Одделението за внатрешни работи-Дебар поднесе кривична пријава против жител на градот поради напад врз полициски службеници.

Кривична пријава е поднесена против М.Р. (51) од Дебар, поради постоење основи на сомнение за сторено кривично дело „Напад врз службено лице при вршење работи од безбедноста“, информираше Стефан Димоски, портпарол на Секторот за внатрешни работи-Охрид.

Додаде дека Р.М. во неделата (22 септември) во просториите на ОВР Дебар бил агресивен кон полициските службеници при што се обидел со нож да ги нападне. Веднаш бил приведен и лишен од слобода

The post Со нож влегол во полиција и се обидел да напаѓа полицајци appeared first on Република.

Основното јавно обвинителство Струга поведе постапка против 30-годишник осомничен за кривично дело „напад врз службено лице при вршење работи на безбедноста“, согласно член 383 став 2 во врска со став 1 од Кривичниот законик.

Осомничениот, како што соопшти Основното јавно обвинителство, на 26 јули, влегол во просториите на ОВР Струга и на полициските службеници започнал да им вика и да ги навредува поради одземено возило.

Кога тие побарале од него да го напушти објектот и да се легитимира, тој со лакт удрил еден од полицајците во стомак и се обидел да побегне. Додека да го совладаат, осомничениот уште неколкупати го удрил полицаецот, нанесувајќи му повреди на раката, вратот и градите, стои во информацијата.

Имајќи предвид, како што е наведено, дека делото е извршено со особена дрскост, односно станува збор за напад врз полициски службеници во полициската станица, јавниот обвинител оценил дека постои можност осомничениот да го повтори.

Исто така, постојат околности кои укажуваат дека тој би можел да се даде во бегство за да го избегне кривичниот прогон. Од тие причини, јавниот обвинител до судијата на претходна постапка од Основниот суд во Струга достави предлог за определување мерка притвор, информира ОЈО.

The post Стружанец влегол в полициска станица и почнал да пцуе и тепа зошто му го одзеле возилото appeared first on Република.

Две лица се приведени вчера во тетовско за агресивно однесување кон полициски службеници.

Околу 13 часот и 40 минути, на наплатна станица Гостивар, полициски службеници на СВР Тетово-Одделение за внатрешни работи Гостивар ја лишиле од слобода 34-годишната Е.Х. од Република Албанија, која се однесувала агресивно кон полициски службеници кои преземале службени дејствија, но и поради сомнение за нерегулиран престој на подрачјето. Таа е задржана во Полициската станица Гостивар за натамошна постапка, соопштија од СВР Тетово.

Околу 15 часот, пак, на наплатна станица Желино, полициски службеници на СВР Тетово го привеле 41-годишниот тетовец А.П. кој се однесувал агресивно додека преземале службени дејствија. По целосно документирање на случајот ќе му биде изготвен поднесок.

The post Тетовец и Албанка приведени откако биле агресивни кон полицајци appeared first on Република.

Агресивно однесување и напад на полицаец е регистриран утрово во два одделни случаи.

Како што соопшти МВР, во првиот случај, утрово во 1.00 часот на Градскиот плоштад во Берово, приведен е А.Ч.(36) од Берово. Тој агресивно се однесувал кон полициски службеници кои извршувале службени дејствија.

По целосно документирање на случајот против него ќе биде поднесена соодветна пријава.

Во вториот случај, утрово во 4.30 часот пред угостителски објект во село Кривогаштани, Х.П. физички нападнал полициски службеник кој извршувал службени дејствија.

Полицијата презема мерки за расчистување на случајот.

The post Нападнати полицајци во два одделни случаи appeared first on Република.

Вчеравечер околу 23 часот и 10 минути, на улица „Маршал Тито“ во Тетово, полициски службеници на СВР Тетово го привеле 20-годишниот тетовец Ш.Р. Тој се однесувал агресивно додека преземале службени дејствија.

Се расчистува и документира случајот и Ш.Р. ќе се соочи со поднесок, велат од СВР Тетово.

The post Приведен агресивен 20-годишник од Тетово appeared first on Република.

Две лица се уапсени вчеравечер во инцидент што се случил по завршувањето на вечното дерби меѓу кошаркарските клубови МЗТ Скопје и Работнички.

Како што соопштија од МВР, во 22.20 часот, полициски службеници од СВР Скопје ги лишиле од слобода М.С.(50) и С.С.(19)-женско лице, двајцата од Скопје.

