Тренерот на Интер, Симоне Инзаги ги искажа своите впечатоци за синоќешното дерби со Наполи во 12. коло од Серија А.

Натпреварот заврши нерешено 1:1, домаќините не реализираа пенал преку Хакан Чалханоглу во 74. минута.

- Му честитав на тимот, ако некој требаше да победи, тоа бевме ние. Интер доминираше во вториот дел. Примивме гол кога требаше да реагираме подобро. Не ги загубивме главите и не му дозволивме на Наполи да развие своја игра, изјави Инзаги по натпреварот.

Во поредокот во Серија А, Наполи е лидер со 26 бодови. Интер е на 4. место со 25 бодови

The post Наполи остана непоразен на „Меаца“ appeared first on Република.

Италијанскиот фудбалски прволигаш Комо објави дека поради пријатното гостување во Неапол, секој навивач на Наполи ќе го почести со пиво кога овие два тима повторно ќе се сретнат во првенството.

Комо минатата недела гостуваше во Неапол, во рамките на 8. коло од Серија А, а лидерот Наполи победи со 3-1.

Фудбалерите, стручниот штаб и раководството на Комо биле воодушевени од пречекот во Неапол и на стадионот „Диего Армандо Марадона“, каде домашните навивачи им аплаудираа на своите играчи, но и на противниците.

Комо сака да ја изрази својата искрена благодарност до Наполи и неговите навивачи за прекрасниот пречек во спортски дух. Атмосферата на стадионот беше ненадмината, објави Комо и најави дека ќе му се заблагодари на спортскиот ривал на својот стадион „Џузепе Синигалија“.

Комо и Наполи ќе играат повторно на 23 февруари идната година, а Комо најави дека заедно со топлото добредојде, секој навивач на гостинскиот тим ќе биде почестен со пиво.

Комо сезонава по 21 година се врати во Серија А и во моментов е на 14. место на табелата.

The post Најубаво „фала“: Бесплатно пиво на следниот меч против Комо за навивачите на Наполи appeared first on Република.

Италијански Наполи упатил усна понуда до Челси за купување на напаѓачот Ромелу Лукаку, пренесе „Скај спорт Италија“.

Станува збор за понуда од 25 милиони евра плус 5 милиони бонуси.

Директорите на клубот од Неапол очекуваат одговор од англискиот клуб во следните часови, во спротивно ќе се фокусираат на трансферот на Давид Невеш од Бенфика.

Според медиумската групација „Спорт медиасет“, Астон Вила била подготвена да ја активира откупната клаузула на Лукаку од 43 милиони евра.

Сепак, поранешниот играч на Интер и Рома сака само да се пресели во Наполи за повторно да работи под тренерот Антонио Конте.

Понудата на Наполи вклучува договор за позајмица, но со опција за купување, поврзана со квалификациите за Лигата на шампионите на тимот.

The post Наполи му нуди 25 милиони евра на Челси за Лукаку appeared first on Република.

Пари Сен Жермен му нуди на напаѓачот на Наполи, Квича Кварацхелија, 5-годишен договор со плата од 7,5 милиони евра по сезона, објави „Газета дело спорт“.

Според италијанскиот весник, на почетокот на месецот ПСЖ имал неколку контакти со агентот на грузискиот фудбалер, Мамука Џугели. Понудата, наводно е одобрена од застапниците на фудбалерот.

Во исто време, Наполи и главниот тренер Антонио Конте продолжуваат со обидите да го задржат Кварацхелија во тимот. Клубот подготви нацрт нов договор за фудбалерот, според кој неговата плата ќе се зголеми повеќе од тројно (од 1,5 на 5 милиони евра годишно со бонуси).

Дополнително, договорот подразбира продолжување на соработката до 2028 година, како и вклучување на клаузула за предвремен раскин на соработката во висина од повеќе од 120 милиони евра.

ПСЖ му нуди на Наполи 100 милиони евра за трансферот на грузиската ѕвезда.

