Инспекторите кои го истражуваат падот на авионот на China Eastern Airlines испитуваат дали тоа се случило поради намерно дејство во пилотската кабина, бидејќи не се пронајдени докази за техничка неисправност, соопштија две лица информирани за истрагата. Волстрит журнал во вторникот објави дека податоците за летот од една од црните кутии на Боинг 737-800 укажуваат на тоа дека некој во пилотската кабина намерно го урнал авионот, повикувајќи се на луѓе кои се запознаени со прелиминарната проценка на американските официјални лица, пренесува Ројтерс.

Боингот 737-800 беше на пат од Кунминг кон Гуангжу на 21 март кога се урна од надморска височина од околу 8.000 на планинска падина, при што загинаа сите 132 луѓе во него и девет членови на екипажот.

Ова беше најтешката авионска несреќа во Кина во последните 30 години.

Податоците од црната кутија пронајдена од местото на несреќата се испратени на анализа во САД и покажуваат дека некој – веројатно пилот или некој кој насилно влегол во пилотската кабина, наводно им давал команди на контролните системи кои ја предизвикале фаталната несреќа.

Авионот го „направил“ тоа што некој му го кажал во пилотската кабина, изјави за VSJ лице запознаено со прелиминарната проценка на експерти од американскиот национален одбор за безбедност во сообраќајот.

Пилотите не одговориле на повторените повици од контролорите на летот и блиските авиони за време на брзото спуштање, соопштија властите.

Извор за Ројтерс изјави дека истражителите истражуваат дали несреќата е „доброволен чин“.

Компанијата која произведува авиони Боинг и Американскиот национален комитет за безбедност во сообраќајот (NTSB) одбија да коментираат и ги префрлија одговорите за прашањата на кинеските регулатори. Кинеската управа за цивилно воздухопловство (CAAC), која ја води истрагата, не одговори веднаш на барањето за коментар.

737-800 е претходник на моделот 737 Max на Боинг, кој се користи во многу авиокомпании, но нема системи поврзани со фаталните несреќи на 737 Max во 2018 и 2019 година, што доведе до долготрајно приземјување на овој авион.

The post Боингот што падна во Кина е намерно срушен, покажале досегашните докази appeared first on Република.