По завршување на спортски натпревар во салата „Јане Сандански“, М.С. се однесувал агресивно кон полициските службеници, а С.С. физички ги нападнала полициските службеници кои извршувале службени дејствија. Тие биле приведени во полициска станица и по целосно документирање на случајот ќе следува соодветен поднесок, информираат оттаму.

Претходно видеа од инцидентот беа објавени на порталот МК денес: 

https://www.youtube.com/watch?v=ShvIMccLtGw&t=9s

The post Девојка уапсена откако се нафрлила врз полицајци по вчерашното дерби во „Јане Сандански“ appeared first on Република.

Вчера во 16.00 часот на Граничен премин Деве Баир, полициски службеници го лишиле од слобода Х.Е.(28) од Република Албанија, затоа што при пасошка контрола се однесувал агресивно и попречувал полициски службеник во вршење на службени дејствија.

За настанот бил известен Јавен обвинител, а по целосно документирање на случајот ќе биде поднесен соодветен поднесок.

Лицето било предадено на полициски службеници од Полициска станица Крива Паланка за понатамошна постапка.

The post Приведен Албанец што дивеел на Деве Баир appeared first on Република.

Маж избоде тројца полицајци синоќа во главниот град на Унгарија, од кои едниот им подлегнал на нанесните повреди, соопшти денеска полицијата во Будимпешта.

Инцидентот се случил кога тројцата полицајци интервенирале на дојавен повик за обид за упад во стан, а биле нападнати при обидот да го приведат разбојникот.

Во моментот на приведувањето, тој ги нападнал со нож полицајците, ги избодел и истрчал на улица, каде бил застрелан од четвртиот полицаец во ногата.

Унгарскиот премиер Виктор Орбан денеска изјави за локално радио дека Владата ќе обезбеди помош за семејството на убиениот полицаец.

The post Маж избол тројца полицајци во Будимпешта, еден им подлегна на повредите appeared first on Република.

Нови два инциденти во кои полициски службеници се нападнати додека извршувале службени дејствија во Тетовско и во Гостиварско.

Како што соопштија од СВР Тетово, вчера во 23.15 часот на локален пат за тетовско Слатино, полициски службеници од СВР Тетово го лишиле од слобода А.М.(22) од с.Слатино затоа што физички нападнал полициски службеници кои извршувале службени дејствија. Тој бил задржан
во полициска станица и по целосно документирање на случајот ќе следи соодветен поднесок.

Рано утрово, пак, во 04.00 часот во Гостивар, полициски службеници од ОВР Гостивар го привеле С.Г.(46) од Гостивар затоа што се однесувал агресивно кон полициски службеници кои извршувале службени дејствија. По докуметирање на случајот против него ќе биде изготвен соодветен поднесок.

The post Уште два инциденти со нападнати полицајци во Слатино и Гостивар appeared first on Република.

Основното јавно обвинителство Прилеп донесе Наредба за спроведување истражна постапка против две лица за кои постои основано сомнение дека како соизвршители сториле кривично дело – Напад врз службено лице при вршење работи на безбедноста од член 383 став 3 во врска со став 1 и во врска со член 22 од Кривичниот законик.

Осомничените прилепчани, на возраст од 31 и 28 години, на 3 април во раните утрински часови, пред ноќен клуб на  улицата „Рампо Левката“ во Прилеп, физички нападнале четири полициски службеници кои вршеле работи на јавната безбедност што се однесуваат чување на јавниот ред и мир.

Откако обезбедувањето на ноќниот клуб ги отстранило осомничените и уште две лица, бидејќи направиле инцидент расправајќи се меѓу себе, тие продолжиле со расправијата непосредно пред објектот. Потоа започнале и физички да се пресметуваат, па полициските службеници дошле пред објектот за да интервенираат.

Кога пристигнала полициската екипа и се легитимирала, двете други лица чиј идентитет не е утврден се дале во бегство, додека осомничените, кои биле во алкохолизирана состојба, почнале да даваат активен отпор и физички ги нападнале полициските службеници, удирајќи ги со раце и нозе.

Од задобиените удари еден полициски службеник паднал на земја, а обвинетите продолжиле со нозе да го удираат по телото и главата, со што му нанеле тешки телесни повреди.

Надлежниот јавен обвинител до судијата на претходната постапка од Основниот суд во Прилеп поднесе предлог за определување мерка притвор за двајцата осомничени, бидејќи оцени дека постои опасност од бегство и можност за влијание врз сведоците. Судијата го прифати предлогот и со решение на осомничените им определи притвор во траење до 30 дена.​

The post Нападнати полициски службеници во Прилеп, осомничени две лица appeared first on Република.