The post ПСЖ подготви петгодишен договор за Кварацхелија со плата од 7,5 милиони евра appeared first on Република.

Претседателот на Наполи, Аурелио Де Лаурентис има намера да го задржи играчот од средниот ред Квича Кварацхелија, објави новинарот Фабрицио Романо.

И покрај интересот на ПСЖ и голем број премиерлигаши, раководството на наполитанците очекува дека 23-годишниот Грузиец ќе остане во тимот.

Наполи ќе му понуди нов договор на фудбалерот под подобрени услови и е подготвен да разговара за висината на обесштетувањето. Италијанскиот тим сака да склучи договор со играчот до крајот на сезоната 2023/24.

Кварацхелија игра за Наполи од јули 2022 година. Оваа сезона фудбалерот постигна 10 гола и девет асистенции на 42 натпревари за наполитанците во сите натпреварувања.

Актуелниот договор на Кварацхелија е со важност до крајот на јуни 2027 година

The post Наполи не сака да се откаже од Кварацхелија appeared first on Република.

Тренерот на Барселона, Чави Ернандез го коментираше ремито со Наполи (1:1) во првиот натпревар од осминафиналето на Лигата на шампионите.

- Заслуживме подобро. Нашата стратегија функционираше добро и бевме во предност 1:0. Она што ни недостигаше беше способноста да се смириме и да контролираме тежок натпревар со таков резултат. Нашите противници постигнаа гол со првиот удар кон противничкиот гол. Таква е Лигата на шампионите. Моравме да ја задржиме топката и да ја движиме играта од нашата половина од теренот, но генерално мојот тим покажа добра игра, изјави Чави.

Каталонците победија само на една од последните десет натпревари на гостински терен во нокаут фазата во Лигата на шампионите. Тие имаат и четири нерешени и пет порази. На овие десет натпревари постигнаа само четири гола.

https://www.youtube.com/watch?v=yA_YSDSmjy8

Последен пат Барса победи на гостински терен во април 2019 година на мечот со Манчестер јунајтед (1:0).

Реваншот со Наполи ќе се одигра во Барселона на 12 мар

The post Наполи и Барселона одиграа очаен меч appeared first on Република.

Претседателот на Наполи, Аурелио Де Лаурентис.  предложи создавање на елитна Серија Е.

- Би ја направил серијата Е, каде што Е значи елита. Во неа би учествувале само клубови со значителен број навивачи. Сега, Палермо, кој дава економски гаранции, не може да ја помине Серија Д. Бари, со база од милион и двесте илјади навивачи, не може да остане таму каде што е. А во Серија А има градови со дваесет илјади жители кои не продаваат ни десет илјади билети. Идејата ми е на седум-осум екипи кои доминираат на табелата, да додадеме уште седум кои можеби имаат исти амбиции. Во елитната Серија Е ќе има 14 клубови. Потоа две групи во Серија А од по дваесет екипи. А се друго е аматеризам, изјави Де Лаурентис.

Првиот човек на актуелниот фудбалски шампион на Италија, Серија Е ја спореди со НБА.

- Има пример за кошарка во Америка. Има преполни арени. Не можете да добиете билет за натпревар на Лејкерс. Запрашајте се колку заработуваат. А некои тврдат дека ќе има недостаток на натпреварувачки дух. Сето ова не е вистина, додаде Де Лаурентис.

Пред неколку дена дозвола за непречено почнување со натпревари доби и Суперлигата, но неизвесно е нејзиното одржување

The post Суперлига е ама не е Суперлига: Претседателот на Наполи предложи да се организира елитна Серија Е appeared first on Република.

Тренерот на Наполи, Лучијано Спалети, е незадоволен од односот кон него од страна на претседателот на клубот, Аурелио Де Лаурентис. Како што пишува „Кориере дела Сера, на Спалети не му се допаднало тоа што Де Лаурентис го известил за едногодишно продолжување на договорот преку заверена е-пошта.

