Скандалозна е изјавата на министерот за економија, Крешник Бектеши, што значи дека акцизите за горивата ќе се намалат кога ке ѝ текне на Владата и ги потврдуваат нашите предупредувања за грабеж на граѓаните, велат од Алијанса за Албанците (АА).

Ја повикуваме Владата и споменатиот министер дека сега е време да ги прифатат предлозите на Алијансата за Албанците, за намалување на акцизата и ДДВ-то на горивото, објавени од почетокот на кризата.

Потсетуваме, Алијансата за Албанците предлага намалување на ДДВ од 18% на 5%, намалување на акцизата на бензините од 22,00 денари на 15,00 денари и на дизелот од 15,50 денари на 9,00 денари, како и намалување на трговска маржа во фиксна вредност не повеќе од 3,00 денари.

https://republika.mk/vesti/ekonomija/aa-so-svoj-predlog-za-tarifiranje-na-elektrichnata-energija/

Но, оваа Блада не ги зеде предвид овие предлози и сугестии на АА и понуди делумни мерки кои од 01.06.2022 година ги отстрани и истите иако беа делумни повеќе не се применуваат. Тоа уште повеќе ја влоши состојбата, па во последните денови имаме драстични покачувања на малопродажните цени.

Секој ден доцнење значи поголемо поскапување на горивата и потоа секоја преземена мерка нема да има олеснителен ефект за граѓаните. Бектеши со денешната изјава очекува цената да оди на 150 денари и потоа да се намали на 120 денари за литар. Ова не е намалување, туку грабеж и измама на граѓаните, се наведува во соопштението на Алијанса за Албанците.

The post Сега е време Владата да ги намали ДДВ и акцизата за горивата, велат од АА appeared first on Република.

Денес до Собранието на Република Македонија ќе поднесеме закон по итна постапка поради спречување и отстранување на поголеми нарушувања во стопанството. Законот кој го поднесуваме во итна постапка се однесува на намалување на акцизите за енергентите, вели Бојан Стојаноски, пратеник на пратеничката група на ВМРО-ДПМНЕ.

Имено, бараме нашиот досегашен предлог повторно да биде разгледан од Собранието и конечно да биде усвоен за доброто на граѓаните и стопанството. Моделот на Владата за намалување на акцизите е сложен и како што гледаме нема позначаен ефект. Во моментов акцизата за дизел и бензин горивата е намалена за само 1 денар. Намалувањето на акцизата не треба да биде врзано со движењето на цената на барелот, туку треба да е фиксно. Поради моделот на власта ја имаме моменталната ситуација на секојдневно заседавање на Регулаторна комисија за енергетика и гужви и недостиг на гориво на бензиските станици поради непредвидливост во поглед на цените на енергентите. Токму затоа, бараме фиксно намалување за 50% на акцизите за дизел гориво и бензинот, истакна тој.

Стојаноски посочи дека се надеваат дека власта ќе се вразуми.

Дополнително, поради сериозното покачување на цените на метанот и автоплинот т.е. течен нафтен гас бараме целосно намалување на акцизата од 4,9 денари за овие енергенти. Со овој наш предлог, литар дизел гориво веднаш ќе се намали за 9 денари, литар бензин ќе се намали за 12 денари, а метанот и плинот за 5,5 денари по литар. Се надеваме дека власта ќе се вразуми и ќе го прифати нашиот предлог за намалување на акцизата со цел полесно справување со оваа криза. Со нашиот предлог му помагаме на стопанството, а со тоа и на граѓаните. Само пониска акциза значи помош за транспортниот сектор, а со тоа и превенирање од повисоки цени на производите по маркетите, такси превозот, меѓуградскиот превоз и многу други сектори кои имаат транспортни трошоци, посочи Стојаноски.

The post Пратеничката група на ВМРО-ДПМНЕ ќе поднесе закон по итна постапка поради спречување и отстранување на поголеми нарушувања во стопанството appeared first on Република.