Озлогласениот регионален криминалец, Томислав Сабљо, е убиен во ноќен клуб во Загреб. Тој пред три ипол години беше уапсен и обвинет во акцијата „Тебра“ како еден од водачите на криминалната група која шверцувала дрога, палела автомобили и наплатувала долгови.

Сабљо, Томислав Сучиќ и уште 17 лица кои се поврзани со синџирот на шверц на дрога од Албанија и Црна Гора, преку Босна и Херцеговина до Хрватска, беа уапсени во јули 2019 година во голема полициска акција, објави „Индекс“.

Хрватското обвинителство УСКОК се сомнева дека Сабљо и Сучиќ собрале група во Хрватска, Босна и Херцеговина, Црна Гора и Албанија од мај 2016 до средината на мај 2019 година за набавка на марихуана и нејзино шверцување.

Марихуаната најпрвин била складирана во близина на Љубушки во Босна и Херцеговина, а потоа со помош на гранична полицајка била транспортирана во Хрватска. Полицајката наводно учествувала во испораката на дрога на муштериите во Дугопоље или во Вргорац им ја предавала на членовите на групата кои ги превезувале во Загреб и Купинец.

Дрогата потоа се продавала на други препродавачи и на овој начин осомничените во Хрватска биле прошверцувани најмалку 15,7 тони марихуана.

Наводните водачи на групата организирале и набавка на 1.335 грама кокаин.

Сабљо и Сучиќ се обвинети и дека запалиле најмалку четири автомобили и „подготвиле напад на најмалку едно лице, сокриле најмалку еден украден личен автомобил и незаконски наплатиле долг од најмалку едно лице“.

УСКОК во обвинителниот акт предложи на обвинетите да им се одземе незаконски стекнатата имотна корист, а за двајцата обвинети беше предложена и продолжена конфискација на имотната корист. Исто така, во однос на шестмината обвинети беше предложено продолжување на притворот“, соопштуваат од обвинителството.

Во мај 2021 година на обвинетите во аферата „Тебра“ им бил одблокиран имот вреден 1,3 милиони евра однарко-бизнисот од кој наводно заработиле дури 11,1 милион евра, бидејќи обвинението не било потврдено во рок од две години.

Поради „Тебра“, Сабљо беше во затворот Реметинац во загреб од јули 2019 година. Беше ослободен на 2 декември 2021 година.

Откако беше ослободен од притворот Томислав Сабљо (40) повторно беше приведен уште два пати. Првиот пат беше во декември 2021 година, помалку од една недела откако го напушти Реметинац, а вториот пат беше во септември 2022 година. Во двата случаи се врати зад решетки поради изнуда или обид за изнуда, пишува „Вечерњи лист“.

Првиот пат повторно бил уапсен поради сомнение дека се обидел да добие изнуда од 77-годишен човек, а вториот пат се заканувал на 33-годишен маж и неговото семејство, пишува „Индекс“.

Во тек е интензивна криминалистичка истрага за убиството на Сабља, а загрепската полиција наведува дека конфликтот се случил во ноќен клуб по физички конфликт меѓу неколку лица. Осомничениот за убиство во текот на ноќта бил однесен во притвор. Сабљо бил застрелан до смртво ноќниот клуб „Риц“ по физичка пресметка меѓу неколку лица, а медиумите јавуваат дека бил застрелан од чувар на ноќниот клуб.

Мирослав Топиќ, началник на одделот за крвни деликти на полицијата во Загреб, на прес-конференција рече дека во тек е кривична истрага за да се утврдат сите околности и можниот мотив, а поради брзата реакција на полицијата, осомничениот за убиството бил пронајден на местото на настанот, а тој не пружил никаков отпор.

Санди Пего, косопственик на „Риц“, за весникот „Данас“ го коментираше убиството во неговиот клуб.

Во овој момент можеме само да изразиме жалење за немилиот инцидент што се случи синоќа. Полицијата ги утврдува фактите и околностите во кои соработуваме со нив. Кога ќе биде готов, очекуваме официјална комуникација од полицијата“.

The post Кој е Томислав Сабљо, кој беше убиен со четири куршуми во гради пред ноќен клуб: Водач на нарко клан кој палеше автомобили и даваше лихва низ Балканот appeared first on Република.