Според весникот, Спалети сакал лично да се сретне со шефот на клубот, при што би се разговарало за идните планови на клубот.

Од весникот забележуваат дека прашањето околу незадоволството не е поврзано само со економската страна (Спалети добива помалку од другите тренери на водечките италијански клубови), туку и со правилата за „пристојност“.

Во случај да дојде до сериозен раскол меѓу тренерот и претседателот, што би довело и до заминување на Спалети, Де Лаурентис би можел да се обиде да ангажира некој од Антонио Конте (екс тренер на Интер и Тотенхем), Винченцо Италијано (Фиорентина) или Роберто Де Зерби (Брајтон).

The post Тренерот на Наполи незадоволен од односот на претседателот и би можело да си замине appeared first on Република.

Откако фудбалскиот клуб Наполи го обезбеди освојувањето на титулата во Серија А, прва по 33 години, деновиве целиот град Неапол е претворен во една голема забава. Но, не минува се во родост и дух на прослава. За време на прославите е убиен синот на еден од шефовите на неаполската мафија - Камора.

Како што објавија италијанските медиуми, убиен е Винченцо Костанцо (26), кој има „значајно“ криминално досие во италијанската полиција, а за време на прославите на улиците на Неапол бил застрелан. Починатиот бил син на Маурицио Костанцо, осуден за мафијашко здружување и кој се смета за еден од водачите на Камора во областа Понтичели, место каде што има големо непријателство меѓу различните кланови.

Како што потврдиле од италијанската полиција, Костанцо починал во болница како последица на раните нанесени од куршумите. Обвинителите и италијанските карабинери истражуваат дали тој бил убиен од ривалски клан Камора или, пак, тој бил жртва на случајно пукање, со оглед на тоа што во некои градови на југот на земјата, вообичаено е луѓето да слават пукајќи во воздух.

Клаудио Паломба, префект на градот, за „Газета дело спорт“ изјави дека смртта на младиот човек не е поврзана со прославите, а на сличен начин, пред микрофоните на „Радио Анчио“ се изјасни и градоначалникот на Неапол, Гаетено Манфреди.

Оваа смрт има врска со динамика која нема никаква врска со веселбите. Веројатно тоа беше пресметка што ја искористила некоја криминална група, изјави Манфреди.

Десетици илјади луѓе излегоа на улиците да ја прослават третата титула, прва по 33 години, титула на нивниот тим, но прославата мина со црн биланс од над сто луѓе, кои морале да бидат однесени во болница, вклучително и млади луѓе со повреди на рацете и телото од огномет, убодни рани и повреди од тепачки.

Меѓу повредените е и 20-годишна жена во која удрил автомобил, како и тројца полицајци, кои минале со полесни повреди.

The post Под „закрила“ на прославата на титулата убиен синот на водачот на мафијата во Неапол appeared first on Република.

Навивачите на Наполи во голем број до доцна во ноќта ја славеа низ улиците во Неапол првата шампионската титула на италијанскиот клуб по пауза од 33 години.

Луѓето пееја и играа на улиците, дел од нив од среќа скокаа во градските фонтани, додека многумина отпоздравуваа со развиорени клупски знамиња возејќи се со скутери низ улиците во Неапол.

Наполи синоќа ја завери титулата со Серија А, прва по пауза од 33 години, откако го освои потребниот бод на гостувањето против Удинезе (1-1).

„Во нашите срца живееше еден сон, Наполи повторно да биде шампион“, пееја насобраните навивачи на Наполи на градските улици.

„Плачам. Ова е историски момент“, изјави за Би-Би-Си, 13-годишнито навивач на Наполи, Едоардо Напа. Тој е дел од младата генерација навивачи на Наполи, кој не бил роден кога клубот предводен од Диего Марадона, последен пат ја освои шампионската титула во 1987 и 1990 година.

За шампионската прослава на локалните жители во Неапол им се приклучија и навивачи од другите делови на Италија, како и од Франција, Шпанија и Велика Британија, прославувајќи го успехот со торти, сладоледи и пијалаци.

