Татко на малолетна ќерка од скопско, во текот на вчерашниот ден, во СВР Скопје пријавил дека преку социјална мрежа едно лице му испратило видео материјал во кој се гледало како неговата малолетна ќерка била физички нападната од две малолетнички.

На 11.05.2024 во 10.30 часот во СВР Скопје 45-годишен маж од скопско, пријавил дека околу 01.55 преку социјална мрежа едно лице му испратило видео материјал во кој се гледало како неговата малолетна ќерка била физички нападната од две малолетнички, информира денеска Министерството за внатрешни работи во дневниот Билтен.

Според пријавеното, во октомври минатата година на подрачјето на Центар, во близина на средно училиште каде учела, двете малолетнички кои учеле во тоа училиште, физички ја нападнале, додека други две малолетнички кои исто така учеле во училиштето, настанот го снимиле со мобилен телефон.

Од МВР велат се преземаат мерки за расчистување на случајот.

The post Скопјанец добил шок видео во 2 часот наутро од две девојки кои ја тепаат ќерка му appeared first on Република.

Во 19.15 часот синоќа во СВР Скопје, И.С.(43) од Скопје пријавил дека околу 16 часот на фудбалско игралиште во основно училиште на подрачјето на Карпош во Скопје, по претходно недоразбирање, неговиот малолетен син физички бил нападнат од мајка на ученик од истото училиште.

Од скопската полиција преземаат мерки за расчистување на случајот.

The post Скопјанка нападнала соученик на синот appeared first on Република.

Малолетник од Тетово, вчеравелер во СВР Тетово пријавил дека околу 17 часот во тетовска Брвеница, 41-годишниот тетовец Ѓ.И. со возило „фолксваген пасат“ неколку пати удрил во мотоциклот кој го управувал, а на кој било уште едно лице, по што со двајцата негови малолетни синови физички го нападнале.

Од СВР Тетово велат дека се преземаат мерки за расчистување и документирање на случајот.

The post Со возило намерно удирал во малолетник на мопед, па со синовите го претепал appeared first on Република.

Полициски службеници од Одделението за криминалистички работи при ЕВР Центар и Бит Пазар, денеска ги привеле и, во присуство на родители, извршиле службени разговори со тројца малолетници од Скопје поради основано сомнение дека на 28.08.2023 на ул.„Беласица“ во Скопје со закана со остар предмет одзеле пари од малолетник од Скопје.

Како што соопштува МВР, во разговорот тие го признале делото, а обезбеден е и видео материјал.

Од приведените биле одземени предмети поврзани со кривичното дело.

За настанот е известен јавен обвинител и по целосно документирање на случајот ќе биде поднесена соодветна пријава, велат од МВР.

The post По еден месец фатени малолетниците кои со нож нападнаа и ограбија дете во Центар appeared first on Република.

На 2 јули, педесетгодишниот скопјанец М.С. пријавил дека околу 18.00 часот на подрачјето на Аеродром во автобус на ЈСП неговиот малолетен син бил физички нападнат од неколку малолетници, а еден од нив се заканувал со остар предмет.

Се преземаат мерки за расчистување на случајот, велат од МВР.

The post Банда малолетници насрнала на дете во автобус на ЈСП, еден му извадил и нож appeared first on Република.

На 6 мај околу 17.00 часот во СВР Скопје, М.А.М.(40) од Скопје пријавила дека околу 16.15 часот на ул.„Неготинска“ нејзиниот малолетен син бил физички нападнат од неколку малолетници.

Во 20.30 часот, пак, А.С.(36) од Скопје пријавила дека околу 19.30 часот во двор од основно училиште на подрачјето на Бутел нејзиниот малолетен син бил физички нападнат од двајца малолетници.

Од МВР велат дека се преземаат мерки за расчистување на двата случаи.

The post Дете нападнато од група во Ченто, сличен инцидент имало и во Бутел appeared first on Република.

Ноќва во 00.40 часот во СВР Скопје, Р.Н.(41) од с.Батинци, скопско, пријавил дека  околу 19.40 часот во градски автобус во с.Батинци, неговата малолетна ќерка била физички нападната од три машки лица, од кои еден малолетник.

