Фудбалерите на ПСЖ (шампион) се победници на францускиот Суперкуп, откако во натпревар одигран во Тел Авив го совладаа Нант (освојувач на Купот) со 4:0.

ПСЖ поведе во 22 минута со голот на Лионел Меси, на 2:0 зголеми Нејмар од слободен удар на крајот на полувремето, Серхио Рамос беше прецизен за 3:0 во 57 минута, а конечниот резултат го постави Нејмар од пенал во 82 минута.

За ПСЖ ова е 11 трофеј во Суперкупот и деветти во последните десет изданија.

The post Со голови на Нејмар, Меси и Серхио Рамос ПСЖ го освои францускиот Суперкуп appeared first on Република.

Најдобриот македонски ракометар на сите времиња, Кире Лазаров го одигра последниот натпревар пред навивачите на Нант, а тие на незаборавен начин го испратија во пензија, приредувајќи му кралско испраќање.

Му донесоа кралски стол, а Кире Лазаров со круна седна на него. Навивачите со стоечки овации го поздравија кралот Кирил, а соиграчите му направија шпалир.

https://youtu.be/3W7AHIKU98w

Нант го победи Тулуз со 32-18, Лазаров даде три гола, од кои еден со цепелин. Македонскиот ракометар има уште еден натпревар до пензија, мечот од финалето на Купот на Франција против ПСЖ.

 

View this post on Instagram

 

A post shared by HBC Nantes (@hbcnantes)

РФМ и ЕХФ во одвоени пригодни честитики му се заблагодарија на легендарниот Лазаров за неговиот придонес во македонскиот и европскиот ракомет, ден по објавата дека става крај на кариерата како играч.

Ти благодариме за севкупниот голем придонес во македонскиот ракомет и ти посакуваме поуспешна работа во понатамошната кариера, објави Ракометната федерација на Македонија (РФМ).

Европската ракометна федерација (ЕХФ) од своја страна, ги нагласи личните достигнувања на Лазаров на европската сцена.

Најмоќниот левучар во Лигата на шампионите. Најдобар стрелец во натпреварувањето. Талент во кој уживавме 25 години. Се пензионира на 42 години, големиот Кирил Лазаров, ќе недостигаш легендо, објави ЕХФ.

Завчера во Нант на прес-конференција, 42-годишниот Лазаров објави крај на кариерата како играч и максимален фокус на тренерската работа и улогата селектор на македонската машка сениорска репрезентација.

The post Кралско испраќање за Кире Лазаров appeared first on Република.

Селекторот и капитен на ракометната репрезентација на Македонија, Кирил Лазаров обезбеди пласман во следната рунда во Лигата на Европа откако и во реваншот тој и неговиот тим беа подобри од Фуксе Берлин.

Нант во Берлин бранеше еден гол разлика (25:24) и успеа да ги одбрани славејќи со 33:30 за пласман во четвртфиналето каде ќе игра со подобриот од дуелот Спортинг Лисабон – Магдебург.

Лазаров уште еднаш одигра одлично, постигна пет гола и имаше две асистенции, и беше втор стрелец во својот тим зад Монар кој даде еден гол повеќе.

The post Нант на Лазаров и во реваншот подобри од Фуксе Берлин appeared first on Република.

Францускиот ракометен тим на Нант ја забележа втората победа после зимската пауза откако на домашен терен го совлада тимот на Сен Рафаел со 38:32 вторпат за шест дена во меч од 16. коло во француското првенство.

Македонскиот ракометен селектор и капитен Кире Лазаров се врати во составот на Нант после повредата која ја заработи непосредно пред почетокот на Европското првенство, но не се запиша во листата на стрелци на овој меч.

Нант стигна до сигурна победа против Сен Рафаел откако после првите 30 минути имаше водство од 17:14, а во продолжението сигурно ги контролираше играта и резултатот и не дозволи противникот да се доближи за победа и нови бодови. Предводник во победата на Нант беше Емерик Мин со седум гола, додека Пешмалбек беше стрелец на пет погодоци. Во тимот на Сен Рафаел со седум гола прв стрелец беше Вадим Гајдученко.

The post Кирил Лазаров се врати на ракометните терени по повредата appeared first on Република.