„Се чини дека светот овде застанал. Оваа прослава ќе трае најмалку еден месец. Ќе трае до лето. Чувствито е неверојатно. Наполитанците внесуваат љубов во сè што прават, вклучувајќи го и фудбалот“, изјави студентката Амелија Бафи, која од Рим допатува на шампионското славје во Неапол

The post Неапол гори: По Пандев и Елмас освои шампионска титула во Италија appeared first on Република.

Фудбаларите на Наполи само неколку часа ги дели од освојувањето на Скудетото. Првиот услов за тоа се исполни  тоа е Интер го совлада второпласираниот Лацио.Останува уште полеснииот е тоа е екипата на нашиот Елиф Елмас да го совлада Салернитана дома и славјето може да почне.

[caption id="attachment_635537" align="alignnone" width="640"] Foto EPA[/caption]

Во Неапол се е подготвено за прослава, целиот град е во сино а има дури и пунктови за прва помош ако некој претера.

The post Неапол ќе гори: Само неколку часа го делат Елмас од титулата appeared first on Република.

Тренерот на Наполи, Лучијано Спалети по победата над Јувентус го сподели своето мислење за евентуалната шампионска титула на тимот.

- Кога добивате толку важни натпревари на крајот од сезоната против противници од ова ниво во една ваква рамноправна борба, овие победи стануваат тули во ѕидот на конечниот успех. Но, да не брзаме со шампањот бидејќи сè уште не сме ја завршиле работата. Му честитав на тимот, одигра добро, што не беше лесно неколку дена по разочарувачката елиминација од Лигата на шампионите. Мислам дека не би можеле да одиграме уште подобро денес. Да се биде на неколку чекори од Скудетото е награда за сите жртви кои се направени низ годините, изјави Спалети.

Наполи може да стане шампион на Италија во 32. коло од Серија А што ќе се одржи следната недела. За да го освојат шампионатот, „Наполитанците“ треба да ја победат Салернитана, а Лацио да загуби или да ремизира со Интер

The post Неапол ќе гори: Наполи е на чекор до титулата appeared first on Република.

Тренерот на Наполи, Лучијано Спалети го коментираше ремито со Милан (1:1) во реваншот од четвртфиналето во Лигата на шампионите.

- Честитки до Милан, но и до моите играчи. Имавме брилијантна Лига на шампиони. На овие натпревари им пристапивме малку лабаво и ја плативме цената за нашето недостиг на искуство. Во двата натпревара одигравме подобро, но не ги менаџиравме доволно добро нашите шанси во нивниот шеснаесетник. Некои играчи дојдоа на овој натпревар не во најдобра форма. Можевме да го спречиме нивното водство при 0:0, но се случи, изјави Спалети.

Еипата на Милан се пласираше во полуфиналето, бидејќи на првата средба победи со 1:0.

Следен ривал на Росонерите ќе биде победникот од двојката Интер – Бенфика (2:0 по првиот натпревар)

The post Tренерот на Наполи не се помирува со елиминацијата од Милан во ЛШ appeared first on Република.

Со триумфот синоќа од 2-0 против Ајнтрахт во Франкфурт во рамки на првиот натпревар од осминафиналето, Наполи ја забележа првата победа во клупската историја на гостински терен во нокаут фазата во Лигата на шампиони (ЛШ).

Наполи стекна голема предност пред реваншот на 15 март во Неапол со головите на Виктор Осимен (40 минута) и Џовани Ди Лоренцо (65).

Италијанскиот клуб сезонава дојде до бројката од 22 голови во ЛШ и е најефикасен клуб во елитното натпреварување, а Нигериецот Осимен со 24 години и 54 денови стана најмладиот фудбалер на Наполи кој постигнал гол во нокаут фазата.

Македонскиот репрезентативец Елиф Елмас ги одигра завршните 10 минути на дуелот во Франкфурт влегувајќи во игра од клупата за резерви на местото на Ирвинг Лозано

The post Наполи со Елмас гази во ЛШ appeared first on Република.

