Грдото лице на власта на СДСМ и ДУИ значеше и бруталната пресметка на клановите Дуќанџик и Арачиново. Оваа клановска борба својот врв го достигна во време на Оливер Спасовски, кога лица тесно поврзани со мафијашките структури беа дел од неговиот кабинет, а полициски службеници заедно со криминалците учествуваа во директните пресметки, како што беше таа во хотелот Александар Палас. Владеењето на СДС и ДУИ беше симболот на беззаконието и јакнењето на подземјето, потсетува ВМРО-ДПМНЕ.

Разузданите банди и мафијашките пресметки низ Скопје и други места се директно дело на поранешната власт, затоа што истите ги користеа за избори, а после им се оддолжуваа со тоа што им ги отвораа улиците за трговија со дрога. Жива срамота е СДС да се дрзне да говори за вакви пресметки, бидејќи тие се творците на клановите и клановските пресметки по угостителски локали, трговски центри и по улици. СДС нека се покрие од срам, затоа што ги охрабруваа членовите на подземјето да дивеат, им даваа заштита и поддршка, а не изостануваа и фотографии на мафијаши со функционери од власта на СДС и ДУИ.

The post Срамота е СДСМ да говори за кланови, бидејќи тие се творците – ги штитеа, им даваа поддршка и се фотографираа со нив appeared first on Република.

Министерот за внатрешни работи на Црна Гора Филип Аџиќ изјави дека апликацијата Скај е валиден доказ, но не и единствен, дека стотина полицајци имале врски со криминални кланови и посочи дека граѓаните ќе бидат изненадени со каков имотот некои од нив располагаат.

Тој потсети дека овие сознанија дошле откако Црна Гора ги добила податоците од Европол, а сега против нив се собираат и други докази. Тој уверува дека Министерството за внатрешни работи ги презема сите мерки и дејствија тие да не влијаат врз функционирањето на овој оддел и очекува во наредниот период да и зададат најтешки удари на мафијата, пишува „Вијести“.

Некои од тие лица се веќе суспендирани, а станува збор за тие кои веќе се спомнати во одредени случаи, а за некои што ја злоупотребиле функцијата, се бара начин да бидат отстранети од службата, вели Аџиќ.

Како запрепастувачки податок наведе дека околу 60,70 вработени не доаѓале на работа, а им биле исплатени, како што посочува, речиси два милиони евра. Еден од нив, додава Аџиќ, добил над 30.000 евра.

Мораме да престанеме со оваа практика, рече Аџиќ и додаде дека голем број полицајци се под истрага поради нивниот „начин на живот“, а граѓаните ќе се изненадат кога ќе видат со колкав имот располагаат полицајците.

Тој додаде дека секојдневно добиваат информации од Интерпол.

The post „Ќе се изненадите каков имот имаат“: Стотина полицајци поврзани со криминални кланови appeared first on Република.

Македонија и изминатава година беше омилена земја од која криминалците и нарко клановите сакаат да имаат пасош. Секако, тие не го сакаа нашиот пасош бидејќи со него можат лесно да патуваат туку до него лесно доаѓаа. На некому дури и им пристигнувале на домашна адреса како божиќен подарок.

Последен случај со вакви типови се случи на преминот Блаце каде е пуштен да избега Сокол Бибај, албански државјанин со потерница поради поседување на лажен македонски пасош со украден идентитет. Бибај имал пасош со име Андон Папи којшто е откриен во рамките за случајот „Двојник“ според кои 215 криминалци добија македонски патни исправи.

Тука е украинскиот бизнисмен Олександар Онишченко. Овој репрезентативец на Македонија во коњички спорт има тесни врски со Русија најпрво доби позитвни оценки од неколку инститции дека нема пречки да стане македонски државјанин, но по пристисокот од јавноста, и посебно од амбасадата на САД решија да почнат постапка за одземање на пасошот.

Друг „свеж“ случај е Љубомир Лаиновиќ. За него македонската јавност и немаше да знае доколку не беше судењето за кланот на Веља невоља. Заштитениот сведок Срѓан Лалиќ откри дека Шкаљарците Игор Дедовиќ и Стеван Стаматовиќ во 2019 година биле убиени токму од Љубомир Лаиновиќ.

Игор Дедовиќ бил Горан Тасевски, а Стаматовиќ Емил Филипов.Лалиќ пред неколку денови за прв пат откри дека Лаиновиќ имал македонски пасош на име Зоран Сотир.

За егзекуцијата на Дедовиќ и Стаматовиќ во ресторанот во Атина како награда Лаиновиќ добил Ролекс часовник и БМВ.

Лаиновиќ -или на македонски Сотир е добро познат лик во криминалните кругови во Србија. Тој потекнува од Нови Сад а специјалност му е пукање со снајпер. Неговиот татко Бранислав во деведсеттите години беше еден од главните мафијаши во Србија.