Според пријавеното, причина за нападот е претходно недоразбирање на неговата ќерка со друга малолетничка од с.Батинци со која биле во автобусот.

Се преземаат мерки за расчистување на случајот.

The post Три лица нападнале девојче во градски автобус appeared first on Република.

Кучињата кои го нападнале осумгодишното дете во скопската населба Пинтија се изолирани и ставени под надзор на официјален ветеринар. Од Агенцијата за храна и ветеринарство информираат дека кучињата се уредно идентификувани со микрочип. Официјален ветеринар ќе го испитува случајот и ќе врши проценка на околностите под кои се случил инцидентот.

Лично како човек и како директор на АХВ изразувам најдлабоко жалење за трагедијата во кој згасна млад човечки живот. Од направениот увид утврдено е дека во немилиот настан учествувале две кучиња кои имаат сопственик. Кучињата се уредно идентификувани со микрочип и тие сега се изолирани и ставени под надзор на официјален ветеринар. Дворот во кој се чуваат кучињата е соодветно заграден и на влезот е поставен предупредувачки знак „Пази куче“, вели директорот на АХВ Николче Бабовски.

Со контролата ќе се испитува и дали сопственикот на кучињата ги испочитувал одредбите од законите за ветеринарно здравство, за идентификација и регистрација на животните и за здравствената заштита и благосостојба, односно дали се испочитувани условите пропишани во актуелната Годишна наредба за здравствена заштита на животните, условите за држење на кучињата од страна на сопственикот итн. Согласно Законот, се дава налог кучињата да се стават под официјален надзор за болеста беснло од страна на ветеринар за период од 15 дена, а по завршувањето на опсервацијата се издава сертификат за надзор на беснило со кој се потврдува здравствениот статус на животните во однос на болеста.

Двете кучиња од расата „англиски мастиф“ се регистрирани и во Кинолошкиот сојуз. Едното е увезено од Србија, а другото од Белорусија.

https://republika.mk/vesti/crna-hronika/ne-se-znae-kako-i-zoshto-deteto-ja-preskoknalo-ogradata-vo-dvorot-na-sosedot-obvinitelstvoto-go-istrazhuva-sluchajot/

Оттаму за МИА изјавија дека се работи за кучиња од поголем раст, кои учествувале на изложби и кои се добро одгледани и социјализирани.

Се работи за кучиња од поголем раст, меѓутоа напоменувам дека кучињата учествувале на изложби што значи дека се социјализирани затоа што на изложби за убавина мора кучињата да бидат добро одгледани и социјализирани со други животни и со луѓе, вели претседателот на Кинолошкиот сојуз, Јордан Христовски.

Тој додава дека Кинолошкиот сојуз нема информации дали сопственикот чувал други кучиња.

Христовски изрази сочувство до семејството на детето и апелира до јавноста да се воздржи од паушални изјави.

Сочувство на фамилијата на детето за немилиот настан. Апелирам до јавноста да се воздржи од паушални коментари и да остават на надлежните институции да изработат детален извештај за причините под кои се случи настанот, вели Христовски.

Од „Анима мунди“ за МИА изјавија дека ќе се произнесат доколку проценат дека има основ за тоа по официјалните ставови на институциите.

Од Обвинителството денеска информираа дека надлежен јавен обвинител излегол на лице место и дека се преземаат мерки за испитување на целиот случај.

Јавен обвинител изврши увид на лице место. Издадена е наредба за обдукција и се преземаат дејствија за испитување на целиот настан, информираа од Јавното обвинителството.

Согласно одредбите на Законот за заштита и благосостојба на животните, во поглед на држење на опасни кучиња, сопственикот или одговорното лице за опасно куче треба да обезбеди услови за држење на животното соодветно за расата, потребите и карактеристичното однесување, при што вклучително треба кучето да го чува во заграден простор или врзано и при движење кучето да го врзе на поводник и да му стави заштитна маска. Опасните кучиња при движење треба да бидат придружувани од полнолетно лице.

Сопствениците на кучиња треба на влезната врата во дворот на видливо место да постават табла со која недвосмислено се укажува на присуство на куче, без разлика дали кучето или кучињата се опасни или не.

