вака се однесувам затоа што напорно работам за тебе“. На овој начин децата се учат секогаш да бараат изговори за своите лоши постапки и да го посвојуваат, односно да го „наследат“ ова однесување.

Несигурност

Примарната тактика за развој што ја користат децата е нивната тенденција да ги проучуваат своите родители во обид да научат повеќе за себе. Проблемот со овој метод на самооткривање е што детето може да ја апсорбира и несигурноста на родителите. Несигурноста поради која родителот не бара унапредување од страв, лесно може да се претвори во тоа што детето од несигурност не оди на аудиција за претстава.

Себичност

Тоа најчесто се гледа во семејства каде што нема меѓусебна доверба и емпатија меѓу родителите и децата, браќата и сестрите. Во раните фази на развојот, довербата е суштинска, а кога нема приврзаност и блиски односи, туку фокусирање само на себе, од најстарите членови на семејството до најмладите, се усвојува себичноста.

Критика

Постојаното критикување на детето за тоа што носи, како изгледа, како се однесува или со кого се дружи е исцрпувачки. Особено кога овие критики се комбинираат со: „Ова го правам само затоа што те сакам“. За дете кое ќе порасне слушајќи го ова, да се биде критичен и осудувачки кон другите изгледа како природна работа. Но, тоа не е, и всушност е ризично бидејќи може да ги уништи туѓите односи и самодовербата.

Љубомора

Кога детето постојано забележува љубомора во односот помеѓу мајката и таткото, постои ризик да усвои таков модел на однесување во нивните односи. Исто така, зависта на родителите кон пријателите, роднините, соседите може да разбуди слични чувства кај детето, што предизвикува токсично однесување.

Експертите истакнуваат дека преку усвојување на одредени модели на однесување во семејството можеме да наследиме различни емоции, а многу од нив остануваат длабоко закопани во нас, па често ни е тешко да ги препознаеме и да станеме свесни за нив. Затоа е важно да се грижиме за менталното здравје, без разлика на возраста и возраста, и да ги филтрираме чувствата, одвојувајќи ги оние кои ни помагаат да бидеме подобри и да се чувствуваме подобро, од оние кои се токсични и за нас и за нашите блиски луѓе.

The post Кои емоции децата можат да ги наследат од своите родители? appeared first on Република.

Австриско-германска наследничка собира група граѓани која ќе одлучи како ќе го подели големиот дел од богатството што го наследила од нејзината баба.

Марлин Енгелхорн, која има 31 година и живее во Виена, бара 50 Австријци да одредат како ќе се прераспределат 25-те милиони евра кои таа ги наследила.

Наследив богатство, а со тоа и моќ, без да направам ништо за тоа“, рекла таа, а потоа додала: „А државата не сака ни данок на тоа“.

Австрија во 2008 година го укина данокот на наследство, со што стана една од ретките европски земји што немаат никаков данок на наследство. Енгелхорн смета дека тоа е неправедно.

Марлин е потомок на Фридрих Енгелхорн, основач на германската хемиска и фармацевтска компанија „BASF“, а наследила милиони откако нејзината баба починала во септември 2022 година. Богатството на Траудл Енгелхорн-Вечиато, американскиот магазин Форбс го процени на 4,2 милијарди долари, а уште пред да почине, нејзината внука изјавила дека сака да предаде околу 90 отсто од наследството.

На многу луѓе им е тешко да врзат крај со крај со полно работно време и да плаќаат данок за секое евро што ќе го заработат со работа. Јас тоа го гледам како неуспех на политиката, а ако политиката не успее, тогаш граѓаните сами треба да се справат со тоа. Ако политиката е неуспешна, тоа е проблем“, рекла таа.

Кристоф Хофингер, директор на Институтот „Foresight“, кој ја поддржува иницијативата, вели дека Советот за редистрибуција на парите ќе се состои од 50 луѓе „од сите возрасти, сојузни држави, социјални класи и потекло“. Од групата ќе биде побарано „да придонесе со своите идеи за да може заеднички да се развијат решенија во интерес на општеството како целина“.

The post Наследила 25 милиони евра, па одлучила да ги подели со непознати appeared first on Република.

Кралицата на ромската песна Есма Реџепова почина во 2016 година.

Пејачката што остави огромен белег како со својата песна, така и со својата хуманост во својот дом одгледа повеќе од 40 деца со својот сопруг Стево Теодосиевски.

Единствената желба на Реџепова била тој дом да биде дом на солидарноста, своевиден музеј кој би можел да прерасне во туристичка атракција. Но, за жал, куќата, поради бројните семејните недоразбирања и неодржување се распаѓа..

Деновиве во јавноста се појави уште една „дамка“ од животот на Есма.

Имено, адвокатката на семејството Реџепови и Теодосиевски, Весна Тренкоска за „Бекстејџ“ откри шокантни детали за тестаментот на Есма и нејзиното наследство, но и дека цели пет години по нејзината смрт останал неподмирен долг за лекувањето на Есма кон болницата „Аџибадем Систина“.

Како што открила адвокатката зад камерите, станува збор за вртоглави 873.000 денари долг кој досега никој не го платил…

The post Адвокатката на Есма Реџепова: Сè уште не платиле за нејзиното лекување, а бараат наследство appeared first on Република.