Тренерот на Рома, Жозе Мурињо му честиташе на Наполи за освојувањето на Серија А, иако има уште половина од сезоната.

Наполи сега води на првенствената табела со 10 бода предност пред Интер и натпревар помалку. Избраниците на Лучијано Спалети денеска ќе играат со Рома во 20. коло од Серија А.

Очекуваме да го видиме истиот Наполи каков што го гледаме од првиот ден од сезоната. Се надевам дека ќе бидам сфатен правилно, но му честитам на Наполи за освојувањето на шампионската титула. Скудетото е нивно, го освоија и заслужено. Ова е најсилниот тим во лигата, имаат добар тренер, одлични играчи. Тие завршија одлична работа во текот на летото и одлично им оди сега. Имаат двоцифрена предност пред конкурентите за трофејот. Ова е голема разлика. Интер, Милан и другите ривали не се доволно стабилни за да победат седум или осум натпревари по ред. Ние ќе се обидеме да ги изненадиме, изјави Спалети.

Натпреварот Наполи – Рома ќе се игра вечер со почеток во 20:45 часот.

The post Мурињо: Честитки за Наполи за освојување на шампионскиот трофеј во Серија А appeared first on Република.

Фудбалерите на Рома беа поразени на домашен терен од Наполи, а конечниот резултат гласеше 0:1 за гостинската екипа која со тоа ја задржа лидерската позиција. Рома се бореше во текот на целиот натпревар, но не успеа да остане непоразена, а на крајот виновникот го бараше во судијата на овој натпревар.

Во Рома не беа задоволни од одлуките кои ги донесе главниот судија на овој натпревар Масимилијано Ирати, а не се плашеа ниту да го покажат тоа.

Се започна од 39. минута кога беше досуден пенал за Наполи. По нешто подолг преглед, казната беше поништена, но не заврши тука.

На сето ова бурно реагираа фудбалерите на Рома, а Мурињо ечеше покрај клупата и бараше жолт картон поради симулирање на играч на Наполи. Желбата не му се исполни.

Сепак, жолтиот картон беше покажан во вториот дел поради слична ситуација и големи протести кон тренерот на Рома, Жозе Мурињо.

Победничкиот гол за Наполи го постигна Осимхен во 81. минута, но Рома очигледно мислела дека тој направил прекршок додека се борел за топка со играч на Рома.

https://youtu.be/GUUYShXuzHQ

The post Скандал во Италија: Фудбалер на Рома и судија во клинч, фудбалерите спречија тепачка appeared first on Република.

Македонскиот репрезентативец Елиф Елмас за првпат во новата сезона во најсилното италијанско првенство беше стартер во редовите на Наполи, тренерот Лучано Спалети му даде шанса од првата минута против Лече.

Тој ја искористи шансата и вечерва го постигна првиот гол во новата сезона, вкупно седми во Серија А откако е во дресот на „наполитанците“.

На стадионот „Диего Армандо Марадона“ во Неапол резултатот е 1:1, Коломбо после неуспешниот удар од белата точка се поправи за израмнување во 31 минута.

The post Елмас со прв гол во новата сезона за Наполи appeared first on Република.

Македонскиот фудбалски репрезентативец, Елиф Елмас, го стигна Горан Пандев со бројот на настапи во дресот на Наполи.

Како што пренесуваат италијанските медиуми, со последниот настап против Торино, Елмас ја достигна бројката на 124 настапи, колку што имаше Пандев во својата кариера во дресот на тимот од Неапол.

Елмас е дел од Наполи од 2019 година, додека, Пандев беше дел од овој тим од 2011 до 2014 година.

Според бројот на настапи, двајцата го делат 108 место на вечната листа со најголем број на настапи во дресот на Наполи

The post Eлмас го стигна идолот Пандев по бројот на настапи за Наполи appeared first on Република.