The post Кучињата кои го нападнаа осумгодишното момче се изолирани и ставени под надзор на ветеринар appeared first on Република.

Јавен обвинител извршил увид на местото каде осумгодишно дете беше нападнато и почина по напад од куче на сосед во скопската населба Пинтија. Од Обвинителството потврдија дека се преземаат мерки за испитување на целиот случај.

Јавен обвинител изврши увид на лице место. Издадена е наредба за обдукција и се преземаат дејствија за испитување на целиот настан, информираа од Јавното обвинителството.

https://republika.mk/vesti/crna-hronika/tragedija-vo-pintija-8-godishno-dete-pochina-po-napad-na-kuche/

Министерството за внатрешни работи денеска информираше дека синоќа малолетник починал откако бил нападнат од куче што го чувал неговиот сосед во скопската населба Пинтија.

Од ГОБ „Св.Наум Охридски“ на 11.04.2023 во 18:25 часот било пријавено дека кај нив бил донесен малолетник од Скопје, кој според пријавеното подлегнал на повредите како последица од напад од куче, сопственост на неговиот сосед Н.Г.. Известен е јавен обвинител по чија наредба телото е предадено за обдукција и се преземаат мерки за расчистување на случајот, информираа од МВР.

Во разговор со соседите и роднините, репортерот на „Телма“ од Пинтија известува дека нема сведоци на трагедијата и дека никој не знае зошто момчето ја прескокнало оградата за да влези во дворот.

https://youtu.be/9arJERn4Dic

The post Не се знае како и зошто детето ја прескокнало оградата во дворот на соседот, Обвинителството го истражува случајот appeared first on Република.

Двегодишно девојче остана без прст откако улично куче ја нападна и ѝ го одгриза и изеде, во несреќата што се случи вчера во населба во Белград.

Беше обично попладне, дојде сестра ми и со мојата внука. Денот започна како и секој друг, а потоа се претвори во најголемата агонија во нашите животи, ја започнува приказната тетката на двегодишното девојче.

После ручекот малата Кристина отишла на прошетка со мајка ѝ.

Дете како дете, љубопитно и полно со живот, му пријде на едно мало црно куче да го погали, без да се посомнева што ќе се случи. Во тој момент кучето се нафрли врз неа и го гризна прстот од десната рака. Тоа ја касна толку крвожедно, што не сакаше да го пушти додека не го одгризе целиот прст!, раскажува тетката.

Детето беше во големи болки, додава таа, и доживеа голема траума, како и нејзината мајка.

Откако конечно мајката успеала да ја извлече ќерката од челустата на животното, следел нов шок кога од Итната помош не сакале да испратат возило, зошто не бил животозагрозувачки случај, туку само прст.

Кога конечно ја хоспитализирале во Институтот за мајка и дете, докторите го побарале каснатиот прст за да го сошијат, но прстот не можел да биде пронајден.

Цело соседство излезе да го пребара местото, но прстот не го најдовме, најверојатно кучето го изеде, па трансплантацијата не беше возможна, вели тетката.

Како што додава, на раката на девојчето останал само коренот од прстот.

Кристина е се уште во болница, сега е стабилна, но тоа не и ја намалува траумата и фактот дека има инвалидитет, вели тетката на девојчето.

Граѓаните од овој дел на главниот српски град со години ги молат властите да го решат проблемот со голем број напуштени кучиња.

The post Двегодишно девојче остана без прст откако куче скитник ѝ го одргриза и изеде appeared first on Република.

По спроведена претходна постапка, јавен обвинител од Основното јавно обвинителство Скопје денеска поднесе Обвинителен предлог против едно лице за кривично дело – Насилство врз дете од член 201-а од Кривичниот законик.

– На 01.09.2021 година, обвинетата 48-годишна воспитувачка во градинка во Автокоманда извршила физичко насилство спрема дете оставено на грижа и чување во објектот. Додека го делела ручекот за децата во групата, обвинетата со метална супена лажица го удрила детето по главата, нанесувајќи му телесна повреда – нагмечно-расцепна рана на темето, информираат од Јавното обвинителство.

The post Со метална лажица го удирала по глава: Воспитувачка во скопска градинка обвинета за насилство врз дете appeared first on Република.