На Лаиновиќ помладиот по земањето на македонски пасош му се губи секаква трага и најверојатно се наоѓа на Косово.

Македонското МВР може да здивне затоа што овие мафијаши се убиваат меѓусебно или се на непозната локација. Во септември беше убиен и Јовица Вукотиќ водачот на Шкаљарскиот клан. Тој беше ликвидиран на автопат во близина на Истанбул од непознато лице кое го следело на мотоцикл.

Вукотиќ имаше македонски пасош на име Георги Андонов и со него беше уапсен во Истанбул во 2018 година и екстрадиран во Србија каде што одлежа 15 месеци затвор.Како четири години подоцна пак се нашол во Турција не се знае и чии пасош користел.

Турската полиција е уште трага по припадникот на Кавачкиот клан, Жељко Бојаниќ (56) од Котор. Бојаниќ е најблизок соработник на Дарко Шариќ, најголемиот наркобос на Балканот.

Бојаниќ е посебен случај бидејќи има не еден туку два македонски пасоши. Еден на име Спиро Аговски и втор со име на украден идентитет на Јордан Белчев.

Каде се наоѓаат останатите од првата лига „Македонци“ како Седат Пекер, ликвидаторот на Кавачкиот клан Стефан Ѓукиќ, Луис Волина косовски нарко бос, како и водачот на италијанската мафија Ндрангета, Валид Иса Хмаис никој не знае.

Можеби се живи, но можеби и во стилот на песната на Балашевиќ „со ангелите на врвот на небото играат покер и преферанс“.

The post Криминалците со македонски пасоши лани или беа убиени или им се губи трагaта appeared first on Република.

Драган Ковачки, пратеник од ВМРО-ДПМНЕ и член на ИК на ВМРО-ДПМНЕ во своето гостување во емисијата „Што не е јасно“ зборуваше за целата ситуација во која се наоѓа државата и посочи дека во моментот Македонија е територија која е владеана од луѓе кои се длабоко замешани во криминал.

-Ние мора да сватиме дека Mакедонија мора да заличи на држава затоа што во моментот не е држава, во моментот е територија која што на некој начин е владеана од нарко-кланови, од луѓе кои што се длабоко замешани во криминал. Па слободно можам да кажам и од убијци. Имаше неколку кои што им беа издадени пасошите во Драчево ако не се лажам. Јас ќе потсетам тука имаше една изјава од судијката Олја Ристовска која што била надлежна за судењето на процесот „Двојник, тоа е делото со пасошите каде што самата судијка изјави дека во текот на процесот оценила дека не се презентирани се сите докази презентирани, односно одредени лица се скриени, дури во својата изјава и ги именува тие лица. Но тука немаше никаква реакција од обвинителство, ниту пак од јавноста, едноставно тој случај се покри, а  беше пред месец и пол.Сега вие имате ситуација каде што се издаваат тие пасоши, судијата ви кажува дека ете дека се кријат доказите и нема реакција. И сега вие ќе зборувате за Европа и европски вредности, ВМРО-ДПМНМЕ било ретроградно, овие биле ЗА, тоа се смешки. Мислам дека веќе ништо не им помага, мислам дека веќе е отидена работата, свесни се возот е тргнат надолу и подобро е да скокнат додека можат за да се спасат затоа што кога ќе оди доле нема ништо да остане од нив, рече тој.

Ковачки во текот на своето гостување зборуваше и за економската кризата која владее и потенцираше дека власта не прави ништо за да се надмине кризата.

-Еве повторно една манипулација со јавноста, една неодговорна политика. Додека цел свет обезбедуваше енергенси во текот на летото, еве ќе ве потсетам Србија што прави, гледате Албанија што прави, еве Србија закупи цистерни односно танкови во Унгарија носи јаглен од Индонезија, средства набавува евтини кредити од Емиратите и така натаму. Што правеа нашите во меѓувреме, одеа во Белград на дегустација на вино и се занимаваа со распродажба на националните македонски интереси мислејќи дека тоа е полесно така и некој друг ќе им ги решава проблемите дома, кажа Ковачки.

Ковачки како резултат на сите овие проблеми го гледа во предвремени парламентарни избори, смена на оваа власт, нивна одговорност, доаѓање на власт кои што се чесни, имаат визија, знаење, кои што си ја сакаат Македонија и кој ќе го обединат народот.

-Излезот од оваа ситуација се предвремени парламентарнио избори, смена на оваа власт, нивна одговорност, доаѓање на власт кои што се чесни, имаат визија, знаење, кои што си ја сакаат Македонија и кој ќе го обединат народот, додаде Ковачки

The post Ковачки: Maкедонија во моментот не е држава, туку територија владеена од нарко-кланови appeared first on Република.